شهاب: خلاص اتفقنا (واكمل في عقله) لحد بس ما اسجل عقد بيع الشقه وارميكي في الشارع لولا ان المشتري مكانش جاهز وبقي مبلغ كنت خلصت منك ومن قرفك.ناديه وهي تنظر له بتوعد في عقلها: انا هعلمك الادب الصح بس اصبر عليا.شهاب بابتسامه مصطنعه:ايه رايك يا حبي انا عازمك بره علي العشا كاعتزار عن اللي حصل امبارح.ناديه بتفكير: لاء يا بيبي اصلي تعبانه وعايزه ارتاح شويه اطلبه دلفري احسن.

<a name=\'more\'></a>شهاب: خلاص هطلبه دلفري ونسهر للصبح.ناديه: وماله يا بيبي نسهر.اوصل فادي وعد الي منزلها وقبل ان تنزل من السياره نظر اليها قائلا: معلش بكره مش هعرف اجي اوصلك عشان هسافر اسكندريه.وعد بقلق: خير في حاجه؟فادي: يعني محاوله كده ممكن اجيب الفلوس اللي سرقها سعيد من مازن بس مش عايز اعرف حد منهم لحد لما تتم بس ما ينفعش اخبي عنك.وعد بخجل: ان شاء الله ربنا يكرمك ابقي كلمني طمني عليك.فادي بسعاده: عنيا ياقمر انت تؤمري ما تقربي مني شويه.وعد بخجل: اقرب ليه؟فادي بضحك: هقولك كلمه سر.وعد بخجل: خلاص هانت كلها كام يوم ونبقي مع بعض علي طول وتقول كل اللي انت عايزه.فادي: امري لله اصبر.فتحت وعد باب السياره لتنزل امسك فادي يدها قائلا: هبعتلك العربيه بالسواق تاخدك الصبح وترجع تجيبك.نظرت اليه وعد قائله: ملوش لزوم هروح بعربيتي ويمكن اعدي اخد رانيا معايا.فادي: طب لو كده خلاص ماشي.نزلت وعد دخلت الفيلا وذهب وفادي عاد الي المنزل هو الاخر وفي الصباح سافر الي الاسكندريه ذهب الي الشخص الذي اتفق معه وجلس معه وبدأا يتحدثانفادي: ايه المطلوب مني اعمله يا هشام باشا؟هشام: بص انت هتيجي معانا ولما يقع في المصيده هنجبره يرجع فلوس اخواتك يا اما نسجنه.فادي: طب والراجل اللي سعدنا استفاد ايه؟هشام: استفاد كتير البيه كان ناوي يسرق منه مبلغ محترم وكان عامل نصبايه كانت هتضر الراجل ده ضرر جامد واحنا كده خدمناه.فادي: طب افرض سعيد كشف اللعبه هنعمل ايه؟هشام: لاء متخفش هو خلاص شرب المقلب علي الاخر مفضلش الا خطوه واحده وانا طلبتك عشان لما هيشوفك داخل عند الراجل هيتلخبط ومش هيركز ويمضي علي الورق وهو ده اللي احنا عايزنه.فادي: يعني ان شاء الله هرجع النهارده؟هشام: اعتقد مفيش تاخير ان شاء الله يلا بينا عشان نبدأ الشغل.قاما الاثنان وتحركا معا.في الصباح استيقظ شهاب مبكرا واخذ يتحرك بهدوء من جوار ناديه وهو يراقبها ليتاكد انها نائمه حتي ابتعد عنها تماما وهو ينظر يميا ويسارا حتي تاكد انها لم تاتي خلفه وامسك هاتفه وطلب رقم وانتظر للحظات كانت ناديه كانت تشعر به وانتظرت حتي اطمأنت انه لا يرها ووقفت تستمع الي كلامه اجابه الهاتف قائلا: ايوه يا استاذ شهاب.شهاب بصوت منخفض: ايوه الراجل جهز باقي الفلوس ولا لسه يا راضي؟راضي: لسه قال قدامه يومين ويجبهم.شهاب: كده ماينفعش انا عايز اخلص قوله يخلص يا اما هرجعله فلوسه واشوف غيره انا عايز الحق اخلص.راضي: متقلقش خلاص هما يومين ده اخر كلام.شهاب: ماشي هستنا اليومين وامري لله.انهي معه المكالمه وعاد الي السرير كانت ناديه هي الاخري قد عادت الي السرير استلقي شهاب في مكانه مره اخري شعرت ناديه بسعاده فقد علمت انه لم يبع بعد عادت الي النوم مره اخري حتي اقترب موعدها مع السمسار استيقظت وقامت ارتدت ملابسها وخرجت كان شهاب مزال نائم ذهبت الي السمسار وشاهدت الشقه واعجبتها فقالت له: تمام الشقه دي حلوه جدا وموقعها ممتاز خلاص فين صاحبه همضي معاه العقد النهارده ونروح بكره نسجل واستلمها بعد بكره مناسب.السمسار: مناسب هو معندوش مشكله نتقابل بكره في الشهر العقاري ان شاء اللهناديه: خلاص تمام اتفقنا.تركته ناديه وخرجت اشترت بعد الاشياء وعادت الي المنزل كان شهاب قد استيقظ واعد لها طعام وينتظرها.شهاب: كنت فين يا حبي؟ناديه وهي تضع بعض الحقائب: كنت بشتري شوية حاجات يا بيبي.شهاب: طب يلا ادخلي غيري وتعالي ناكل سوي.ناديه: اوكيه بيبي.دخلت ناديه الي الغرفه وغيرت ملابسها وخرجت تناولت معه الطعام وبقيت معهعاد فادي في المساء الي الفيلا وهو سعيد فقد استطاع ان يعيد اموال والده التي سرقها سعيد دخل جلس مع والدته ينتظر اخوته حتي اتو جميعا وجلسو معهم فنظر اليهم فادي قائلا: الف مبروك يا شباب جبتلكو حقكو من الكلب سعيد وخليته رجع كل قرش سرقه.مازن بتعجب: ازي عملت ايه؟فادي: ما اخذ بالحيله لا يسترد الا بالحيله.مازن: وعرفت مكانه ازي؟فادي: هحكي لكم اللي حصل.وقص عليهم كل ما حدثمعتز: يعني انت اخدت منه كل الفلوس اللي سرقها من الشركه؟فادي: ايوه طبعا انا من يوم مارجعت وانا فتشت ودورت وحسبت كل قرش خده وجهزت بيه ورقه واول ماوقع في المصيده دفع كل حاجه زي الكلب مقدرش يفتح بوقه.