رواية صدفة أم قدر للكاتبة سلسبيل كوبك الفصل الخامس والثلاثون
اسيل مسكت من ادهم الظرف و ادهم واقف جمبها و فتحته. و اول ما فتحته ادهم اتصدم و اسيل صدمتها كانت النص... ادهم(بصدمة): ايه ده؟ اسيل(بدموع): ايوه يا ادهم بابا و ماما مخطوفين... ادهم(بصدمة): انتي عارفة؟! اسيل: للاسف ايوه عارفة... اسيل راحت جابت موبايلها و شغلت التسجيل و سمعته لادهم... ادهم(بغضب): هو ازاي يقول كدة؟ اسيل: بليز يا ادهم انا تعبانة بلاش عصبيتك و غضبك... ادهم هدي شوية و قرب من اسيل و حضنها...
اسيل(بدموع): انا عارفة اني كسرت وعدنا بس اسفة عارفة انك متهور و ممكن تعمل حاجة نندم عليها، اسفة اني خرجت من غير اذنك و اسفة اني ضحكت عليك و حطتلك منوم، اسفة. ادهم: هشششش متتأسفيش لانك مهما عملتي مستحيل ازعل منك... اسيل(بعفوية): كداب انت زعلت و غضبت و مشيت. ادهم(بابتسامة): طب كنتي تعديها طب... ادهم: دلوقتي هاتي بس التسجيل و سيبي الباقي عليا. اسيل: بس... ادهم: اوعدك اني ارجعلك باباكي و مامتك...
اسيل: و انا بثق فيك... ادهم شال اسيل و لبسها هدوم بيتي، و خرج نيمها علي السرير. ادهم: يلا اشربي اللبن... اسيل(بملل): ادهم انا مش طفلة بليز. ادهم(بحدة): من هنا و رايح تسمعي كلامي فاهمة. اسيل: اوف يا ادهم... و بعدين اسيل لقت ادهم شربها اللبن غصب و هي غصب عنها بلعته... اسيل: الله يسامحك بس... ادهم: هيسامحني... ادهم دخل غير هدومه و نام جمب اسيل. و اسيل حضنته و نامت...
و بعد فترة من نومهم، ادهم قام من جمب اسيل و باس رأسها، و دخل غير هدومه و خرج بره الاوضة. عدي: احنا جاهزين. كريم: هنتحرك امتي؟ ادهم: دلوقتي. عدي: في حد في يوم فرحه بكرة و يسافر اه يا قلبي... ادهم: انجزوا... ادهم و كريم و عدي ركبوا طيارة خاصة و راحوا علي امريكا... -Flash back. ادهم دخل غير هدومه... ادهم طلع تليفونه و بعت ريكورد لعدي.
ادهم: عدي احنا هنسافر امريكا كمان شوية و خلي كريم يظبظ كل حاجة من البوليس و السفارة، هنرجع والد اسيل و مامتها، و اعتقد انك عارف الموضوع، جايلك بعد ساعة. -Back... بعد فترة الشباب وصلت لامريكا. و راحوا السفارة و بلغوا و سمعوا الريكورد بتاع عيسي، و صدر امر بالقبض عليه... و بعد فترة من البحث وصلوا لعيسي. ادهم: حماتي انتي بخير. عدي: سامر بيه. نيرة(بتعب): اسيل اسيل كويسة؟ ادهم: اه متقلقيش. كريم: طب يلا بينا.
و نقلوا نيرة و سامر الطيارة و ركبوا الطيارة...
-في مصر... -في الصباح الباكر... اسيل صحيت من نومها و هي جعانة، و بصت جمبها ملقتش ادهم، قامت مفزوعة... اسيل: ادهم ادهم انت هنا؟ اسيل قامت و دخلت اوضة الملابس و دخلت الحمام و اوضة المكتب... اسيل(بخوف): روحت فين؟ اسيل نزلت جري للباقي... اسيل: ادهم فين؟ عبدالرحيم: هو مش معاكي. صفية: ابني فين حصله حاجة؟ ليلي: اهدوا بس... احمد: هتلاقيه راح مشوار مهم...
اسيل: لا ادهم قال انه هينزل معايا و قالي انه مش هيسبني من غير ما يقول هو رايح فين. و الكل قعد متوتر و قلقان، لغاية ما باب القصر اتفتح... اسيل(بلهفة): ادهم... اسيل جريت علي ادهم حضنته... ادهم: اسيل براحة علشان الطفل. اسيل(بعصبية): كنت فين؟ و ليه مقولتش ليا؟ ادهم: شكل طفلتي زعلانة مني، اسف. ليلي: كنت فين كنا قلقانين عليك. صفية: طمني يا ابني. عدي: كنا بنجيب نيرة هانم و سامر بيه...
