رواية نيران أشعلت الحب الجزء الثالث للكاتبة أسماء صلاح الفصل الخامس والثلاثون والأخير ( عشق في مهب الريح )
أكمل ياسين كلامه لكي لا يجعله يلاحظ شي و قال و امها مين؟ -امها اسمها هبه السيد و ماتت برضو تذكر ياسين الاسم و قال طيب... يا حبيبي انا هتكلم مع امك و اشوفها -انا هطلع انام بقا اول ما ريان طلع اتصل ياسين بحسن قائلا اسف يا خالي بس موضوع مهم حسن باستغراب خير يا ابني؟
-كان في واحدة بتشتغل في البيت اسمها هبه صح تذكر حسن و قال اهاا بس توحيدة اللي يرحمها طردتها من البيت لما عرفت انها على علاقة بمعتز ابن خالك تنهد ياسين و قد فهم و قال الست دي خلفت من معتز و بنتها موجودة حسن بدهشة ازاي؟ -دكتورة اسمها جميلة..
أنهى ياسين المكالمة معه و دخل إلى ندى و قال عارف ان الموقف صعب بس دي بنت كانت بتشتغل في البيت و معتز ضحك عليه ندى بعصبية انت بتطلب المستحيل يا ياسين ياسين بحيرة انا عارف بس تخيلي كدا لو ابنك ريان عرف ممكن يعمل فيها ايه؟ يعني هي يتيمه و على قد حالها و كمان تتأذي ارجوكي يا ندى في مصلحتك ابنك الأول...
ندى ببكاء انت عايزني أقبل بنت معتز -ريان عايزها و بلاش نفتح مشاكل و انا مش عايز ابني ياذي حد و اكيد انتي هتفرحي لما ابنك ينتقم من بنت... صمتت ندى و بكت بشده، ضمها ياسين و رتب عليها ابتعدت عنه و قالت موافقه...
في اليوم التالي ذهبت دارين و مالك إلى ندى ندى كانت مندهشة من وجود دارين و كمان واحد تأني و قالت انت مين؟ -مالك أحمد السويفي ندى بصدمة ابن اخويا؟! ازاي مش فاهمه جلست و شرح لها أحمد كل شي و قالت دارين مامتك عايزة تشوفك ندى بدهشه ماما؟
هز مالك راسه و قال تيتا تعبانة في المستشفي و طالبه تشوفك و انا سايب معاها ذهبت ندى معهم و وصلوا إلى المستشفى و دخلت إلى الغرفة التي توجد بها صفية و اتجهت اليها و ارتمت بحضنها و بكت بشده و قالت ماما ليه مكلمتنيش و فضلت تبكي كثير رتبت صفية عليها و قالت بوهن كان نفسي اشوفك من بدري يا بنتي... و فجأة أعلن الجهاز عن رنينه الأخير صرخت ندى بقوة و قالت ماما... رتبت عليها دارين و قالت البقاء لله... مالك بحزن ربنا يرحمها...
في شقة شهد وضعت الشاي و قالت معلش المكان مش قد المقام عدي بضيق شهد اللي انتي بتعملي دا غلط علي فكرة؟ شهد بحزن و ايه الصح يا عدي، بصراحة معنديش حمل استحمل حاجه تاني -واللي في بطنك؟ -عادي هيعيش و هيتربي اكيد عدي بتعجب مش موافقك؟ -لوسمحت يا عدي بلاش تقول لأسر ايه حاجه
بعد مرور ثلث سنوات كان أسر يجلس على البحر فهو ذهب بدل من ريان اتصل بجميلة و أخبرها بأنه وصل إلى اسكندرية، لافت انتباه ذلك الطفل الذي يركض و قام انحني أمامه و قال فين مامتك؟ عدي بدهشة انت عينك خضرة زيي ابتسم أسر و قال اها فين ماما بقا... أشار عدي على والدته التي كانت تقف تشتري بعض الحلويات استغرب أسر و اقترب منها و كان يشعر بشيء غريب، لفت شهد و وقعت الشنطة منها -شهد؟
ابتلعت شهد ريقها و قالت أسر... نظر إلى عدي و قال باتهام مين دا؟ تنهدت شهد و قالت ممكن نروح البيت و انا هقولك كل حاجه ذهب أسر معها و اتصل بجميلة و أخبرها بأنه سوف يتأخر عليها... جلست أمامه و وضعت عدي على قدمها و قالت ابنك عدي أسر بصدمة ابني؟
هزت شهد رأسها و قالت اممم لو عايز تتأكد ممكن تعمل تحليل DNA و لو مش عايز تعترف به عادي اعتبر نفسك متعرفش -ليه؟ مقولتش؟ ابتسمت شهد و قالت عشان تقول انه مش ابنك و لا عشان اتهان و يتمسح بكرامتي الأرض، انا مش بقولك عشان عايزة منك حاجه لا والله بس عشان تكون عارف ان ليك ابن...و حتى انا مكنش اعرف اني هشوفك أسر كان مصدوم و مش مصدق انها تختفي و فجأة تظهر من تاني و قال طيب ممكن ترجعي معايا -لا... انا مرتاحة هنا؟
-هاخده منك نظرت له و قالت مش هتعرض متخافش أسر باستغراب يااه هو مش فارق معاكي نظرت شهد على عدي و قالت معاك هتكون حياته أفضل... -انا مش فاهمك، إزاي تقعدي تلت سنين و دلوقتي عايزة تسيبي تنهدت و قالت تفتكر انت هو مستقبله هيكون مع مين احلى، اكيد معاك... -تمام بس اتاكدي لو خدته مش هتشوفي تاني -ماشي بس اوعدني انك هتحافظ عليه و خلي مامتك تنسي انه ابني و تعامله كويس...
