رواية صدفة أم قدر للكاتبة سلسبيل كوبك الفصل الحادي عشر
و بعدين الكل كان خارج اسيل لاحظت شخص كدة، و وقفت. اسيل: الشخص ده انا شوفته فين؟ ادهم: يلا... اسيل مشيت و بعدين بصت وراها بصت للراجل تاني... اسيل(بهمس): مستحيل! اسيل سابتهم و طلعت تجري... ادهم: راحة فين؟ و الكل استغرب من جريها المفأجئ، و ادهم جري وراها و الكل طلعوا وراها...
اسيل طلعت السلالم بسرعة و بعدين اسيل راحت اوضة احمد، و فتحت الباب بسرعة لقت شخص بيحاول يدي احمد حقنه هواء، اسيل جريت عليه زقته، الشخص بصلها بكل غضب... الشخص: اه يا بنت ال... الشخص زقها و حاول يوديها هي حقنه الهواء و اسيل بتقاومه، ادهم دخل بسرعة و قوم الشخص ده من علي اسيل... ادهم بدأ يضرب الشخص ده... اسيل: دكتور بسرعة... و كانت بقية العائلة وصلت، و حراس ادهم جم... ادهم(بقلق): انتي كويسة؟
اسيل(بابتسامة خفيفة): اه... عبدالرحيم: يا ابنتي ايه اللي حصل؟ اسيل: معرفش بس كل اللي اعرفه ان الشخص ده حاول يخطفني قبل كدة، معرفش علاقته بيكوا. صفية: منك لله يا شيخة جوزي كان هيروح فيها بسببك. احمد: صفية متنسيش برضو انها اللي انقذتني... اسيل: و لا يهمك يا عمو... ادهم: يلا انا هكلم الدكتور و هتخرج من هنا حالا... ادهم مسك ايد اسيل و خرج من الاوضة... ادهم: اجبلك حاجة تشربيها؟
اسيل: اه هات عصير و شيبسي و شيكولاتة... ادهم: معايا بنت اختي انا... اسيل: اعتبر كدة... ادهم اتكلم مع الدكتور و خرجوا احمد من المستشفي... صفية: هركب مع احمد انا... ادهم: تمام... الكل ركب عربيته... كريم: يلا يا ادهم... ادهم: جاي وراكوا... ادهم و اسيل ركبوا عربية ادهم، و بعدها بشوية ادهم وقف و راح لسوبر ماركت... اسيل: رايح فين؟ ادهم: راح اجيب حاجة... ادهم دخل و غاب فترة و خرج بأكياس كتير و وداها لاسيل...
اسيل: ايه ده كله؟ ادهم: حاجات بنت اختي... اسيل: واو بجد تسلم يا ادهم... و اسيل باست ادهم من خده بعفوية، ادهم بصلها و ابتسم... اسيل بدأت تفتح الشيبسي و معزمتش علي ادهم و بتأكل باستمتاع، و ادهم كل شوية يبصلها باستغراب. اسيل(باحراج): احم تتفضل... ادهم(بسخرية): بعد ايه مثلا؟ اسيل: يا سيدي نسيت... ادهم: اكليني انتي علشان بسوق مش فاضي... اسيل(ببرود): سوق بإيد و كل بإيد...
ادهم: و نعمل حادثة و نموت و عائلتك تتشرد و عائلتي تزعل و رحيق تنهار و باسم يعذب غزل و... اسيل: هش هش هش، ايه بتبخ تفاؤل... اسيل بدأت تاكل ادهم، و ادهم مستمتع... ادهم: هاتي تاني... اسيل: معايا ابن اختي انا... ادهم: اعتبري كدة... صفية: يا لهووووووي هو ده ادهم... احمد: وريني كدة... احمد شاف اسيل بتاكل ادهم و ادهم مبتسم... احمد: اختارت البنت الصح يا بابا... صفية: انا مش طايقاها و مش هقبل تكون مرات ابني...
