رواية صدفة أم قدر للكاتبة سلسبيل كوبك الفصل السادس والثلاثون
نبدأ فصلنا الجديد، في الصباح الباكر... اسيل(بازعاج): اوف ايه الصوت ده؟ اسيل: مين الحمار ده وطوا الصوت... ادهم(بضحك): عدي و كريم مش مصدقين انهم هيتجوزوا النهاردة مشغلين مهرجانات و بيغنوا و يرقصوا... اسيل: اوف مفيش حاجة للصداع؟ ادهم: مالك حاسة بإيه؟ اسيل(برفعة حاجب): هو برشام الصداع بيتأخد للاسهال و لا ايه و لا انت تعليم صرف صحي. ادهم: طيب يا مجنونة، قومي يلا. اسيل: لا هنام، تصبح علي خير.
اسيل ودت ضهرها لادهم و حطت المخدة علي رأسها، ادهم شالها. اسيل: ليه يا رزل؟ ادهم: فين اسيل الصحفية الباردة اللي عندها نشاط دي فين؟ اسيل(بفرحة): هتخليني ارجع الشغل تاني؟ ادهم: ابدا و لا في احلامك حتي... اسيل(بصريخ جمب ودن ادهم): عااااااااااااااااااااااااااااااااااااا... ادهم من كتر الخضة نزل اسيل علي الارض. ادهم: انتي غبية يا بت انتي. اسيل: طبعا، اللي يجي عليا ميكسبش... اسيل سابته و دخلت الحمام تأخد دوش.
- ادهم لبس بنطلون جينز و تي شيرت ابيض و كوتشي ابيض و حط البرفيوم بتاعه.... اسيل: اطلع بره... ادهم: نعم! اسيل: هغير... ادهم: ما فيها ايه انا جوزك... اسيل قربت علي ادهم و حاوطت رقبته بايديها... اسيل(برقة): طبعا يا روحي... اسيل(بصريخ): بس ابقي قول بقي للناس اللي لما اصرخ هيطلعوا علي صوتي و يسألوا في ايه اقولهم جوزي مش محترم و قليل الادب، هتبقي كسفة... ادهم: ده انا اطلع بالذوق احسن، غوري من وشي.
ادهم خرج من اوضة الملابس... - اسيل لبست بنطلون اسود شفاف و عليه تي شيرت طويل باللون البيج قبل الركبة بشوية و مبين جزء من ضهرها و من قدام، و لبست كوتشي باللون الاسود. و لبست سلسلة رقيقة في رقبتها و حلق. اسيل: انا جاهزة... ادهم(بعصبية): ينهارك اسود و منيل... اسيل(بخضة): في ايه؟ ادهم: ايه المسخرة اللي انتي لابساها دي؟ اسيل: في ايه يا ادهم ما التي شيرت طويل اهو. ادهم: و بالنسبة لام البنطلون شيفاه عادي...
اسيل: يا ابني هو انا هقعد قدام مين قدام اهلينا. ادهم: لا يا ماما عدي و كريم ناس غرباء و ابويا كمان و حتى جدو، لا روحي غيري. اسيل مسكت بطنها بسرعة و مش قادرة تتنفس... ادهم(بخضة): اسيل اسيل انتي كويسة... اسيل(بتعب): بطني وجعاني و مش قادرة اخد نفسي، عايزة اتمشي في الجنينة شوية... ادهم شال اسيل و نزل ليها لتحت... عدي(بفرحة): تيجي ترقص يا ادهم؟ ادهم مردش عليه و مشي... كريم: متزعلش يا عدي شكل اسيل تعبانة...
اسيل: كدة يا ادهم متردش علي عدي زمانه زعل... ادهم: اهم حاجة انتي. اسيل: كلامك غلط... ادهم: ليه؟ اسيل: من اكبر الاخطاء اننا بنبني مستقبلنا علي شخص واحد بس، بنعتبر الشخص الواحد ده هو الحياة، بالعكس احنا بنبني مستقبلنا لينا احنا و منعتمدش علي حد، هتتألم كتير لو سابك او مات... ادهم: حاسة بايه دلوقتي؟ اسيل: اه عارفة اخد نفسي شكرا... ادهم: انتي مراتي يا بنتي مفيش شكر... اسيل: الاحترام المتبادل حلو.
ادهم: طب يلا تفطري... ادهم مسك اسيل و خلاها تقعد علي السفرة... صفية: يا ابني اتهد و بطل رقص لسه هترقص في الفرح هتتعب... عدي: مبسوط اوي. ادهم: اسف يا عدي. عدي: و لا يهمك... كريم: طب يلا فين العروسة؟ احمد: مكسوفة تنزل لانك موجود. كريم: احم انا بيتقالي بره بس بشياكة... ادهم: كلي يلا يا اسيل... اسيل: ما انا بأكل اهو... صفية: حبيب جدته عامل ايه؟ اسيل: مخلي امه تتعب، و ابنك مش بيساعد خالص مش متقبل.
