راضي بثقه: لانه كان بيحاول يحلها غلط انما انا ليا طريقتي.شكري: ماشي معتقدش هخسر اكتر من اللي خسرته عايز تعرف ايه؟راضي: تعالو نقعد كده ونهدي وتحكي كل اللي حصل من اول الحكايه خالص.جلسو جميعا وظلو صامتين للحظات

<a name=\'more\'></a>شكري: هو لازم كل حاجه ما ينفعش يعني اجبلك اخر الموضوع وخلاص.راضي: لاء لازم من الاول وتعمل حسابك انك هتجاوبني علي كل الاسئله اللي هسالها لك وتجاوب بصدق لانك لو كدبت هتضر نفسك.شكري: حكي كل حاجه من البدايه انا خلصت علام اخدت دبلوم تجاره وكنت بدور علي شغل اي شغل جالي واحد صاحبي وقالي في شركة امن طالبه افراد امن وان دي شغلانه حلوه هننبسط فيها فروحت معها واتعينا فيها وبعتونا كل واحد فينا علي عماره طلع نصيبي انا في العماره اللي قصاد فيلة رانيا وانا بقي كنت واد روش واي بت بتقع من نظره وانا رايح الشغل اول يومبدأ يتخيل الامر كانه يراه.كان يسير في الطريق بجوار حديقة الفيلا وكانت رانيا تجلس علي الارجوحه وعندما راها شكري تجمد مكانه من جمالها ظل ينظر لها كانت تجلس علي الارجوحه وهي سعيده وتدندن شعرت ان احدا ينظر عليها فنظرت في اتجاه الباب فوجدته يقف ينظر عليها فنظرت له نظرت غضب فابتسم لها بكل برود وارسل قبله في الهواء فتضايقت منه ودخلت الي فيلاتها واغلقت الباب بغضب فابتسم قائلا: يظهر السناره غمزت هاهاهاها.اكمل السير حتي وصل الي العماره كانت تبعد مترين او ثلاث عن الفيلا نظر عند الباب يبحث عن البواب لم يجده فدخل الي مدخل العماره وبدأ ينادي بصوتا عالي: انت يا اهل الله يلي هنا انت بني ادمين في حد هنا.فخرج البواب علي صوته من غرفته وكان غاضب من صوته العاليمرعي بغضب: في ايه انت مين وعمال تزعق ليه؟شكري بضيق: انا السكيرتي الجديد للعماره انت مش قاعد علي الباب ليه سيبها زريبه لكل من هب ودب.مرعي بضيق: ماتنقي الفظك كنت في الحمام ايه مبتدخلش حمام.شكري: خلاص يا عمنا مين المسؤل هنا اللي هيسلمني الشغل؟مرعي: انا المسؤل هنا اتفضل يا سيدي الاوضه دي هي اوضة الامن (واشار الي غرفه بجوار غرفته).دخل شكري الغرفه وبدأ يتفحصها بنظره كان بها مكتب صغير وكرسي وسخان كهرباء لعمل الشاي.شكري: مش بطاله اهو ابقي اقعد فيها لما الجو يكون برد.مرعي بتثاقب: خلاص كده انت استلمت الشغل انا بقي هدخل انام ساعتين خلي بالك من العماره.شكري: ادخل ارتاح انا هخلي بالي علي ما تصحي.دخل مرعي الي غرفته ونام اما شكري جلس علي مكتبه بدأ يتثاقب ويتمطع ثم ربع يده علي المكتب ووضع راسه عليها وذهب في نوم عميق نزل احد سكان العماره فلم يجد مرعي يجلس علي باب العماره كعادته فندي بصوت عالي قائلا: مرعي مرعي انت يا بواب انت فين؟استيقظ مرعي علي صوته وخرج مسرعا.مرعي بنعاس: ايوه يا فهمي بيه في حاجه؟فهمي بغضب: سايب العماره ونايم مين يحرسها؟مرعي: انتو مش جبتو امن جديد انا سبته يحرسها دخلت انام انتو قولتولي ان وقت راحتي يبدأ بمجي الامن ده.فهمي بغضب: انت بتستعبط فين هو الامن ده؟مرعي وهو يشير الي الغرفه: جوا في اوضة الامن يا بيه.