رواية نيران أشعلت الحب الجزء الثالث للكاتبة أسماء صلاح الفصل الخامس والعشرون ( عشق في مهب الريح )
فتح باب المكتب و دخل و لكن وجد المكتب فارغ، دلف العسكري خلفه و قال أوس باشا مش موجود أسر بعصبية يعني راح فين؟ العسكري بخوف قال إنه قدم استقالته و مشى نفخ أسر و قال طيب... ذهب أسر إلى المنزل و صعد إلى غرفته و قال شهد شهد استغربت و قالت في حاجه -تعرفي توصلي لمحمود أو أوس شهد بدهشة انت صدقتني ولا ايه؟
تنهد أسر و قال اها مصدقك -مش عارفه بس لو هو اختفى فمش هعرف اوصله و حتى معرفش عنوان البيت بس ممكن تدور على هند و توصل من خلالها و صحيح عنده ولد تاني اسمه جاسم أسر باستفهام جاسم...؟ -اهااا جاسم و أوس و هند.. و تقريبا الفيلا متطرفة أو المنطقة مقطوعة تنهد و قال تمام شهد بتساؤل و تردد لاقيت بنت عمتك... -امممم لاقتها... انا ماشي..
خرج أسر و نزل و طبعا البيت كان فاضي و كلهم في الشغل...، مشي و راح لشغله و في الطريق اتصل بعمار و قاله على اللي حصل... عمار خرج من مكتبه بسرعة و كان يسير بخطوات شبه راكضة، خبط بها و لم يتكلف بالاعتذار لها أوقفته قائلة على فكرة انت زقتني عمار بضيق عادي و بعدين اتأكد منها و قال هو انتي؟
عقدت ذراعها و قالت مالي أن شاء الله -ولا حاجه -المفروض تعتذر -انتي ناسية اني الدكتور بتاعك -لا معلش مش فاكره خالص... ضاقت عينها و قال هفكرك في الامتحان يا حلوة نفين بعدم اهتمام و لا تقدر يا دكتور و بعدين احنا من سن بعض يعني؟
عمار بدهشة سن بعض؟ -امممم انا هتقبل اعتذارك بقا بأي -اسمك ايه؟ -مش هقولك... و غادرت نفين من أمامه ابتسم عمار و مشى بسرعة...
-انت بتهزر صح سيبت شغلك و هتسافر؟ تنهد اوس و قال هند اقفلي الموضوع دا نهائي تمام هند بحزن يا أوس حرام انت كدا بتضيع مستقبلك -هو ضاع خلاص يا هند هند بضيق براحتك بس هتفضل قاعد في الاوتيل لحد امتى؟ -لحد ما اسافر -و ابوك؟ -ابوكي عايز ينتقم و بيظلم الناس معاه، و لا عشق كان ذنبها حاجه و لا شهد و انا مرضاش أن حد يعملك حاجه سواء انتي او اختك... تنهدت هند و قالت طب ابقى قولي هتمشي امتى؟ -حاضر يا حبيبتي...
استيقظت سارة و خرجت من الغرفة، آدم كان لسه نايم برا اقتربت سارة منه و قالت آدم...؟ فتح عينه و قال اممم -أصحي -حاضر قام آدم و قال انتي كويسه؟
-الحمد الله، اسفه عشان تعبتك معايا امبارح... -مفيش حاجه، طول ما انتي موجودة معايا فأنا المسؤول عن حمايتك -شكرا ليك...، بس كنت عايزة اطلب منك طلب؟ -اتفضلي... -انا كنت عايزة ارجع الشغل تاني اتنهد آدم و قال ليه؟ الخروج مش حلو -بس انا زهقت من القعدة -هتشتغلي ايه؟
سارة بحزن زي ما كنت يعني ابتسم آدم و قال بتقولها من غير نفس ليه؟ -عادي اصلي هبقي لوحدي؟! -هو انتي و نسرين ليه فكرتوا تشتغلوا و انتم بتدرسوا -عادي نسرين كان نفسها تبقى ممثلة -وانتي؟ -كان نفسي برضو بس اهلي مش هيوافقوا؟ آدم بتعجب ليه؟ اومال دخلتي إعلام ليه؟