ادهم(بصدمة): انا يا اسيل؟! اسيل: اه. عدي: لبستك في الحيط... كريم: تقدر تقول كلمة غير كدة. ادهم: ماشي يا اسيل لينا اوضة تلمنا... اسيل: اكتب عندك يا عمو بيهددني و انت موجود. احمد: مش قولتلك مضايقيش البت. ادهم(بغيظ): انا معملتش حاجة... اسيل: الحمد لله. ادهم: تعالي هنا انتي مكلتيش... اسيل: خليها كمان شوية. اسيل: هروح لبابا و ماما. ادهم: اجي معاكي. اسيل: براحتك... ادهم: جاي يا عدي. ادهم خد اسيل و راحوا للفيلا...
صوفيا: اتفضلي يا اسيل هانم... ادهم: تعرفي يا صوفيا انا بحبك اوي. صوفيا اتحرجت و اتوترت، و اسيل بصتله بصدمة... ادهم: علشان انتي اللي وقفتيني عن الغلطة اللي كنت هعملها في روحي. ادهم حضن اسيل جامد و باس رأسها... اسيل: تعرف لو كان اللي في بالي. ادهم: كنتي هتعملي ايه؟ اسيل: كنت هأخد ابني و همشي من هنا يا ادهم. باسم: تعالوا حماتكوا بتحبكوا... اسيل: اه انا جعانة اوي.
اسيل جريت و قعدت علي السفرة تأكل، و ادهم واقف مدهوش من اللي حصل بس. اسيل فهمت سبب اندهاشه و اتحرجت... اسيل(باحراج): هتيجي تأكل؟ ادهم: اه... اسيل: فين بابا و ماما؟ رحيق: شكلهم خيموا دول نايمين من امبارح. اسيل: هو الخطف سهل مثلا، اسأل مجرب. غزل: اه و الله. فاكرة الواد ابن الجذمة تشارلي... باسم: بتفتكري ليه؟ رحيق: اسيل كانت زي الاسد اللي واقف بيدافع عن لبؤته... اسيل: ليه و انا يوم ما اتجنن هتجوز اتنين؟
ادهم: انا عن نفسي ممكن. باسم: قصف جبهة. اسيل: اه يا حبيبي و تحب اروح انقيها ليك و لا تنقي براحتك... ادهم: و انتي موافقة؟ اسيل مسكت السكينة و قربتها من رقبة ادهم... اسيل(بغضب مكتوم): يبقي ورقة طلاقي يا روح اهلك قبل ورقة جوازك، و ابنك ابقي قابلني لو شوفته... غزل: شبح. نيرة(بخضة): اسيل ايه اللي انتي بتعمليه ده؟ اسيل(بابتسامة صفراء): لا يا ماما ده انا كنت بهزر. اسيل: سيبك انتي وحشتيني...
اسيل قامت حضنتها كتير... نيرة: هموت. اسيل: فين بابا؟ سامر: انا اهو يا حبيبة بابا. سامر حضن اسيل و فضل حاضنها كتير و راحوا قعدوا... ادهم(بحدة خفيفة): يعني يا ريت نبعد شوية و لا ايه؟.. سامر: مين الواد ده؟ ادهم قام و شال اسيل من احضان سامر. ادهم: معلش يا عمي اصلي بغير. رحيق: شوفت يا بابا ايه اللي حصل؟ سامر: خير؟ رحيق(بفرحة): اسيل حامل. اسيل اتحرجت و خبت وشها في ادهم، ادهم ضحك علي تصرفها و حضنها اكتر.
نيرة(بفرحة): الف مبروك يا روحي، الف الف مبروك. نيرة قامت حصنت اسيل. سامر(بضحك): مكسوفة؟ اسيل(باحراج): ها؟ الكل قعد يضحك علي منظرها و هي مخبية وشها في ادهم. ادهم(بهمس): هو انا حضني حلو اوي كد؟ اسيل: ظريف... اسيل: يلا يا رحيق. رحيق: يلا ايه؟ غز: يلا علشان فرحك النهاردة. رحيق: ها ايه تمام. ماشي. رحيق طلعت جري علي اوضتها و قفلت الباب... اسيل: هربت. يا ريتني كنت هربت انا... ادهم: ليه مش عاجبك؟
اسيل(باستفزاز): يوسف احلي. ادهم(بعصبية): نعم يا روح امك. نيرة: احم. ادهم: اسف يا حماتي. ادهم(بعصبية): قولي كدة اللي لسة قايلاه؟ اسيل(باستفزاز): يوسف احلي منك يا ادهم. ادهم كان هيمسكها بس هي جريت. اسيل: بابا خبيني. ادهم: تعالي هنا. اسيل طلعت جري علي اي اوضة من الاوض. ادهم وراها... باسم: ناس مجنونة... نيرة: تعالي يا غزل نشوف رحيق. غزل: حاضر. اسيل: ادهم بليز امشي. ادهم: افتحي الباب لإما هكسره عليكي...