معتصم: متوقعتش انك هتحاول تجيب الفلوس دي اصلا فكرتك استعوضت ربنا فيها.فادي: الفلوس دي شقا بابا وتعبه وانا مش ممكن اسبيها تضيع وكمان دي حقكم وانتو امانه في راقبتي مش ممكن اسيب مبلغ زي ده من غير ما ارجعه.مازن: احنا متشكرين ليك مش عارف اقولك ايه من ساعت ما جيت وانت صلحت كل حاجه بوظنها.فادي بابتسامه: بلاش الكلام ده بقي احنا اخوات وان مكنتش اقف مع اخواتي وارجع حقهم هقف مع مين يعني.معتز: خلاص بقي بلاش الكلام ده يلا نقوم نتغدي سوي اكيد كلكو جعانين وتعبانين.فادي: صح كده انا فعلا تعبان وهموت من الجوع يلا عشان اكل واطلع انام.قامو جميعا وجلسو علي الطاوله وتناولو الطعام وبعدها صعد فادي الي غرفته اخذ حمام وخرج جلس علي سريره اتصل بوعد لحظات واجابت قائله: ايوه يا فادي رجعت من إسكندريه ولا لسه؟فادي: اه يا حبيبتي الحمد لله لسه راجع من شويه يا دوب اكلت واخدت حمام.وعد: حمدالله علي سلامتك ربنا وفقك الحمد لله؟فادي: الحمد لله خدنا الفلوس من الكلب ده بس متوقعتش ان طنط ناديه تكون بالقذاره دي تخيلي انه اداها فلوس من اللي سرقها وانا كانت عارفه انه حرامي؟وعد بتعجب: معقوله في ام بالشكل ده؟فادي: للاسف دي الحقيقه لما طلبت منه الفلوس اللي سرقها كلها اعترف ان في جزء خدته ناديه وانه مش هيدفعه.وعد بحزن: طب وانت قولت لاخواتك علي الكلام ده؟فادي: لاء طبعا ومش هقوله لهم كفايا اللي عملته فيهم.وعد: طب الحمد لله انك رجعت بالسلامه نام يلا وارتاح عشان شغلك الصبح.فادي: مش هقولك لاء عشان انا تعبان جدا وفاصل الصبح هعدي عليكي اوديكي المستشفي.وعد: حاضر هستناك.انهي فادي المكالمه واستلقي علي السرير ولحظات وذهب في النوم.قابلت ناديه البائع والسمسار في الشهر العقاري وانهت العقد واشترت الشقه ودفعت المال وعادت الي الشقه وغيرت ملابسه كان شهاب مازال نائما ولم يشعر بها وعندما جلست بجاوره علي السرير شعر بها واستيقظ ونظر اليها قائلا: هي الساعه كام يا حبي؟ناديه وهي تتصنع النوم: معرفش يا بيبي انا كنت في الحمام ومخدتش بالي من الوقت.واستلقت علي السرير وتصنعت النوم امسك هاتفه ونظر به فوجد الساعه تخطت العاشره فقام بسرعه فلديه موعد مع المشتري في الشهر العقاري ليبع له الشقه فاقم بسرعه وارتدي ثيابه فقالت ناديه وهي تتصنع النوم: انت رايح فين يا بيبي بدري كده؟شهاب: عندي مشوار مهم ومش هتاخر يا حبي خليكي انت نايمه مستريحع وانا لما اجي هصحيكي.ناديه: ماشي يا بيبي بس هات معاك الغدي وانت جاي وسبلي العربيه عشان عندي مشوار اول لما اصحي باي.شهاب وهو يخرج مسرعا: ماشي باي يا حبي.خرج مسرعا وهو يقول في عقله: خليكي نايمه لحد ما اروح ابيع الشقه واجي اطردك منها طردة الكلاب.اما ناديه ظلت تمظر عليه حتي تاكدت من ذهابه فقامت اتصلت باحد شركات نقل الفرش لتاتي لها لتنقل فرشها للشقه الجديده وقامت جمعت اشياءها الخاصه والهامه في حقيبه واتي مندوبين من الشركه وخلال ساعتين اخرجا كل كا بالشقه من فرش وتحركت به السيارت الي شقتها الجديده وقبل ان تذهب سلمت الشقه للمشتري الجديد وذهبت الي شقتها الجديده كان المندوبين يقومون بوضع الاثاث في اماكنه وتظبيطه ظلت معهم حتي انتهو وذهبو وجلست علي كرسي الانتريه وهي تضحك علي شهاب الذي ظن انه خدعها اما شهاب بعد ان تركها ذهب للقاء المشتري والذي اتي متاخرا بعض الشئ ودخلو معا الي الشهر العقاري لانهاء العقد واذا بالموظف يقول: التوكيل ده مش مسجل عندنا اصلا يعني مش صحيح.شهاب بتعجب: يعني ايه مش مسجل انا مش فاهم انا رايح معاه وعامله بنفسي.الموظف: واضح انه متسجلش لا علي النت ولا في سجلات وملوش اي قيمه.شهاب بغضب: يعني ايه مش فاهم موظف الشهر العقاري اللي عمله مسجلوش ازي يعني؟الموظف:روح له اساله ميخصنيش اللي يخصني انه مش مسجل ومجرد ورقه عديمة الفيده.المشتري بغضب: يعني انت يا واد انت كنت عايز تنصب عليا وتاخد الفلوس وتكت صح.شهاب باستنكار: ازي يعني ما انا جاي معاك للشهر العقاري اهو يعني ازي هنصب عليك انا اللي اتنصب عليا واتلعب بيا.المشتري: لاء يا حبيبي الكلام ده مليش دعوه بيه انا عايز فلوسي علي داير مليم مفهوم اتقرتصت بقي وانضحك عليك ده موضوع يخصك انت انا عايز فلوسي.شهاب بغضب: فلوسك عندك اه والباقي هجبهولك بكره عشان مش معايا دلوقتي.المشتري برفض: لاء يا حبيبي احنا هنروح معاك دلوقتي للشقه وتجيب لنا الفلوس الباقيه.شهاب بغضب: انت بتخوني يعني انا هسرقك ليه انا قولتلك هرجعهم يبقي هرجعهم.المشتري: ماشي معاك وقت لبكره بس مش هصبر عليك يوم واحد مفهوم.شهاب: انا هروح دلوقتي علي الشقه اجيبلك فلوسك وارجع.