رواية صدفة أم قدر للكاتبة سلسبيل كوبك الفصل الثالث والثلاثون
ان اسيل طلعت تليفونها. الخط اتفتح... اسيل: انا هلبس الكوتشي و نازلة. شخص: تمام. اسيل قامت و لبست الكوتشي بتاعها و لبست جاكت علي التي شيرت بتاعها، و خدت شنطتها و لبستها. و بعدين قربت من السرير و قعدت جمب ادهم... اسيل: اسفة يا ادهم مش قصدي. سامحني. اسيل: انا بحبك... اسيل باست ادهم جمب شفايفه و قامت من جمبه و خرجت من الاوضة... اسيل كانت بتمشي براحة و خرجت من باب القصر و راحت ورا القصر...
اسيل لقت عربية و فيها شخصين ركبت العربية. اسيل: معلش يا فادي انت و طارق بتعبكوا كل شوية... فادي: لا انتي ساعدتينا كتير قبل كدة... طارق: انتي اختنا... اسيل: شكرا، يلا بينا. فادي بدأ يتحرك بالعربية و راح لمكان كله ضلمة... اسيل: انت متأكد من صاحبك ده يا طارق؟ طارق: اه اه. اسيل نزلت هي و فادي و طارق و دخلوا زي بيت كدة... طارق(بهمس): نور يا نور... اسيل: بنت و لا ولد؟ طارق: ولد... نور: جيت... طارق: اه...
نور: طب خشوا... نور(بهمس): مين المزة؟ طارق: ملكش فيه... اسيل: لو سمحت كنت عايزاك تجبلي معلومات عن رقم مجهول. نور: الرقم... اسيل ودته الرقم... نور: المشكلة اني مش هعرف اجبلك غير اخر شخص استخدم الرقم و كان امتي و فين بس. اسيل: تمام اي حاجة. نور: اعملهم شاي يا طارق... طارق: تمام... فادي: مالك متوترة ليه؟ اسيل: ادهم لما يعرف مضمنش تصرفه... فادي: متقلقيش خير... اسيل: ان شاء الله... فادي: لقيت حاجة؟
نور: هو بالساهل كدة اصبر... طارق: اتفضلوا الشاي... اسيل: شكرا يا طارق. و بعدين اسيل بعدت عنهم شوية و طلعت تليفونها جابت صور لادهم و قعدت تتفرج عليهم... اسيل(لنفسها): اسفة يا ادهم بس ده طبعي و مش هقدر اغيره... اسيل(لنفسها): بحبك. فادي: يا بنتي اسيل. اسيل: ها في ايه؟ نور: الرقم من امريكا... اسيل(باستغراب): امريكا ازاي؟ و كمان مين اللي ممكن يبعت ماسدچ زي دي و انا في مصر و بشتغل في مصر... طارق: عيسي.
اسيل: انا كتبت مجرد مقال من وجهة نظري بس هو مطلعش اتكلم و لا حتى استفزه كلامي. اسيل(بصدمة): لا ثانية كدة، بابا و ماما في امريكا زي ما باسم قال... طارق: يعني ايه؟ اسيل طلعت تليفونها و اتصلت بنيرة و سامر كتير لكن مردوش... اسيل(بصدمة): كدة حصلهم حاجة. فادي: اهدي يا بنتي. نور: مش عارف اساعدك ازاي الصراحة... و بعدين تليفون اسيل رن، الخط اتفتح... اسيل(بلهفة): ماما انتي كويسة؟ شخص: الصراحة لا... اسيل: مين؟
شخص: ابعدي يا اسيل عن مجال الصحافة... اسيل: لو عرفت انت مين الاول ممكن ابعد... شخص: شكل كلام ادهم مأثرش فيكي... اسيل: يعني انت اللي بعت الرسالة لادهم... شخص: ذكية اوي... اسيل: طول عمري، انت مين؟ شخص: عيسي الهادي... اسيل: عايز ايه مقابل تسيب بابا و ماما... عيسي: تبعدي عن الصحافة... اسيل: موافقة. عيسي: بس ايه اللي يثبتلي انك هتسيبي الصحافة؟ اسيل: انت عايز ايه؟
عيسي: اقضي ليلة معاكي متصورة علشان لو فكرتي تلعبي بديلك هتخسري ادهم... اسيل(بصدمة): انا مستحيل اعمل كدة انا متجوزة و بحب جوزي... عيسي: كنت عارف. اسيل: هتعمل ايه؟ عيسي: هفكر، باي. نور: تمام. فادي: كدة هتعملي ايه؟ اسيل: كدة كلامه بيدل علي انه خاطف بابا و ماما و كمان بيطلب مقابل، و قال اسمه كدة نبلغ عنه لاني سجلتله... فادي: بس ازاي؟ اسيل: نور انت حددت المكان من المكالمة صح. نور: اه، المكان اهو... اسيل: تمام.