اقترب فهمي من الغرفه فنظر علي شكري النائم وكانه قتيل رغم كل هذا الصوت العالي ولم يستيقظ فخبط فهمي علي باب الغرفه خبطه عاليه ايقظت شكري ورفع راسه ينظر الي فهمي قائلا: ايه الدوشه دي قلقتوني.فهمي بغضب: انت جاي تنام هنا ولا تشتغل؟شكري: جاي اشتغل بس معلش راحت عليا نومه.فهمي بحده: انت جاي تنام من اولها اسمع لو مانتاش قد الشغل خلاص امشي.شكري: ماتكبرش الموضوع يا بشا ده اول يوم ليا ولسه ماخدتش علي الجو بس.فهمي: طب ماشي بس لو جيت لقيتك نايم تاني همشيك.شكري: ماشي يا بشا.صعدا فهمي الي شقته ودخل مرعي الغرفه لشكري ونظر له قائلا: لما انت هتنام مقولتش ليه نتناوب كده ماينفعش.شكري بضيق: خلاص بقي ياعم مرعي مكنتش اعرف اني هنام.مرعي: طب اخرج اقعد بره عشان ماتنمش.شكري: حاضر هاخد كرسي واقعد بره.مرعي: طيب انا هسبقك واقعد بره وانت حصلني.شكري: ماشي ياعم مرعي انا جاي وراك علي طول.خرج مرعي جلس علي الكرسي امام العماره اما شكري فعاد للنوم مره اخري حتي استيقظ علي صوت مرعي وهو ييقظهمرعي: انت يا شكري اصحي كفايا نوم الورديه خلصت.استيقظ شكري ونظر الي مرعي قائلا: ايه ده هو الوقت جري بسرعه كده.مرعي: ايوه جري بس النهارده هعديهالك عشان اول يوم لكن بعد كده لاء ماشي.شكري: وماله ماتعديهاش انا ماشي سلام.وخرج من الغرفه ومن العماره مر بجوار الفيلا كان ينظر في الحديقه يبحث عن رنيا لكن الوقت كان مبكرا ولم تكن بالحديقه فاكمل طريقه وعاد الي منزله وفي اليوم التالي في موعد العمل وهو يسير في الطريق الي العماره وقف امام باب الفيلا ينظر علي رانيا التي كانت تلاعب قطتها وتضحك.فضحك هو الاخر فنظرت رانيا ناحيته فتضايقت من وقفه والنظر عليها فدخلت الي الفيلا اكمل هو الي العماره وكانت بدأت تشغل عقله ففكر ان يسال عنها مرعي وجده جالس امام باب العماره فالقي عليه التحيهشكري: السلام عليكم ازيك يا عم مرعي.مرعي: الحمد لله تعالي اقعد مكاني عشان ادخل انام شويه.شكري: عنيا انت تؤمر يا عم مرعي بس كنت عايز اسالك علي حاجه.مرعي: اسال.شكري: هي الفيلا دي بتاعت حد من الحكومه او حد واصل يعني؟مرعي: لاء دي بتاعت راجل كان شغال سفير عايش فيها هو وبنته.شكري: اه عشان كده شوفتها قاعده في الجونينه.مرعي: هي بنت جميله وطيبه كل اللي بيشتغلو عندهم في الفيلا بيشكرو فيها.شكري: طيب شكرا يا عم مرعي.تركه مرعي ودخل لينام وجلس هو مكانه علي الكرسي وكانت عينه علي الفيلا فهي قريبه من العماره لحظات وجلست رانيا في الشرفه وكانت تقرأ في كتاب ظل شكري ينظر عليها ويتامل جمالها الذي فتنه حتي انه لم يشعر بمرور الوقت حتي اتي مرعي ووضع يده علي كتف شكري الذي فزع وصرخ وفز من مكانه واقفا فضحك عليه مرعي قائلا: ايه دا انت طلع قلبك خفيف قوي.شكري بضيق: لا خفيف ولا حاجه بس كل الموضوع اني كنت سرحان شويه.مرعي وهو يضحك: طب ياعم السرحان ادخل هات الكرسي من جوه وتعالي اقعد معايا.شكري: ماشي هجيب الكرسي.ونظر علي الشرفه فكانت رانيا قد دخلت الي غرفتها فدخل نام علي المكتب بدل من ان يحضر الكرسي وعندما تاخر فهم مرعي انه نام فتركه حتي انتهي موعد العمل ودخل ايقظه ليذهبمرعي: اصحي يا شكري الورديه بتاعتك خلصت.