<article> 1- لازم اتغسلين ايدج بشكل ممتاز وتتاكدين من نضافتها حتى متنتقل الجراثيم من ايدج للعدسه وبعدين تلتهب العين , وخليج حذره اذا جانت اضافرج طويله لان ممكن تاذين عينج . 2- لتلبسين عدسات مو عدساتج حتى لو غسلتيها بالمحلول مليون مره لان ممكن تسبب كوارث للعين <a name=\'more\'></a>انتي بغنى عنها ,لان العدسات مثل فرشه الأسنان والمشط وفرش المكياج وغيرها من الأدوات الشخصيه ميصير اكثر من شخص يستعملها . 3- لتلبسين عدسات اذا الجو جان مترب او اذا جان الجو كولش حار خصوصا صيفنه الحلو بالعراق الي توصل بي درجه الحراره لل50 , وحتى ممنوع تلبسيها اذا جنتي تطبخين او تستعملين السشوار لان ممكن تموع العدسه . 4- اذا ردتي تلبسين عدسات ويه المكياج لازم تلبسين العدسات بالاول وبعدين تبدين تخلين المكياج , واذا ردتي تمسحين المكياج لازم تنزعين العدسات وبعدين تبدين تمسحي . 5- بنات التزمو بالتعليمات الي موجوده على غلاف العدسه بالنسبه لتاريخ انتهاء صلاحيه العدسه وكم ساعه ممكن تلبسيها باليوم . 6- يمنع منعا باتا لبس العدسات اثناء النوم لان قبل فتره شفت اعلان عدسه على اساس ممكن اتنامين بيها وتخلي العين تتنفس وما ادري شنو بنات لتصدكون هيج شي . 7- بنات ضروري تحافظين على ترطيب العدسه وكل فتره تبدلين المحلول , وضروري تحافضين على ترطيب عينج خصوصا للبنات الي يلبسون عدسات بشكل شبه يومي عن طريق قطره ترطب العين موجوده بالصيدليات لان لبس العدسات بشكل متكررممكن تسبب جفاف للعين . </article> https://archive.janatna.com/