رواية صدفة أم قدر للكاتبة سلسبيل كوبك الفصل التاسع
ادهم رمي اسيل علي السرير و لسة هيقرب منها... صوفيا(بصوت عالي نسبيا): اسيل لسة زي ما هي... اسيل(بدموع): صوفيا... ادهم: اطلعي بره... صوفيا: انه تخطيط مدام سالي... ادهم: مش فاهم... صوفيا راحت قربت منهم و وقفت بين ادهم و اسيل و اسيل قعدت علي سريرها و هي خايفة و مسكت في صوفيا، ادهم باصص ليها... ادهم: انجزي...
صوفيا(بخوف): لا هو مدام سالي هي كانت متفقة معايا علي اني اكون عنيها هنا، و هي متفقة مع فيكي علشان يعمل اللي هو عمله النهاردة... ادهم: و انا اصدق كلامك منين؟ صوفيا: لازم تصدقه لان الانسة اسيل اكتر شخص محترم ممكن تقابله... ادهم: امشي من وشي... اسيل(بهمس): متمشيش يا صوفيا... ادهم(بعصبية): امشي من وشي... صوفيا نزلت جري و قفلت الباب وراها. اسيل(بخوف و دموع): ادهم بليز متعملش حاجة... ادهم: سالي تعمل كدة ليه؟
اسيل(بخوف): سالي بتكرهني انا و ماما... ادهم: ليه؟ اسيل: سالي دي عشيقة استاذ سامر و سامر خان ماما معاها، و بعدها هي كانت حامل و لما كانت في شهرها الاخير استاذ سامر جابها و ماما كانت هتطلق بس هي وافقت لانها عرفت انها حامل فيا، و علشان تيتة و جدو و استاذ سامر بيحب ماما فهي بتكره ماما و لما هي بتشوفهم انهم بيعاملوني بحب فهي كرهتني، ده كل حاجة...
ادهم: بتقولي ليه لوالدك استاذ سامر او بتناديه بالالقاب و بتكلميه ببرود... اسيل: اعتقد ده شئ خاص بيا مينفعش تعرفه، بليز. ادهم: نامي... اسيل: بس... ادهم(بزعيق): نامي... اسيل اترمت علي السرير و حطت البطانية علي وشها... اسيل(لنفسها): اوف ربنا يأخدك يا شيخ... اسيل(لنفسها): بكرهك بكرهك بكرهك... اسيل(لنفسها): ازاي يمشي كلامه عليا؟! و انا ليه سمعت كلامه اسااسا ازاي اسمحله يتحكم فيا؟ ادهم: متفكريش كتير و نامي...
اسيل(لنفسها): الصبر يا رب... اسيل بدأت تدخل في النوم و نامت نوم عميق... ادهم خد هدوم ليه و دخل استحم و لبس تي شيرت و بنطلون بيتي، و بدأ يكتشف اوضة اسيل، و شاف الروايات اللي في المكتبة و شاف قلمها و خطها، و شاف حاجات كتير بتدل علي شخصيتها و استغرب من الوان اوضتها الاسود و الرمادي... و بعدها بدأ يتعب و راح نام جمب اسيل... -في الصباح الباكر... في مصر في قصر عائلة الشافعي...
عبدالرحيم: ايه اخبار احمد يا كريم؟ كريم: عمو بخير يا جدو... رحيق: انا عايزة اطمن علي أسيل... فردوس: هما عرسان جداد و مناموش من امبارح، فاكيد نايمين... غزل: تيتة عندها حق يا رحيق... سالي: هو انتي خبرة و لا ايه؟ غزل(بحزن): لا يا طنط... نيرة: سالي عيب... سالي: هو علي اخر الزمن انتي هتقولي عيب و لا مش عيب... سامر: سالي خلاص عدوا يوم من غير خناق... الباب خبط، الخدامة فتحت... الخدامة: صفية هانم...
عدي: اهلا يا طنط... صفية: اهلا يا عدي، فين ادهم؟ عدي: سافر مع اسيل... صفية(بصوت عالي): البت دي لازم ادهم يطلقها... الكل خرج علي اثر صوتها... عبدالرحيم: اخيرا رجعتي يا بنتي... صفية: ادهم يطلق البت اللي اسمها اسيل فورا... محمد: في ايه يا هانم؟ سوزان: مالك يا صفية؟ صفية: اللي خطفني خطفني بسبب البت اللي اسمها اسيل دي... فردوس: مستحيل... ليلي: ماما ايه الكلام ده...