تركهم شهاب وهو يجري كالمجنون ذهب الي الشقه وجد بابها مفتوح ولا يوجد بها اي فرش ويقف عامل يغير كالون الباب فصدم قائلا بغضب: انت يا اخ انت فين الفرش اللي كان في الشقه دي وبتغير الكالون ليه؟العامل: خدته صاحبته ومشيت من هنا خلاص واشتريها واحد جديد واستلمها من ساعتين وانا بغير الكالون بتاعها عايز حاجه.خرج شهاب وهو كالمجنون يخبط في الحيطان بيده ويصرخ قائلا: ماشي يا ناديه انا تعملي فيا كده تضحكي عليا وتسرقيني.واخرج الهاتف من جيبه وطلب رقم ناديه التي كانت تجلس تنتظر اتصاله فابتسمت واجابته بمكر قائله: ايوه يا بيبي في حاجه؟شهاب بغضب شديد: بيبي اه ما انا طلعت عبيط واضحك عليا فين فلوسي عايز فلوسي اللي كانت في الشقه.ناديه ببرود: فلوس ايه انت ملكش فلوس عندي؟شهاب بغضب: فلوسي اللي كانت في الشقه اللي سرقتيها.ناديه بضحك رقيعه: سرقتك هاها لاء يا حبيبي ده حقي واخدته انت مش كنت عايز تسرقني واحده بواحده والبادي اظلم يا بيبي.وازادت في الضحك مما اثار غضب شهاب قائلا: انا عايز فلوسي يا كلبه يا حربيه مش كفايا استحملت قرفك الفتره دي كلها كمان تسرقيني.ناديه بغضب: قرف ايه اللي استحملته يا زباله انت انا اللي غلطانه اصلا اني اتجوزت واحد زيك اصلا وعموما خلاص هصلح غلطتي واخلعك.شهاب بغضب شديد: اديني فلوسي وغوري في داهيه وبعدين دي مش فلوسي هاتيهم لموتك.ناديه باستهزاء: يا مامي خوفت انا اترعبت اعلي ما في خيلك اركبه الفلوس دي حقي ومش هتشوفها تاني انسي انك عرفتني اصلا وهيجيلك اعلان الخلع علي بيتك.وانهت المكالمه ظل شهاب يصرخ ويتوعدها قائلا: انا هنتقم منك انا هوريكي.طلب رقم سعيد اجابه سعيد صرخ فيه شهاب قائلا: شوفت البلوه اللي وقعتني فيها؟سعيد ببرود: بلوة ايه يا زفت انت هي ناقصاك.شهاب بغضب: ناديه بتاعتك نصبت عليا وسرقت فلوسي وهتخلعني كمان.سعيد بضحك: احسن يعني انا وانت انوحلنا بسبب ست ناديه.شهاب بغضب وتعجب: انوحلت في ايه واي وحله مش هتبقي زي اللي انا فيها الراجل هيموتني لو مرجعتش فلوسه والفلوس اللي حلتي كلها متكملش شوفلي حل طلعني منها.سعيد بغضب: كنت نفعت نفسي بدل الوحله اللي انا فيها اسكت بقي.شهاب بترجي: طب سلفهمولي وهردهملك علي طول بس اطلع من البلوه دي وهردهم علي طول.سعيد بغضب: انت مبتفهمش بقولك معيش فلوس اصلا اسمع تعالي مكتبي نتكلم واحكيلي ايه اللي حصل وهحاول اساعدك ماشي.شهاب: ماشي مسافة السكه وهكون عندك.ذهب شهاب الي سعيد جلس معه وقص عليه كل ما حدث نظر اليه سعيد قائلا: يعني انت جيت تسرقها هي سرقتك وبعدين انت عبيط انا حذرتك وقولتلك ناديه مش سهله دي حيه بتلبد وبعدين تلدغ ولدغتها والقبر علي طول.شهاب بغضب: انت هتقعد تقولي كلام انا عايز حل قولي حل؟سعيد بتفكير: قولي الاول انا هستفيد ايه؟شهاب بضيق: قولي عايز ايه؟سعيد: صاحبك شرقان اي حاجه امشي بيها حالي.شهاب: ليه والعشرين مليون راحو فين؟سعيد: ما رجعتهم الواد اللي اسمه فادي منه لله قوعني واخد الفلوس كلها مسبليش اي حاجه.شهاب: بص هات منها اللي تجيبه واديني فلوس الراجل والباقي حلال عليك.سعيد: يبقي اتفقنا بس انا نفسي انتقم من اللي اسمه فادي ده.شهاب بتفكير: سيبو ليا عندي فكره في دماغي له هطلعها من دماغه.سعيد: لاء ابعد عنه ده مسنود جامد واحنا مش قده خلينا مع ناديه انا هتصل بيها دلوقتي واخلص معها.امسك هاتفه واتصل بها نظرت بالهاتف وجدت رقم بدون اسم فاجابت قائله: الو مين معايا.سعيد: انا سعيد يا ناديه ايه نستيني خلاص؟ناديه: اهلا يا سعيد انت مش قولتلي ماكلمكش تاني بتكلمني ليه؟سعيد: ايه الطريقه ديه مش كفايا اللي جرالي من ابن جوزك.ناديه: فادي عمل ايه فيك؟سعيد: عملو عليا لعبه هو واحد صاحبه وخدو كل الفلوس اللي اخدتها منهم بس طبعا الفلوس اللي معاكي لاء.ناديه بفهم: جيب من الاخر عايز ايه يا سعيد؟سعيد: فلوس شهاب الراجل هيموته لو مرجعهمش وهو هيطلقك ويا دار مدخلك شر.ناديه: ماشي بس يبقي طلاق علي الابراء عشان ميقدرش يرجعني تاني.سعيد: وهو موافق قولي هنتقابل امتي؟ناديه: بعد يومين نتقابل عند المأذون.سعيد: خلاص ماشي هتصل ااكد عليكي بس انا كمان عايز قرشين امشي بيهم حالي فادي اشطني.ناديه بضيق: ماشي يا سيدي هديلك مبلغ تمشي بيه حالك نتقابل بعد يومين سلام.سعيد: نتقابل بعد يومين.انهي سعيد المكالمه ونظر له شهاب قائلا بغضب: يومين ايه وليه مش النهارده الراجل مديني مهله لبكره وان ما دفعتش هيطلع عين امي.سعيد: استخبي اليومين دول لحد مانخلص الموضوع مفيش حل تاني.شهاب: ماشي يا سيدي هستخبي وربنا يستر بقي انما فين ميدو خلع منك؟سعيد: لاء يا سيدي حب يعمل نفسه ناصح ومرضيش يرجع معايا ورسم علي خواجيه عشان يتجوزها ويعيش علي قفها طلعت وليه ناشفه حبسته وبهدلته واترحل وهيتحبس كمان.شهاب: واحده زي ناديه انما انت كلمتها بتلميح بس ليه؟