رواية حب بلا قيود للكاتبة أسماء صلاح الفصل الخامس والثلاثون
صعد أدهم وملك الي غرفتهم بعد أن غادر الجميع. أدهم: مالك يا حبيبتي تعبانة. ملك:لا يا حبيبي كويسه. أدهم:ماشي... لو مش حابه القعده هنا قوليلي. ملك بااستغراب:ليه بتقول كدا. أدهم:عادي مش عاوز اي مشاكل تحصل او حاجه تتضايقك. ملك:لا مفيش مشاكل. قطعت كلامهم رنين هاتف ملك. أدهم:مين. ملك:ساميه. وردت ملك.
ساميه:اخبارك اي يا عروسه. ملك:الحمد الله وانتي إسكندرية عجبتك ولا. ساميه:اهااا إسكندرية تحفه. ملك:ابقى اجي بقا. ساميه:ياريت والله اول ما نورا كلمتني وعرفت انهم لسه ماشين من عندكم من شويه قولت اكلمك. ملك:ما خلاص فرح نورا قرب وهنبقي نتقابل. ساميه:اهااا ان شاء الله... بس ما كانوا يخلوا الفرح والكتب الكتاب هنا على طول احسن... بدل ما نروح البلد. ملك:ياريت نادر يعمل كدا.
ساميه:بس ابويا يوافق. ملك:اهااا. ساميه:يلا هقفل انام بقى سلميلي على أدهم. ملك:حاضر. قفلت ملك الخط ووضعت التليفون جنبها. أدهم:كان ف حاجه ولا اي. ملك:لا كانت بتسلم عليا... أدهم هو ليه احمد بيشتغل هناك. أدهم:عشان احنا اتخرجنا من جامعه إسكندرية وكنا قاعدين هناك. ملك:يعني انت من إسكندرية.
أدهم:اهااا بس بابا كان بيشتغل هنا و فتح فرع جديد لشركه بعد ما جدي مات بسنتين وكنا احنا عايشين وهو كان بيجي الشغل هنا وبعدين يرجع على إسكندرية تاني بس لما اهل نادر اتوفوا كنا لسه ف اعدادي... نادر حالته كانت صعبه وقتها طفل وأهله اتوفوا وكدا... فبابا قرر انا ياخده معها القاهرة ويكمل تعليمه هناك...وانا كنت هنزل معها لان انا ونادر صحاب مكنش ينفع اسيبه... ماما وقتها قالت خلاص احنا ننقل حياتنا ف القاهرة احسن... وبس كدا يا ستي جاينا القاهرة وقضينا تالته اعدادي وثانوي هنا.
ملك:وبعد كدا روحتوا إسكندرية تاني. أدهم:اهااا... روحنا إسكندرية وقعدنا خمس سنين هناك وبالصدفة احمد كان معانا. ملك:طب مش نقلتوا لهناك تاني... واشتغلت هناك. أدهم:لا هناك عمتي شايله الشركه كلها... ولما بتحتاج حاجه انا أو نادر بنروح. ملك بتردد: طب هو ليه انت مجيبتش سيره مراد. تنهد أدهم:لازم.
ملك:لو مش عاوز خلاص بس انا عاوز اعرف عنك كل حاجه لأني معرفش حاجه عنك وعمرك ما اتكلمت عن حاجه. أدهم:عادي مراد كان اخويا ومعانا ف كل اللي انا حكيته بس هو كان بعيد عننا انا ونادر شويه لأننا كنا ف نظره متهورين... كنا زي اي أخوات عادي وكانت علاقتنا حلوه وكويسه وخناقات عاديه اللي هي بين اي اخوات ونزل القاهرة معانا ... بس لما كان ف تالته ثانوي واحنا كنا لسه ف أولى بعدنا عننا شويه عشان مراد كان حلمه ان يدخل طب... مع انه ضد رغبه ابويا...لأنه كان عاوز ابنه الكبير يدخل هندسه ويبقى زيه وكدا... مع انه معرفش يقنعه ومراد عمل اللي ف دماغه... ولما دخل الجامعة بقا كنا لسه احنا ف ثانوي.. بس علاقتنا كانت قويه جدا يعني على رغم انه كان بيقول عليا متهور ومجنون بس ديما كان بيحكيلي على كل حاجه لان مراد بطبيعته مكنش لي صحاب ولما دخل الجامعة اتعرف على معتز وقتها...توقف أدهم عن الكلام.
ملك:سكت ليه . أدهم:عاوزه تعرفي موضوع ندى صح. هزت ملك راسها. أدهم:اتخرج مراد وفتح عياده لي ومعتز كان سافر. اللي اعرفه انه شاف ندى لما راحت تكشف عنده. ملك:كنت انا اللي بكشف عشان كنت تعبانة. أدهم:بعدها بفتره مراد شاف ندى ف الحفلة. ملك:حفله اي... ندى كانت محاميه.
أدهم:اهااا... الحفلة دي كانت الشركه اللي شاغله فيها عاملها وكدا فيها ناس مهم وكدا. وكان مراد رايح مع حازم لان الشركه دي بتاعت عمه وكان هو اللي اتوصيت لندى وشغلها هناك ووقتها بقا اتعرفت على مراد. ملك:وانت عرفت دا ازاي.
أدهم:مراد وحازم حكولنا بعد ما رجوعه... واكيد انتي عارفه ان اختك ومراد كنا ليهم علاقه ببعض وقعدوا فتره ... وطبعا بابا عرف الموضوع و راح اتخنق مع مراد وقاله لازم تسيبها مراد رفض وقتها وطلب ندى من ابوكي وهو رفض وقتها وطبعا بابا عرف وقالي روح انت وحذرها انها تبعد عن ابني... انا روحت لندى المكتب بتاعتها وطبعا دا كان سهل عشان حازم عارف المكان وقتها انا قولتلها اني اخوه مراد وحكيتلها عن موقف بابا من الموضوع وانه مش هيسكت واتكلمت معها...
ندى وقتها قالت ماشي هبعد خلاص وانا مشيت ولما روحت لقيت مراد بيقولي انا هتجوز انا وندى... وقتها اتصدمت وهو تقريبا كان عرف اني روحت ليها معرفش ندى اللي قالتله ولا هو اصلا شايفني وكان رايح ليها الله اعلم... وقتها قالي مش هتقف جنب اخوك انا طبعا كنت متردد وخايف... حتى نادر كان مش عاوز وقالي قول لابوك بس لو كنت لبابا وقتها مكنتش اعرف اي اللي ممكن يحصل وقتها...وطبعا روحت معها وكنت انا وحازم اللي شاهدين على العقد... وعديت فتره بعدها شهر أو اتنين تقريبا ولقيت بابا اتأكد انهم كانوا على علاقه ببعض بس مكنش يعرف انهم متجوزين وطبعا محدش كان هيقدر يقوله الكلام دا. يوم الحادثة انا كنت مع بابا ف الشركه ولقيته بيتكلم ف التليفون.
فلاش باك. سليمان:استنوا لما تخرج من المستشفى واخبطوها بالعربية... بس خلوا بالكم من الراجل اللي معها. وقتها انا اتوترت لما سمعته بيقول كدا وطبعا اول حد جي ف بالي كانت ندى. ف قولتله خليني انا اروح بدل ما حد من الرجالة يخبطها جامد وتموت وتجبلنا داهيه. نزلت من الشركه علي طول وطلعت على عنوان المستشفى اللي كانت فيها طول الطريق كنت بحاول اتصل بيها بس مكنتش بترد. اول ما وقفت العربية بتاعي... كانت ندى وابوكي كانوا خارجين من المستشفى... وفجأه لقيت الناس بتصوت و اتلموا حوليهم... قربت لقيت ندى خدت رصاصه ف دراعها...وطالعهم على المستشفى بسرعه ندى على العلميات وابوكي كان الوقت دا تعب هو كمان.