صفية: الشخص ده قالي ان اسيل هي السبب لكن مذكرش سبب... نيرة: اكيد لا... سامر: بنتي ليه هتخطفك؟ صفية: معرفش معرفش، و فين احمد؟ عدي: احم في المستشفي... صفية(بخضة): احمد... رحيق: متخافيش يا طنط هو بخير... صفية: اخرسي بقي هو انتوا ايه من ساعة ما دخلتوا حياتنا و احنا في مصايب... عبدالرحيم: صفية اخرسي... محمد: انا مقدر حالة حضرتك... ليلي: تعالي يا امي بس غيري... سوزان: اه يا صفية...
ليلي خدت صفية و خلتها ترتاح و نامت... رحيق: انا اسفة. عدي: متتأسفيش عادي محصلش حاجة... كريم: عدي انا هتقدم ل ليلي... عدي: لما الامور تعدي يا عم... كريم: اكيد يعني احم... رحيق: شكلك مدلوق... كريم: ايه الاحراج ده؟ رحيق: دايما اسيل كانت بتقولي اللي بيحب مفيش حاجة هتقف قدامه مهما حصل... باسم: اه فعلا... كريم: الراجل ده بيقول كلام زي الفل... و قعدوا يضحكوا... عدي: يا ابني مراتك ما تجيبها... باسم: سيبها. ليلي: غزل.
غزل: نعم... ليلي: تعالي تعالي... ليلي: رحيق... رحيق: نعم. ليلي: تعالوا نطلع نتكلم و نهزر بدل الكئابة دي. رحيق: انتي متأكدة ان والدك في المستشفي... ليلي: انا مبحبش اقعد كئيبة كتير، بفرفش بالكلام... غزل: يلا بينا... و البنات طلعوا اوضة و قعدوا يتكلموا... -في مكان تاني. في امريكا عند اسيل و ادهم...
ادهم صحي قبل اسيل و بيبص جمبه لقي اسيل نايمة مودياه وشها و ملامحها هادية و جميلة و شعرها مفروش علي المخدة رجليها باينة و البطنية مرمية في الارض... ادهم لف جسمه ليها و حط ايده علي خدها... و قرب منها جامد لدرجة ان انفاسه كانت علي وش اسيل، و خلاص هيقرب منها، اسيل فتحت عنيها. اسيل(بخضة): في ايه؟ ادهم لف جسمه و قام بسرعة من علي السرير، و اسيل قعدت علي السرير... اسيل: ايه اللي كان بيحصل من شوية ده؟
ادهم(ببرود): انتي مراتي عادي... ادهم سابها و دخل الحمام. اسيل(بعصبية): بارد و رزل و حيوان و حقير و زبالة. اسيل قامت ظبطت سريرها و طلعت هدوم ليها... ادهم خرج... اسيل: مبدأيا دي اوضتي و ده حمامي مطولش فيه. أسيل: و اياك تدور في اي حاجة في اوضتي. او تدخل في حاجتي تمام... اسيل: و شوف هنمشي امتي؟ اسيل سابته و دخلت خدت دوش و خرجت بالبشكير بتاعها... ادهم: انزلي علشان الفطار... اسيل: تمام... ادهم: مش بتتكسفي؟
اسيل(ببرود): ملكش فيه. و كمان دي اوضتي و افتكرتك نزلت. مليش فيه... اسيل دخلت اوضتها و لبست جيبة قصيرة و تي شيرت ابيض و جاكت جلد، و نزلت من اوضتها... اسيل: صوفيا... صوفيا: عايزاني اتكلم عربي و لا انجليزي... اسيل: مع اني زعلانة منك بس اتكلمي براحتك... صوفيا: انا آسفة و الله هي ضغطت عليا... اسيل: حسابها بيتقل بس ماشي يا صوفيا... صوفيا: ابتسام... اسيل: اسمك ابتسام... ابتسام: اه...
اسيل: اسمك جميل بس انا اتعودت علي صوفيا... صوفيا: براحتك... صوفيا: الاكل جاهز و ادهم بيه مستنيكي... اسيل: تمام... اسيل راحت قعدت علي السفرة في كرسي بعيد عن ادهم... ادهم: تعالي هنا... اسيل مودتهوش اي اهتمام و بدأت تأكل... ادهم(بغضب مكتوم): اسيل تعالي هنا. اسيل: الحمد لله خلصت... اسيل: صوفيا انا راحة الجريدة بتاعتي... ادهم(بغضب): هو انتي متجوزة صوفيا و انا معرفش. اسيل(ببرود): افندم...