-عادي كنت هبقي في الإنتاج أو الإخراج و بعدين في أقسام تانية كتير -لو بتعرفي تمثلي في ظرف شهرين هخليكي نجمه نظرت له باستغراب و قالت بس مش هينفع عشان اهلي -فكري عادي و انا قدامي فيلم جديد و عايز بطلة تكون وجه جديد سارة بتفكري و ايه قصة الفيلم؟
-هبعتلك السيناريو و شوفي كدا لو عرفتي تمام و انا هدربك علي المشاهد سارة باقتناع تمام بس انت شايفني أنفع... -جدا ابتلعت سارة ريقها بتوتر و قالت طب هشوف السيناريو امتى؟ -هبعتلك نسخة منه pdf اتسلي فيها و لو عجبك تمام هنبدا تصوير
تنهدت بضيق و قالت جاسم انا زهقت من المشاكل جاسم باقتضاب اعمل ايه يعني يا أسيل -و لا حاجه براحتك يا جاسم انت حر بس بجد انا اتخنقت تنهد جاسم و قال تتجوزيني؟ نظرت له اسيل بدهشة و قالت اشمعنا دلوقتي؟
-لاني كنت خايف افتحك ترفضي، و لو موافقة انا هتكلم مع والدك... ابتسمت اسيل بخجل و قالت موافقة -بكرا هكلم استاذ مصطفى أن شاء الله و تعالى عشان اروحك بعد ما وصلها البيت، وصل البيت و دخل لمحمود و قال عملت اللي قولت عليها و هتجوزها ابتسم محمود و قال و عارف بعد الجواز هيحصل ايه؟
-عارف تنهد محمود و قال عارف انك مبتحبهاش و لا هطلب منك انك تحبها و بعد الجواز هتطلقها بس بعد ما ننفذ اللي احنا عايزينه -ماشي يا بابا
ابتسمت ديالا و قالت فيها ايه يا مراد؟ مراد بضيق يا ديالا انا نفسي ابوسك والله ديالا بخجل مراد اتلم... قرب مراد منها و قال حاضر هتلم يارب بقا يعدي مشاكل العيلة دي على خير -يارب يا حبيبي، يلا عشان تروحني -نور مشيت و لا؟
-لا ماما مجتش الشركة انهاردة اصلا، عند عمتو -خلاص نخرج مع بعض ابتسمت ديالا يا مراد احنا خلاص كبرنا على الموضوع دا؟ -يا بت بطلي رخامه بقا و بعدين هو حد طايل يخرج مع مراد المز دا؟ -طيب يا عم المز خرجني
هاجر و مليكة رجعوا القاهرة تاني و قالت لرغدة انها خدت ورثها منهم و طبعا رغدة رفضت تاخد حقها لأنها مش عايز تفتح حوار عيلتها قدام جوزها و عيالها -انا هقوم امشي بقا؟ رغدة بتساؤل ليه ما تخليكي شوية يا هاجر -والله لسه جايه امبارح و الواحد مبقاش قادر الطريق متعب و شهد زمانها جات -ماشي يا حبيبتي هاجر بحزن لسه مفيش أخبار عن سارة رغدة بخيبة امل لا و عرفنا عنها حاجه خايفه يكون حصلها حاجه رتبت هاجر عليها و قال خير ان شاء الله
شهد روحت البيت و رنا كانت قاعدة اول ما شوفتها بصيت ليها بسخرية و قالت كنتي فين؟ -عند ماما رنا باستنكار ماما اممم، بصي انا عايزة اتكلم معاكي و هجيب معاكي الآخر تمام شهد استغربت طريقتها و قالت مش فاهمه؟ -انا عارفه ان امك عايزة تحاربني و طبعا مفيش أغلى من ابني فالنهاية الموضوع تاخدي كام؟ شهد بدهشة انا مش فاهمة..
-بلاش الشغل دا معايا... يعني تاخدي كام و تختفي من حياة ابني نهائي و كمان امك متظهرش و المبلغ اللي هتقولوا شهد بحزم و حده وفري فلوسك يا رنا هانم انا مش بشحت من حد و لو على ابنك فأنا اللي مش عايزها ضحكت رنا بسخرية و قالت بجد و اومال اتجوزتي ليه؟ دا أمك ما صدقت بالموضوع و رميتك -خلي ابنك يطلقني...