شكري بنعاس: طيب انا همشي اهو.تركه مرعي وعاد للجلوس علي كرسيه قام شكري وقف يتثاقب ويطمطع ويحرك جسده يمينا وشمالا وخرج القي التحيه علي مرعي وذهب وفي اليوم التالي اتي في معاده وقف امام باب الفيلا كانت رانيا تجلس علي الارجوحه فدخل واقترب منها وهو ينظر لها بحبشكري بحب: ممكن ادخل اتكلم معاكي يا انسه؟ففزت رانيا منه وتعجبت من جرأته ودخوله حديقتهم قائلة بغضب: انت ازي تدخل كده من غير استإذان؟شكري: اصل معجب بيكي من ساعت ماشوفتك ومبقتش قادر قولت لازم اكلمك.رانيا بغضب: انت مين اصلا وعايز مني ايه؟شكري بحب: انا قولتلك انا معجب بيكي وكنت عايز نتعرف علي بعض.رانيا بغضب: وانا مش عايزه اتعرف عليك اطلع بره بره.شكري بضيق: ليه بس كده يا جميل عموما انا هخرج بس مش هيأس ابدا.فتركها وخرج ودخلت هي الي الفيلا واغلقت الباب بغضب شديد فزع شكري من شدة خبطة الباب ونظر اليه قائلا: ماشي يا جميل بكره قلبك يجيبك.وذهب الي العماره كان مرعي يجلس علي الكرسي وينظر له فقد راه عندما دخل حديقة الفيلا وسمع صوت البابمرعي: نصيحه يا بني ملكش دعوه بيها دول ناس هاي واحنا علي قد حالنا يعني عمرها ما هتبصلك.شكري بغرور: ومين قالك اني علي قدي انا بشتغل بس عشان اتسلي انت فاهم غلط.مرعي: عموما انت حر انا هدخل انام شويه.وتركه مرعي ودخل وجلس هو علي الكرسي وظل ينظر علي الشرفه علي امل ان تخرج لكنها لم تخرج فتاضيق وقام اقترب من باب الفيلا ونظر لم يجد احد فعاد الي العماره وظل هكذا حتي استيقظ مرعي واتي اليهمرعي: انا جيت ادخل هات كرسي ولا هتنام؟شكري بضيق: لاء هنام.وتركه ودخل جلس علي كرسي المكتب بغضب وظل يفكر كيف يلين قلبها وقرر ان يشتري لها هديه وفي اليوم التالي اشتري سلسله فضه ووضعها في علبه قطيفه واقترب من باب الفيلا لكنه وجده مغلق علي غير العاده فتضايق واكمل الي العمار وجد مرعي يجلس علي كرسيهشكري: السلام عليكم بقولك هما قفلو باب الفيلا ليه؟مرعي: عشان ماتدخلش تاني.شكري: يعني بسببي ماشي.مرعي: برحتك انا داخل جوي.تركه مرعي ودخل اما شكري كاد عقله يجن فهو يريد ان يقدم لها الهديه فاخذ الكرسي وضعه بجوار صور الحديقه ووقف عليه ونظر بالحديق فوجد رانيا تلعب مع قطتها في الركن الاخر من الحديقه بعيدا عن الباب فظل ينظر عليها من مكانه دون اصدار اي صوت حتي وجد فرصه مناسبه فقفز من علي الصور ودخل اليها دون ان يصدر صوت وظل مختبأ خلف شجره حتي اقتربت منه فجذبها بيده الي صدره ووضع يده علي فمها كي لا تصرخ ونظر الي عينيها.شكري بحب: انا عارف اني خضيتك بس انتي اللي قفلتي الباب واضتريتني لكده.كانت تزوم بغضب وتنظر بنظرات ازدراء وتحاول ابعاده عنها لكنه اقوي منها فلم تستطعشكري: بصي انا جبتلك هديه ونفسي انك تقبليها مني وتديني فرصه وانت هتتاكدي اني بحبك.فنظرت له بغضب اكثر وهي تزوم وتحاول ابعده عنها بكل الطرق.شكري: بصي لو وعدتيني انك مش هتصوتي هيبك ماشي.