سعيد: اللي زي ناديه ديه نابها ازرق مينفعش تتعامل معها وش لمح من بعيد عشان متتلدغش منها.شهاب: ماشي انا هروح استخبي ونتقابل بعد يومين.تركه شهاب وذهباتي عاصم الي فادي في الشركه وجلس معهفادي بابتسامه:اهلا بيك يا عم عاصم من زمان قوي مجتش شركتنا.عاصم بابتسامه: اهلا بيك يا بني تعرف انك تشبه ابوك قوي الله يرحمه.فادي بتعجب: غريب بابا كان ديما يقولي اني اشبه ماما.عاصم: تشبه في الطلع في الاسلوب مش في الشكل اول ماشوفتك حسيت اني شايف محمد قدامي.فادي: الله يرحمه.عاصم: الله يرحمه نتكلم في الشغل قرات دراسة الجدوي للمشروع.فادي: اه تمام دراسه حلوه ومشروع مربح.عاصم: تمام طب هنبدأ امتي عشان المشروع ده انا هسلمه لبنتي وابني بس عايزكم تبقو معاهم تعلموهم كل حاجه.فادي: ماما حكتلي كل حاجه وانا فاهم وان شاء الله نقدر نساعدهم.عاصم: يا بني ان ولادي ولاد حلال انا عمري ما دخلت جوفي ولا جوف عيال قرش حرام.فادي: يا عم عاصم انا متاكد من ده والا مكنتش قبلت الشغل معاك هنبدأ المشروع من الأسبوع الجاي تجيب ولاد حضرتك وان شاء الله نبدأ شغل.عاصم: ان شاء الله.كان عاصم ينظر له نظرات وكانه يريد ان يساله عن شئ ففهم فادي فابتسم له قائلا: عايز تسال عن ايه يا عم عاصم؟عاصم: مش عارف يا بني نفسي اعرف ايه اللي وصل عيالي لكده تعبت من التفكير.فادي بتفهم: عم عاصم انت ظلمت زوجتك ودي نتيجة الظلم فكرة ان الست تكون وعاء كلام فاضي وهي دي الغلطه اللي ارتكبته انت وبابا بس بابا لحق نفسه وصلحها صحيح كان الوقت اتاخر بس مظلمش حد والظلم وحش جدا وعواقبه وحشه.عاصم بتفهم: في ديه عندك حق فعلا غلطتي اني ظلمت زوجتي الاولي لما اهملتها عشان عيالي وظلمت نفسي لما جبت ام زي دي لاولادي وظلمتهم هما نفسهم كمان ربنا يسامحنيفادي: المهم دلوقتي تلحقهم قبل ما يضيعو.عاصم: البركه فيكم بقي السبت الجاي ان شاء الله هجلكم انا وبنتي وابني واعرفكم عليهم واسلمهم لكم وربنا معاكو انا كبرت خلاص ومش قادر اعمل حاجه.فادي: ولاد حضرتك زي اخواتي ماتخفش عليهم.عاصم: طب عن اذنك انا بقي اسيبك تكمل شغلك.تركه عاصم وذهب واكمل فادي عملهالتقت ناديه مع ميمي في النادي وبداتا تتحدثانميمي: ها عملتي ايه؟ناديه بتفاخر: خلاص خلصت الموضوع خلال يومين هيكون شهاب طلقني وهخلص منه خالص.ميمي: تمام والمكتب اخباره ايه؟ناديه: اوراقه خلاص بتخلص ابعتي انت بس الباشا بتاعك ومتخفيش مش هياخد في ايدي غلوتين.ميمي: قوليلي ناويه علي يمكن اقدر اساعدك؟ناديه: بصي يا ستي هفهمه ان عيالي قطعوني وبعدو عني عشان اتجوزت الراجل اللي حبيته وبعد كل التضحيات دي طلع واتي وطلقني ورماني وسرق فلوسي وعشان كده اضريت اعمل المكتب ده عشان اعيش منه وكمان هروح للولاد في الشركه عشان اعرض عليهم انهم يشتغلو معايا فطبعا هيرفضو ويبقي انا الام المظلومه المجني عليه اللي كل ظلمها بسبب غلطه ارتكبتها ومحدش التمس لها اي عذر.ميمي باعجاب: اه منك انت ده انا اتاثرت تمام كده الكلام ده هياكل معاه بس ابقي خفي المكياج شويه.ناديه بمكر: مكياج ايه هي اللي هتبقي في الظروف دي هيبقي فيها دماغ تتمكيج اصلا.ميمي بضحك: اه منك يا واعيه كده انا اطمنت يبقي عدلي وقع خلاص.ناديه: اسبيك انا بقي هروح للولاد في الشركه عشان اثبت عليهم حاله.ميمي: طب افرضي قابلوكي حلو؟ناديه بمكر: اللي ربي خير من اللي اشتري دول ولادي وانا عارفهم كويس سلام بقي نتقابل بعدين.ميمي: بس مش بادري كده استني شويه.ناديه بخبث: لاء يا حبيبتي مش بدري ولا حاجه دي لو اتاخرت هتبان انها فيك ومعموله عشانه لكن دلوقتي يبقي طبيعي ومفيش اي كدب.ميمي بفهم: تصدقي صح فاتتني دي انت طلعتي داهيه.وقفت ناديه بتفاخر وارتدت نظارتها وتحركت بتفاخر وتكتها وذهبت الي الشركه مباشرة جلست في السياره واتصلت بمازن كان مازن يجلس في مكتبه وعندما وجد رقمها لم يجيب وترك الهاتف يرن ففهمت انه لن يجيب فنظرت من شباك السياره لتنادي لاحد الحرس يخبره فرات معتز قادم من بعيد فنادته فاقترب من السياره لم يعرفها في البدايه قائلا: ايوه يا فندم حضرتك عايزه حاجه؟ناديه بضيق: ايه يا معتز نسيتني خلاص ومش عارفني.معتز بصدمه: انت ماما...نظرت ناديه من شباك السياره لتنادي لاحد الحرس يخبر مازن انها تقف عند الباب فرات معتز قادم من بعيد فنادته فاقترب من السياره لم يعرفها في البدايه قائلا: ايوه يا فندم حضرتك عايزه حاجه؟ناديه بضيق: ايه يا معتز نسيتني خلاص ومش عارفني.معتز بصدمه: انت ماما ايه اللي عملاه في نفسك ده وايه اللي لبساه ده؟ناديه بضيق: عملها ايه يعني ولبسه ايه وبعدين دي الطريقه اللي تقابلني بيها بعد الفتره دي كلها متنساش اني امك.