اسيل بصت لادهم و ضحكتها لغاية ودانها و حضنت ادهم جامد... ادهم(بضحك): هفطس منك... اسيل: رزل. مقولتليش ليه؟ ادهم: مفأجاة. اسيل(بلهفة): فين هما؟ ادهم شال اسيل و راح علي السفرة... ادهم: هيغيروا و يجوا او احنا هنروح ليهم... اسيل: طب هروح اشوفهم. ادهم: لا. تأكلي الاول علشان صحتك انتي و البيبي. اسيل: يا ادهم... عبدالرحيم: اسمعي كلامه يا بنتي. اسيل(بملل): تمام... عدي: شوفتوا عريس يسافر قبل فرحه بيوم.
اسيل: معلش زي اختك... ليلي: يا شيخ كنتوا عملتوا حادثة علشان منتجوزش... صفية: ليلي عيب. ليلي: اسفة. ادهم: فين سوزان؟ احمد: في شهر العسل... عبدالرحيم: ربنا يهدي. ادهم كان بيأكل اسيل بأيده و بيأكل، و الكل مبسوط من علاقتهم...
-في الفيلا... باسم(باستغراب): كريم! كريم: معايا امانة... نيرة و سامر ظهروا من ورا ضهره... باسم(بخضة): بابا انت كويس، انتوا كويسين؟ سامر: طب ندخل الاول... غزل: ايه ده حصل ايه؟ نيرة: هنموت و احنا واقفين الله... الكل دخل... كريم: هخلع انا... كريم جري و راح علي فيلته... رحيق(بعياط): ايه ده حصل ايه؟ نيرة حكت ليهم كل اللي حصل و اللي هما عارفنيه... باسم: اسيل مقالتش ليا...
سامر: هتلاقيها كانت مش عايزاك تدخل في مشاكل. غزل: طب خشوا خدوا دوش و ريحوا شوية... نيرة: اه انا تعبانة... نيرة و سامر قاموا غيروا هدومهم و ناموا نوم عميق.
-عند ادهم و اسيل... اسيل: يا ادهم خلاص تعبت الله... ادهم: تعبانة حاسة بايه اجبلك دكتورة؟ اسيل: من الاكل تعبت من الاكل... ادهم: كلي و اتغذي... اسيل: انا كلت كتير خلاص بطني اتملت اوف... ادهم: طب تعالي هأكلك فاكهة... اسيل: ادهم روح نام، انا بطني اتملت اكل... عدي: سيبها البت مش قادرة تتنفس. عدي: انا قايم غاير محدش يصحيني الا علي الفرح... صفية: مجنون... عدي طلع نام... ليلي: انا طالعة انا كمان اذاكر...
احمد: حد يذاكر و بكرة فرحه. ليلي: اومال اعمل ايه؟ صفية: قومي معايا اقولك. ليلي و صفية قاموا... عبدالرحيم: تعالي يا احمد. احمد: تمام... عبدالرحيم و احمد مشيوا... اسيل: آآه يا بطني. ادهم: مالك يا حبيبتي حاسة بإيه؟ اسيل: من كتر الاكل اللي خلتني اكله بطني وجعتني. ادهم: معلش... ادهم: حبيبتي عايزة تعمل ايه النهاردة؟ اسيل: اي حاجة اي حاجة؟ ادهم: اه... اسيل: ايس كريم. ادهم: تمام... اسيل: و تحكي ليا حدوته...
ادهم: حاضر... اسيل: ايه ده معندكش اي اعتراض... ادهم: كل طلباتك مجابة... اسيل مدت شفايفها لبره للدلالة علي انها حزينة... ادهم: مالك زعلانة ليه؟ اسيل: كنت عايزة اتخانق معاك. ادهم(بصدمة): نعم! اسيل: الصراحة انا بحب اتخانق معاك، اعملك ايه يعني؟ ادهم: ليه يا رب رزقتني بواحدة هبلة، لما تخلفي هتعملي ايه؟ اسيل: تعرف لو جبت بنت هخليها تلبس زيي بالظبط. و لو ولد هخليه يلبس زيك... ادهم: عايزة تسمي ايه؟
اسيل: ايه رأيك في الاسامي اللي كانت في الحلم؟ ادهم: جميلة... اسيل: خلاص مراد و سيدرا و سجي... ادهم: و لو ولد تاني؟ اسيل: انت فيك حيل يا شيخ. انا مش عارفة هولد ازاي اساسا؟ ادهم: مش هرد عليكي... اسيل: لا و النبي رد. ادهم: طيب حبيبتي هقوم اشتغل شوية و انتي اتفرجي علي التلفزيون... اسيل: تمام... ادهم شال اسيل و طلع لاوضتهم و نيمها علي السرير.