ترقرت الدموع في عينها:اهااا اليوم دا بابا قلبه وجعه اووووي وندي راحت معها المستشفى... وقالت لماما خليكي انا هروح معها وهنرجع على طول... وحاولنا نتصل بيهم وقتها بس محدش فيهم كان بيرد... وبعدها بوقت كبير اوووي لاقينا بابا بيرن بس وقتها كانت الممرضة هي اللي بتكلمنا وقالت إن صاحب التليفون تعبان... واللي كانت معها اتوفيت... نزلنا بسرعه وروحنا على المستشفى ندى كانت ماتت... وبابا كان جاله سكته قلبيه وف العناية بين الحياه والموت وبعدها بيومين مات.
ادهم:بس موته ابوكي مكنتش طبيعة لأنه هو اللي كان مقصود. ملك:اهااا ربنا يرحمه ويسامح اللي كان السبب. ادهم: عاوزه تعرفي حاجه تاني. ملك:ليه مراد قال ان انت اللي قاتلت. أدهم:مكنش ف غيري انا وبابا يتهمه وبلغ البوليس اصلا بس طبعا مكنش ف دليل لان فعلا انا مكنش ليا علاقه انا كنت راح عشان امنعهم بس للأسف كان ف حد تاني وقتها مستنيهم يخرجوا.
ملك:هو ليه حازم مقالش ليك اني ملك اخت ندى. أدهم:لحد دلوقتي معرفش بس اكيد هو كان خايف عليكي... اصل كان هيقولك اني أدهم اخوه مراد اللي قتل اختك... وقتها كان نادر بيدور عليكي وكمان اهلك وهو لما انا قولتله ان انا عاوزك عشان اهلك وكدا كان متردد وقتها بس مكنش ف حل تاني. ملك:بس هو المفروض كان قالنا. أدهم:تصدقي أن دي احسن حاجه عملها. ملك:اشمعنا أدهم:عشان اكيد مكنتيش هتحبيني.
ملك:بس لما عرفت مصدقتش. أدهم:لأنك كنتي بتحبني لكن لو كان قبلها كان هيبقى لا. ملك:حكاية طويله اوووي... وبعد دا كله انا اروح عشان اشتغل ف الشركه بتاعتك. أدهم:اهي سبحان الله حتى سمر ليها الفضل لدا لأنك لو مكنتيش جيتي الشركه مكنش نادر هيشوفك ولا كنتي هتوقعي ف طريقي. ملك:كلها صدف. أدهم:والله انتي احلى صدفه حصلت ف حياتي رغم المشاكل الكتير اللي حصلت والله اعلم اي تاني . ملك:طول مااحنا مع بعض كل حاجه هتهون. ابتسم ادهم وامسك يدها وقبلها... بحبك.
كان نادر ينام على فراشه... ويحاول الاتصال بنورا... ولكنها لم تكون ترد... حاول مره اخرى. نادر:انتي فين. اعتدلت نورا ف جلستها وقالت بصوت ناعس:كنت نايمه والله. نادر:مش المفروض لما وصلتي كنتي كلمتني. نورا:كنت تعبانة اووووي والله. نادر:ماشي يا حبيبتي كملي نوم... بس يا ريت دا ميحصلش تاني ولو تعبانة ابقى سبيلي رساله. نورا:ماشي يا حبيبي. نادر:تصبحي على خير يا روحي.
معتز:برضو يا مراد. مراد:معتز انا جاي اقعد عندك يومين هخلص كام حاجه وبعدين هسافر ألمانيا. معتز: يعني مشيت من البيت ومحدش يعرف عنك حاجه... ومتفق مع ناس الله اعلم ناويين على اي وهتخلص وتمشي. مراد:لو مش عاوز اقعد عندك همشي. معتز:لا انا عاوز تفكر ف اللي بتعمله...فكر ف اهلك. مراد:انا مليش اهل. تنهد معتز وقال:خلاص خوش ارتاح. مراد:مش عاوز حد يعرف عني حاجه.
ذهب أدهم الي الشركه ف الصباح. ف مكتب أدهم. أدهم وهو يتفحص بعض الأوراق:اي اخبار الشغل يا زينه. زينه:كل حاجه تمام زي ما حضرتك أمرت. أدهم:تمام... عاوزك تتابعي مع العملة كل حاجه... ولو ف اي حاجه بلغني. زينه:تمام يا باشا ف حاجه تاني. أدهم:عاوزك تحطيلي غاده تحت الملاحظة...
زينه:تمام يا باشا... بس طلالما حضرتك عارف ليه مرفدتهاش. أدهم:لان كدا كدا احنا اللي خدنا المناقصة . وانا عارف انها كانت شغاله لحساب عمر العطار... واكيد هي ممكن تغلط تاني فاانا مستني ليها غلطه كمان. زينه: تمام يا باشا. أدهم:ابقى بلغي نادر اول ما يجي تفاصيل المشروع... و قوليله يجهز الاجتماع... انتي بنفسك تروحي مكتبه. زينه:حاضر. ادهم:اتفضلي على شغل.
نزلت ملك من غرفتها...واتجهت الي الاسفل. ايمان:صباح الخير يا ملك... يلا عشان نفطر مع بعض. ملك:هو أدهم مشي. ايمان:أدهم مشي من ساعه كدا وعمك سليمان برضو ومفيش غيرنا. ملك:هو هبيرجع امتى. ايمان:علي حسب بقا... اديني قاعدين مع بعض. ابتسمت ملك لها وقالت اهااا. ايمان:طب انا هدخل احضر الفطار. ملك:ماشي وانا هاجي اساعدك. دلفت ايمان وملك الي المطبخ. ايمان: روحي انتي يا هبه رتبي الغرف. هبه:امرك يا هانم.
ملك بااستغراب:هو انتي ليه اللي بتعملي مع ان ف شغالين كتير هنا. ايمان:انا اتعودت على كدا... بحب احضر الأكل بنفسي... لو مش انا اللي عملته احس انه ملهوش طعم... هاتي الجبنه من التلاجه. ملك:حاضر. اتجهت ملك ناحيه التلاجه واحضرت الجبنة. وضعت ايمان بعض الأطباق وانتهيت من التحضير وقاموا باخد الفطار الي الخارج.
نعمه:اي رايك يا سامي. سامي:مش عارف انتي خدت رأي البت ولا. نعمه:بصراحه احسن بدل ما كتب الكتاب يبقى ف يوم والدخلة ف يوم. سامي:وانا قولت كدا برضو... خلاص عاوزك ترتبي كل حاجه. نعمه:انا مجهزه كل حاجه. سامي:ماشي وعاوزين نبقى نعزم الناس. نعمه:اول ما هنحدد المكان هروح لناس بنفسي واعزمهم. سامي:ماشي هقوم انا اروح الشغل. نعمه:ماشي مع السلامة.
كان عاصم وعبد الرحمن يجلسان ف المكتب يتحدثون. عبد الرحمن:اول ما عمر يرجع نبقى نعمل الفرح. عاصم:خليهم ياخدوا وقتهم ف التفكير. عبد الرحمن:ما عقبال لما فرح نورا يخلص... نكون احنا مرتبين لدا. عاصم:طب ومني هتفضل هنا ولا. عبد الرحمن:براحتهم بقا دا هيكون قرارهم. عاصم:انا معنديش مانع بس المهم يكونوا الاتنين راضين. عبد الرحمن:بإذن الله يا اخويا.
كانت ايمان وملك يجلسون مع بعضهم يشاهدوا التلفاز. كانت ملك شارده ف الذهن. ايمان:ملك. ملك:هااا ف حاجه. ايمان:لا يا حبيبتي انتي اللي سرحتي فجأة. ملك:اصل أدهم ولا كلمني ولا جي لحد دلوقتي. ابتسمت إيمان:يا حبيبتي عشان الشغل وانت عارف ان أدهم كان بقاله فتره مش بيروح واكيد ف حاجات كتير وراه. ملك:يعني على الاقل كان أتكلم.