معتز بغضب وهو يجز علي اسنانه: مش ناسي عايزن ايه وجايه ليه انت مش سبتينا وروحتي اتجوزتي؟ناديه بغضب: واضح ان مديحه بوظت اخلاقكم وخلتكم ماتحترمش الاكبر منكم.معتز بغضب اكبر: ممكن تقولي حضرتك عايزه ايه؟ناديه بضيق: يظهر ملوش لزوم الكلام معاك اندهلي اخواتك عايزه اشوفهم هستنا هنا لو مجوش هطلع لهم فوق.معتز بغضب: حاضر هطلع اقولهم عن اذنك.ناديه: اه صحيح قبل ما انسي عملت ايه نتيجتك ظهرت ولا لسه؟نظر لها معتز بغضب اكبر ولم يجب وسعد الي اخوته دخل غرفة مازن قائلا بغضب: انت يا استاذ انزل تحت امك عايزه تشوفك.مازن بتعجب: ما انا لسه كنت معاها في البيت ومسلم عليها قبل ما انزل.معتز: انا مش بتكلم علي ماما مديحه انا بتكلم علي ناديه واقفه تحت وعايزه تسلم عليكو انت معتصم.مازن بغضب: وايه اللي جابه ولسه فاكره اصلا ان عندها ولاد؟معتز بغضب:معرفش اهو انزل وخلاص بدل ما تطلع وتفرج علينا الشركه كلها باللي هي لبساه او اللي مش لبساه.مازن بغضب: تقصد ايه؟معتز بغضب: انزل وانت تعرف وخد معتصم معاك بلاش فضايح.تضايق مازن جدا وخرج من الغرفه واخذ معتصم ونزل لها وعندما رأوها الاثنين غضبا جدا من لبسها فهي ترتدي بادي قط علي بنطال ضيقوتضع الكثير من مساحيق التجميل.مازن بغضب: ايوه نعم عايزه ايه؟ناديه ببرود: ايه نستوني ولا ايه انا امكم بردو.معتصم بغضب بصوت خفيض: فعلا للاسف.مازن بغضب: منسنياش ولا حاجه انت اصلا اللي نسيتي ممكن تقولي جايه عايزه ايه؟ناديه بضيق: غيرت عنوان سكني وده العنوان الجديد تبعتو عليه الفلوس مفهوم.اعتطه ورقه مكتوب فيها العنوان اخذها مازن وضعها في جيبه بغضب قائلا: عايزه حاجه تانيه؟ناديه: متشكره كفايا مقابلتكم اللي تقرف دي.وتحركت بالسياره وتركتهم صعدا الاثنان الي المكتب وجدا معتز يجلس ينتظرهممعتز: هي كانت عايزه ايه؟مازن: غيرت عنونها وكانت جايبه العنوان الجديد.معتز بضيق: وانا اللي كنت فاكره افتكرتنا فعلا.معتصم: هي كانت بتفتكرنا اصلا وهي عايشه معانا.سكت الثلاثه ونظر كل منهم الي الاسفل خجلا منها حتي قال معتز: بقول ايه ارجعو لشغلكم وانسو اللي حصل.مازن: عندك حق انت كنت جاي ليه؟معتز: كنت جاي لفادي عشان هو بعتلي.معتصم: دا هو نزل راح الشركه ليزيد.معتز: خلاص هقعد استناه علي ما يرجع.معتصم: وانا هروح اشوف اللي وريا.جلس معتز علي احد الكراسي وعاد مازن للعمل.اما فادي كان في الشركه مع يزيد يتحدثان وكان يبدو علي يزبد الارهاق الشديدفادي: الشغل بتاع النهارده كده خلص.يزيد: طب تمام روح المستشفي خلص الشغل هناك وانا هخلص واروح عشان حاسس اني تعبان.فادي: معلش روح انت المستشفي النهارده عشان الشغل المطلوب عن القسم المجاني وده مسؤليتك وفي حاجات محدش يعرفها غيرك.يزيد: بتذكر فعلا الجزء ده انا ودكتور مصطفي بس اللي نعرف تفصيله خلاص هروح دلوقتي اخلص وارجع علي طول هتيجي معايا.فادي: مش عارف اصلي كنت عايز اتكلم مع معتز وطلبت منه انه يجي الشركه وزمانه مستنيني دلوقتي.يزيد:طب ما تقوله يجيله هناك اهو حتي يتدرب.فادي: هي فكره هكلمه ونسبقه علي هناك صح انا عايزك انت ورانيا اللي تعملو لنا تجهيزات حفلة الجواز عشان بصراحه الحفله بتاعت الكتاب كانت حلوه.يزيد: مابلاش انا مش عايز اتعامل معاها اصلا.فادي بضيق: الحب مش خيانه يا يزيد انت بتحب رانيا وده ابسط حقوقك انت ليه مش عايز تعترف بده وتسلميزيد بالم: انا مش هقدر اسعد رانيا لاني بحب ضحي ومش عارف اعمل ايه في قلبي اللي اتعلق بيها انا تعبان مش عارف انام ولا ارتاح وقلبي وجعني جويا لخبطا كتير ومش عارف افكر.فادي بضيق: انت اللي تاعب نفسك خد قرارك حبك لضحي مش هينتهي ولا هيموت بحبك لرانيا لان حب ضحي عايش في قلبك مهما حصل وحبك لرانيا ده شئ طبيعي وخلي بالك اللي زي رانيا ممكن في اي لحظه تروح.يزيد بتنبه: تروك يعني ايه تقصد ايه؟فادي: يعني ممكن تتجوز واحده زيها دكتوره شاطره وحلوه ليه ميجلهاش عرسان.جلس يزيد علي الكرسي الذي خلفه وكانه لم يكن يعي ذلك قائلا: ازي يعني وانا هعمل ايه ده مش قادر استحمل بعدها الفتره دي وتعبان عشان بقاوم ده لو بقت لغيري هتحمل ده ازي انت ليه بتصعبها كده.فادي بحزن: انا مش بصعبها بس دي الحقيقه ومينفعش اخدعك انت صاحبي وانا خايف عليك.اغمض يزيد عينه وفتحها بقلق وخوف ووضع راسه علي يدت قائلا: مش عارف مش عارف انا تعبان يارب الحل من عندك يارب.اقترب منه فادي وربط علي كتفه قائلا: سيبها لله واكيد هو عنده الحل يلا بينا عشان منتاخرش.