اسيل: انا لازم ارجع دلوقتي علشان ادهم لكن هجيلك بكرة تمام... فادي: يلا... اسيل لسة بتمشي علشان تحط كوباية الشاي. الكوباية وقعت اتكسرت و اسيل اغمي عليها. طارق(بصدمة): في ايه؟ فادي(بخضة): اسيل اسيل ردي. نور: هجيب بصلة... نور راح جاب بصلة و حاولوا يفوقوا اسيل، لكن مفاقتش... فادي: هننقلها للمستشفي. طارق: بس هي معروفة و ممكن يتصلوا بالعائلة... نور: تفضل هنا. فادي: مش هينفع ادهم، ايه ده؟
اسيل بدأت تفتح عنيها و تغمضهم. فادي: سمعاني يا بنتي؟ اسيل(بتعب): اه اه، قوموني. اسيل قامت وقفت و سندت عليهم. اسيل: بليز محدش يقول حاجة لاي حد، و شكرا ليك يا نور، و انت يا طارق و ليك يا فادي. فادي: انتي اختي. طارق: مفيش شكر بينا... نور: و لا يهمك... ركبوا اسيل العربية و وصلوا للقصر... اسيل: خلوا بالكوا من نفسكوا... طارق و فادي روحوا بيوتهم... اسيل اتسحبت و دخلت القصر و لسة هتطلع علي السلالم... عدي: مين؟
اسيل(بخوف): اتقفشت... عدي(بصدمة): اسيل! انتي جاية من فين و حصل ايه؟ عدي: انتي بتخوني ادهم؟ عدي كان هيطلع علي ادهم، اسيل مسكته بسرعة. اسيل(بقلق): بليز يا عدي هفهمك كل حاجة بس بليز متقولش حاجة لادهم... عدي: اوعي تكوني بتخونيه زي مها يا اسيل. اسيل: خالص و الله... عدي: تعالي... عدي راح علي اوضته و اسيل وراه و ردوا الباب...
اسيل: يا عدي كل الموضوع جت ماسدج لادهم بتهدده باني لازم اسيب الشغل، و ادهم قالي لاما هو لاما الشغل و انا اختارت الشغل و بعد ما عرفت الحقيقة قولتله خلاص هسيب الشغل بس انا مسبتهوش و بعدين حطتله منوم في العصير و نزلت روحت مع فادي و طارق لشخص اسمه نور و خليته يتتبع الرقم و حصلت مواضيع و كلام و بعدين اكتشفت ان بابا و ماما اتخطفوا. اسيل: هسمعك التسجيل.
اسيل طلعت التسجيل و سمعته لعدي اللي كان مصدوم من اللي بيسمعه... عدي: هنعمل ايه؟ اسيل(بدموع): المشكلة اني معرفش، و خايفة لما ادهم يعرف يزعل مني، و خايفة علي بابا و ماما... عدي قرب منها و حضنها كحضن اخوي... عدي: خلاص اهدي، بصي انا هساعدك و مش هنقول لادهم، بس لو حصلت حاجة هنخلي ادهم يتدخل تمام... اسيل(بدموع): تمام، شكرا ليك يا عدي بجد انا بحبك اوي، تسلم. عدي: يلا قومي دلوقتي ارجعي اوضتك...
