أ قوي من احمد حسن على ريهام سعيد بصورة والدته

رد احمد حسن، قائد منتخب مصر السابق، على الاعلامية ريهام سعيد، وذلك بعد اثارتها الجدل بهجومها على اصحاب الوزن الزائد في احدى حلقات برنامجها التلفزيوني.<a name=\'more\'></a>

وكتب احمد حسن عبر حسابه الشخصي بموقع التواصل الاجتماعي:" الأستاذة ريهام سعيد خرجت علينا وقالت بالنص "الناس التخينة ميتة، عبء على أهلها وعلى الدولة، وبيشوهوا المنظر، منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك"، مضيفًا:" بصي يا ريهام هكلمك عملي وبدون تنظير شايفة الست القمر السمينة دي تبقى أمي وفي زيها ملايين من أمهاتنا واخواتنا العظيمات إللي جابوا رؤساء وعلماء ومبدعين و رياضيين وفنانين و إعلاميين للأسف انتي واحدة منهم وناجحين في كل المجالات في البلد".






وأكمل نجم منتخب مصر حديثه عن ريهام سعيد قائلًا:" الناس دي تعبوا وشقيوا وعرقوا واشتغلوا وقعدوا على ولادهم وعلموهم حاجات كتيرة فى مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة الناس دي اللي انتي متعرفيش عنهم وعن ظروفهم حاجة انتي اتكلمتي عنهم بسوء لأنك بإختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا" مستطردًا:"يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا.

واختتم:"نصيحة لوجه الله على الملأ زي كلامك ما كان على الملأ راجعي نفسك وحاولي تعتذري لكل الناس اللي زعلتيهم جايز يسامحوكي".
https://archive.janatna.com/