قام يزيد معه وذهبا معا الي المستشفي كان يزيد شارد طوال الوقت في كلام فادي ويفكر به ولا يعرف ماذا يفعل وصلا المستشفي صعدا معا ذهب فادي لوعد وذهب يزيد يبحث عن رانيا حتي وجدها وظل يراقبها من بعيد وكلما راها تتكلم مع رجل يجن جنونه ويتمني ان يذهب اليها ويبعدها عنه ولكنه يتوقف لانه لو ذهب لها يتوجب عليه ان يخبرها بمشاعره وهو لايستطيع فعل ذلك فلم يتحمل الامر وعاد الي منزله اما فادي كان يقف مع وعد وكان شارد في حال يزيد فلاحظته وعد فقالت: ايه مالك سرحان في ايه؟فادي بقلق: يزيد حالته صعبه وخايف عليه.وعد بقلق: انا كمان لاحظت عليه ده ومش عارف ليه عندي احساس بالذنب ناحيته.فادي: ده لانك فعلا لو اتكلمتي معاه يمكن يرتاح.وعد: مش هقدر اقوله روح اتجوز صعب عليا.فادي بحزن: للاسف لو فضل كده ممكن نخصره.وعد بحزن: ايه نخصره ده اخر ذكره من اختي لما بشوفه بحس اني شيفاها (اخذت نفس وزفرته واكملت) مش عارفه اعمل ايه.فادي: اعملي اللي يمليه عليكي ضميرك.تنهدت وعد قائله: حاضر هحاول.فادي: طب يلا اجهزي عشان نروك هتصل بيزيد اشوفه خلص ولا لاء.وعد: حاضر هروح اقلع البلطو واجيب شنطتي واجي.ذهبت وعد واخرج فادي هاتفه واتصل بيزيد لكنه لم يجيب فقلق عليه اتت وعد واوصلها الي منزلها وعاد الي منزلها وبعد ان صعد الي غرفته حاول الاتصال بيزيد مره اخري فاجابه يزيد قائلا: ايوه يا فادي معلش كنت في الحمام لما تصلت اول مره.فادي: ولا يهمك انت فين سالت عليك في المستشفي وعرفت انك روحت.يزيد: اه مشيت بسرعه مقدرتش اتحمل وجودي هناك اسمع انا مش هروح هناك تاني هبعد عنها يمكن انسها.فشعر فادي بضيق وقرر ان يختبر قوة تحمله لذلك فقال: افضل بردو انا عرفت من وعد ان جيلها عريس كويس واهلها بيضغطو عليها عشان توافق.فزع يزيد من الكلام وحاول ان يداري فزعه قائلا: اه وماله ربنا يتمالها علي خير هي تستهال كل خير انسانه جميله وطيبه انا هقفل معاك بقي عشان عايز انام سلام.ابتسم فادي بحزن قائلا: سلام.وضع فادي الهاتف وهو يفكر ماذا يفعل حتي تعب ونام اما يزيد ظل يتحرك في المنزل ذاهبا وايبا دون توقف وهو في حالة غضب لا يعرف ماذا يفعل ايتركها تتزوج ولكن كيف سيتحمل الالم الذي بداخله ام يتحرك ويخطبها وماذا عن ضحي كيف يخونها بهذا الشكل ظل علي هذا الحال حتي صلاة الفجر نزل صلا في المسجد وبعدها ذهب الي الشركه لكنه لم يستطع ان يعمل او حتي يفكر في العمل فقرر الذهاب الي المستشفي والحديث مع رانيا واخبارها بكل ما بداخله فقد تساعده وصل المستشفي وبدأ البحث عنها وكان لم ينم يومين متواصلين وواضح عليه الارهاق الشديد شعر فجأه بالهبوط الشديد ووقع فاقد للوعي اتي بعض الممرضين وحملوه وضعوه باحد الغرف ونادو لدكتوره وعد وكانت رانيا تقف معها وعلمت بالامر فذهبت معها عندما راته وعد شعرت بالالم والحزن عليه وتذكرت كلام فادي..اتي طبيب وفحص يزيد وقال: واضح انه اتعرض لضغط نفسي شديد وفي ناس في الحاله دي بينسو ياكلو او يشربو وواضح انه منهم.تذكرت وعد ان ضحي كانت تقول عنه ذلك فقالت: ايوه فعلا هو منهم.الطبيب: طب تنام يبقي هيفضل هنا شويه هنعلقله محاليل ويفضل معانا لحد ما نطمن عليهوعد: تمام.الطبيب: الممرضه هتيجي دلوقتي بالحاجات وانا هفضل معها لحد ما اطمن عليه لو عايزه تروحي شغلك انت يا دكتوره.وعد بقلق: لاء مش همشي الا لما اطمن عليه.كانت تقف ويبدو عليها القلق علي يزيد رغم انها تحاول ان تداريه وكانت تنظر علي وعد وهي قلقه عليه بغيره علق له الطبيب المحاليل وذهب جلست وعد علي احد الكراسي وهي تنظر عليه بحزن زادت غيرة رانيا وتضايقت وقررت ان تذهب قائله بتردد: انا همشي عايزه مني حاجه؟تنهدت وعد قائله: خليكي معاه لحد ما اروح اكلم فادي يجي يقعد جنبه ميصحش افضل جنبه.رانيا: اه صح الاصول بردو.ففهمت وعد انها تشعر بالغيره منها فقالت: ايه انت بتغيري.راتيا بتردد وتجلج: اغير ليه واغير عليه ليه وانا مالي.وعد بمكر: ايه مش بتغيري عليا ولا ايه مش الصحبات بتغير علي بعض.رانيا بتوتر: اه طبعا اغير انك تاخدك صاحبه تانيه لكن يزيد مش صاحب ولا حاجه عن اذنك.وتركتها وذهبت وظلت وعد مكانها لبعض الوقت افاق يزيد وفتح عينيه ونظر الي وعد التي تجلس الي جواره قائلا بصوت ضعيف: هو ايه اللي حصل؟وعد: يظهر انك اتعرضت لضغط نفسي شديد ونسيت تاكل زي عادتك.يزيد بتذكر: اه فعلا نسيت موضوع الاكل ده خالص.وعد بتردد: متوقعتش انك بتحبها للدرجه دي؟يزيد بصدمه: هي مين دي انا مش ممكن اخون ضحي واحب غيرها.وعد بابتسامه حزينه: الحب مش خاينه وضحي اختي في عالم تاني وده حقك.يزيد بحزن: مش عارف مش قادر اخد قرار تعبان.كانت وعد تنظر ناحية الباب ورات رانيا التي عادت لتطمأن عليه لم تستطع الابتعاد كثير فنادتها وعد قائله: رانيا تعالي واقفه بعيد ليه؟اقتربت رانيا بخجل وتلجلج قائله: انا... انا كنت راحه العنبر اللي جنبكم قولت اطمن علي يز اقصد استاذ يزيد هو عامل ايه دلوقتي.