فاشارت براسها نعم فبدأ يفلتها قليلا قليلا وهي لم تصرخ فتركه وابتعد عنها وقدم لها العلبه فنظرت اليه بغضب وازدراء وقالت: ايه القرف ده اسمع خد هديتك وامشي انت مفكر اني ممكن ابص لواحد زيك بيشتغل بواب.شكري بغضب دون ان يرفع صوته: انا مش بواب انا شغال سكيورتي مش حاجه وحشه يعني وبعدين انت بتتكبري علي ايه.رانيا باستنكار: انت مفكر نفسك بني ادم ممكن انا ابصله.شكري بغضب: احلي بنات في البلد كلها تتمانني انت متسويش حاجه اصلا ده انا جبرت بخطرك وبصتلك.رانيا بستهزاء: كتر خيرك يلا خد هديتك وامشي مش عايزين قرف قال جبرت بخاطري قال ده انا مرضاش اشغلك عندي بواب اصلا.فنظر اليها بغضب والقي العلبه في الارض واتجه ليخرج من البابرانيا بغضب: اخرج زي ما دخلت من وري الصور زي الحرميه.فغضب جدا ونظر اليه بغضب قائلا: ماشي انا هعرف اذلك ازي يا بنت ال، ولا بلاش.وتركها وقفز من فوق الصور وعاد الي العماره وجلس علي الكرسي بغضب شديدشكري في عقله بتوعد: انا هعرف ازي اادبك يا بنت الكلب انتي بقي انا مش عجبك انا بكره هخليكي جريتي مش حبيبتي.استيقظ مرعي واتي اليه لاحظ انه غاضب جدامرعي: ايه مالك يا بني ايه اللي مزعلك كده؟شكري: مفيش يا عم مرعي انا بس تعبان وهمشي دلوقتي بس هجي بكره في المعاد.مرعي: ماشي يا بني.ذهب شكري وهو غاضب واثناء سيره وجد العلبه بالهدية ملقاه علي الارض فاخذها وذهب لكنه لم يعد الي منزله ولكن ذهب الي منزل احد السحره المعروفين في منطقته كان الساحر يجلس ويضع امامه المبخره وبجوارها بعض الجماجم والضوء خافت والدخان يملاء المكان والساحر ينظر نظرات مرعبه و شكله مرعب وكان شكري يجلس امامه بغضب شديدشكري بغضب: انا عايزك تعملي حاجه تخلي واحده تبقي جاريه عندي وذليله ليه.الساحر: كله بثمنه.شكري بحقد: هدفعلك اللي انت عايزه.الساحر: خلاص هعملك سحر محدش يعرف يفكه ابدا.شكري بحقد: لاء انا مش عايز سحر عادي انا عايز اقوي حاجه عندك حاجه ملهاش حل.الساحر: طلبك عندي حاجه ملهاش حل حتي لو اللي عملها لها ماتت هتفضل هي موجده.شكري بخبث: هو ده اللي انا عايزه.الساحر: بس خلي بالك دي لعنه يعني مش بتنتهي.شكري وهو ينظر بحقد: هو ده اللي انا عايزه.الساحر: هاتلي حاجه من اترها شعرايه من شعرها حاجه من لبسها بس تكون ماتغسلتش.شكري بتفكير: هو ده صعب بس هجبهولك هجيلك بكره واجيبه معايا.الساحر: وتجيب معاك الفلوس.شكري: ماشي هجبلك كل اللي انت عايزه اه بس عايز الحاجه دي مش محتاجه احطها لها في اكل ولا شرب ماشي.الساحر: ماشي وانا عند قولك.وفي اليوم التالي بعد ان دخل عم مرعي لينام انتظر شكري قليلا واخذ الكرسي وصعد عليه ونظر من علي الصور فوجد رانيا تلعب مع القطه فقذ الي الداخل واختبأ خلف شجره وقذف قطعة زجاج مكسور علي الارض بالقرب من رانيا فراتها رانيا فامسكتها بيدها لترفعها عن الارض فجرحتها في اصبعها فالقت بها في الارض ودخلت بسرعه لتضمض الجرح فالقطعه كانت مسننه فجرحتها جرح عميق فاخذها شكري بالدماء التي عليها ووضعها في علبه صغيره وخرج من الحديقه وعاد الي كرسيه حتي استيقظ مرعي واتي.شكري: معلش يا عم مرعي انا مضطر امشي.