اسيل خرجت من الاوضة و خبطت في شخص... اسيل: احم اسفة. رفعت: و لا يهمك يا اسيل... اسيل: بتعمل ايه هنا؟ رفعت: كنت بجيب ماية، و انتي يا تري كنتي بتعملي ايه؟ اسيل(بتوتر): اتخنقت فكنت بتمشي في الجنينة. رفعت: و الله، الصراحة الجنينة حلوة، عن اذنك بقي. اسيل: تمام باي. اسيل دخلت اوضتها و لقت ادهم نايم زي ما هو... اما رفعت اول ما اسيل مشيت شغل الفيديو اللي صوره لاسيل و عدي و هي في حضنه. و ابتسم بخبث.
-عند ادهم و اسيل... اسيل دخلت غيرت هدومها لعباية بيتي قصيرة باللون الاحمر و عليها حروف باللون الابيض و واصلة لحد الركبة، و سيب شعرها بدل الكحكة، و مسحت المكياج. و راحت قعدت علي السرير جمب ادهم... و بعدين مسكت ايده... اسيل: عارفة اني ممكن اكون خنت ثقتك بس صدقني غصب عني يا ادهم، انا بحبك و الله...
اسيل: عارفة اني هكون كسرت كلمتك و كسرت وعودنا و مش هشاركك مشكلتي بس غصب عني. لانك هتتصرف بتهور يا ادهم انا عارفاك... اسيل: عايزاك تعرف اني بحبك و مستحيل احب حد غيرك يا ادهم، انا ملكك انت و بس فاهم... و بعدين اسيل نامت جمب ادهم و حضنته لكن فضلت صاحية معرفتش تنام... و بعدها النهار بدأ يطلع و ادهم بدأ يفوق و اسيل عملت نفسها نايمة... ادهم(بوجع): آآه ايه الوجع ده؟
و بعدين ادهم فاق و بص جمبه لقي اسيل ماسكة فيه جامد. ادهم(بابتسامة): محسساني اني حرامي و ههرب منك. اسيل غصب عنها ابتسمت و ادهم لاحظها. ادهم: يعني صاحية؟ اسيل فتحت عنيها و بصتله كتير... اسيل: كنت بتأملك... ادهم: ليه مثلا حلو؟ اسيل: لا. احلي من الحلو. ادهم: تسمحيلي اقول اوفر... اسيل ابتسمت و حضنته... ادهم: لا كدة في حاجة. اسيل(بتوتر): ليه؟ ادهم: انتي بتحضنيني من نفسك يوم عالمي... اسيل: ظريف.
ادهم: طب هخش الحمام انا. اسيل: تمام براحتك. ادهم: ايه الطاعة دي كدة هتعود... اسيل: براحتك يا كبير... ادهم دخل خد شاور، و اسيل غمضت عيونها و النوم خدها... ادهم: يا بنتي قومي... ادهم(بصوت عالي): اسيل. اسيل(بخضة): ايه؟ ادهم(بابتسامة): نمتي. طبعا ما انتي من الصبح بصالي. اسيل(بعدم تركيز): و حياتك من بليل... ادهم(بصدمة): انتي منمتيش؟ اسيل: لا لا نمت، محسسني انك الملك علشان افضل سهرانة طول الليل بتأمل جنابك.
ادهم: يا بنتي انا اكبر من الملك. اسيل: انا قايمة البس... اسيل قامت من علي السرير و دخلت غيرت هدومها. - اسيل لبست جيبة طويلة ضيقة باللون الاسود مفتوحة من الجمب و تي شيرت بحمالة باللون الابيض و جذمة باللون الاسود بكعب و سيبت شعرها علي كتفها و حطت روچ و خدت شنطتها.... ادهم: حلاوتك، و ده من ايه ده؟ اسيل: ايه؟ ادهم(و هو بيحك في دقنه): حلوين اوي دراعتك البيض دول... اسيل: تمام شكرا...