فتلك اللحظة دخل أدهم الي المنزل واتجه ناحيتهم ولكن لم تنبه له ملك. ايمان:وانتي متكلمتيش ليه . ملك بحيره:مش عارفه بس انا زعلانه وخلاص. ابتسمت ايمان عندما رأت أدهم وهو يشير لها بعدم التحدث اليه. ايمان:خلاص لما يجي ابقى قوليله. ملك:لا انا مش هكلمه اصلا ومخاصمها لحد بكره .
رد عليها أدهم وهو يقف خلف الأريكة التي تجلس عليها... اشمعنا لبكرا يعني. لفت ملك براسها له... انت جيت امتي... تحسبت ايمان وقامت. اتجه أدهم ناحيتها وضع على رجلها الورد والشكولاتة التي احضرها لها وقبل راسها وقال:جيت من شويه... واسف عشان مكلمتكيش طول اليوم... بس كان عندي شغل كتير. ملك:انت بترشيني بالشكولاتيه والورد.
أدهم:انا لا طبعا بس عارف انك بتجيبهم. ملك: اممم.. بس بعد كدا تكلمني يا هنزل اشتغل واشغل وقت فراغي. أدهم:واي كمان يا روحي. ملك وهي تعقد ساعديها وبس كدا انا عاوزه اشتغل. أدهم:لما تخلصي جامعتك. ملك:وليه مش دلوقتي. أدهم:أنا أصلا مش حابب فكره الشغل... بس طلالما انتي عاوزه فاانا مش هغصبك انك تقعدي ف البيت... بس بعد لما تخلصي.
ملك:يعني أفضل قاعده ف البيت طول اليوم. أدهم:وانتي عاوزه تروحي فين. ملك:معرفش بس انا حاسه ان يومي فاضي. أدهم:كلها شهر وامتحانات هتبدا. ملك:ياااااه انا نسيت خالص... كنت بحسب لسه ف اجازه. أدهم:لا الإجازة خلصت من بدري... بس الوقت عدي بسرعه... وانا مش عاوز منك حاجه غير انك تذاكري عشان تجيبي تقدير السنادي. ملك:حاضر... احضرلك الاكل.
أدهم:انتي. ملك بغيظ: ومش انا ليه. ضحك أدهم على طريقه انفعالاتها السريعة. مش عاوز اتبعك يا روحي. ملك:لا مش تعب دي ماما هي اللي عملت الاكل. امسك أدهم يدها وقبلها... ماشي يا حبيبتي حضري الاكل.
صعد أدهم الي الغرفه... ودلف الي المرحاض واخد شاور دافئ...وخرج من المرحاض وارتدي بنطلون قطني... وتشيرت قطني نص كم... ومشط شعره بالفرشاة... رن هاتف... فاتجه ليخده من على فراشه. أدهم:اي بس يا حبيبتي مالك... والله هجيلك...واجيبلك كل اللي انتي عاوزها. كان ملك تفتح باب الغرفه... وادهم لم ينتبه لها توقفت قدمها عندما سمعت تلك الكلمات... وشحب وجهها وسالت الدموع على وجنتيها. انهي أدهم المكالمة ولف وجد ملك امامه.
رواية حب بلا قيود للكاتبة أسماء صلاح الفصل السادس والثلاثون
اتصدم أدهم من وجود ملك وتغير لونها. اتجه أدهم ناحيتها بقلق وكان يخشى من أن تكون سمعت حديثه على الهاتف. أدهم:مالك يا ملك. ملك بنره اتهام كنت بتكلم مين. حدث ما كان أدهم يخشاه. أدهم:دي مليكة. ملك:ايوه مين. أدهم:ملك ممكن تهدي شويه... دي طفله عندها سنتين ونص. ملك بتعجب:طفله. أدهم:والله العظيم طفله عاوزه تكلميها خدي. ملك بعدم تصديق:وانت تعرفها ازاي. تنهد أدهم وقال ساندي بنت عمتي...ليها بنت عم دي بنتها...حتى اسألي ساميه ولو مش مصدقه.
ملك:ماشي. أدهم:بتشكي فيا. ملك:لا. أدهم:واومال حالتك دي تسمى اي... غير شك على الاقل كنتي اسألي الأول. شعرت ملك انها غلطت وظنت به السوء. حاولت ملك تبرير موقفها:يعني انت لو كنت سمعتني بقول كدا لحد هتعمل اي. أدهم:مش هعمل حاجه عشان انا واثق فيكي... وعارف انك بتحبني. صمتت ملك وضعت وجهها ف الارض، رفع أدهم ذقنها وتلاقت نظراتهم ببعض.
أدهم:مش بقولك كدا عشان تنزلي وشك ف الارض، انا بقول كدا عشان دا غلط لأنك مسمعتش الا كلمتين بس و فسرتي دا بأن انا بخونك مثلا... مع دا افتراض عبيط اوووي، والمفروض تكوني واثقه فيا اكتر من كدا لان دا مستحيل يحصل. ملك: اسفه.. بس انا بحبك وبغير عليك عشان كدا فهمت غلط. أدهم:طب ما انا بحبك وبغير عليكي ولما أطول اخبيكي عن العالم كله هعمل كدا... بس لو عملت كدا هتتخانقي مني. ملك بتوتر وتجمعت الدموع بعينها يعني انت اتخانقت مني.
أدهم:لا طبعا بس أنا عاوزك تكوني واثقه ف نفسك وعارفه قيمتك عندي واثقه فيا لأني مستحيل اخونك او اعمل اي حاجه من دي... ولازم تكوني جامده شويه مش اي حاجه كدا تخليكي تعيطي. ملك:حاضر. ادهم:حضرتي الاكل. ملك:اهااا بس انا مليش نفس اوكل. أدهم:ماشي يلا ننزل وهناكل مع بعض لأني مش هاكل لوحدي.
فتح احمد باب الشقة ودخل... وارتم على الأريكة. خرجت ساميه من المطبخ. ساميه:احمد انت جيت امتى. احمد:من شويه. ساميه:احضرلك تأكل. احمد:لا يا حبيبتي انا هدخل انام مش قادر...وقام احمد ودخل الغرفه.
ظلت ساميه واقفه مكانها... وشعرت بخيبة امل فهي تنتظره طول اليوم وتحضر له الطعام وف النهاية هو يجي ينام على طول. تنهدت ساميه بحزن... وذهبت الي المطبخ واطفت النار على الطعام وخرجت. كان هاتفها يرن. ردت ساميه... الو.. نورا:اي يا سوسو عامله اي.
ساميه:الحمد الله وأنتم عاملين اي. نورا:الحمد الله كلنا كويسين. ساميه:فرحك هيبقي امتى. نورا:اهو بنجهز هو انتي مش هتيجي ولا اي. ساميه:اكيد هاجي. نورا:قولي لأحمد وتعالي. ساميه:ماشي يارب يرضى. نورا:مالك انتي مضايقه ولا اي. ساميه:لا مفيش حاجه.
نورا:صوتك باين عليها انك مضايقه ف اي يا بت. ساميه: زهقت قولت هرتاح من كريمة وبنتها واجي هنا... واديني قاعده لوحدي زي الكلبة طول النهار والليل واحمد بيجي ينام ولا بيكلمني ولا اي حاجه اكني مش موجوده. نورا:طب ما تتكلمي معها او قوليله انك تنزلي تشتغلي بدل من قعده البيت دي. ساميه: مش هيرضي. نورا:طب ماانتي متعلمه ومعاكي شهاده... مش احسن ما تقعدي ف البيت لوحدك. ساميه:مش عارفه بقا انا زهقت. نورا:اصبري يا ساميه اكيد الشغل كتير.