وتركه وذهب دون ان ينتظر رده وذهب الي الساحر وقدم له العلبه وبها قطعه الزجاج وعليها دماءها فاخذها الساحرالساحر بسعاده: برافو عليك ده هيخلي اللعنه اقوي جدا.استيقظ مرعي واتيشكري: معلش يا عم مرعي انا مضطر امشي.وتركه وذهب دون ان ينتظر رده وذهب الي الساحر وقدم له العلبه وبها قطعه الزجاج وعليها دماءها فاخذها الساحرالساحر بسعاده: برافو عليك ده هيخلي اللعنه اقوي جدا.اخذ الساحر القطعه من شكري ووضعه في اناء كبير وسكب عليها مادة من زجاجه واخرج كتاب مكتوب عليه اللعنات وفتحه وبحث فيه قليلا حتي اختار صفحه وبدأ يقرا بعض التعاويذ والكلمات ونظر الي شكري قائلا: حط حاجه من عندك منديل او حته من هدومك عشان تبقي الرابطه بينك وبنها ابديه.فقرب شكري يده من قطعه الزجاج وجرح اصبعه ووضع بعض نقط الدم وعاد الي مكانه فابتسم الساحر قائلا: دا انت عايزها ماتخرجش من تحت ايدك ابدا.وضحك ضكة مرعبه بصوت عالي ملءت المكان كله وفجأه انطفئ النور واظلمت الغرفه تماما وظهرت نار وخرج منها صوت يقول: خلاص هي بقت اسيرتك وملك هاهاهاهاهاهاهاهاهاواضأت الغرفه مره اخري كان الساحر يجلس مزعورا فهو لم يجرب مثل هذه التعويذ من قبل ولم يتوقع حدوث ذلك اما شكري كان قد وقع علي الارض من الفزع وكان يصرخ قائلا: ايدي ايدي ملها ايه اللي جرا لها.فقام الساحر من مكانه وتحرك ببطئ واقترب من شكري ونظر الي يده واذا مكتوب عليها بالون الاحمر لعنة حبكالساحر: اللعنه اتعملت خلاص واللي في ايدك ده ربط اللعنه بينك وبينها وهيظهر علي اديها هي كمان نفس الشئ وطول ماهو موجود الربطه بينكم موجوده رابطه بالدم.فابتسم شكري واخرج بعض النقود من جيبه واعطاه له قائلا: وادي اللي طلبته وزياده كمان بس عايز اعرف امتي هيظهر علي ايدها وتبقي ملكي.الساحر: خلال ايام خليك بعيد عنها الفتره دي لحد ما هي تجيلك زاحفه علي ركبها وتقولك انا ملكك.خرج شكري من عنده وهو سعيد ويشعر بزهو الانتصار وينتظر الحظه التي ستاتي فيها اليه وكان كل يوم يراقبها من خلف الصور حتي تنتهي مواعيد عمله وكان يرها وهي تسرع وتصاب بنوبات صرع غريبه.منذ بدات تصاب بهذه النوبات كان والدها ياخذها ويذهب بها الي الاطباء ولكنهك لم يستطيعو تحديد مابها حتي اليوم الذي ظهرت به الكلمه علي يدها وعندما راتها ظلت تصرخ وتجري من الفزع ولم تنتبه للنافذه فوقعت منها وسقطت علي راسها وماتت خلال لحظات خرج والدها مسرعا يبحث عنها بعد ان سمع صراخها لكنه لم يجدها فنظر من الشرفه فرأها ملقاه علي الارضي والدم يخرج من راسها وهي لا تتحرك ففزع ونزل اليها وهو يصرخ ببكاء وينادي: رانيا رانيا اه اه اه يا بنتي يا حبيبتي رانيا اه اه.وظل يصرخ حتي اتت الاسعاف اخذتها وذهبت وذهب هو معهم.في المساء كان شكري لا يعلم بما حدث وقبل ان يذهب الي عمله في العماره مر علي الساحر وسالهشكري: هي بيجلها نوبات سرع كده وحجات غريبه انا اتخضيت لما شوفتها وقولت اسالك هو ده من السحر اللي عملنا؟الساحر: ايوه طبعا وهيفضل يحصل لها لحد لما العلامه تظهر علي ايدها دي هتكون نهاية الالم بالنسبه لها.