و بعدين اسيل مشيت من قدامه و قعدت علي الكنبة و حطت رجل علي رجل... ادهم: لا و رجلك الباينة دي عجبتني. اسيل: في ايه يا ابني؟ ادهم: في انك بتستعبطي يا اسيل. ايه اللي انتي لابساه ده؟ اسيل(بعصبية خفيفة): لك و اللعنة عليك يا ادهم. اسيل مشيت من قدامه بتدبدب في الارض، و دخلت اوضة الملابس و خرجت ليه... اسيل: كدة حلو جنابك؟ ادهم: مش هتقلعي الجاكت خالص... اسيل: تمام... ادهم: و بالنسبة لرجلك. اسيل: دي ملهاش حل دي.
ادهم: متحطيش رجل علي رجل و متمديش بسرعة و لا تجري، فاهمة؟ اسيل(بنفاذ صبر): حاااااااااااااااااااااضر، تؤمر بحاجة جنابك يا جلالة الملك... ادهم قرب منها و حاوطها بإيده. ادهم: بحبك. اسيل(باحراج): و انا كمان، خش البس بقي. ادهم: تمام، متنسيش اننا رايحين فرح بكرة. اسيل: حاضر... ادهم: اموت فيكي و انتي مطيعة. اسيل: بكرهك و انت مسيطر... ادهم: ماشي ماشي.
- ادهم دخل الاوضة لبس بدلة باللون الاسود و قميص كحلي و جذمة سوداء و سرح شعره و حط البرفيوم بتاعه و لبس ساعته.... اسيل: يلا بينا... ادهم و اسيل نزلوا علي السلالم... رفعت: اهلا اهلا باسيل هانم اهلا اهلا. اسيل(باستغراب): اهلا، صباح الخير يا جماعة. ادهم(بهمس): ماله ده؟ اسيل: معرفش و حياتك... ادهم: صباح النور يا جماعة. عبدالرحيم: عامل ايه يا حبيبي؟ ادهم: تمام. -ادهم و اسيل قعدوا علي السفرة و بدأوا يأكلوا...
و اسيل ملاحظة ان رفعت بيبص ليها هي و عدي. اسيل شكت بانه سمعها امبارح... اسيل(بهمس): عدي شايف نظرات رفعت. عدي لاحظ و شاف نظراته، و لسة هيتكلم. ادهم: في ايه؟ اسيل: لا مفيش يا حبيبي. احمد: اخبار شغلك ايه؟ ادهم: اسيل سابت الشغل. ليلي: ازاي هي لسة منزلة مقال النهاردة الصبح؟ اسيل(لنفسها): يا رب ارجوك ساعدني... ادهم(بحدة): الكلام ده صح؟
اسيل(بتوتر): لا لا هو انا كنت كتباه قبل ما اسيب الشغل و هتلاقي طارق نشره بس مش اكتر... ادهم: و انا هعرف اذا كنتي كدبتي و لا لا يا اسيل. عدي: ادهم هي مهما كانت برضو مراتك و مش هتكدب عليك... رفعت: هي خاينة بس... صفية: احترم نفسك انت غبي. ادهم(بعصبية): انت اتجننت ياض و لا ايه؟ اسيل(ببرود): و يا تري بقي جنابك عرفت منين و لا ايه اللي يثبت؟ سوزان: حبيبي في ايه؟ رفعت: شوف يا ادهم الفيديو ده و قولي...
ادهم خد من رفعت التليفون و شاف اسيل و هي في حضن عدي و اسيل بتقوله انا بحبك اوي... اسيل(بصدمة): ادهم متصدقش يا ادهم... عدي: انا مستحيل اخونك يا ادهم... عبدالرحيم: فكر بالعقل يا ادهم، مجرد اخوات... ادهم رمي التليفون و بص لاسيل بكل غضب و مشي. اسيل(بدموع): هو ليه كل حاجة ضدي ايه ده بجد زهقت... احمد: يا بنتي فهمينا... عدي: انا هفهمكوا... سوزان: يلا يا حبيبي. رفعت: يلا...
