قال الإعلامي شريف مدكور أن لديه انتقادات كثيرة لتفكير الرجال في مصر وطريقة تعاملهم مع السيدات، وعبر قائلًا: "عندي مشكلة مع الرجالة في مصر، أغلبيتهم عندهم شيزوفرينيا.. يقولك أصل دي أمي أصل دي مراتي.. لكن دي بقى صاحبتي، يا حبايبي طب ما أراعي ربنا طيب".
وأضاف: "مش احنا عندنا احصائية قالت إن الست والبنت في مصر مش بيعرفوا يمشوا بأمان في الشارع وإن احنا الدولة رقم واحد في التحرش في العالم، يبقى العيب على رجالة مصر انهم بيتحرشوا بيهم لفظيًا وجسديًا، وده معناه إن في خلل في الراجل المصري، إنه بيستبيح الست اللي ماشية في الشارع، شايف انه من حقه يمسكها أو يلمسها فيروحوا بقى يتعالجوا".
وانتقد مدكور عن عدم وجود عقوبة تناسب مشكلة التحرش في مصر، واقترح حلًا جذريًا للتحرش في مصر، وعبر عنه قائلًا: "أنا نفسي يبقى عندنا عقوبة للتحرش، بعد ما يتقبض على المتحرش هاتوه، يتحطله حلقة في ودنه ماتتفكش غير بعد سنة، ولما تتفك يفضل عنده الخرم ده في ودنه دليل أنه أتحرش بواحدة".
واستكمل: "لو واحد حصل فيه كده، كل ستات مصر هيمشوا بالميكرو والقط والحملات ومحدش هيقدر يبصلهم، عيب اللي أنا بقوله بس ده اللي المفروض يحصل".
وعلى جانب آخر، أشار مدكور إلى أن الاحترام هو الشيء الوحيد الذي يضمن دوام العلاقة بين الرجل والمرأة، أما ما يفسد العلاقة هو الإهانة والخيانة.
كما نوه أن في الوقت الحالي، يصعب أن تغير المرأة نفسها من أجل أي رجل، حيث لم يعد الأمر كما كان قديمًا، حيث أصبحت المرأة تصرف على نفسها ولم تعد كما يقال "مكسورة الجناح".