ساميه:دا مش هاين عليه يقعد معايا دقيقه حتى. نورا:تعالي على نفسك يا حبيبتي... يمكن مشغول. ساميه:ربنا يديني الصبر والله... وهقوله اني عاوزه اسافر... اقعد عندكم اسبوعين كدا عقبال ما نخلص تجهيزات الفرح. نورا:خلاص ماشي شوفي كدا هتعملي اي وقوليلي.. وروقي كدا يا قلبي اكيد هو مضغوط شويه وكل حاجه هتبقى كويسه. ساميه:يارب.
قفلت نورا معها ودلفت نعمه الي غرفتها نعمه:كنتي بتكلمي مين. نورا:ساميه يا ماما. نعمه:وحشتني البت دي والله. نورا:ان شاء الله هتقول لأحمد وهتيجي. نعمه:ياريت... اهي تنزل تلف معاكي عشان اللبس... بدل ما حيلي اتهد. نورا:انتي عجزتي ولا اي. نعمه:اهااا يا أختي... وبعدين انتي مقولتليش ليه انك بتكلمي ساميه كنت اسلم عليها.
نورا:ابقى كلميها تاني... انا قولت اسلم عليها على السريع. نعمه:وهي اخبارها اي مرتاحة ولا. نورا:اهااا كويسه. نعمه:حاسكي كدابه يا بت. نورا:لا هكدب ليه. نعمه:ماشي انا هقوم اخلص الكام حاجه اللي ورايا. نورا:ماشي.
انتهي أدهم وملك من تناول الطعام... وجلسوا مع ايمان ف الصالون. ايمان:ابوك هيجي امتى. أدهم:والله معرفش بس كلها شويه وجاي اكيد. ايمان:طيب يا حبيبي... واخبار نادر اي. أدهم:سايبه ف الشركه بيشتغل. ايمان:والفرح هيكون امتى.
أدهم:انا مش عارف بقا... يا اما يكون خلال الشهر دا او بعد شهر دا واللي بعده عشان ملك عندها امتحانات. ايمان:ربنا معاكي يا بنتي... انتي مش بتذاكري ليه. ملك:الترم جري بسرعه... انا هبقي انزل وسمر الجامعة. ايمان:هو انتي ف سنه كام. ملك:ف تالته. ايمان:انتي كليه اي.
ملك بتوتر:هندسه ولسه ناقصلي سنتين. ايمان:اهااا عارفه ما ادهم ونادر كانوا هندسه. يلا انا هسيبكم واقوم انام. أدهم:تصبحي على خير. ايمان:وانت بخير يا حبيبي... قامت ايمان وصعدت الي غرفتها
ملك:الساعة 10 كدا هنزل. أدهم:ماشي هوصلك. ملك:طب وشغلك. أدهم: يعني مش الساعة اللي هوصلك فيها هي اللي هتوقف الشغل. ملك:ماشي. أدهم:وهبقي ابعتلك السواق. ملك:حاضر. أدهم:ويلا اطلعي نامي وانا هاجي وراكي. ملك:وانت هتعمل اي. أدهم:ولا حاجه يا روحي... هطلع لماما وبعدين هطلع. ملك:ماشي يلا.
طرق أدهم غرفه والدته... وسمحت له بالدخول. أدهم:دخلتي ليه. ايمان:عادي يا حبيبي...ماانت عارف ان ابوك بيتاخر. أدهم:كنتي بتسالي ملك ليه. إيمان:عادي يا حبيبي بس انا كنت عاوزه اشوف عيالكم. أدهم:الموضوع دا كدا كدا لازم يتأجل. ايمان:ليه يا حبيبي. أدهم:عشان ملك تعبانة وغلط عليها الحمل. ايمان:مالها. أدهم بحزن:الإصابة أثرت على قلبها.
ايمان:وانت عرفت ازاي. أدهم:لما كانت ف المستشفى الدكتور قالي. ايمان:يا عيني عليكي يا بنتي طب وهي عارفه. أدهم:لا محدش يعرف. ايمان:ربنا يشفيها يا ابني. أدهم:عادي انا مش زعلان المهم عندي ملك... وقولت ليكي عشان متجبيش سيره الموضوع قدامها. ايمان:ماشي يا ابني ... بس لو حصل حمل. أدهم:لا ان شاء الله دا مش هيحصل... لان مع الدوا بتاعها اللي الدكتور كاتبه مع دوا منع حمل كمان. ايمان بحزن:ربنا يستر يا ابني. أدهم:يارب.
خرج أدهم من غرفه والدته ودخل الي غرفته. كانت ملك نايمه على الفراش. أدهم:خدتي الدوا. ملك:اهااا. أدهم:ماشي يا حبيبتي. ملك:هو انا عندي اي. أدهم:ولا حاجه بس عشان الإصابة كانت صعبه شويه... ولازم تتنظمي على العلاج. ملك:ماشي. نام أدهم بجانبها... وقربها منه... وضعت راسها على صدره.
أشرقت شمس يوم جديد... واستيقظت ساميه ف السابعة صباحا... واحضرت الفطار... وضعته على الطاولة. خرج احمد من الغرفه وجدها تضع بعد الأطباق على السفرة. احمد:صاحية بدري كدا ليه. ساميه:عادي قولت عشان الحق اتكلم معاك شويه...ونفطر مع بعض. جلس احمد وساميه. ساميه:انا عاوزه اسافر عند ماما. احمد:هو الفرح اتحدد.
ساميه:لا لسه بس عشان اكون معاهم. احمد:الفرح هيكون ف القاهرة هنبقى ننزل. ساميه:وانا عاوزه اروح لأهلي... كدا كدا قعدتي هنا ملهاش لازمه. احمد:وانا قولت لا... مفيش سفر لوحدك. ساميه:وانا هسافر يا احمد. احمد بعصبيه وهو يقوم وخبط السفرة بيده:لو خرجتي من البيت تبقى طالق. خرج احمد من الشقة. سالت دموعها ودخلت غرفتها ووضعت ملابسها ف الشنطة...واتصلت على المطار لتحجز طياره لسوهاج
وصل أدهم بسيارته أمام الجامعة. أدهم:سمر جات. ملك:اهااا هي جواه مستنياني. أدهم:ماشي يا حبيبتي خلصي وروحي. ملك:حاضر يا حبيبي. نزلت ملك من السيارة... ودخلت الي الجامعة وكانت سمر تنتظرها ف الكافتيريا. ذهبت ملك اليها... وسلمت عليها وجلست على الكرسي. سمر:وحشيتني والله. ملك:وانتي والله... وقعده الجامعة وحشاني. سمر:اي اخبار الجواز.
ملك:عادي مااحنا متجوزين من فتره. سمر:طب اي مفيش حاجه جايه ف السكة. ملك:مين جاي. سمر:ملك انتي غبيه كدا ليه... واحده متجوزه جديد يبقى ممكن تكون حامل وكدا. ملك:لا مش حامل. سمر باستغراب:ليه يا اختي. ملك:اصل مش بقالنا كتير يعني عادي وبعدين انا لسه بدرس. سمر:طب هو أدهم اتكلم معاكي ف الموضوع دا. ملك:لا.
سمر:ازاي يعني... غريبه ملك: ليه. سمر:اصل المفروض يكون مستعجل على الخلفة. ملك:عادي يا ست... اكيد أدهم مش عاوز يشغلني. سمر:ممكن... نفطر بقا ونقوم نشوف الملازم. ملك:اشطا... انتي عامله اي مع مامتك. سمر:اهو الحمد الله الدنيا ماشيه. ملك:كويس... يلا شوفي هناكل اي. سمر:ماشي
كان مراد يجلس ف الغرفه ويتحدث ف الهاتف.. مراد بنرفزة:يعني اي انت بتستعبط. سعيد:هو بمزاجي. مراد:انا كنت عامل حسابي على يومين . سعيد:مش هيجري حاجه لو بقي اسبوعين. مراد:لما نشوف اخرتها. سعيد:متقلقش.