ادهم: اهو الريموت جمبك و الماية جمبك، انا هروح اشتغل شوية و اطلعلك، تمام. اسيل: ماشي... ادهم دخل اوضة المكتب يشتغل، و اسيل بتتفرج علي التلفزيون بملل...
-عند باسم و غزل... باسم: ها ظبطتي كل حاجة علشان بكرة؟ غزل: اه... باسم: مالك؟ غزل: معرفش. حاسة اني عايزة اكل و حاسة اني مش عايزة اكل... باسم: طب دي اتصرف فيها ازاي؟ غزل: اسكت انت اساسا مش مهتم بيا، شايف ادهم بيعامل اسيل ازاي؟ باسم: غيرانة بقي؟ غزل: بالعكس انا بحب اسيل و بحب علاقتها بادهم و بحب حب ادهم ليها، بس ساعات بحسك مش مركز معايا مش مهتم بيا. بحس ان فرحتك اللي كانت في الاول خلاص انتهت...
باسم حضن غزل و باسها من رأسها... باسم(بحنان): مش هسمحلك تقولي الكلام ده تاني، لاني هزهقك اهتمام، و كمان انا مستحيل فرحتي بيكي انتي و البيبي تقل ابدا بالعكس دي هتزيد يا غزل... غزل: بحبك... باسم: و انا بموت فيكي... رحيق: الله الله... غزل(بتوتر): رحيق عاملة ايه؟ باسم: محسساني انك قفشتيني مع عد غريب يا بنتي دي مراتي. رحيق(بملل): انا مش عارفة اعمل ايه مليييييييت... باسم: حبيبتي عايزة حاجة؟ غزل: لا شكرا...
صفية: براحة عليها هي لسة في بداية حملها... رحيق: طبعا طبعا، صح يا ليلي؟ ليلي: هي مش اسيل بس ده في واحدة كمان هنا... غزل: انتوا قصدكوا ايه؟ رحيق: مش عارفة اكل منين و لا ايه بصراحة؟ ليلي: الاكتاف حلوة برضو... غزل طلعت مد راحت علي اوضة اسيل. ليلي و رحيق وراها. اسيل(بخضة): في ايه حد يفتح الباب كدة؟ غزل: اسيل خبيني اختك و ليلي مش عايزين يرحموني... غزل راحت قعدت جمب اسيل علي السرير... ليلي: بقوا ضحيتين.
رحيق: انا هاخد ام عيون زرق دي... ليلي: و انا هأخد ام بطن كبيرة شوية دي. غزل: انا بطني مش كبيرة انا لسة في الشهر الثالث... اسيل: بت انتي و هي روحوا العبوا بعيد... ليلي: دول مش مصدقين... اسيل: و ربنا اللي هيقرب مني هصرخ و ادهم هيجي يعلقكوا... رحيق: هنخاف يعني، و كمان فين اسيل اللي بدافع عن نفسها دلوقتي بقت تتحامي في ادهم... غزل: بصوا انتوا عايزين ايه و نعمله بالحسنة؟ رحيق: عايزين نأكلكوا...
اسيل: هبلة يا بت، لحم الانسان بيتأكل مثلا... رحيق و ليلي قربوا من اسيل و غزل، و قاعدين يزغزغوهم... اسيل(بصوت ضحك عالي): خلاااااص و النبي مش قادرة... غزل(بضحك): انا مبغرش. ليلي: لا و النبي. باين باين... ادهم خرج علي صوت ضحك اسيل... ادهم(بحدة): ايه المسخرة دي؟ و كمان انتي مش محافظة علي نفسك ليه يا اسيل؟ رحيق(بتوتر): في ايه يا ادهم احنا بنهزر... اسيل: احافظ علي نفسي ازاي هو انا عملت حاجة...