عبدالرحيم: مش المهم سعادة ابنك... صفية: الا البت دي... كريم: العب يا اسطا... اسيل و ادهم انتبهوا ليهم... ادهم(باحراج): عايز ايه؟ عدي: هيكون ايه؟ اسيل: رحيق تأخدي؟ رحيق: اه... اسيل: قرب العربية منهم يا ادهم... ادهم: هو انا جايبهم ليكي و لا لرحيق... اسيل: دي اختي و كمان اختك معاهم الله... ادهم قرب بعربيته من عربية كريم... اسيل: خد وديهم الشنطة دي... ادهم: لا... اسيل: بارد... كانوا واقفين في اشارة مرور...
اسيل مالت بجسمها علي كرسي ادهم و ناولت رحيق الشنطة، و لسة هترجع ادهم اتحرك بعربيته بسرعة. و اسيل قعدت علي رجل ادهم... اسيل(بصدمة): ايه ده؟ ادهم(ببرود): ايه؟ اسيل: وسع... ادهم: لا... اسيل: ادهم بلاش استفزاز و برود و وسع... ادهم(ببرود): بشرط... اسيل: اتفضل... ادهم: وديني بوسة... اسيل خدت ثانية اتنين تلاتة تستوعب... اسيل(بمكر): اه يعني انت عايزني ابوسك... ادهم: اه... اسيل(بمكر): عيوني...
اسيل قربت من ادهم، و بعدين صرخت... اسيل(بصريخ): الحقووووووني خاطفني... اسيل(بصريخ): مجرم خاطفني، الحقووووني. ادهم: بس بس... اسيل(بصريخ): الحقووووني... العربيات وقفت في وش عربية ادهم و ادهم اضطر انه يقف... اسيل(بهمس و ابتسامة انتصار): خدت اللي انت عاوزه يا استاذ ادهم الشافعي... شخص: انزلي يا استاذ انت... ادهم بص لاسيل بكل غيظ و غضب... ادهم فتح الباب و نزل اسيل الاول و نزل هو بكل جبروت...
ادهم: خير وقفتوني ليه؟ شخص: الشخص ده خاطفك يا انسة؟ اسيل بصت لادهم بكل مكر و خبث و ابتسامة مستفزة علي شفايفها... ادهم: ما تردي... اسيل: لا ده جوزي بس بعد عملية التجميل معرفتش اتعرف عليه... شخص(بضحك): راجل و بيعمل عمليات تجميل... اسيل(باستفزاز): اصله كان وحش اوي اوي، كان قرعة و طخين و قصير و عيونه لون و لون و ودانه كبيرة اوي، كان مقرف اوي... ادهم بص لاسيل بغضب و غيظ و عصبية و كان ناقص يموتها في ايده...
اسيل: شكرا ليكوا يا رجالة... اسيل بصت لادهم بابتسامة استفزاز و راحت ركبت في مكانها، و ادهم بصلها بكل هدوء و هو بيغلي من جواه... ادهم ركب مكانه و اسيل مكانها، و طول الطريق اسيل بتستفز ادهم بتغني و تقول كلام بمعني التلقيح، و ادهم بيبتسم بسخرية و باصص قدامه بهدوء... و بعد فترة ادهم وصل للقصر، و اسيل لسة جاية تنزل لقت الباب مقفول... اسيل(بتوتر): افتح الباب يا ادهم...
ادهم نزل من بابه و راح فتح الباب لاسيل، و اول ما اسيل نزلت ادهم شالها... اسيل: نزلني وسع وسع... اسيل: يا بارد وسع و نزلني... اسيل(بصريخ): الحقوني... ادهم دخل بيها قدام نظر الجميع... اسيل: خلوه ينزلني... عبدالرحيم: ماسك مراتك كدة ليه؟ نيرة: بنتي... سامر: في ايه فهمني؟ باسم: يا ابني اتكلم... ادهم كمل طريقه علي السلالم... اسيل(بصريخ): الحقوووووني ده مش بني ادم... غزل: هو في ايه؟
رحيق(بخوف): هو هيعمل حاجة في اسيل؟ عدي: لا متخافيش... احمد: يا تري حصل ايه؟ ادهم دخل الاوضة و نزل اسيل، و اسيل حاولت تخرج ادهم قفل الباب بالمفتاح و حط المفتاح في جيبه... اسيل(بتوتر): عا يز ا يه(عايز ايه؟ )... ادهم باصص في عيونها... اسيل(بخوف): ادهم في ايه متوترنيش؟ ادهم قرب من اسيل و اللي بيفصل بينهم خطوة... اسيل(بخوف و توتر): في ا... و ادهم مسكها و قربها منه و (لخيالكوا)... اسيل ضربته علي صدره...