احمد: انتي مجنونة ده طلع كداب انتي مش بتحسي هو انتي ايه يا شيخة... رفعت خد سوزان و مشي... عدي: اسيل كانت بتعيط لانها تعبانة حضنتها و خففت وجعها شوية و هي قالت بعفوية بحبك كأخ عادي يعني... عبدالرحيم: هو اكيد هيرجع يا حبيبتي متقلقيش... اسيل: عن اذنكوا... اسيل طلعت اوضتها و فضلت قاعدة مستنيه ادهم لغاية ما يجي...
-في الفيلا... باسم: يا سلام علي الاجتهاد. غزل: روح نام يا باسم و سيبني اذاكر... رحيق: و امشي بقي مش عارفة اركز منك... باسم: و النبي... باسم راح جاب ملفات ليه و قعد جمبهم. باسم: اهو و انا اشتغل شوية... باسم: شكل بابا و ماما خلعوا. و مستمتعين... رحيق: اشتغل يا باسم و سيبنا نذاكر... و اليوم عدي عليهم بشكل جميل و قاعدين يهزروا كل شوية...
-عدي راح الشركة و قابل كريم و بدأوا شتغلوا سواء...
-عند ادهم... ادهم ركب عربيته و ساق بسرعة كبيرة و مكنش عارف يروح فين و لا يعمل ايه، و بعدين طلع علي شقته القديمة... ادهم قعد يفكر في اللي شافه و مش عايز يظلمها ومش عايز يكدب عينه، و بعد ما هدئ شوية نزل و رجع علي القصر الساعة 9 بليل... ادهم رجع القصر و طلع لاوضته، و لقي اسيل قاعدة في الارض بهدومها و حطت رأسها علي السرير... اسيل اول ما حست بادهم دخل الاوضة... اسيل: ادهم...
اسيل حاولت تقوم ادهم قرب منها و ساعدها... اسيل: اسفة يا ادهم بليز سامحني... ادهم: انا مسامحك يا اسيل، بس مش قادر اكدب عيوني... اسيل: اينعم انا حضنت عدي و قولت ليه بحبك بس كأخ و الله العظيم، انا محبتش حد و لا هحب حد غيرك يا ادهم... ادهم حضنها جامد و اسيل بادلته الحضن... ادهم: بحبك... اسيل: و انا كمان... ادهم: تيجي نتفرج علي اي حاجة؟ اسيل: براحتك... ادهم: خشي غيري. اسيل: تمام... ادهم: فين تليفونك؟ اسيل: ليه؟
ادهم: اصل بعتلك ماسدج بس شكلها موصلتش. اسيل: الباسورد حرف الz... ادهم: اشمعنا؟ اسيل: اهو اي رمز و خلاص... - اسيل دخلت لبست فستان بيتي قصير بحمالة باللون الاسود و لغاية الركبة، و لمت شعرها علي شكل كحكة و حطت روچ و برفيوم.. اسيل: اختارت فيلم ايه؟ ادهم بكل غضب شدها من شعرها... اسيل(بصوت عالي نسبيا): آآآه انت مجنون يا ادهم...
ادهم(بغضب): سرقتي تليفوني و مشيتي من البيت يا اسيل بليل الساعة 2 بليل، و ضحكتي عليا ليه يا اسيل؟ اسيل بصتله بصدمة و بدأت تعيط... اسيل: للاسف مش هعرف افهمك دلوقتي يا ادهم... ادهم(بغضب): انا بكرهك يا اسيل... اسيل: ادهم بلاش تغلط نفس غلطة المرة اللي فاتت. ادهم(بغضب): لا انا هعلمك الادب و هخليكي انتي اللي تطلبي الطلاق يا اسيل... اسيل: يا ادهم افهمني... ادهم زقها علي السرير و سابها و مشي...
و بعد فترة و اسيل مستنية ادهم. جت ليها ماسدجات كتيرة علي تليفونها، فتحته و اتصدمت...
رواية صدفة أم قدر