ادهم قام و مسك ايديها جامد... ادهم: اسيل اتعدلي في الكلام معايا متنسيش اني جوزك، و الاهم اني راجل شرقي في كل الحالات... اسيل(ببرود): سيب ايدي، و كمان كفاية اني بعرف اعصبك ده شي بيبسطني اوي... ادهم(و هو بيحاول يكون هادئ): شغلك اتنقل لمصر. اسيل: و مين اللي عمل كدة؟ ادهم: انا... اسيل(بعصبية): و مين اداك الحرية انك تعمل كدة انت غبي و لا مجنون و لا ايه بالظبط؟ ادهم(بابتسامة برود): يكفيني شرف اني عصبتك...
اسيل زقت ايده و مسكت مفرش السفرة و رمته و كل الكوبايات و الكاسات وقعوا اتكسروا... اسيل: لو عايز تشوف العصبية هوريهالك علي أصولها، متتحدنيش يا ادهم الشافعي... ادهم(باستفزاز): و انا بحب التحدي يا مدام ادهم الشافعي... اسيل: انت كداب محصلش حاجة بينا علشان اكون المدام بتاعتك... ادهم بصلها من تحت لفوق بنظرات مش كويسة... ادهم(بخبث): لو عايزة معنديش مانع، و كمان في كل الحالات هتبقي مراتي...
اسيل(بعصبية): ادهم متقولش كدة، انا اسمي اسيل الجارحي فاهم... صوفيا كانت شايفاهم و بتضحك... ادهم: لا اسمك مدام ادهم الشافعي... اسيل(بعصبية): ادهم اخرس بقي... ادهم: لا و هثبتلك... و ادهم قرب من اسيل بسرعة و (لخيالكوا)... اسيل كانت مصدومة و فاتحة عيونها علي اخرهم، و ادهم كان ماسكها جامد من خصرها... ادهم: اثبتلك و لا لا؟ اسيل لا رد... ادهم: بت... أسيل لا رد و بصاله بصدمة... ادهم: اسيل يا بت انتي...
اسيل سابته و طلعت تجري علي اوضتها، و قفلت وراها الباب و سندت عليه... اسيل(و هي بتأخد نفسها): لا لا مستحيل... اسيل مكنتش قادرة تتنفس... اسيل: انسي اسيل انسي يا روحي، مفيش حاجة... اسيل: محصلش حاجة... اسيل خدت نفس عميق و طلعته براحة... و فتحت الباب لقت ادهم ساند ايده علي الباب، و بيبصلها بابتسامة... اسيل(بكسوف): عايز ايه؟ ادهم: مش عايز... اسيل: اومال واقف هنا ليه؟
ادهم: اه صحيح هو انتي زي البنات خدودك بتحمر و تتكسف و تتصدم و كدة؟ اصل الصراحة مش شايفك انثي بالمرة... اسيل(ببرود): و انا الصراحة مش شايفاك نوعي المفضل... ادهم: بكرة تتمني لحظة يا جميل. اسيل(ببرود): قولتهالك قبل كدة يوم ما هقع مش هقع في بلاعة مجاري... ادهم: عندك حق، اصل الانسان مبيحبش يقع في الحاجات اللي شبه... صوفيا: احم في عربية مستنية حضرتك بره... ادهم: تمام... ادهم: خشي جيبي كل حاجتك... اسيل: ليه؟
ادهم: راجعين مصر... اسيل: تمام... اسيل لسة هرتقفل الباب في وش ادهم... ادهم: و اه انا مش ببيع ذمتي... اسيل قفلت الباب و شغلت التلفزيون و بدأت تجهز هدومها و حاجتها... اسيل سمعت حاجة لفت انتباها... اسيل: يا نهار هو فعلا عمل كدة... -مضمون اللي المذيعة قالته انه تم القبض علي ابن رؤوف بيه بتهم عديدة منها تجارة المخدرات و خطف الاطفال و تم الحكم عليه بالاعدام من قبل الحكومة الامريكية و مصر... ادهم: خلصتي؟
اسيل: اه بس ايه اللي انت عملته ده؟ ادهم: قولتلك مش ببيع ذمتي يا اسيل... اسيل: انا خلصت كل حاجة خلاص... ادهم: ايه ده كله؟ اسيل: احم يعني مش انت نقلت كل حاجة مصر و كمان ممكن بعد طلاقنا اكمل في مصر حياتي و ده كان حلمي. يعني كدة. ادهم: طب انزلي الحراس هيطلعوا يأخدوا الشنط... ادهم و اسيل نزلوا ركبوا العربية، و وصلوا للمطار و ركبوا الطيارة... ادهم و اسيل ركبوا جمب بعض... ادهم: وراكي ايه يا اسيل؟
اسيل: وراك ايه يا ادهم؟ ادهم: انا سألت الاول... اسيل: و انا سألت الاول... ادهم: ازاي بقي؟ اسيل: عيوني كانت بتسأل... ادهم: طب نامي بقي. اسيل: مش عايزة انام... ادهم: اسمعي اغاني... اسيل: في راجل مسلم مؤمن يقول اسمعي اغاني بدل ما تقولي اسمعي قرآن... ادهم بصلها كتير... اسيل شغلت تليفونها و شغلت قرآن و حطت سماعة في ودانها و سماعة في ودان ادهم... ادهم: اسيل. اسيل: ولد اسمع الكلام...
