<article> 1- ابتعدي عن الالوان الفسفوريه بالملابس والاكسسوارات والجنط والاحذيه لان دائما راح تنطيج شكل رخيص حتى لو جانت القطع غاليه . 2- اختاري اللوان مناسبه حسب لون بشرتج واذا جنتي متعرفين شنو الالوان المناسبه الج ف الافضل اختاري قطع بالالوان الاساسيه مثل الاسود والابيض والرمادي بالاظافه للالوان ال نيود الي تجي مايله على وردي او بيجي وبدرجات مختلفه .<a name=\'more\'></a> 3- ابتعدي عن الاكسسوارات الجبيره والي اللوانها صارخه وتحسيها عبالك بلاستك او الاكسسوارات الي بيها لمع لان اكيد راح تخرب شكلج , والافضل اختيار اكسسوارات ناعمه باللون الذهبي او الفضي حسب ذوقج . 4- الاحذايه سواء كعب او فلات اختاريها تكون مدببه ((pointy)) من كدام وابتعدي عن الاحذيه الي تجي كصتها مدوره وطبعا الحذاء الكعب دائما ينطي شياكه باللبس حتى لو جنتي طويله كعب بارتفاع قليل مراح ايضر وصدكيني راح ايغير شكلج 180 درجه . 5-اكو محلات اتنزل قطع ملابس او جنط واحذيه تشبه الموديلات الي تنزلها الماركات المعروفه ما بيها شي اذا اشتريتيها بس انتبهي متكون اسم الماركه موجوده عليها لان راح اتبين رخيصه وتقليد . 6- المكياج واللبس ال ثنين مهمات و واحد ايكمل الثاني , الافضل اتحطين مكياج بالالوان الترابيه راح ينطيج شكل انعم وارقى من الالوان الصارخه مثل الازرق والاخضر وغيرها حتى لو مجنتي خبيره مكياج الالوان الترابيه كولش سهله وبسيطه حتى للمبتدئات ومتقبل غلط . 7- اختاري ملابسج دائما بالقياس الصحيح لان اذا جانت القطعه صغيره عليج راح اتبين كل عيوب جسمج وتبينين اسمن واذا جانت جبيره راح تضيع ملامح جسمج وتبينين مثل البلوكه ما بيها اي تفاصيل . 8- ابتعدي عن الجينز المشكك لان حتى لو مشتريته ب الف دولار هم راح ايبين رخيص ومبهذل ( اني شخصيا احب الجينز المشكك بس بالايام الي احب اكون مرتبه وعلى سنكه 10 ابتعد عنه وما البسه ). 9- اخر واهم نصيحه خليج بسيطه لان كل متكثرين اللوان ولمع واكسسوارات وهوسه راح اتبين اطلالتج رخيصه . </article> https://archive.janatna.com/