شكري: اه ماشي انا اتخضيت فكرتها عيانه وانا شربتها كده انا اطمنت بس هتظهر امتي بقي انا هموت عليها.الساحر: ماتقلقش اعتقد خلاص يا النهارده يا بكره بالكتير.شكري: ماشي خلاص.وتركه وذهب الي عمله مر بجوار الفيلا والتي كانت هادئه جدا ومظلمه والباب مفتوح فنظر في الحديقه فراي دماء علي الارض فتعجب منها كان عم مرعي يجلس علي كرسيه كالعاده فاقترب منهشكري بتعجب: هو في ايه الفيلا ضلمه وبابها مفتوح ليه؟مرعي بحزن وتاثر: البنت الطيبه الجميله رانيا وقعت من البلكونه علي نفوخها ماتتشكري بفزع: ايه ماتت، ماتت ازي وامتي؟مرعي بحزن: النهارده الصبح وقعت من البلكونه وابوها كان بيصرخ زي المجنون وجت الاسعاف خدتها والبوليس والدنيا كانت مقلوبه هنا.شكري بقلق: طب وبعدين ايه اللي حصل؟مرعي بحزن: ولا بعدين ولا قبلين قالو حادثه اختل توازنها وهي في البلكونه ووقعت واتقفل المحضر بس ابوها يعني مقدرش يستحمل جاله انهيار عصبي بعد ما دفنها ودخل المستشفي.شكري بعدم تصديق: اللي انت بتقوله ده حقيقي ازي بس دي كانت كويسه امبارح (واكمل في عقله) وفلوسي اللي انا دفعتها راحت عليا خلاص والعلامه اللي في ايدي دي مراحتش ليه؟مرعي بحزن: معلش يا بني انا عارف انك كنت بتحبها بس ده امر الله بقي.شكري: معلش انا هدخل اقعد جوا شويه.مرعي بحزن: ماشي يا بني انا عذرك بردو.دخل شكري وجلس علي المكتب وهو غاضبشكري لنفسه: خلاص بقي مش مشكله خيرها في غيرها انا شويه وامشي ومرعي فاكرني حزين عليها فمش هيتكلم.واذا برانيا امامه تقترب من المكتب فهز راسه وفتح عينيه واغلقه قائلا: ايه انا بحلم ولاايه مش هي ماتت.فاقتربت اكثر جلست علي المكتب امامه فعاد هو الي الخلف بالكرسي وهو ينظر لها بفزع.رانيا بدلع: انا جيتلك اهو يا حبيبي وملك اديك.شكري برعب: جيتي ازي انت مش موتي؟رانيا بضحكه بدلع: وهو الموت يبعدني عنك انا خلاص بقيت ليك للابد.شكري: يعني ايه مش فاهم؟رانيا بدلع: انت مش عملت اللعنه دي(اشارت علي الكلمه علي يده) عشان نفضل مع بعض للابد وانا خلاص بقيت ملك للابد حتي الموت مش هيفرقنا.شكري بفزع: يعني انت ميته؟رانيا بزعل ودلع: وده يفرق معاك يعني ميته ولا صاحيه المهم اني معاك وليك.شكري بضيق: لا يا حبيبتي انا عايز انسانه مش عفريته.رانيا بدلع: اخص عليك كده انا زعلانه وبعدين انت مش عارف العفريته احسن من الانسانه.شكري بضيق: بقولك ايه اتكلي من هنا انا مش بحب العفاريت.رانيا بجديه: طول ما العلامه دي علي ايدك مش هتقدر تخلص مني باي.واختفت من امامه فنظر الي العلامه علي يده وقام وخرج مسرعا ذهب الي الساحر وكان غاضب جدا وعندما راه الساحر تعجبالساحر بتعجب: ايه مالك جايلي ليه تاني؟شكري بغضب: البت ماتت وعفريتتها طلعتلي.الساحر: اه وعشان كده خايف وجايلي.شكري: انا مابخفش من حد بس انا مش بحب العفاريت وبعدين انا دفعتلك عشان تجبلي انسانه مش عفريته.الساحر: بقولك ايه انا مليش دعوه انت اللي قولت عايز اقوي حاجه وانا معرفش اعملك حاجه.شكري: طب خلاص مشي الكلام اللي علي ايدي ده.الساحر: معرفش امشيه دي لعنه يعني ماتمشيش ابدا.شكري: وانت ليه مقولتليش قبل كده انها مش ممكن تمشي.