اسيل: ادهم بليز متنساش اني حامل... ادهم: طب افتحي و نتكلم براحة. اسيل: وعد. ادهم: اه... اسيل فتحت الباب للادهم. ادهم قرب منها و(لخيالكوا) و قفل الباب وراه و...
-عند رحيق... رحيق: لا مش فاتحة. نيرة: يا بنتي اهدي في ايه ما انتي شوفتي اسيل كانت في فرحها ازاي. رحيق: اسيل شجاعة انا جباااااااااانة... غزل: طب افتحي و نتكلم... باسم: يا عم الجبانة افتحي الباب... باسم: و وعد مني لو انتي مش عايزة تتجوزي دلوقتي مش هخليكي تتجوزي. رحيق فتحت الباب براحة... باسم: رحيق ده لعب عيال... غزل: هنادي اسيل. نيرة: تمام... سامر: لا هما يخرجوا براحتهم، روحوا انتوا... باسم: يلا...
والكل راح للقصر... صفية: اهلا اهلا اخباركوا... نيرة: وحشتيني. صفية: و انتي اكتر... احمد: اتفضلوا. سامر: اخبارك يا عجوز. احمد: احسن منك... عدي(بفرحة): رقصني يا باسم. كريم: ياض انت اتجنت. غزل: احنا هنطلع ل ليلي... غزل و رحيق طلعوا ل ليلي. عبدالرحيم: حمد الله بالسلامة. و الشباب قعدوا يضحكوا و يرقصوا، و البنات بتتكلم، و الكبار قاعدين بيهزروا و يتكلموا علي الفرح...
-عند ادهم و اسيل. ادهم: قومي يا كسولية. اسيل: اوف طيب تمام حاضر... ادهم: ايه ده ايه ده ايه ده؟ اسيل(بخضة): ايه؟ ادهم: زي القمر... اسيل: تصدق انك عيل سئيل... ادهم: المهم انك بتحبيني يا مزتي... اسيل: طب بص يا ادهم سيبني ربع ساعة كمان بليز... ادهم: هنتأخر عليهم كدة. اسيل: ربع ساعة بس بليز. ادهم لسة هيتكلم، لقي اسيل شدته و نامت في حضنه...
-في القصر... صفية: فين اسيل و ادهم الميكب ارتست جت. و الفساتين جهزت... نيرة: احنا سايبنهم في الفيلا. عدي: لا ده ادهم بيستعبط ملقاش غير يوم فرحي يعني... سامر: خلاص انا هتصل بيه. سامر اتصل بأدهم، الخط اتفتح... ادهم: ايه؟ سامر: انت ناسي ان في فرح و لا ايه؟ ادهم: اعملك ايه في بنتك؟ و ادهم لقي اللي بيضربه في بطنه فبص لاسيل بغضب. ادهم: خلاص جايين. ادهم: كنتي بقي بتعملي ايه؟
اسيل(بتوتر): مبعملش. انا قايمة اخد دوش سريع. اسيل لسة هتقوم ادهم زقها علي السرير تاني. اسيل: آآه يا بني هو انت ناسي اني حامل. ادهم: بصي بقي طول الفرح تكوني قاعدة جمبي متمشيش لاي مكان من غير اذني. و متزنيش علي اي حاجة، فاهمة؟ اسيل: لو قولت حاضر هتسبني اقوم... ادهم: انتي اسااسا غصبا عنك هتقولي حاضر. اسيل(بهمس): رزل و رخم... ادهم: سمعتيني؟ اسيل: حاضر يا حبيبي. كدة تمام؟
اسيل سابته و دخلت خدت دوش و خرجت لبست هدومها. و ادهم عمل زيها. و شال اسيل و راح علي القصر... ادهم: يلا روحي. اسيل: تمام. صفية: اتأخرتوا اوي. ادهم: معلش. اسيل طلعت للبنات. -عند البنات... اسيل: يا عروسة يا عروسة انا العريس... غزل: لا بجد يلا. الميكب ارتست(بحدة خفيفة): يلا. اسيل(ببرود): هو احنا شغالين عندك. انتي اللي شغالة فاهمة و متخلنيش اقل منك... الميكب ارتست خاف من كلام اسيل و بدأت تشتغل. اسيل: هروح البس...