ادهم(بهدوء): كل مرة هتعملي فيها مشكلة او هتعملي حاجة متعجبنيش هتنالي عقاب زي ده و ممكن يبقي في تطور... اسيل(بعصبية): انت شخص حيوان و سافل و قليل الادب... ادهم قرب منها تاني و(لخيالكوا)... اسيل كانت مصدومة... ادهم(بهدوء): اثبتلك اني مش بكدب... ادهم(بهدوء): و هعد عدد الغلطات و اجي اخد حقهم في اخر اليوم، باي... ادهم ساب اسيل في صدمتها و نزل لتحت... اسيل(لنفسها): لا لا لا... اسيل ضربت نفسها قلم خفيف...
اسيل: فوقي فوقي، مش هيقدر يعمل حاجة اهدي. الباب خبط... اسيل: ادخل... الخدامة: ادهم بيه بيقولك انزلي علشان الاكل... اسيل(بصوت عالي): قوليله اني مش نازلة... الخدامة: بس هو قال قولي ليها ان اعتراضها علي الاكل يعتبر غلطة... اسيل(لنفسها): ادهم الكلب، و ربي لاوريك يا ادهم... اسيل: روحي... اسيل نزلت علطول لتحت، و راحت قعدت علي السفرة بصمت... عبدالرحيم: هو حصل ايه؟ اسيل(بغضب): حفيدك مش محترم...
ادهم(بلامبالاة): واحد... اسيل بصتله و سكتت... احمد: كملي يا بنتي... اسيل: مفيش حاجة... عدي: شكل الباشا مسيطر... رحيق: مفيش حد يقدر يمشي كلامه علي اختي اسيل... ادهم مقدرش يمنع نفسه من الضحك... ادهم(بضحك): عندك حق فعلا اوي. اسيل(بهمس و غضب): حيوان... ادهم: اتنين... اسيل بصتله بصدمة و كملت اكل في صمت... ادهم: تلاتة... نيرة: هو في ايه؟ اسيل(عصبية خفيفة): اسألي ادهم ده بيعد علي الفاضي و المليان...
باسم: هو بقي بيعد ايه؟ اسيل اتحرجت و بصت لادهم... ادهم(بهمس): لو كنتي بوستيني بوسة علي خدي كان ارحم ليكي... اسيل(برجاء و همس): مستعدة اعملها بس اعفيني... ادهم(بهمس): غلطتي تحملي نتيجة اغلاطك... سوزان: بطلوا همس، و انت يا عدي بطل كلام مع رحيق... عدي: في ايه يا امي؟ اسيل: غزل انتي بقي في كلية ايه؟ غزل: هندسة... اسيل: تمام باسم هيأخدك و يحول ورقك لكلية هندسة... سالي: و اشمعنا ابني... سامر: ده جوزها يا سالي...
اسيل: الحمد لله، حمد لله علي السلامة يا عمو... احمد: الله يسلمك يا روحي... ادهم: ليلي انتي و رحيق هتنزلوا الكلية من بكره، و انت يا عدي انت و كريم نشوف شغلنا بقي... ادهم: اه و انتي يا اسيل بكره هعديكي علي الجريدة الجديدة... اسيل: تمام... اسيل طلعت اوضتها و هي حزينة... عبدالرحيم: ادهم عايزك... ادهم: تمام... محمد: و انا... ادهم: لو هتسألوا حصل ايه ف دي حاجة خاصة بيني و بين مراتي... ادهم: انا طالع اشتغل...
باسم: و انا رايح مشوار... سالي: فين؟ باسم: مش عيل صغير انا... غزل: انا هطلع انام... نيرة: ماشي يا روحي... عدي(بهمس): تيجي نتمشي... رحيق: تمام. محمد: ما تيجي انفرد بيكي... فردوس(باحراج): ماشي... احمد: يلا يا صفية عايز ارتاح... سوزان: تعالي يا ليلي ننقي فساتين لحفلة بعد بكرة. ليلي: بعدين يا طنط... ليلي طلعت اوضتها... كريم: هروح فيلتي باي... كريم روح لفيلته، و عدي و رحيق قعدوا يتمشوا في الجنينة و يتكلموا...