ف الشركه. ادهم:كل حاجه جهزت. نادر:ايوه... الشغل ماشي تمام. أدهم:ماشي... ف اخبار جديده. نادر:ولا الهوا كل اللي نعرفه ان مراد قاعد عند معتز. أدهم:تفتكر زينب هنا. نادر:اكيد بس لازم نعرف مين معها. أدهم:ياريت نوصلهم لان السكوت دا مش مطمني. نادر: ان شاء الله مش هيحصل حاجه. أدهم:الله اعلم بس لو حصل حاجه ليا... ملك امانه يا نادر.
نادر:مش هيحصلك حاجه ياعم بلاش الفال الوحش دا. أدهم: اهو الله اعلم هيحصل اي بظبط... بس اللي اعرفه ان الموضوع دا مش هيعدي اكيد. نادر:بإذن الله خير. أدهم:انا كنت عاوز اسافر. نادر:فين أدهم:إسكندرية... كنت عاوز اشوف مليكة. نادر:بس هتقول اي لملك. أدهم:هبقي احاول اروح وارجع ف نفس اليوم. نادر:اشطا لو روحت ابقي اجي معاك. أدهم:فرحك هيبقى امتى. نادر:شكلي نحس والله...مش عارف ملك داخله على امتحانات وابوه نورا تعبان. أدهم:طول عمرك نحس.
نعمه:يا نورا افتحي الباب شوفي مين يا بت. نورا:ماشي فتحت نورا باب المنزل وجدت ساميه ومعها شنطه ملابسها. نورا:ساميه. دخلت ساميه وهي تجر الشنطه خلفها. خرجت نعمه من المطبخ. نعمه:ساميه... واي الشنطه دي. ساميه ببكاء:اانا سيبت البيت واحمد طلقني. نعمه:يا حزني. نورا:اهدي بس اي اللي حصل. نعمه:اتكلمي يا بت.
ساميه:انا مش طايقه اتكلم مع حد... وقامت واتجهت الي غرفتها ودخلت وقفلت الباب خلفها .. نعمه:يا نيله بختك ف عيالك يا نعمه... البت أطلقت... يا حزني هقول لابوكي اي. نورا:اهدي يا اما.. لما نفهم منها الأول وبعدين بابا تعبان بلاش نقوله حاجه دلوقتي. نعمه:الطف بينا يا رب.
طرق يوسف علي مكتب عمر...ودخل. عمر:تعالي يا يوسف. يوسف:انا عاوز اتكلم معاك... مش بصفتي ابن عمك... لا اعتبرني صحبك. ابتسمت عمر ابتسامه صفره... اتغيرت كتير. يوسف:ازاي. عمر:يعني أحوالك اتغيرت ورضيت بالأمر الواقع.
يوسف:الدنيا مش مستأهله حرب وبعدين أدهم كويس معانا وكان بيدور علي اختي وطلعني من المصيبة وملك معملتش معايا حاجه. عمر:يا سلام عليك... يعني انت عاوز تقنعني ان يوسف العطار طيب اوووي كدا وبشيل الجمايل للناس. يوسف: لا مش حكاية كدا بس الدم مش هيجيب غير الدم... حتى أهلنا زهقوا انا بقى اللي هعمل كدا... وبعدين الناس دي وقفت معايا فلو ف حاجه اعملها لهم مش هتاخر ولو مفيش يبقى ماذيش حد ولا اي.
عمر:اكيد طبعا. يوسف:انت مش عاوز تتجوز مني صح. عمر:ليه بتقول كدا. يوسف:مش عارف حاسس بدا. عمر:لا عادي. يوسف:لو مش عاوز اتكلم مع ابوك وفاهمه. عمر:دا على اساس ان ابويا راجل متفاهم يعني. يوسف:انت غريب اووي يا عمر... اصل طلالما الموضوع مش عجبك متظلمش حد معاك. عمر:مجتش على الموضوع دا ما كل حاجه مش عاجبني.
يوسف:الجواز مش لعبه. عمر:وانت خايف عليا ولا على اختك. يوسف:عليكم. عمر: لا عادي اصل اكيد هنتعامل مع بعض عادي وبعدين احنا ولاد عم. يوسف:هو انت ف بالك حد تاني طيب. عمر:لا... وهو عيلتنا فيها حد تاني... ما خلاص. يوسف:طريقتك غريبه.
عمر:انت أغرب... بتتعامل مع أدهم عادي مع ان المفروض كنت هتتجوز ملك... وهو اتجوزها وشغلانه قرف. يوسف: هو انا كنت هتجوز ملك عشان جدك هو اللي قال... بس هي بالنسبالي زي مني عمر:امممم مش بقول اتغيرت. يوسف باستغراب:عرفت حاجه عن امك. عمر:متجبيش سيره الولية دي قدامي... انا لو عرفت كان دلوقتي زمانها ف عداد الموتة. يوسف:طيب... بس فكر تاني موضوع الجواز دا... عشان متندمش.
اشتريت سمر وملك ملازمهم... وخرجوا من الجامعة وكانت السواق ينتظر ملك بالخارج. ملك:تعالي اوصلك. سمر:لا انا بيتي قريب من هنا اصلا مش مستأهله. ملك:ماشي يقلبي...عاوزين نذاكر هاااا. سمر:اكيد طبعا... يلا اركبي انتي. سلمت ملك على سمر وركبت السيارة وغادرت. وصلت ملك المنزل... ودخلت. ايمان:هتاكلي يا حبيبتي.
ملك:لا يا ايمي هاكل لما أدهم يجي. ايمان:طب اقعدي زاكري بقا. ملك:حاضر. ايمان:ممكن تقعدي ف الجنينة احسن من القعده فوق. ملك:اهااا فكره حلوه... هروح انا أذاكر برا شويه بقا. ايمان:ماشي يا حبيبتي. خرجت ملك وجلست ف الجنينة ووضعت الكتب أمامها.
ف منزل العطار مني:انا مش عاوزه اتجوز عمر يا اما سعاد:ليه يا بنتي ما الراجل زي الفل. مني:وانا مش عاوزه. سعاد:يا بنتي ابوكي وعمك بيحضروا وبيتفقوا وانتي بتقولي مش عاوزه. مني:وانا مديتش موافقتي لحد. سعاد:يادي النيلة السودة... انتي عاوزه تفضحينا موافقتك اي عاد.
مني:حرام عليكم انا مش عاوزه عمر... ونبي يا اما متغصبونيش على حاجه. سعاد:انا مش فاهمه اي سبب الرفض. مني:مفيش سبب انا مش عاوزه اتجوز عمر ياست اعملوا اللي انتم عاوزينه بس انا مش عاوزه اتجوز. سعاد بحيره:ابقى قولي الكلام الماسخ دي لابوكي...وقومي افتحي الباب شوفي مين. قامت مني وفتحت الباب...ودخلت نعمه. نعمه:مالك يا بت شكلك عامل كدا ليه.
مني:مفيش حاجه. سعاد:تعالي يا نعمه. نعمه: ساميه اطلقت سعاد:يا مري اطلقت... امتي. نعمه:لقيتها جايه بشنطة هدومها وبتقولي كدا ومفهمتش منها حاجه... والراجل تعبان معرفش هقوله الخبر دا ازاي. مني:وهي عامله اي دلوقتي. نعمه:حالتها تصعب على الكافر. مني:واحمد طلقها ليه. نعمه:معرفش يا بنتي... ابقي افهم منها. سعاد:متقوليش حاجه لحد دلوق... لما نشوف الحكاية هترسي على ايه
قطع تركيزها رنين الهاتف. ردت ملك على الهاتف. ملك:ايه يا نونو. نورا:عامله اي يا ملك. ملك:كويسه الحمد الله... وانتي نورا:الحمد الله. ملك بقلق: مالك انتي معيطه ولا ايه نورا: لا بس مضايقه عشان ساميه اطلقت هي واحمد. ملك:امتى.. وهي فين نورا:انهارده وهي موجوده هنا ف البيت. ملك:طب اي السبب طيب متكلمتيش معها ليه.