اسيل نامت علي كتف ادهم، و ادهم فضل باصص ليها ومستغرب منها جدا، لكنه حاسس بالراحة. و بعدها بفترة... ادهم: اسيل اسيل. اسيل: امم. ادهم: يلا وصلنا... اسيل و ادهم نزلوا و ركبوا العربية اللي هتوصلهم للقصر... -في مكان تاني... في قصر عائلة الشافعي... حارس: مينفعش يا فندم... شخص: امشي من قدامي حالا، امشي... حارس: يا فندم ده بيت عائلة كبيرة ازاي تدخل كدة؟ عدي: في ايه؟ حاوس: يا عدي بيه الراجل ده عايز يدخل عافية...
شخص: فين غزل ردوا؟ عدي: مين حضرتك؟ شخص: انا وجدي جوزها... عدي: اتفضل اتفضل... وجدي دخل و ابو غزل و مامتها و خال غزل... عدي: مفيش داعي للرجالة... وجدي: و احنا منين نثق فيكوا؟ عدي: عيب عليكوا احنا عائلة لينا اسمنا و مركزنا... الكل دخل... غزل(بصدمة): بابا... باسم: كملت... سالي: يعععع دول يبقوا عائلتك... نيرة: سالي احترمي الناس... والد غزل: اه يا بنت ال، بتهربي يا بنت ال... وجدي: هتروحي معايا بالذوق و لا لا؟
عبدالرحيم: نفهم بس... محمد: فهمونا مين انتم؟ وجدي: انا ابقي جوز الهانم و ده ابوها و امها و خالها... غزل: كداب انا مش مراتك... ليلي(بهمس): حد فاهم حاجة؟ رحيق(بهمس): فين اسيل بس؟ عدي(بهمس): شايف انك معتمدة علي اسيل اوي... رحيق(بحدة و همس): ملكش دعوة... كريم(بهمس): اهدي يا ابني. وجدي قرب من غزل و مسكها من شعرها... غزل(بصريخ): ابعد عني... باسم شد غزل من ايد وجدي و ضرب وجدي برجله.
باسم: احترم نفسك ازاي تمد ايدك علي مراتي؟ مامت غزل: جوزك يا مصيبتي... اسيل: هو في ايه؟ في رجالة كتيرة. ادهم: هندخل نشوف... ادهم و اسيل دخلوا... ادهم: في ايه؟ اسيل: مالك يا غزل في ايه؟ وجدي: هو انتي... خال غزل: اسف يا اسيل هانم... وجدي: ازاي انتي متجوزة اتنين؟ والد غزل شتمها بلفظ وحش انا محبش اذكره... اسيل: احترم نفسك، بنتك محترمة. اسيل: غزل اتجوزت باسم قبل ما الشخص ده يتجوزها... وجدي: و ايه اللي يثبت؟
اسيل: قسيمة الجواز... والد غزل: فين دي؟ اسيل: بتأخد كام يوم و تطلع... باسم: و بالنسبة للديون اللي عليكوا انا مستعد ادفعها. سالي: لا طبعا انت اتجننت... سامر: سيبيه يا سالي دي مراته... اسيل: المبلغ كام؟ مامت غزل: 40 الف جنيه... باسم طلع دفتر الشيكات و كتب شيك بمبلغ 40 الف جنيه، و رماه في وش وجدي... وجدي: ايه ده؟ باسم: فلوس ديون عائلة مراتي. خال غزل: و نعمة التربية... باسم: ملكش حاجة عندي. بره.
وجدي: و الفرح و دي مراتي... عدي: شكلك مش بتفهم، ما هي اتجوزته قبلك جوازك باطل... باسم: بره... اسيل: انت بس اللي تخرج بره، عائلة غزل تفضل... خال غزل: ست اسيل ست اصيلة اسمعوا كلامها... وجدي: يلا يا ابو غزل. والد غزل: لا هقعد مع بنتي، انا ظلمتها علشانك بس بعد دلوقتي لا... وجدي: ماشي يا ولاد ال... ادهم: احترم نفسك... وجدي كان هيمشي بس وقف و قرب من اسيل... وجدي رفع ايده و ضرب اسيل قلم...
رواية صدفة أم قدر