وقفت رانيا امام باب الغرفه ونظرت ناحية يزيد فنظر لها قائلا: انت قلقانه عليا يا رانيا؟رانيا بخجل وهي تنظر للاسفل: هاه ايوه طبعا حضرتك انسان محترم ووو.رن هاتف رعد فنظرت وقامت تحركت ناحية الباب جزبت رانيا وقربتها من سرير يزيد قائله:خليكي معاه لي ما ارد علي التلفون وارجع.وتركتهم وذهبت وقفت رانيا مكانها بالقرب من السرير وهي تنظر في الارض من الخجل قائله: عامل ايه يا استا يزيد بقيت احسن؟يزيد بابتسامه: يهمك امري تزعلي عليا لو جري لي حاجه؟رانيا بتردد وتلجلج: هاه يعني ايه م ط ط طبعا انت زميل محترم واي حد لازم يقلق عليك.يزيد بابتسامه: اي حد اي حد مكنتش اعرف اني غالي عندك كده.فشعرت بالخجل وكادت تخرج فحاول ان يقوم فلم يستطع فهو مزال متعب فقال بالم: اه مش قادر اقوم ممكن تساعديني.فالتفت له بسرعه بقلق قائله: سلامتك ليه بس بتحاول تقوم خليك مريح لحد ما المحلول يخلص.يزيد: طب ممكن تقربي مني هنا عايز اقولك كلمتين.اقتربت رانيا بخجل قائله: كلمتين ايه دول اللي عايز تقولهم استني لما تفوق.يزيد بتردد: خلاص مابقتش قادر رانيا انا بحبك وعايز اتجوزك فلو تقبليني اكون سعيد جدا.تفاجاءت رانيا بالكلام وظلت مكانه تنظر الي الاسفل هنا هناك ولا تعرف ماذا تقول فهي تريد ان تساله عن ضحي وحبه لها ولكنها لم تستطعتنهد يزيد قائلا: انت اكيد تعرفي قصتي مع ضحي (سكت لحظه ثم اكمل) انا مش هقولك اني نسيتها لاني مش ممكن اقدر انسها بس اقدر اقولك اني دخلتي قلبي وملكتيه وفجاءه بقيتي شئ مهم جدا في حياتي مقدرش اوعدك اني هنسي ضحي بس اقدر اوعدك انك عمرك ما هتحسي بوجد واحده تانيه في قلبي غيرك.رانيا بخجل: انت لو كنت قولت انك هتنسي عمري ما كنت فكر فيك اللي يحافظ علي ذكره الانسان اللي حبها يبقي انسان وفي وامين وده بقت حاجه نادره دلوقتي.ابتسم يزيد قائلا: يعني انت موافقه وبتحبيني زي ما بحبك؟رانيا بتلجلج وتردد وخجل وهي تتحرك ناحية الباب: ايه ده يا خبر عن اذنك.فابتسم يزيد قائلا: طب ممكن تحددلي معاد مع والدك.هزت رنيا راسها بخجل وخرجت مسرعه راتها وعد فابتسمت من خجلها ودخلت غرفة يزيد قائله: انت كلمتها.يزيد بتردد: بصراحه ايوه انا عارف ان ده...قاطعته وعد قائله: متقولش حاجه انا عارفه كل اللي عايز تقوله انا فاهمه ومش زعلانه من حقك تعيش ورانيا كمان صاحبتي وعمري ما كنت اتمنلها شخص احسن منك بس اوعي تجرحها.يزيد بخجل: ممكن طلب؟وعد: اتفضل.يزيد: انا بعتبرك اختي الصغيره ينفع تيجي معايا وانا بخطبها؟وعد بتردد: اعتقد ده ممكن يتفهم غلط الافضل تروح لوحدك.اتي فادي في هذه اللحظه ودخل الغرفه قائلا: مالك يا يزيد الف سلامه عليك ايه اللي حصل.يزيد بابتسامه: ايه ياعم الخضه دي انا كويس الحمد لله بس دوخت شويه بس.دخل فادي وجلس الي جواره علي طرف السرير قائلا: اه يعني كنت عايز تعرف غلوتك عندنا بس مش كده.وكان يغمز له بابتسامهفابتسم يزيد قائلا: وخلاص يا سيدي عرفت واتاكدت.وعد بخحل: طب عن اذنكم انا هروح اشوف شغلي.فادي بتفهم: طب خلاص روخي وانا هاجيلك بعد شويه.وعد بمزاح: تجيني فين وهو انا في بيتنا انا في شغل خليك مع صاحبك.وتركتهم وذهبت وتلاشت البسمه المصطنعه من علي وجهها فهي كانت تداري مابها من الم نظر فادي ليزيد قائلا: ايه كلمتها وخلصت الموضوع.يزيد بتعجب: وانت عرفت منين اني هكلمها؟فادي بابتسامه: يا بني ما انا قولتلك انها هتتخطب عشان كنت عارف ان ده هيحركك ويخليك تاخد موقف.يزيد بابتسامه: مكنتش اعرف انك مكار كده بس عموما كلمتها وهتحددلي معاد اروح اطلبها من باباها.فادي: ايه رايك بقي نتجوز في يوم واحد؟يزيد: انت بتهرج انت هتتجوز بعد كام يوم مينغعش طبعا.فادي: يبقي خلاص نعمل خطوبتكم مع فرحنا وانا ووعد هنجهز لكم القاعه زي ما جهزوتها لنا يوم الكتاب.يزيد بتفكير: هعرض الامر علي رانيا واشوف هتقول ايه.فادي بسعاده: يبقي خلاص اعتبر ده هيحصل ومتقلقش من وعد سبها عليا انا عارف ان الموضوع هيكون صعب عليها شويه بس متخفش وراك رجاله.فضحك يزيد قائلا: انا متاكد من ده.فادي: ماشي ياعم انا هفضل قاعد معاك لحد متفوق ونروح سوي.يزيد بمزاح: ماشي ياعم اهي حجه عشان تفضل جنب وعد.فادي بضحك: اه يا فاهمني انت.وظل معه فادي حتي افاق وخرجا معا اوصله الي منزله وعاد الي عمله ومر اليومذهبت ناديه للقاء سعيد وشهاب عند مكتب مأذون كانا الاثنان ينتظرها امام الباب وقفت بسيارتها ونزلت منها وكان معها شاب ضخم جدا يقف خلفها فتعجب سعي قائلا: ايه ده مين يا ناديهناديه بضجر: ده بودي جارد عشان يحميني منكم لو فكرتو تقلو اصلكم معايا.شهاب بضيق: خايفه منا ولا من عميلك السوده؟ناديه بغضب: وعمايلاك انت كانت بمابي انت هتستعبط رايح تبيع الشقه من ورايا وفاكرني هبله يلا يا حبيبي ندخل تخلص وتخرج تستلم فلوسك.