الساحر بصوت مرعب: انا قولت بس انت اللي نسيت وبعدين انت اللي اخترت اللعنه وكمان عملتها باقوي رابطه الدم ماتجيش بقي تقولي مقولتش.شكري بخوف يداريه: خلاص انا ماشي.وتركه شكري وعاد الي منزله كان خائف ومتوتر دخل الي غرفته ليرتاح قليلا خلع ملابسه والقي بها علي الارض واستلقي علي السرير واغمض عينيه فشعر ان احدا معه في الغرفه ففتح عينيه فاذا بها رانيا ففز واقفا وهو يقول: انت عايزه مني ايه جايه ورايا ليه؟رانيا بدلع: انا حبيبتك ولازم اكون معاك في اي مكان.شكري بغضب: بقولك ايه انا مش بحب العفاريت ومش عايزك يلا غوري من هنا.رانيا بتحدي: مش هغور ولا تقدر تمشيني انا بقيت قدرك ومش هتقدر تهرب مني.شكري بغضب: انسي انا مش هلمسك ولا هقرب منك وهسيبك كده تلفي وريا.رانيا بتحدي: لو مش هتبقي ليا مش هتكون لغيري انا بس.شكري بتحدي: لاء بقي انا مش عايزك واقولك انا هقوم دلوقتي وانزل لواحده من الستات اللي اعرفهم وهقضي معاها الليله وريني هتعملي ايه.رانيا باستهزاء: روح وانا هنا مستنياك لما ترجع شايل خبتك.وضحكت بصوت عالي ارتدي ملابسه وخرج وتركها ذهب الي احد الشقق المعروفه بسمعتها السيئه كانت رانيا تنتظره في المنزل عاد بعد ساعه تقريبا وهو غاضب يكسر بالغرفه وينادي علي رانيا.شكري بغضب شديد: انت يا عفريته انت عملتي فيا ايه انا مبقتش راجل اظهري وريني نفسك انا مش هسيبك هموتك.فظهرت رانيا وهي تضحك وتقول: هتموتني ازي ما انت كنت السبب في موتي وانا هموتك وانت حي.حاول شكري الامساك بها لكنه لم يجد شئ كانها هواء فجن جونه وظل يصرخ: دمرتيني ضيعتيني انا هعمل كل اللي اقدر عليه عشان امحيكي من علي وش الارض.رانيا بتحدي: مش هتقدر انا لعنه ومش هتسيبك الا بالموت.خرج شكري يجري علي الساحر دخل الي بيته وكان في حالة هياج وكان يصرخ ويكسر في بيت الساحر: انا هخرب بيتك انا هدمرك زي ما دمرتني يتخلصني منها ياهخلص عليك انا يا قاتل يا مقتول.الساحر بغضب شديد: اسمع انا مجبرتكش علي حاجه انت اللي اخترت انا اصلا اول مره اعمل لعنه ومعرفش ازي تمشي وكل الموجود عنها انها مش بتنتهي ولا بتزول.فوقع شكري علي الارض منهارا: لاء لاء لازم تشوفلي حل انا مش هعيش كده انت فاهم.الساحر: طب اهدي كده وانا هقولك ازي نخلص منها.شكري بلهفه: في حل يعني يمشي اللعنه دي من عندي؟الساحر: انا معرفش بالظبط هيمشيها خالص ولا هيكون لها اثر.شكري بغضب: يعني ايه مش فاهم؟الساحر: الحل الوحيد اللي مكتوب في الكتاب انك تنقل اللعنه لحد تاني لكن مش هتخلص منها خالص احنا هننقلها لشخص تاني.شكري بعدم فهم: يعني ايه؟الساحر: يعني هتخلي العفريته دي مع واحد غيرك وتخلص منها.شكري: ماشي وانا موافق بس اخلص منها.الساحر: فكر في شخص وانا هبدأ التعويذه.شكري بتفكير: مين الشخص اللي ممكن ادبسه فيها، مش عارف.الساحر: فكر بسرعه والا هتبوظ التعويذه.شكري بتفكير: مرعي بواب العماره.وبالفعل قام الساحر بالتعويذه ونقل اللعنه لمرعيالساحر: قولي علي الطريقه اللي توصله بيها اللعنه.شكري بتفكير: اعمل حجاب وانا هقنعه انه ده اللي هيحميه من العفريت والاشباح.