نورا:من ساعه ما جيت وهي دخلت اوضتها ومش راضيه تتكلم مع حد. ملك:ربنا يهدي الحال ان شاء الله... وحاولي تتكلمي معها وخليني اكلمها. نورا:ادعيلها يا ملك. ملك:طب اكلم أدهم اخلي يسأل احمد. نورا:لا استنى لما نفهم من ساميه الأول. ملك:ماشي وطمنيني. نورا:حاضر.
تركت ملك الهاتف...على الترابيزه وامسكت القلم مره آخرها ولكنها تلك المرة لم تستطيع التركيز. تركت القلم من يدها. أدهم:خلصتي. لفت ملك راسها. ملك:جيت بدري انهارده. أدهم:يعني شويه... وانتي زعلانه ليه. ملك:مفيش بس عرفت ان ساميه واحمد أطلقوا. أدهم:امتى الكلام دا. ملك:انهارده.
أدهم: عادى ممكن تكون خناقه بينهم. ملك:بس دي وصلت لطلاق... والطلاق دا مش لعبه. أدهم:انا هبقي اتكلم مع احمد واشوف الموضوع دا. ملك:بس مش دلوقتي لما اعرف اي اللي حصل. أدهم:والله هتلاقي ساميه عاوزه تعمل حاجه واحمد مرضاش راح حالف بالطلاق وبس كدا. ملك:وانت عرفت ازاي. أدهم:اصل انا واحمد قعدنا فتره مع بعض... فاعارف طبعه.
ملك:بس المفروض ميزعلهاش برضو. أدهم:هو أحمد كدا... وهي المفروض كنت فهمت طبعه واتعاملت معها. ملك:طب هو ليه مش زيك متفاهم كدا. ابتسمت أدهم: شوفتي بقا انا متفاهم ازاي...و يلا اطلعي البسي. ملك:ليه. أدهم:ماانا جيت بدري عشان نخرج مع بعض.
ابتسمت ملك: حاضر... أدهم هو انا لما عملت حاجه وانت مش راضي عليها هطلقني. أدهم:اقسم بالله كنت مستني السؤال دا من ساعه ما قولتي انهم أطلقوا... يلا يا ملك اطلعي البسي الله يرضى عنك. ضحكت ملك... كنت بسأل بس. أدهم:ماشي... يلا اطلعي بقا.
رواية حب بلا قيود للكاتبة أسماء صلاح الفصل السابع والثلاثون
طرقت نورا غرفه شقيقتها. انا نورا يا ساميه لو صاحية افتحي عاوزه اتكلم معاكي...يا حبيبتي مش حل انك تحبسي نفسك كدا افتحي.
مسحت ساميه دموعها وقامت تفتح الباب... ساميه:تعالي يا نورا نورا:ليه يا حبيبتي عامله ف نفسك كده... اهدي بس واحنا هنحل كل حاجه. ساميه:حاجه اي بقا يا نورا ما خلاص. نورا:هو اي حصل طيب.
ساميه:ما ساعه ما سفرنا وهو كل يوم شغل ينزل من الصبح ميرجعش غير بليل... قولت عادي ف الاول بس... لكن فضل كدا، قاعده ف البيت لوحدي ولا ليا لازمه حتى مش هاين عليه يطمن عليا او لما يرجع يقعد معايا يأكل ولما قولتله على السفر قالي لا وقالى لو خرجتي من البيت تبقى طالق. نورا:مش عارفه والله بس المفروض كان يبقى ف حل وسط ما كل الرجالة بتشتغل عادي. ساميه:عادي بقا هو يطلق رسمي وخلص الكلام على كدا. نورا:انتي اتجننتي وابوكي هنقوله اي.
انهارت ساميه وقالت بعصبيه:اقوله مش مرتاحة... زهقت بقا يا ساميه اتجوزي دا يا ساميه روحي يا ساميه تعالي... كفايه بقا من حقي انا أرفض واقول عاوزه ومش عاوزه اي... هو قرر اني اتجوزه وانا قررت اني أطلق. نورا:ممكن تهدي بس... وبعدين الطلاق مش سهل انتي عارفه اننا صعايدة.
ساميه:ميهمنيش بقا... انا مالي بكل دا استحملت امه وكلامها الزفت واخته اللي قاعدلي علي الواحدة وقولت اكيد فتره وهتعدي... طلعت مش فتره... عارفه ان ممكن يكون السبب تافه بس بجد زهقت مفيش اي حريه حاسه اني محبوسه... احمد مش هيحبني نص حب أدهم لملك حتى وادهم مش بيعمل كدا. رتبت نورا عليها وهي حزينة على الحالة التي وصلت اليها شقيقتها... خلاص انتي اهدي بس وخليكي هنا وهنشوف اي اللي هيحصل... وربنا يهدي ساميه:يارب.
كان أدهم و ملك يجلسان ف احدي المطاعم الفاخرة يتناولون وجبه الغدا... ويتحدثان. ملك:هو انا بعطلك عن شغلك أدهم:لا ليه ملك:اصل ماما بتقول انك كنت بتتاخر على طول. أدهم:عادي يا حبيبتي انتي عندي اهم وبعدين دا هو يوم واحد مش هياثر. ابتسمت ملك:بحبكككككككك اوووي... انت كل حاجه بالنسبالي. أدهم:وانا بحبك اكتر من نفسي... بس عاوز اقولك على حاجه ملك:اي.
أدهم:عاوزك توعدني انا لو حصلي حاجه تكملي حياتك عادي. ادمعت عينها وابتلعت ريقها.. لا طبعا مش هيحصل حاجه ليك. أمسك أدهم يدها... دا مجرد افتراض يا روحي يعني مفيش حاجه. ملك:لا مفيش حاجه من دي هتحصل يبقى مش نقول عليها. أدهم:يا حبيبتي انا مش بقولك كدا عشان تقلقي بس انا عاوز انك تواجه اي حاجه مهما كانت صعبه. ملك: انا ممكن أوجه اي حاجه بس أنا مش هقدر أوجه حاجه ممكن تبعدك عني. أدهم:مفيش حاجه هتبعدني عنك يا روحي.
ذهب احمد الي منزله بعد أن انتهى من عمله... فتح باب الشقة ودخل كانت الشقة مغلقه الانوار ولا يوجد أحد بها. احمد بقلق: ساميه... ساميه. دخل الي الغرفه... لم يجدها... فتح الخزانة لكي يتأكد من شكوكه... وبفعل لم يجد ملابسها. قفل احمد الخزانة بغضب كادت تكسر... يعني مشيتي ولا همك... ماشي
ايمان:اي دا جيت بدري. سليمان:خلصت شغل ايمان:احضرلك العشا سليمان:لا هو أدهم وملك فين.. ايمان:خرجوا ولسه مرجوعش. سليمان:انا هطلع اغير وهنزل ايمان:ماشي.
جاء أدهم وملك ودلفوا الي الصالون وكانت ايمان تجلس وتقرا كتاب. أدهم:ماما. ايمان:اي يا حبيبي... جيتوا امتى. أدهم:دلوقتي وانتي كنتي مندمجة ف القراءة فمحستيش بينا... وضعت ايمان الكاتب على الترابيزه. ايمان:هو انا ورايا غيرها. ملك:مفيش احسن من القراءة وخصوصا لو كاتب مفيد زي لا تحزن للشيخ عائض القرني.. ايمان:انتي قراتي قبل كدا ولا اي. ملك:اهااا قراته.. ايمان بابتسامه:ربنا يرضى عنك يا بنتي. ملك:يارب.