شهاب: وانا ايه يضمنلي انك متخليش بيا بعد الطلاق؟ناديه: انا اصلا مش عايزاك ولا عايزه اشوف وشك اصلك وعايزه اخلص من شبكتك السوده دي.شهاب: مش هطلق الا لما تمضي علي شيك بفلوسي كلها ولما اطلقك تاخدي وتجيبي الفلوس.ناديه بتفكير: طب وان رفضت؟شهاب بغضب: مش هطلق وهطلبك في بيت الطاعه واهبهدلك والبتاع اللي جايبه معاكي ده مش هينفعك.ناديه بغضب: ماشي خلاص هكتبلك الشيك بس لحامله.اخرجت دفتر الشيكات وكتبت الشيك وقالت: مش هتاخد الا جوه عند المأذون.سعيد: ماشي يلا ندخل.دخلو الاربعه معا وتم الطلاق وخرجو معا اعتطت ناديه النقود لشهاب واخذت الشيك وذهبت.نظر سعيد لشهاب قائلا: روح بقي للراجل اديله فلوسه واخلص منه.شهاب بمكر: ايوه هخلص منه وافوق للهانم ديه ولازم اعلمها الادب واخد حقي منها.سعيد: نصيحه مني سيبك منها دي بلوه بدل ما تازيك.شهاب بتوعد: مش شهاب اللي يتعمل فيه كده انا مش هسكت بس هلاعبها بطريقتها.سعيد: انا حذرتك وانت حر ناديه مكنتش هرجع فلوسك الا لو منمره علي حاجه تانيه.شهاب بتفكير: كويس انك قولتلي انا بقي عارف هعمل ايه سلام.اخذ شهاب النقود وذهب دفعهم للرجل وبدأ يبحث خلف ناديه ويراقبها لينتقم منها.كان فادي في الشركه هو مازن ومعتصم يجلسون في مكتب مازن واتي عاصم وابنه وابنته وجلسو معهمعاصم: اعرفكم بنتي بسنت وابني حسام هما اللي هيكونو مسؤلين عن المشروع معاكم.فادي: اهلا بيكم مازن اخويا هو اللي هيكون مسؤل عن المشروع ده.عاصم: طب انا همشي بقي عشان عندي شغل مهم في الشركه وهما معاكم اهو فاهموهم كل حاجه وعلموهم الشغل (ونظر الي اولاده قائلا) انتو كمان نفذ كل اللي هيطلب منكم وعايزكم ترفعو راسي.نظر اليه الاثنان بغضب قائلينبسنت بنظرات تحدي وغضب: حاضر يا بابا هنرفع راسك.حسام بغضب: ماشي عنينا ليك.تركهم عاصم وخرج وخرج معه فادي وقفا اما باب الغرفهفادي: واضح انهم جاين غصب عنهم.عاصم: هما كانو رافضبن بس انا هددتهم اني هسحب منهم كل حاجه فاضطرو يجو.فادي: تمام انا مفهم مازن كل حاجه وهو هيتصرف معاهم ماتقلقش عليهم.عاصم: انا مش قلقان لانهم معاكم انا عارف انكم ولاد حلال وهتخلو بالهم منهم ابوك كان ديما يقولي ايه عمري ما بنسها وفهمت قصدها منها.فادي بابتسامه: عارفه وحافظها (وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا).عاصم بابتسامه: فعلا اللي خلف مامتش الابن سر ابيه هي دي فعلا ويا رتني عملت بيه بس الحمد لله اني فهمت قبل فوات الاوان بس انا عايز اقولك يا بني اني عمري ما دخلت بيتي قرش حرام يمكن اكون ظلمت نبيله لكن عمري ما حاولت ارتكب معصيه من المعاصي الكبيره.فادي بابتسامه: انا عارف يا عم عاصم والا مكنتش قلبت الشغل معاك.خرج عاصم وعاد الي شركته ودخل فادي الي المكتب وجد مازن يتشاجر مع بسنت فابتسم قائلا: ايه انتو هتبدأو خناق من اولها مازن خليك حنين عليها وانت يا استاذه بسنت لو سحمتي الشغل شغل لازم تكوني قد المسؤليه وانت يا معتصم خد حسام كده وفهمه نظام الشغل.حسام براخامه: لاء انا هفضل هنا مع اختي ما ينفعش اسبها لوحده مع الشخص ده.ابتسم فادي قائلا: خلاص خليك تعالي انت يا معتصم عشان عندنا شغل مهم.خرجا الاثنان وذهبا الي مكتب فادي نظر معتصم الي فادي قائلا: انما ليه اخترت مازن للموضوع ده؟فادي: لاني فاهم اللي في دماغ عمي عاصم وثانيا لان مازن محتاج ده.معتصم: ايه بقي اللي في دماغ عم عاصم؟فادي باتسامه: يعني انت مفهمتش؟فضحك معتصم قائلا: لاء فهمت بس باستعبط والحمد لله انك بعدت عني عشان طريقي مشغول.فادي بضحك: طريق ايه اللي مشغول يا بني انت لسه في طالع ثلاثه جامعه ولسه بقيلك سانيتين مشغول بايه؟معتصم: بقولك ايه لو لقيت منها قبول هتجوزها ونكمل بعد الجواز انا مش هقعد استني ده كله.فضحك فادي من تعجله قائلا: ماشي ياعم بس تكون واحده محترمه مش اي كلام.معتصم بسعاده: لاء متاخفش من الناحيه ديه تعدي بس السنه دي واكون ظبط الدنيا معها.فادي بغضب: اوعي تروح تمشي معها او تكلمها من وري اهلها ده حرام.معتصم: لاء متخفش انا عايز الحلال يعني مش هعمل حاجه من ديه وفي الوقت المناسب هقولك كل حاجه.فادي باتسامه: لاء ابقي قول لماما وهي اللي هتقولك تعمل ايه.معتصم بتذكر: اه صحيح ايه العبط اللي انا فيه ده انت عريس وفرحك خلاص بعد كام يوم مش فاضي لنا ياعم.فادي: انا كنت عايز اخلي ماما تيجي تعيش معايا بس هي رفضت عشانكم اوعو تزعلوها.معتصم بابتسامه: في حد يزعل الملايكه يابني.ومرت الايام بسرعه وخطب يزيد رانيا واقنع والديها بان تكون الخطوبه في نفس يوم زفاف وعد وفادي وبالفعل تم عمل حفل بسيط لكنها كان جميل وملئ بالحب.

[/p][p] تااااابع ◄ أسمى معاني الغرام