ليلي: تعالي بسرعة و متغبيش زي المرة اللي فاتت. اسيل(باحراج): اوف بقي خلاص. اسيل سابتهم و مشيت و هي ماشية عدت من قدام اوضة الشباب. ادهم: عن اذنكوا لحظة. عدي: يا ابني اتهد بقي. باسم: روح يا ابني. ادهم راح ورا اسيل... اسيل: خير عايز ايه؟ ادهم: اساعدك. اسيل: لا. و اه انا هغير الفستان. ادهم: اياكي يا اسيل تلبسي فستان غير اللي انا اختارته... اسيل: هحاول، يلا بقي امشي. ادهم: مش واثق فيكي. اسيل: بحبك.
ادهم: يا ربي علي الكلمة طالعة عسل عسل... اسيل(بضحك): طب يلا. ادهم رجع لاوضة الشباب، و اسيل لبست فستانها و حطت مكياج و جهزت نفسها و خرجت للبنات.
-عند البنات... ليلي: شكلي حلو؟ غزل: قمر... رحيق: طب و انا؟ غزل: قمر، حلوين اوي. - رحيق كانت لابسة فستان فرح بكم و طويل ضيق من عند الوسط و بعدين نازل بوسع بتحت. و لبست جذمة بيضة عليها فيونكة. و طرحتها و حجابها اللي زادها جمال. و التاج بتاعها. و حطت مكياج خفيف كانت قمر....
- ليلي كانت لابسة فستان ضيق لغاية بعد الركبة و بعدين نازل بوسع خفيف، و كان بكم و لبست حجابها و تاجها، و حطت مكياج زادها وسامة علي وسامتها، و لبست صندل بكعب شيك....
- غزل كانت لابسة فستان اسود بكم و مقفول من قدام و الضهر و قصير لغاية الركبة بالظبط و كان ضيق من عند الوسط و بعدين بقي واسع. و لبست صندل احمر و روچ احمر و رفعت شعرها علي شكل كحكة عالية و نزلت كام خصلة....
- اسيل كانت لابسة فستان اسود طويل بحمالة عريضة مايلة علي الكتف و نازل بضيق لغاية الوسط و بعدين واسع ومبين ضهرها و مفتوح من الجمب رجليها اليمين باينة كلها. و لبست صندل احمر و روچ باللون الاحمر و حددت عنيها بكحل و بينت عنيها الزرقاء. و سيبت شعرها علي ضهرها. و لبست انسيال بسيط في ايديها و حلق جميل و شيك....
(اسيل و غزل اتفقوا يلبسوا شبه بعض، زي رحيق و ليلي)... -عند الشباب... - عدي كان لابس بدلة باللون الاسود و قميص ابيض و جذمة سوداء و ظبط نفسه برفيوم تسريحة شعر دقنه....
- كريم كان لابس زي عدي بدلة سوداء و قميص ابيض و جذمة سوداء و ظبط نفسه.... - باسم لبس بدلة باللون الكحلي الغامق و قميص ابيض و لبس جذمته و حط البرفيوم و ظبط نفسه....
- ادهم كان لابس بدلة باللون الرصاصي و قميص اسود و جذمته السوداء اللي بتنور في الضلمة. و حط البرفيوم و ظبط دقنه. و تسريحة شعره....
-اما بقي كبار العائلة لبسوا اللي يناسبهم... الشباب خرجت من اوضتهم... سامر و احمد طلعوا علشان يجيبوا البناات. سامر: بسم الله ما شاء الله... احمد: ربنا يحفظكوا. اسيل و غزل: احم احم نحن هنا... سامر: كلكم جمال يا حبايبي. غزل: ثبتني ثبتني. سامر: يلا يا حبيبتي. رحيق: طيب فرصة سعيدة. اسيل: تعالي هنا يا بت فين الشجاعة اللي علمتهالك. ليلي: انا شجاعة مهما حصل. غزل: وحش.
احمد مسك في ايد بنته ليلي و سامر مسك في ايد بنته رحيق. و بدأوا ينزلوا علي السلالم، و وراهم اسيل و غزل. و الكل اتفأجئ بتزيين القصر و السلالم. و الكل مبسوط. سامر: بنتي في عينك يا عدي. عدي: دي في قلبي يا عمي. عدي خد رحيق من ايد سامر و مسكها. عدي: قمر... احمد: حافظ عليها. كريم: متوصنيش علي نفسي... كريم خد ليلي من ايد احمد و مسكها... عبدالرحيم: يلا علي القاعة... ادهم قرب من اسيل و باسها من رأسها...