الساحر: ماشي.اعد الساحر الحجاب واعطاه لشكري اخذه شكري وذهب الي العماره وكان مرعي يجلس علي الباب كالعاده فاقترب منهشكري وهو يتصنع الخوف: بقولك ايه ياعم مرعي انا مش هاجي الشغل تاني وجيت دلوقتي عشان استقيل وامشي.مرعي بزعل: ليه بس يابني؟شكري بخوف مصتنع: انا سمعت ان المكان اللي بيموت فيه حد موته زي اللي ماتتها البت دي بيطلع له عفريت وانا بخاف من العفاريت دا انا عشان اجي هنا لابس حجاب يحميني من الجن والعفاريت.مرعي: حجاب بس ده ينفع يعني؟شكري: اكيد طبعا انا كنت مرعوب ومش هاجي هنا تاني بس مهنش عليا العشره وقولت اسلم عليك.مرعي: ربنا يكرمك يا بني.شكري: بص احنا بالنهار يعني مش هيظهر عفاريت خد انت الحجاب خليه معاك يحميك بردو انت راجل طيب وانا حبيتك بردو دي حاجه بسيطه تفكرك بيا.اخرج شكري الحجاب من جيبه واعطاه لمرعي اخذه مرعي ووضعه بجيبهمرعي: شكرا ليك يا بني انت طلعت جدع ربنا يكرمك.شكري: وانت كمان كنت جدع معايا وعشان كده قولت اسيبلك هديه قبل ما امشي الفلوس اللي ليا خدها حلال عليك.مرعي: ليه يا بني ده حقك هعينه لك لحد ما تيجي تاخده.شكري: لاء خلاص يا عم مرعي حلال عليك سلام انا بقي.وتركه وذهب وهو يقول في عقله: خدهم كفايا عليك اللي هتشوفه من البلوه اللي بعتهالك.وعاد الي منزله ودخل الي غرفته ارتمي علي سريره ونام حتي دون ان يخلع ثيابه نام لساعات طويله وعندما استيقظ دخل اخذ حمام وخرج ارتدي ملابسه ونظر علي يده فوجد الكلمه موجوده كما هي فثار وغضبشكري بغضب: يعني العلامه لسه موجوده الساحر ضحك عليا انا هروح له اطلع عين امه.وخرج وهو غاضب ذهب الي منزل الساحر ودخل وهو غاضب: انت بتضحك عليا وتقولي اول ما اديلو الحجاب اللعنه هترو والاقي العلامه لسه علي ايدي.الساحر: انا قولتلك اللعنه هتتنقل لغيرك انما الكتابه مش هتروح دي هتفضل عندك.شكري بعصبيه: يعني هي كده خلاص راحت.الساحر: انت لما صحيت شوفتها عندك في بيتك؟شكري: لاء ملقتهاش.الساحر: وهو وده اللي قولته اللعنه سابتك وراحت لغيرك لكن الكتابه مش هتروح ولا حتي بموتك انت نفسك.شكري بتلجلج: هي قالت اني مش هنفع لست غيرها ده كمان هيزول ولا.الساحر: روح جرب وانت تعرف انا معرفش قولتلك قبل كده ان دي اول مره اعمل لعنه ومش هعملها تاني.شكري: انا هروح اجرب بس لو معرفتش هجيلك تاني.الساحر بسخريه: لو معرفتش روح لدكتور يعالجك متجليش هنا تاني انا عملت كل اللي اقدر عليه.شكري بغضب: يعني ايه مجيش هنا تاني انت اللي عملت البلوه دي وانت مسؤل عنها.الساحر بغضب: اسمع كويس انا عملت اللعنه لكن معرفش اعملك حاجه تاني انت نقلتها لغيرك انما اثرها معرفش تزول ازي افهم بقي.شكري بغضب: يعني من الاخر انا انوحلت فيها وخلاص.الساحر: اسمع اللي ممكن اعملهولك اني اقولك علي اسم اكبر ساحر يعرف في الحجات دي وانت روحله.شكري بتفكير: عموما انا هستنا فتره مدام بعدت عني خلاص واكيد هلاقي حل للموضوع التاني.الساحر: ماشي ولو رجعتلك تاني ماتجليش انا روح لاحد غيري.شكري بغضب: ايه هي ممكن ترجعلي تاني؟

[/p][p]

تااابع ◄ لعنة حبك