فردوس و محمد عملوا زيهم، و عبدالرحيم راح نام. صفية و احمد طلعوا يناموا، و سوزان قعدت تدور علي فساتين ليها، سامر و نيرة و سالي راحوا قعدوا في الجنينة يشربوا قهوة... -في اوضة باسم و غزل... غزل: اساعدك في حاجة؟ باسم: شكرا و اه انا ممكن اتأخر... غزل: براحتك... باسم لبس هدومه و خرج ركب عربيته وراح يسهر مع كام بنت و يسكر... غزل فضلت قاعدة تتفرج علي التلفزيون... -في اوضة ادهم و اسيل...
اسيل لما طلعت خدت دوش و خرجت لبست شورت و تي شيرت بيتي بحمالة و قعدت علي اللاب توب. ادهم دخل و هي مودتهوش اي اهتمام... ادهم دخل مكتبه بالرقم السري و دخل يشتغل... اسيل: هروح اسأله... اسيل راحت و خبطت الباب... ادهم: مين؟ اسيل(لنفسها): متجوز مية واحدة يعني... اسيل: انا اسيل... ادهم فتح الباب من عنده... ادهم: ادخلي... اسيل دخلت... ادهم: خير؟ اسيل: كنت عايزة اعرف معلومات عن جريدة بكرة.
ادهم: لما تروحي هناك هتفهمي... اسيل: وصيتهم عليا... ادهم: اه... اسيل: لا خلاص مش عايزة اروح الجريدة دي... ادهم(باستغراب): مش فاهم... اسيل: مبحبش الوسطة، و كمان هما المفروض يشغلوني علشان شغلي مش علشان خاطر انا اسيل الجارحي او كدة... ادهم: عايزة ايه يعني؟ اسيل: اتنقل لفرع جريدتي اللي في امريكا... ادهم: خلاص بكرة هعمل كدة... اسيل: انا عملت كدة... ادهم(بعصبية): بإذن مين؟ اسيل: هيكون مين انا...
ادهم: رابع غلطة يا اسيل، و هأخد تمنهم دلوقتي... اسيل(بخوف): ادهم بص بليز يعني... ادهم قرب منها جامد، و لسة بيمسك وشها بين ايديه، لقاها بتعيط بصمت و دموعها نازلة زي المطر... ادهم بدل ما يقرب منها حضنها، و هي مسكت في التي شيرت بتاعه جامد، و بدأ صوت عياطها يعلي... ادهم: خلاص اهدي... اسيل بتعيط اوي... ادهم: خلاص انا آسف... ادهم: مفيش حاجة هتحصل، متخافيش... اسيل(بعياط): بليز متقربش مني تاني لاني...
و بعدها اسيل دخلت في نوبة عياط تاني... ادهم: خلاص يا بنتي، مالك حصل ايه لده كله؟ اسيل(بعياط): بليز متقربش مني تاني... ادهم: خلاص ماشي مش هقرب منك تاني، بس بطلي عياط. اهدي بقي... اسيل قعدت شوية لغاية ما خلصت عياط، و بعدت نسبيا عن ادهم... ادهم مسح ليها دموعها، و باس جبينها. ادهم(بمرح غير معهود): خلاص بقي يا سكر... ادهم(بمرح): كدة بهدلتي التي شيرت بتاعي حرام عليكي... اسيل: اسفة...
ادهم(بمرح): مين بقي هيغيرلي؟ اسيل(بصدمة): ها... ادهم ضحك علي منظرها و بعدين افتكر حاجة... ادهم(بحدة): اخرجي يا اسيل... اسيل: في ايه؟ ادهم(بحدة): اخرجي... اسيل خرجت بسرعة، و سمعت صوت تكسير في اوضة المكتب، و بعدين ادهم خرج من الاوضة... اسيل: ادهم... ادهم شاور ليها بمعني متتكلمش... ادهم سابها و نزل... رحيق: سمعت صوت التكسير... عدي: هتلاقي ادهم اتعصب... فردوس: في ايه؟
و بعدين لقوا ادهم نزل و دخل علي اوضة جمب القصر... سالي: في ايه؟ نيرة: شوفه يا ابني... عدي: طالما دخل هنا يبقي هو في قمة عصبيته... اسيل: فين ادهم يا جماعة؟ سامر: حبيبتي عملتي ايه؟ اسيل(ببرود): انا مش حبيبتك، و انا معملتش ليه حاجة... عدي: اسيل بلاش تخشي ليه... اسيل: ليه؟ رحيق: بيقول انه في قمة عصبيته... اسيل(بحدة): فين هو؟ عدي: هنا...