ادهم: و لما تكون رحيق فوقك و بتزغزغك كدة مش ممكن تضري الولد... غزل: لا عادي احنا بنهزر و كان علي الخفيف... ليلي: يا ادهم بلاش تقطع علينا اللحظة دي... اسيل قامت علشان تدخل الحمام ادهم مسك ايدها. اسيل: ابعد... اسيل سابت ادهم و دخلت الحمام... ادهم: شوفتوا اهي زعلت... ليلي: هو احنا عملنا حاجة؟ رحيق: صالحها او ثبتها بكلمتين... ادهم لسة هيدخل علي اسيل الحمام... غزل(بصدمة): انت بتعمل ايه؟ اصبر لما تخرج...
ادهم دخل الحمام علي اسيل لقاها بتعيط بصمت... اسيل: عايز ايه؟ اخرج. ادهم: مقدرش اسيب حبيبتي زعلانة مني... اسيل: لك يا ادهم انت ليه مفكرني زي مها، الطفل قبل ما يكون ابنك فهو ابني انا مستحيل اضر ابني و هحافظ عليه اكتر منك، انا هحبه اضعاف حبك ليه. انا مش زي مها و مش هكون زيها... ادهم حط وش اسيل بين ايده...
ادهم: اكيد انتي مش زي مها، لانك لو كنتي زيها مكنتيش خدتي قلبي من مكانه مكنتش هبقي ملكك انتي و بس. فهمتي؟ ادهم: انا بحبك انتي اولا و بعدين ابني يا اسيل. انا خايف عليكي انتي قبل الطفل... البنات كانوا ورا الباب بيسمعوا كلام اسيل و ادهم... اسيل(بهمس): بص علي الباب... ادهم بص علي الباب لقي خيال البنات ظاهر... ادهم بص لاسيل بمعني انها متتكلمش...
ادهم فجأة فتح الباب، و غزل كانت هتقع ادهم مسكها، و ليلي و رحيق وقعوا في الارض. اسيل: انتي كويسة؟ رحيق(بابتسامة باهتة): انتوا عاملين ايه؟ الكل ضحك عليها... ادهم: متتصنتوش تاني، عايزين تتصنتوا رواحوا اتصنتوا علي اجوازكوا... ليلي: الراجل ده بيقول كلام زي الفل... غزل: شكرا لانك مسكتني... اسيل: هنعمل ايه؟ ادهم: كملوا هزار بس براحة... اسيل: ماشي. ادهم راح كمل شغله و هو مبسوط من علاقته ب اسيل. غزل: نتكلم في ايه؟
ليلي: معرفش بس انا حاسة بتوتر علشان الفرح... رحيق: انا خايفة مش متوترة بس، انا مرعوبة. غزل و اسيل قعدوا يضحكوا عليهم... ليلي: طبعا ما انتوا اتجوزتوا... رحيق: حد يفهمني ازاي اتخلص من التوتر ده... اسيل: بصي خليكي قوية يعني انها تجربة جديدة اعتبريها مغامرة حاجة جديدة بتجربيها. حد فاهم حاجة؟ ليلي: نوعا ما... رحيق: طب و لو المغامرة دي معجبتنيش و التحربة طلعت سيئة، اعمل ايه؟ غزل: العبي باليه...
اسيل: انتي هبلة يا بنتي، بصي هو بيحبك و انتي بتحبيه. المهم يكون بينكوا الحب و الاحترام و التقدير مش الحب بس، فهمتيني. ليلي: حاجة زي كدة... رحيق: و امه؟ اسيل: عامليها بالحسنة هتتكسف علي دمها، لو ساقت فيها اوي يعني تجاهليها... ليلي: انا كريم مقطوع من شجرة للاسف. اسيل: كوني ليه امه و اخته و مراته و حبيبته و كل حاجة، عوضيه عن فقدانه لوالدته، فهمتي. غزل: لا شابوووووو انتي فعلا عظمة يا بنتي...
اسيل: انا جعانة... غزل: و مين سمعك من ساعة ما جينا محدش عبرنا بشوية محشي... اسيل: و لا فتة و لحمة... رحيق: مين دول؟ ليلي: و الله ما اعرف انا خايفة ليأكلونا هنا... اسيل: تعالوا ننزل نشوف هنأكل ايه؟ غزل: تمام، قولي لجوزك و احنا هنسبقك. اسيل: لا لا عادي يلا بينا... البنات نزلوا... صفية: ها يا حبايبي عايزين حاجة؟ اسيل(باحراج): جعانين.