أسر كان مستغربها و مش فاهم منها حاجه... استأذنت منه و أخذت عدي إلى الغرفة و قالت هتوحشني اوي... نظر لها بدهشة و قال انتي زحلانه ليه؟ ابتسمت و وضعت قبله على جبنه و قالت البس عشان تمشي مع بابا -وانتي؟ -انا هروح مشوار كدا و هبقي اجي وراك غيرت له ملابسه و حضرت شنطته و خرجت و هي تمسك يده و قالت انا خلصت...
أسر بجمود طيب، اخذ عدي و غادر انهارت شهد و بكت بشده و دخلت إلى غرفته و ظلت تبكي بها...، مر عليها وقت كبير اوي و هي كانت بتعيط... نامت مكانها...استيقظت على صوت الباب، قامت عشان تفتح و قالت مين؟ -انا... استغربت و فتحت الباب و وجدته أسر و يحمل عدي النائم على كتفه -انتم رجعتوا ليه؟ -عدي فضل يسأل عليكي، ممكن ادخله أوضته؟
-اتفضل دخل اسر إلى غرفته و وضعه بها و بعدين خرج و قال عايز اتكلم معاكي -اتفضل جلست شهد و قالت في ايه؟ -ايه حوار انك تعبانة دا؟ شهد بدهشة تعبانة؟ مين قالك كدا؟ -مش مستأهلة كدب و على الأقل عيشي عشان ابنك نظرت له و قالت ابني؟ بلاش نفتح مواضيع، انا كنت موصية عدي أن لو حصلي حاجه يقولك و للأسف هو قالك دلوقتي -انتي عايزة تموتي طب على الأقل عيشي يوم حلو ابتسمت شهد و قالت ليه ما انا عيشت تلت سنين حلوين... -و امك؟
تنهدت و قالت امي زمانها نسيتني اصلا... أسر انا كل اللي طالبها منك انك تحافظ على عدي و انا والله مش عايزة حاجه تانيه، عايزة بس اتأكد أن ابني مش هيتبهدل و لو مش هتعرف أو عايز قولي و أكملت ببكاء و انا هتصرف...بس والله دا ابنك و صمتت قليلا و بعدين رجعت قالت انا ممكن اعتبر انك معرفتش حاجه و خلاص... قام أسر من مكانه و انحني أمامها شهد باستغراب أسر انت بتعمل ايه؟
امسك يدها و قال انا اسف على حاجه عملتها معاكي عارف اني ظلمتك و افتريت عليكي، حاولت ادور عليكي كتير بس معرفتش اوصلك و مش هتطلب منك تسامحني لاني عارف انه صعب بس فكري في عدي نظرت له شهد بدهشة و لكنها شعرت بخفقان قلبها بشده و قالت بعد أذنك... قامت شهد، قام خلفها و امسك يدها و قال لو عايزني امشي و متشوفنيش تاني انا موافق سحبت شهد يدها و قالت انا مش محتاجة أسمع الكلام دا علي فكرة و حتى انت و لا مطالب تعتذر و لا تقول ايه حاجه...
حاوطها أسر بذراعه و ضمها إلى صدره، احتضنها باشتياق و قال بندم اديني فرصة اني اعوضك عن اللي انا عملته اوصدت شهد عينها و ذرفت منها الدموع و قالت لو سمحت ابعد عني ابتعد عنها و قال انا مش هسيبك تاني... شهد ابتسمت بين دموعها و قالت دي بقا حلاوة الروح... -بحبك..