أدهم:هو الحج جي ولا لسه. ايمان:اهااا هتلاقي نازل دلوقتي. أدهم:نازله الجامعة بكرا ملك:اهااا. أدهم:امتى ملك:الساعة 9 ونص ابقى هناك أدهم:ماشي.
ف الشركه. دخلت غاده الي مكتب نادر. غاده:ف واحد عاوز حضرتك برا نادر:مين غاده:يوسف العطار نادر:طب خلي يدخل بسرعه... وبعد كدا ممكن تتفضلي تمشي شغلك خلص غاده:حاضر يا افندم.
دلف يوسف الي الداخل وصافح نادر. يوسف:خصلت الشغل وقولت اعدي عليكم... بس أدهم مش موجود. نادر:اهااا أدهم مشي من بدري. يوسف:انا قلقان اوووي نادر:ليه يوسف:من حوار زينب الزفت دي ومحدش عارف يوصلها. نادر:على رأيك بس تفتكر هي ناويه على اي يوسف:دي وليه واطيه يعني ممكن تعمل اي حاجه.
نادر:المشكلة ان مراد اخوه أدهم بيشكل خطر هو كمان... ومن الممكن تكون هي وصلتله يوسف:ممكن طب ما نراقب مراد نادر:ما هو دا اللي احنا عاملينه يوسف:هموووت واعرف مين معها لان التخطيط دا مش بتاعها دي غبيه نادر:اكيد حد دماغه شاغله... بس ف حاجه هو عمر دا ميعرفش حاجه عن امه لحد دلوقتي يوسف:دا اللي هو بيقوله بس سيبك انت عمر ميفرقش حاجه عن زينب الاتنين ولاد كلب.
نادر:يعني هو ممكن يكون يعرف حاجه مثلا يوسف:مش عارف بس انا مش مرتاح لطريقته دي... والمشكلة بقا انهم عاوزين يجوزه مني اختي وهو راضي مع اني عارف ومتأكد انه مبحبهاش. نادر:طب وهو راضي ليه يوسف:ما دا السؤال بقا... شكلها فيها حوار نادر:طب هو بيحب مين مثلا... ولا مفيش حد تغيرت ملامح يوسف... وتبدلت الوان وجهه يوسف:اقولك بس مش هينفع أدهم يعرف.
نادر باستغراب:مين يوسف:ملك نادر بذهول:نعم ازاي دا يوسف:احنا كنا عارفين مكان ملك وكنا مخبيين على جدي عشان ميعرفش مكانها... وطبعا بحكم ان انا وهو ف القاهرة... احنا اللي كنا متابعين ملك خطوه بخطوه... وعمر قعد فتره كبيره يراقبها. نادر:وانت عرفت ازاي انه بيحبها.
يوسف:طريقته... نظراته ليها كل دا هو مش بيتكلم ولا كان لي دور ف حاجه بس طريقته وكل حاجه كانت بتاكد دا نادر:بس جدك قال انك انت هتتجوزها. يوسف:ههههه وبعد كدا ملك هربت وانا لبست قضيه قتل وطبعا كل الفيلم دا طلع بلاش لأنها اتجوزت أدهم فهمت. نادر:نهار اسود...كدا الموضوع بقى خطر يوسف:بظبط كدا والواد ساكت كدا وعامل فيها طيب.
نادر:بصراحه انا زهقت مش عارف هنلاقيها من زينب واللي معها ولا من مراد ولا من عمر. يوسف:عمر مبيعملش حاجه غير وهو مخطط لها وبعدين هو قاشر ملحتكم من ساعه المناقصة اللي خسرها مع انه كان عامل المستحيل عشان يكسبها. نادر:ماانا عارف ما جاسوسه بتاعته هي اللي دخلتك دي. يوسف:انا بقى مش عارف اي اللي هيحصل دلوقتي. نادر:ولا انا بس حاسس اننا هنتفاجا.
يوسف:هو مش هيسكتوا غير الا لما يقضوا علينا. نادر:ربنا يستر بس انت هتعمل اي ف اختك يوسف:مش عارف اتصرف ابويا راكب دماغه. نادر:امممم اكيد هنلاقي حل. يوسف:انت مش هتروح ولا اي نادر:اهااا استنى ننزل مع بعض.
استيقظت عزه من نومها واتجهت الي غرفه سمر... وسحبت الساتير لتتدخل اشعه الشمس. عزه:اصحى يا سمر الساعة 8... المحاضرة هتفوتك. سمر:حاضر يا ماما عزه:يا بت قومي... عشان تلحقي تقلبت سمر ف الفراش... وقامت بكسل. عزه: احضرلك الفطار سمر:لا هو يدوب البس وامشي السكشن 9 ونص.
اوصل أدهم ملك الي الجامعة وكانت ملك تقف أمام القاعة تنتظر سمر. جاءت سمر. ملك:اتاخرتي سمر:الطريق زي الزفت والله. ملك:طب يلا ندخل يا اختي سمر:يلا وبعد ما نخلص نبقي ناكل.
ف الشركه. طرقت زينه باب المكتب ودخلت. زينه:ف واحد برا عاوز حضرتك أدهم:علي الصبح كدا زينه:ادخله أدهم:قال هو مين ولا زينه:بيقول معتز ادهم:دخليه طيب. زينه:تمام يا باشا.
خرجت زينه من المكتب... اتفضل أدهم بيه منتظرك. دخل معتز الي المكتب وسلم على أدهم . أدهم:خير يا معتز مع ان شكل الموضوع مش خير. معتز:اشمعنا. أدهم:اصلك مش متعود انك تيجي الشركه. معتز:بصراحه كنت هكلمك على التليفون بس الموضوع مش عاوز تليفون.
أدهم:موضوع اي معتز:اكيد عارف ان مراد قاعد عندي أدهم:اهااا معتز:انا عارف انه كلام ميتقالش بس معنديش حل تاني مراد متفق مع ناس وبيخططوا لمصيبه أدهم:مين الناس دول معتز: اللي سمعته انه واحد اسمه سعيد. أدهم بصدمه:سعيد. معتز:اهااا خد بالك يا أدهم مراد مش سهل وعاوز يقعك ف اي مشكله وخلاص.
أدهم:الكلام دا عرفته امتى معتز:من يومين كدا... قولت استنى يمكن يرجع ف كلامه بس لاقيت الحاجه بتتعقد فقولت اجي ابلغك أدهم:طب تعرف حاجه تاني معتز:لا والله كل اللي اعرفه قولتله... عارف ان كلامي ضايقك بس كان لازم اجي واقولك. أدهم:لا انا اتعودت على كدا. معتز:طبعك غريب انت واخوك اللي يشوفكم دلوقتي ميشوفكوش قبل كدا.
أدهم:خلاص اللي راح مبيرجعش معتز:بجد انا مش ف ايدي حاجه اعملها اتكلمت معها كتير بس مفيش فايدة ادهم:مش مهم... شكرا ليك يا معتز. تنهد معتز:شكرا على اي يا أدهم احنا بينا عشره وانا لو عرفت حاجه هبقي ابلغك أدهم:ماشي معتز:همشي انا بقا خرج معتز من المكتب... وطلب أدهم نادر على الهاتف أدهم:اطلعلي حالا يا نادر وقفل الخط. صعد نادر له.
نادر:اي يا ابني ف اي أدهم:معتز كان عندي نادر:ليه أدهم:سعيد عايش نادر:بتاع المخزن أدهم:اهااا... وشكله هو اللي بيساعد زينب نادر:نهار اسود الموضوع كبر اوووي... اكيد هو مفيش غيره لان هو اللي عارف كل مخازن العطار والمخزن المجهور اللي زينب خطفت ف مني يوسف قال ان محدش كان يعرفه أدهم:ومراد معهم نادر:مراد أدهم:اهااا نادر:وتفتكر هما كلموا مراد ليه ادهم:عشان لو حصل اي حاجه مراد يلبسها نادر:هتعمل اي.