اسيل: مالك باصص ليا كدة ليه؟ ادهم: بفكر يا تري كام واحد هقتله النهاردة. اسيل: مش فاهمة... ادهم: بجمالك و رجلك الباينة اللي هحاسبك عليها و ضهرك الصراحة مش عارف هعرف امسك نفسي و لا هقتل حد... اسيل(برقة و ابتسامة): متبالغش يا ادهم. باسم: ايه الجمال و القمر ده؟ غزل: شكرا. و انت شكلك وسيم. باسم: بحبك. و كمان عاملك مفأجاة. غزل: ايه ايه؟ باسم: لا مش هتبقي مفاجاة كدة. اصبري.
عدي(بصوت عالي): ايه تحبوا تطلعوا الاوضة؟ كريم(بصوت عالي): انجزوا تعالوا... اسيل: يلا بقي. ادهم مسك ايد اسيل. و باسم مسك غزل و مشي. ادهم: جينا جينا... -ادهم فتح الباب لاسيل و اسيل ركبت و ادهم لف يركب مكان كرسي السواق في عربية عدي و رحيق. -و باسم عمل زي ادهم و ركب غزل و راح ساق. في عربية كريم و ليلي. عدي: ما تفرفشني ده انا عريس يا ادهم... ادهم شغل مهرجانات و بدأت كل العربيات تهيص و مبسوطين و منسجمين اوي...
اسيل(باندهاش): يوسف... يوسف: اهلا اسيل. اسيل و يوسف كانوا جمب بعض كل واحد في عربيته... ادهم(بغضب): اسيل بصي قدامك... اسيل: اشوفك بعدين... و بعدين لقت ادهم ساق العربية بسرعة... اسيل: لك و اللعنة شايف يا عدي... عدي: الواد بيغير براحته... اسيل: دايما بتيجوا عليا. ادهم: بحبك. اسيل: يا ربي علي الكسوف. رحيق: لا حقيقي يا ادهم انت غيرت اسيل 180 درجة، مبقتش الباردة و لا الجرئية اللي بتضربنا و تقول كلام يحرجنا...
اسيل: لا يا ماما لو عايزاني ارجع عادي معنديش مانع ما هو اصله انا عندي انفصام... رحيق: لا و علي ايه؟ كريم: انجز هو الطريق مش بيخلص... باسم: لا مش عجبك سوق انت. و بعد فترة وصلوا للقاعة و بدأوا ينزلوا... و كل واحد راح مكانه... عدي: شكلك زي القمر. رحيق: شكرا ليك. كريم: حلوة ازاي كدة يا رب. ليلي: بطل احراج. غزل: تيجي نرقص. اسيل: معرفش انا مليت...
غزل: اوف و البهيم باسم مش معبرني ومنشغل مع المعازيم، و قالي في مفاجاة. اسيل: اوف يا ربي... شخص: احم الانسة اسيل الجارحي. اسيل: ايوه انا. شخص: اهلا بحضرتك. هو والد حضرتك هنا؟ اسيل: اه ليه؟ شخص: عايز اكلمه و اخد رقمه... اسيل بصت بخبث للشخص اللي قدامها و بصت لادهم. اسيل: شايف الشاب اللي هناك ده. الشخص: ادهم الشافعي. اسيل: اه. ده وكيلي روح اطلبني منه... الشخص: بجد... اسيل: اه، روح. الشخص جري علي دهم...
غزل: بتعملي ايه؟ اسيل: بتسلي... الشخص: لو سمحت ممكن اكلمك ضروري. ادهم: اتفضل. الشخص: حضرتك تعرف الانسة اسيل. ادهم(بغضب): مالها؟ الشخص: انا بطلب ايديها من حضرتك، هي قالتلي اجي اطلبها منك. ادهم(بغضب): هي قالتلك كدة؟ الشخص: اه. موافق؟ ادهم حط ايده علي كتف الشاب و قربه منه. لدرجة ان الشاب خاف. ادهم: لا متخافش هقولك حاجة. ادهم خد الشاب و خرج بره القاعة و نزل فيه ضرب، باسم شافهم. باسم: خلاص خلاص، عمل ايه؟
ادهم(بعصبية): خلي اختك تلم نفسها... ادهم مشي بغضب و راح ناحية اسيل. ادهم(بغضب): انتي ازاي تعملي كدة؟ غزل: يا ادهم. ادهم: روحي لجوزك يا غزل. اسيل: في ايه يا ادهم حصل ايه؟ ادهم(بغضب): بعتالي واد يطلب ايده منك. اسيل: انا اتحرجت ارد عليه فقولت ابعتهولك. بس. ادهم: اتحرجتي اه. طيب يا اسيل تاني غلطة في يوم واحد، اجهزي لعقابك. ادهم مسك ايديها و اسيل كانت خايفة... ادهم: دي تقعد متقومش من هنا، فاهمين؟
عبدالرحيم: براحة يا ادهم... اسيل: هو في ايه الله؟ سامر: حصل ايه يا ادهم؟ ادهم: المدام بعتالي واحد يطلبها مني. كل اللي قاعد حاول يكتم ضحكه... صفية: فيها ايه يا حبيبي؟ هي احترمتك و سابتك تتصرف... اسيل لسة هتقوم ادهم مسكها. ادهم: متقوميش من هنا... اسيل: سيبني بليز يا ادهم... اسيل سابت ادهم بسرعة و دخلت الحمام، و ادهم دخل وراها... بنت: ازاي حضرتك تدخل هنا؟ ادهم: مراتي تعبانة و مش هسيبها...