نظرت إليه بتعجب و دهشة كانت مصدومة، و لكنها لم تنكر انها أحبته يمكن لم يكون سهلا عليها و لكن قررت انها لم تستلم إلى كلماته، فهو كان حبيبها الأول و الواضح انه الأخير و لكن دائما ما ينتهي الحب الأول ردت اجابة هادية عكس الضجيج التي يحتجها -بس انا و مستحيل أحبك..
-متأكد انك كدابه و عارف انك بتحبني ادينا فرصه يا شهد، الموضوع بسيط و هتتعالجي -بس الدكتور قالي ان العملية صعبه و كمان مفيش حد ممكن يتبرع ليا و انا عندي الكليتين مدمرين -انا هتصرف و المتبرع هنلاقي شهد باستياء طب و اهلك... قطعها أسر و قال انا هتصرف في كل حاجه المهم انتي تكوني كويسه...
بعد مرور سنه جني بضيق ما تنجزي يا أدهم ارتدى أدهم قميصه و قال خلصت يا روح أدهم ابتسمت جني و قالت على فكرة عندي ليك خير حلو حاوط أدهم خصرها و قال هو في احلي منك؟ قبلت جني وجنته و همست قائلة انا حامل أدهم بدهشة بتهزر صح -لا بجد قبل شفتيها بحب و قال مبروك يا روحي بس انتي لسه بتدرسي عقدت ذراعها حول عنقه و قالت عارفه بس انت هتساعدني و بعدين بقالنا كتير متجوزين... قبلها مرة أخرى و قال بحبك -وانا بموت فيك
حضرت نور الطعام و بعد ذلك صعدت إلى فوق، و غيرت ملابسها و قالت سليم؟ هما فين؟ سليم بابتسامة على وصول جلست نور بجواره و قالت انا مش مصدقة أن رنا قبلت شهد بنت هاجر ضحك سليم و قال طب ما انتي قبلتي سارة و مليكة، دول قاعدين معاكي في نفس البيت حتى ابتسمت نور و قالت عادي، مصطفى ذات نفسه جوز اسيل لجاسم أبن زين و عشق اتجوزت اوس و تقي رضيت و كمان عمار و نفين و كمان دينا وافقت على جواز مالك و دارين و عمر و ريم و ندى وافقت على جميلة و مراد.
ضمها سليم إلى صدره و قال الحمد الله ارتحنا من المشاكل... تنهدت نور وقالت صحيح فرح هند و انس و يارا و رحيم و ملك و وليد هيكون امتى؟ -مش عارف يارا عايزة يبقى فرحها لوحدها و ملك و وليد مختلفين على الشغل و حوار ابتسمت نور و قالت بكرا يتفقوا ما احنا كنا مختلفين برضو قبل رأسها و قال شكلنا عجزنا ولا إيه؟
نور بابتسامة لا قولتلك انك عجزت لوحدك و يلا ننزل بقا... رنا و سيف كانوا وصلوا و معاهم عدي الصغير سلمت نور عليه و قبلته و قالت فين امك و ابوك يا ابني انت متشرد كدا على طول ابتسمت رنا و قال زي ابو يا اختي، أسر لف على كل البيوت... دخل أسر و شهد و قال ما بلاش يا رنا تجيبي في سيرة الناس كدا جلست بجانبهم و قالت هي مليكة و سارة فين؟
ردت نور فوق، سارة ايلين مجننها بعيد عنك و مليكة زمانها بتلبس سيف نفخها في الشغل... دخلت نور إلى المطبخ و تابعها سليم و قال نفسي افهم بتحبي تتعبي نفسك ليه؟ ابتسمت نور و عقدت ذراعها حول عنقه و قالت عادي يا حبيبي و بعدين سارة ساعدتني انهاردة قبل سليم شفتيها وقال تعرفي اني بحبك اوي -و انا بعشقك..
-تعرفي ان بمناسبة انتهاء المشاكل حجزت لينا رحلة عشان نقضي شهر العسل نور بدهشة شهر عسل ايه يا سليم قبل يدها و قال فيها ايه؟ -و عيالنا دول حاوط خصرها و قال مالهم؟ -عادي كدا و بعدين احنا كبرنا..
ابتسم سليم و قبل يدها مرة أخري و قاد السن دا مجرد رقم و انا كل يوم بيكون احلى و اول يوم عشان معاكي انتي، مهما نكبر هفضل احبك -بس هبقي عجزت خالص؟ -هتفضلي في عيني أحلى واحدة، اللي قضيت معاها عمري كله و اللي هعيش باقي عمري معها، و قبل يدها و قال بحبك اوي ابتسمت نور و قالت و انا بعشقك. تمت نهاية الرواية أرجوا أن تكون نالت إعجابكم
رواية نيران أشعلت الحب