صفية(بابتسامة): لا يا حبيبتي متتحرجيش الاكل قدامك، هنادي الخدامة تجيب ليكوا كل انواع الاكل. اسيل: خدي قلبي... رحيق: و احنا مستنين. ليلي: يلا طيب نروح للسفرة... غزل: يلا. اسيل(بتذكر): اه انا هروح اسلم علي بابا و ماما... رحيق: ناموا... اسيل: خلاص ماشي... و بعد فترة الخدامة جت حطت جميع انواع الاكل. و البنات كانوا بيأكلوا كتير... ادهم خرج من اوضته ملقاش اسيل و البنات فخرج يدور عليهم...
ادهم: عدي انت شوفت البنات؟ عدي(بصوت نوم): لسة صاحي. ادهم نزل و عدي وراه... ادهم: بابا فين البنات؟ احمد: لا معرفش. بس صفية علي ما اعتقد تعرف. صفية: عايز ايه يا حبيبي؟ عدي: فين البنات؟ صفية: في اوضة السفرة بيأكلوا. ادهم و عدي راحوا لمكان البنات و اتفأجوا بكمية الاكل اللي قدامهم، و هما بيأكلوا ازاي... و كان باسم خرج يشوف غزل، و راح لقي ادهم و عدي واقفين مصدومين... باسم: مالكوا؟ عدي: ايه ده؟
باسم بص مكان ما بيبصوا اتصدم... باسم: هو احنا كنا مانعينهم عن الاكل. ادهم: اسيل... اسيل(و هي في بوقها اكل): نعم... ادهم: هو مش انتي لسة واكلة من ساعة؟ ليلي: ايه يا عم هتعدي علينا الاكل... غزل(و هي في بوقها اكل): احنا حوامل... عدي: و يا تري رحيق حملت امتي و انا معرفش... رحيق: مش عروسة لازم اتغذي. باسم: انتوا ناويين تخلصوا كل الاكل ده؟ اسيل: باسم تعالي تعالي كل، تعالوا كلوا و متوجعوش رأسنا...
ادهم و باسم و عدي راحوا قعدوا جمبهم... عبدالرحيم: مالكوا قرفانين ليه؟ عدي: ايه يا رحيق اللي بتأكليه ده؟ رحيق: مومبار تأكل. عدي: لا خليهولك... ادهم: هو مش السي فود يعععععع... اسيل: بقي حلووووووووووووووو... باسم: لا انا عادي مراتي بتأكل كوارع و حلويات، مش هستغرب انها بتأكل رأس البطة... ليلي: بطلوا تريقة... اسيل: اوف الحمد لله... ادهم: ليه بس ده لسة فاضل طبق هناك اهو ملمستهوش. اسيل: اه ايه الطبق ده؟
اسيل مسكت الطبق... اسيل: الله ريحته جميلة... اسيل بدأت تأكل... صفية: خلصتوا يا حبايبي... اسيل: تسلم ايدك يا طنطي. عدي: انا قايم ارجع... باسم: انا قايم غاير في داهية متقربيش مني لمدة سنة كاملة فاهمة... اسيل: مش هتقول حاجة... ادهم(بحب اوفر): لا معنديش مانع تأكلي اي حاجة المهم انك تفضلي جمبي و مبسوطة... غزل: شايفين شايفين الحب... رحيق: اتعلموا. -و بعدين قعدوا يتكلموا و يضحكوا... و بعد فترة...
ادهم: يلا بقي نشرب اللبن. و ننام. اسيل: بس. ادهم شال اسيل و طلع لاوضتهم... عدي: هناااااام... رحيق: يلا يا باسم نروح. باسم: تمام... باسم: عن اذنكوا... باسم خد غزل و رحيق و روحوا... صفية: يلا يا حبيبي... و الكل طلع ينام...
-عند ادهم و اسيل... اسيل: بص هعملك اي حاجة بس بلاش لبن، انا اه بحبه بس مش عايزاه دلوقتي... ادهم: لا يلا، علشان خاطري انا و البيبي... اسيل مسكت الكوباية و شربتها كلها... اسيل: هنعمل ايه؟ ادهم: ننام... اسيل: لا يا ادهم مش جايلي نوم... ادهم: نتفرج علي التلفزيون... اسيل: اوف ماشي... ادهم و اسيل قعدوا يتفرجوا... ادهم: حبيبتي هنبدأ متابعة مع الدكتورة من اول بكرة ان شاء الله. ادهم: سمعاني.
ادهم بص علي اسيل لقاها نايمة زي الاطفال، و في هدوء علي ملامح وشها... ادهم نزل لمستواها و باسها جمب شفايفها، و طفي التلفزيون و نام جمبها...
رواية صدفة أم قدر