بنت(بهمس): ادهم الشافعي متجوز؟ ادهم: اسيل انتي كويسة؟ اسيل لسة هترد عليه رجعت و قعدت ترجع كتير... ادهم: نروح؟ اسيل هزت رأسها بمعني لا... ادهم غسل وشها و ظبط هدومها ده كله تحت اندهاش البنات اللي في الحمام... ادهم مسك ايديها و خرج براحة قعدها جمب العائلة. نيرة: مالك يا حبيبتي؟ ادهم: تعبت شوية، هروح اشوف حاجة و جاي. باسم: غزل تعالي تعالي. غزل: ايه؟ باسم: مالك ضاربة بوز ليه؟
غزل: قولت ان في مفاجاة و مشفتش منك اي حاجة. باسم: هتشوفي. باسم مسك ايد غزل و خرج من القاعة... غزل(بصريخ): مامااااااااااا. غزل جريت علي مامتها و قتدت تحضنها كتير. والد غزل: طب و انا... غزل حضنته و قعدت حضناهم، و بعدين راح حضنت باسم... غزل(بهمس): انا بحبك... باسم: و انا بموت فيكي... مامت غزل: ربنا يحفظلك ابنك يا ابني... غزل: شكرا... باسم: اتفضلوا اتفضلوا...
عائلة غزل دخلت و قعدت علي ترابيزة العائلة و قعدوا يتكلموا، و اسيل مركزة مع ادهم اللي واقف بيتكلم مع رجال الاعمال... عدي: عاجبك الفرح؟ رحيق: اه اوي... عدي: الحمد لله... رحيق: عدي. عدي: نعم. رحيق: بحبك. عدي: و انا بعشقك. رحيق: مش هتسبني صح؟ عدي: ابدا... رحيق: هتحبني اكتر من عيالي؟ عدي: انتي الاصل. رحيق: ربنا يخليك ليا. عدي مسك ايد رحيق و باسها... عدي: و يخليكي ليا يا روحي... كريم: عايزة حاجة؟
ليلي: لا، الفرح حلو تسلم. كريم: انا عارف انك متوترة و خايفة بس مش عايزك تتوتري خالص. فاهمة؟ ليلي: شكرا... كريم: كمان شوية هنقوم نرقص. ليلي: مهرجانات... كريم: لا slow. ليلي: اه... كريم: هو انتي ليكي في المهرجانات؟ ليلي: اي حاجة انا دايسة فيها... كريم: و ربي مجنونة... اسيل(بغضب): لا كدة كتير... غزل: في ايه يا بنتي؟ اسيل(بغضب): شايفين البت لازقة فيه ازاي؟ صفية(بخبث): و انتي مستنية لما تخطفه؟
نيرة(بخبث): اه و تاخد فلوسه و... نيرة لسة هتكلم، اسيل قامت بكل غضب ناحية ادهم و البنت اللي جمبه... ادهم: عايزة حاجة؟ اسيل مردتش عليه، و مسكت كوباية عصير علي الترابيزة و رمتها علي وش و فستان البنت. اسيل(ببرود): هو محدش علمك انك متبصيش لحاجة غيرك... ادهم كان مصدوم من اسيل و اللي عملته... البت(بصوت عالي): انتي مجنونة انتي عاقلة انتي، انتي متعرفيش انا مين؟ انتي حقيرة يا بت انتي...
اسيل(ببرود): اولا صوتك يا حلوة ليوحشك. ثانيا طظ فيكي و في اي حد يقرب من ممتلكاتي. ثالثا بقي انا مش هرد عليكي لاني مش حقيرة زيك... اسيل قعدت تزق في البنت لغاية ما بعدتها عن ادهم. اسيل: شكلها كانت عجباك... ادهم بيبص لاسيل و يضحك و مش قادر يمسك نفسه... اسيل: انت رزل بس كدة، روح لبلاعات المجاري اللي شبهك. اسيل لسة هتمشي، ادهم حضنها... ادهم: انا مستحيل عيني تشوف حد غيرك، و بطلي شك و غيرة.