أدهم:مش عارف بس المهم ان ملك تخلص امتحانات واخليها تسافر عند اهلها نادر:ليه أدهم:مش مرتاح لايه حاجه الصراحه... وهي هناك هتكون ف امان عن هنا نادر:خلاص والأفضل انها تقعد عند عمتها كمان أدهم:يا رب بس شهر الامتحان يعدي على خير نادر:ان شاء الله
انتهت المحاضرة وخرجت ملك و سمر من القاعة وذهبوا الي الكافتيريا. سمر:ملك انتي تعبانة. ملك وهي تضع يدها على قلبها... حاسه اني مش قادره اخد نفسي. سمر:طب اقعدي اجبلك حاجه تشربها. ملك:مش قادره. سمر:طب نروح للدكتور طيب ملك:ماشي... خدي كلمي السواق سمر:طب امسكي نفسك لحد ما نخرج. ملك:ماشي.
خرجت ملك وسمر من الجامعة وكان السواق ف الخارج ركبوا السيارة. سمر:لوسمحت اطلع على اي مستشفى بسرعه. كانت ملك تاخد نفسها بصعوبة... وازداد تعرق جبنها. وقف السواق السيارة عند باب المستشفى ونزلت سنت وملك من السيارة ودخلوا الي المستشفى. جلست ملك على احدي المقاعد... واتجهت سمر إلى الاستعلامات لتسال على الطبيب.
رجعت لملك وجلست جنبها ملك:اي سمر:دكتور القلب موجود معها حاله جواه هتخرج وندخل احنا. هزت ملك راسها.
دخلت ملك وسمر الي الطيب. الدكتور:اتفضلوا. سمر:هي تعبت بعد ما خلصنا المحاضرة. الدكتور:كلتي حاجه الصبح ملك:لا الدكتور:بتاخدي دوا ملك:اهااا الدكتور:انسه ولا متجوزه ملك:متجوزه الدكتور: طب احنا لازم نعمل اشاعه على القلب. ملك:ماشي. قام الدكتور بإجراء الإشاعة لها والتحاليل.
الدكتور:هتروحي مع الممرضة دلوقتي عشان تظبط النبض والضغط... عقبال ما التحاليل تتطلع ونعرف دا من اي. ذهبت ملك وسمر مع الممرضة الي الغرفه... وقامت بوضع محاليل لها. وبعد ساعه دخل الدكتور هو انتي حصلك أصابه ف منطقه القلب قبل كدا. ملك:اهااا خدت رصاصه. الدكتور:امممم ... انتي هتتقدرى تمشي دلوقتي واللي حصلك الصبح دا ممكن عشان مفطرتيش.. ملك:طب انا عندي اي الدكتور: شرايين القلب اثارت بالحادثة مما أدى لضعف ف القلب.. دا غير أنك عندك انيما وضغط.. وطبعا الهبوط اللي حصل دا طبيعي.. ولازم تمشي على العلاج دا.
ملك:يعني هو انا مش هخف الدكتور:اكيد هتخفي بس هتاخدي وقت...وطبعا خلال الفترة دي مش هينفع حمل نهائي ويفضل انك تروحي لدكتور نسا عشان يتابع الحالة. ملك:ليه الدكتور:لأنك مش هتستحملي مجهود الحمل... وياريت بلاش اي ضغط نفسي وبلاش توتر. سمر:طب هنمشي دلوقتي. الدكتور:ايوه تقدروا تتفضلوا بعد اذنكم.
سمر:ملك متزعليش من كلام الدكتور يا حبيبتي... هو قال انك هتخفي مع الوقت. ملك: مش زعلانه الحمد الله على كل حال... بس انا عاوزه اشوف دكتوره نسا عاوزه اعرف ازاي محصلش حمل لحد دلوقتي. سمر:دلوقتي. ملك:اهااا معلش هتعبك معايا. سمر:طب استني خليكي انتي هنا وانا هروح اشوف ف دكتوره موجوده ولا.
الدكتوره:اتفضلوا. جلست ملك وسمر. الدكتورة:خير يا مدام ملك. ملك:المفروض اني متجوزه من تالته شهور الدكتورة:هو عادي لسه بدري بس من الأفضل اننا نطمن. ملك: انا لسه عامله التحاليل دي. الدكتورة:تمام اتفضلي بس اكشف عليكي.. انتهت الدكتورة من الفحص... واتجهت الي المقعد مره اخرى. الدكتورة:مفيش اي حاجه... انتي كويسه. ملك:وطب والتحليل نظرت الدكتور علي التحليل. الدكتوره:برضو التحليل كويسه ملك:طب اي السبب الدكتورة:لأنك بتاخدي حبوب منع حمل ودا اللي ظاهر عندي.
خرجت ملك وسمر من المستشفى. ملك:يعني أدهم عارف كل دا ومقالش حاجه سمر:اكيد عشان خايف عليكي. ملك:اهااا انا عاوزه اتمشى شويه. سمر: والسواق. ملك:خلي واقف مكانه واحنا هنروح نمشي وهبقي اكلمه يجيلي مكاني. سمر:خلاص تعالي نتمشى على الكورنيش. ملك:يلا..
سمر:هتقولي لادهم انك عرفتي ملك:لا مش هقوله حاجه...بس هو ليه مقاليش المفروض كنت ابقى عارفه سمر:اكيد أدهم مكنش عاوز يضايقك او يخليكي تحسي بنقص. ملك:اهااا بس اديني عرفت سمر:ملك انتي هتنتظمي على العلاج وهتبقى كويسه. ملك:اهاااااا ولفت وجهها لنيل واسند يدها علي الحديد.
عديت سيده كبيره من خلفهم ترتدي عبايه سواد وكان شكلها غريب نسبيا...ووقفت جنبهم انتبهت لها سمر ونظرت له باستغراب...وكزت ملك ف ذراعها. ملك:اي يا سمر سمر:يلا نمشي تكلمت تلك السيدة وهي تقف أمام ملك...وقالت:تعرفي اروح الحسين ازاي من هنا ملك:لا والله انا مش المنطقة دي السيدة:انتي اسمك اي ملك:اسمي ملك السيدة:طريقك صعب يا ملك بس اللي جاي أصعب... ف طريقك حد جديد حته منك... وهتفقد جزء من حياتك. ملك:انتي بتقولي اي مش فاهمه.
سمر:سيبك دي ست كبيره وبتخرف. ابتسمت السيدة لهم وقالت: هتشوفي يا سمر يا بت عزه. تسرمت سمر مكانها بدهشه من تلك السيدة. ملك:انتي مين طيب. لم تعطيها اجابه ومشيت من امامهم سريعا. سمر:اي دا هو ف اي يا حجه انتي. ملك:مين دي ركضت سمر خلفها ولكنها لم تلحق بيها ووصلت الي منتصف الكورنيش... وكان يوجد رجل يرس بعض الكراسي. سمر:لوسمحت...متعرفيش مين الست اللي مشيت دي.
الراجل:ست كبيره كدا ولبسه اسود ف اسود سمر:اهااا الراجل:ست كبيره وعقلها خفيف بتعدي من هنا بقالها فتره سمر: بس هي بتقول كلام غريب كدا الراجل:الله ما احفظنا شكلها مخوي ولا عليها عفريت كل ما بتقول حاجه لحد تحصل.
رجعت سمر الي ملك التي مازالت واقفه مكانها. ملك:اي سمر بحيره:مش عارفه يا ملك... بس لا يعلم الغيب إلا الله يلا ننروح احسن .
رواية حب بلا قيود