-هيحصل يا حبيبتي و لو أمك فاكره انها تقدر تاخد حاجه يبقى نجوم السما أقرب و بعدين اكيد مش آخرتها أسر البنهاوي هيتجوز بنت راجل حشاش و ممسوكة في شقة دعارة... حبست شهد دموعها و قالت عندك حق... و بعد ذلك تركتها و ذهبت إلى غرفتها، قفلت الباب و بدأت في البكاء بعد شوية أسر رجع البيت و طلع على الأوضة، نظر لها باستغراب و اتجه إلى الخزانة، اخد ملابسه و دلف إلى المرحاض، غير هدومه و طلع... نامت شهد وغطت وشها -شهد؟
شهد صوتها كان راح من العياط و قالت بصوت منبوح نعم؟ أسر باستفسار هو في حاجه حصلت؟ قامت شهد قعدت و قالت مفيش حاجه -اومال شكلك معيطه ليه؟ -عادي مفيش حاجه حلوة تخليني معيطش -اممممم طيب -هطلقني امتى؟ أسر استغرب سؤالها و قال اشمعنا يعني؟
-عادي بس ناويه ألم كرامتي اللي اتهانت في آخر فترة أسر بسخرية هي كانت متهانه من الاول اصلا شهد بضيق و لما أنت عارف كدا و عامل فيها راجل سايبني على ذمتك ليه؟ أسر ببرود والله انا سايبك عشان ابويا لكن لو كان عليا هوريكي ايام سودة ابتسمت شهد بسخرية و قالت اسود من كدا دي كفاية امك...؟
أسر بعصبية الا سيرة امي -انا عايزة اروح عند امي لحد ما نطلق -معنديش الكلام دا انا و لا عايزة تلفي على حل شعرك ادمعت عينها و قالت على فكرة انا مستهلش الإهانة دي كلها، و عمري ما عملت حاجه غلط و انت اللي اعتديت عليا عشان اعتقادك الغلط مع انه حتى لو كان صح مكنش من حقك و الأغرب من كدا اني بدفع تمن غلطة انا معملتهاش -اعملي اللي انتي عايزها...
تنهدت شهد بارتياح فهي لا تريد أن تسمع إهانة من رنا مرة أخرى، قامت و راحت ناحية الخزانة و أخرجت ملابس لها وضعتها على المقعد و قالت انا هاخد لبسي كله لأني اكيد مش هاجي هنا تاني؟ أسر كان مستغرب سرعتها و اكنها كانت قاعدة في السجن و قال براحتك...
وقفت على أطراف اصابعها لكي تجلب الحقيبة من فوق الخزانة و لكنها فشلت، وقفت على طرف بداية الخزانة و لكن كانت نفس النتيجة، حاوطها من الخلف و رفعها من على الأرض توترت شهد و نزلت الشنطة و بعدين هو نزلها، حطيت هدومها كلها... و بعدين اتجهت إلى الفراش اوقفها أسر قائلا انتي ما صدقتي؟
-اهااا بكرهك و بكره اهلك أسر بدهشة لا و انا اللي بموت فيكي -انا مستحيل أقبل بيك أصلا أسر بضيق عايزة تعدي الليلة اسكتي -انا همشي دلوقتي؟ -نعم؟!
-براحتي و لا إيه؟ و بعدين مش لازم استنى للصبح عشان أمك تقعد تهزق فيا... -غوري في داهية اخذت شهد حقيبتها و خرجت من الغرفة و سارت بهدوء لكي لا يشعر بيها احد خرجت من الفيلا و بعدين مشيت شوية، وفضلت واقفة عشان تركب مر ربع ساعة و مكنش في ايه تاكسي؟!
زفرت شهد بضيق و قالت ياربي دا لسه الساعه ١٢ يعني... وقفت قدامها عربية ملاكي، استغربت شهد و بصيت الناحية التانيه حتى مركزتش العربيه فيها مين؟ نزل منها واحد و أسند على السيارة قائلا ما تيجي يا حلوة شهد مردتش و مشيت، امسك معصمها و قال لا دي اللحظة المناسبة يا حلوة شهد زقته و قالت ابعد عني...
تفاجأت بنزول اتنين تانين من العربية واحد خد شنطتها و التاني مسكها و قال يلا يا بت... -انتم مين؟ كتم نفسها و قام بتخدرها و بعد ذلك حملها و وضعها في السيارة...
رواية نيران أشعلت الحب