اسيل(بابتسامة): تعرف ان مراد كان بيقول نفس الجملة... ادهم: مراد مين؟ اسيل: اللي حلمت بيه ولادنا... ادهم: اه، طب يلا. ادهم خد اسيل و راح عند باقي العائلة... عدي: يلا بينا... عدي و رحيق و كريم و ليلي بدأوا يرقصوا... باسم حاطط ايده علي كتف غزل و مقربها منه. ادهم محاوط اسيل بايده الاتنين و اسيل ضهرها ليه و بتتمايل مع الاغنية... نيرة: جمال اوي. ادهم(بهمس): بحبك. اسيل ابتسمت و كملت انها تتمايل علي الاغنية.
عبدالرحيم: في ايه يا عم روميو؟ ما تاخدها فوق احسن. ادهم: مراتي، و براحتنا... اسيل: دايما جايبلي الكلام يا جدو... ادهم: انا هحاول اهدي علشان متعصبش عليكي، و في باب هيتقفل علينا و حساب تلات غلطات... اسيل: دونوا عندكوا بيهددني. باسم: هو الراجل كل ما يعمل حاجة تقولي بيهددني. ادهم: علشان تعرفوا اني مظلوم... كريم: تعبتي؟ ليلي: براحتك... عدي: ايه نروح. كريم: انت عايز ايه؟ رحيق: بصوا نقعد شوية كمان.
عدي: مش قولتلك متخافيش. و بعد فترة قعدوا، و عدي و كريم و ادهم و باسم قاموا يرقصوا شعبي، و قعدوا يرقصوا و يرفعوا عدي و كريم لفوق. و بيضحكوا... اسيل: مبروك يا مجنونتي الصغيرة. رحيق: الله يبارك فيكي... ليلي: انا بحبكوا اوي. غزل: قصدك بتحبيه اكتر... ليلي(بكسوف): هو مين؟ اسيل: في ايه يا بنات مالكوا انتوا هتموتوا من كتر الاحراج خلوا عندكوا شجاعة. رحيق: ماتت و خدنا عزاها. غزل: هي مين؟ رحيق: شجاعة.
اسيل: بتنقطي سكر... غزل: فقرة التورتة علشان تغوروا. اقصد تروحوا. ليلي: لا يا اختي البيوت جمب بعضها. رحيق: احلي حاجة اني هبقي مع اسيل. كريم: يلا علشان التورتة... رحيق: عدي فين؟ عدي: انا اهو، يلا. كل ثنائي قطع التورتة، و اكلوا بعض. و خلاص جه وقت انهم يروحوا... و كانوا راكبين العربيات زي ما جم... صفية اتصلت بادهم، الخط اتفتح... ادهم: نعم يا امي. صفية: يا ابني شوف مراتك دي مكلتش حاجة من الصبح زمانها تعبانة...
ادهم قعد يلوم نفسه لانه نسيها. و فعلا بص ليها لقي وشها مجهد و تعبان... ادهم: شكرا يا امي، خلاص. صفية: دول مش بيحسوا، اتصلي ب باسم... نيرة: شباب ضايعة... نيرة اتصلت ب باسم، الخط اتفتح. باسم: اهلا، خير؟ نيرة: خلي عندك دم و شوف مراتك اللي مكلتش من الصبح دي... باسم: اوف اه خلاص افتكرت. معلش خلاص شكرا. غزل: في ايه؟ باسم: مفيش... ادهم بعت ماسدچ ل باسم و شافها... اسيل: مبروك يا ليلي.
كريم: غوروا و محدش ظريف يجي يقول ليا النهاردة الصباحية، البضاعة لا ترد و لا تسترجع. امشوا. ادهم: امشي يا ابني من قدامي علشان مهزأكش. كريم شال ليلي و دخل الفيلا بتاعته... كريم: بصي اطلعي خدي دوش و غير هدومك فوق و انا هغير هنا و لما تخلصي ناديني. ليلي: تمام. كريم: اساعدك في الفستان؟ ليلي: لا هعرف افتحه... عبدالرحيم: مبروك يا ولاد يلا هنام... عدي شال رحيق و طلع علي اوضته... سامر: يلا يا باسم. باسم: جاي اهو.
نيرة: انا هنام. اليوم كان متعب... نيرة و سامر طلعوا ناموا... احمد: يلا يا ولاد الجو ساقع... اسيل: اه و انا تعبانة و عايزة انام. صفية: متنساش يا ادهم... صفية و احمد طلعوا... -عند رحيق و عدي... عدي: خشي غيري و مش عايز توتر اليوم عادي. رحيق: تمام شكرا... عدي: علي ايه انتي مراتي... رحيق: ممكن تفتح السوستة. عدي: طبعا... عدي فتح لرحيق السوستة و غيرت هدومها و هو غير هدومه...