اسيل راحت ناحية الباب اللي عدي شاور عليه، و فتحته لقت ساحة ملاكمة و معدات و اجهزة رياضية، و ادهم لابس القفازات و بيضرب، و هو في قمة عصبيته و مدي اسيل ضهره... اسيل لبست قفازات زيه و طلعت المنصة... ادهم: عايزة ايه؟ اسيل: لف و انت تعرف... ادهم لف لقي اسيل لابسة القفازات و واخدة وضع الضرب... ادهم: ايه؟ و فجأة لقي اسيل ضربته بالبوكس في وشه... ادهم(بغضب): ايه ده؟ اسيل: طلع غضبك... ادهم: و يا تري بتعرفي تلعبي؟
اسيل: عيب عليك... و ادهم و اسيل بدأوا يلعبوا... -ادهم مش عايز يضرب جامد علشان ميأذهاش، و اسيل مش عارفة تضربه لانه بيعرف يتوقع الضربة، و اسيل علي قد ما بتقدر بتفلت منه... ادهم: تعبتي؟ اسيل: لا... اسيل: ادهم الحق... ادهم بص وراه، اسيل ضربته... اسيل: القاعدة الاولي و الاساسية متأمنش لعدوك و متدهوش ضهرك... ادهم اتعصب جدا... اسيل(ببرود): شكلك متعصب بس مش عارف تضرب...
ادهم(باستفزاز): انا خايف عليكي، علشان وشك كأنثي ميتخرشمش... اسيل: لا متخافش اضرب... و ادهم و اسيل بدأوا يلعبوا جد و ادهم انبهر من قوة اسيل. و اسيل انبهرت من توقعه للضربة... اسيل و هي بتضربه خبطت في رجله و وقعت و هو وقع هو كمان لان قوته كانت شبه منهاره... اسيل بتأخد نفسها بسرعة و ادهم برضو زيها... اسيل: قوم من عليا... ادهم: تصدقيني ولو قولت مش قادر... اسيل: و لا انا...
ادهم فرد جسمه جمب اسيل، و اسيل حاولت تقاوم النوم بس مقدرتش نامت علي ساحة الملاكمة، و ادهم نيمها علي ايده و نام...
-عند الباقي. عدي(و هو بيتاوب): اتأخروا اوي دول... رحيق: انت شكلك مش متعود علي السهر... عدي: ادهم كان بينيمنا بالساعة لكن بقي البركة في اختك... رحيق: انا و اسيل كنا نسهر ونصيع للساعة 5 و 6 الصبح... عدي: بتعملوا ايه؟ رحيق(بعفوية): بنصيع... عدي(بعصبية): نعم يا روح اهلك... رحيق(بحدة): احترم نفسك... عدي: انا برضو اللي احترمها... رحيق: اه... عدي: انا رايح انام... رحيق طلعت هي كمان نامت...
-و في حدود الساعة 4 الفجر... باسم دخل من باب القصر و هو مش شايف قدامه... و كان سكران و شرب كتير، و طلع علي اوضته... غزل(بخضة): باسم مالك؟ باسم(بضحك): هيكون ليه كنت بشرب... غزل(بصدمة): انت بتشرب... غزل: انا هروح ابلغ العائلة... باسم مسكها من شعرها... باسم: بس انتي ايه احلويتي و بقيت قمر... غزل(بخوف): ابعد يا باسم. باسم: لا، انتي مراتي...
و الشيطان هيئ لباسم تصورات عديدة و افكار غلط، و باسم اغتصب غزل تحت صرخاتها المكتومة و بكاءها و توسلاتها، و لكنه كان كالاعمي و الاصم...
رواية صدفة أم قدر