عدي: بصي يا ستي القاعدة الاولي متخافيش طول ما انا جمبك، اتنين خليكي قوية و متتوتريش و لا تتحرجي... عدي قعد يتكلم و يقول قواعد لرحيق علشان متخافش. و هزر معاها شوية... -عند الشباب... اسيل(بتعب): ادهم لو قادر ممكن تشلني. ادهم شال اسيل و خرج من القصر، و باسم عمل زيه. غزل: في ايه؟ باسم: هتشوفي... باسم ركب غزل في العربية. و ركب جمب ادهم... ادهم ركب اسيل العربية جمب غزل و كانت اسيل نامت...
غزل: هي اسيل لحقت تنام... باسم: هي لما تكون تعبانه بتنام... غزل: طب هنعمل ايه؟ ادهم: لو صبر القاتل علي المقتول كان مات لوحده. غزل: اوووووف احنا ك ستات مش بنطلع بملعومة واحدة مفيدة منكوا يا رجالة... باسم: تمام اسكتي بقي... و بعد فترة... باسم: هسبقك انا... ادهم: تمام... باسم شال غزل و دخل للمطعم اللي وصلوا عنده. غزل: انت عرفت اني جعانة... باسم: طالما انتي جعانة مقولتيش ليه؟ غزل: مردتش ازعجك...
باسم: لا ازعجيني علي قلبي زي العسل. ادهم: اسيل اسيل. ادهم حاول كتير يصحي اسيل لكن معرفش، قام شلها و دخل المطعم. و قعدها علي الكرسي نامت علي الترابيزة... باسم: لما يجي الاكل هتصحي علي الريحة. و قعدوا يتكلموا...
-عند كريم و ليلي... كريم استغرب من ان ليلي اتأخرت فطلع ليها و دخل الاوضة، لقي ليلي نايمة من كتر التعب علي السرير بعد ما غيرت هدومها لبيجامة بيتي. كريم باسها من رأسها و نام جمبها...
-عند الشباب... غزل: الله الكفتة حلوة اوي... ادهم: اسييييييييبيبل... اسيل(بتعب): ايه يا ادهم؟ ادهم: قومي كلي... اسيل فتحت عنيها. و بصتله اسيل(بفرحة): بجد؟ باسم: هو احنا مش بنأكلكوا... غزل: اه، احنا حوامل لازم متابعة... اسيل: و مين سمعك؟ ادهم: طب كلوا... و الاربعة كلوا، و روحوا بيوتهم، و اترموا ناموا...
-في الصباح الباكر... اسيل صحيت من نومها و لبست بنطلون جينز و تي شيرت ابيض و كوتشي و باست ادهم و نزلت... صفية: ايه اللي مصحيكي دلوقتي؟ اسيل: مليت... صفية: طب تعالي احنا اللي نحضر الفطار. اسيل: فكرة حلوة... اسيل دخلت هي و صفية و بدأوا يعملوا الاكل...
-عند عدي و رحيق... عدي: صباح الخير يا كسولة... رحيق: امبارح كان الفرح و كان متعب اوي. عدي: طب يلا قومي استحمي و ننزل، علشان هنسافر بكرة... رحيق: حاضر... رحيق قامت و خدت دوش و عدي عمل زيها. و بدأوا يلبسوا هدومهم...
-تحت... احمد: اخبارك يا بابا؟ عبدالرحيم: مشتاق لفردوس و محمد اوي... احمد: ادعي ليهم يا بابا... ادهم(بابتسامة): صباح الخير... احمد: اخيرا بقينا نشوفك بتضحك... ادهم: انا كنت قافلها... عبدالرحيم: ب قفل يا روحي... ادهم: ماشي ماشي... ادهم: فين مراتي؟ احمد: بتعمل الاكل مع مامتك... ادهم(باستغراب): امي بتطبخ. و اسيل كمان. ده ايه ده؟ صفية: في ايه يا بنتي بتعيطي كدة ليه؟ ادهم دخل لقي اسيل بتعيط جامد.
ادهم(بخضة): مالك؟ اسيل(بدموع): كنت بقطع بصل... ادهم: يا ربي علي الاوفر، اشتغلي يا اسيل اشتغلي. اسيل: انت مبقتش تحبني... ادهم خدها في حضنه، و طبطب عليها. ادهم: لا يا روحي انا بقيت احبك اكتر و اكتر. صفية: انا هنا... الباب خبط، و الخدامة فتحت... سوزان(بعياط و صوت عالي): الحقني يا عدي...
رواية صدفة أم قدر
