رواية إمرأة في عصمة صعيدي للكاتبة سلسبيل كوبك الفصل التاسع والعشرون
شخص2: ما تنجز طلع كل اللي معاك بدل ما افرغ مسدسي في دماغ السنيورة اللي جمبك.. حازم: انتوا مين اسااسا؟ شخص1: انت لسة هترغي؟ الشخص التاني وجه مسدسه ناحية ديما اللي هي نايمة و مش حاسة بأي حاجة... جاسر: نزل سلاحك دي حرمة مينفعش كدة... خالد: انتوا عايزين ايه؟ شخص3: كل اللي معاكوا انجزوا... دنيا: هتخطفونا طب طب هتقتلونا.. خالد: طب وسع و انا نازلك..
شخص بعد عن باب العربية و خالد نزل. و جاسر عمل زيه هو و حازم... جاسر: انتوا اربع اشخاص بس؟ شخص2: انت لسة هترغي ياض انت.. جاسر و خالد بصوا لبعض و كل واحد طلع مسدسه وبدأ يضرب نار.. ديما(بصريخ): عااااااااا.. ديما(بخوف): ايه اللي بيحصل هنا؟ و بعديها لقت حد بيفتح باب عربيتها و بيشدها معاه... ديما(بصريخ): جااااااسر.. شخص: لو خايف على الحلوة نزل سلاحك.. جاسر نزل سلاحه في الارض و خالد عمل زيه..
جاسر: دي واحدة ست ملكش دعوة بيها، كلامك مع الرجالة.. حازم: جاسر حاسب.. بس جاسر لقي اللي بيضربه على رأسه.. شخص2: البوليس جه اهربوا بسرعة.. الرجالة كلها هربت و جاسر وقع على ركبه.. ديما(بعياط): جاسر.. ديما جريت على جاسر و هي شايفة الدم نازل من رأسه.. خالد: يلا ننقله على المستشفي بسرعة.. محسن: يا رب لطفك، يلا يا جماعة.. دنيا(بدموع): هو حصل حاجة ليه؟ الظابط: ايه اللي حصل و مين اللي اتصل؟
ديما(بعياط): نلحق جوزي الاول.. الظابط: طب يلا.. خالد: حازم ارجع انت سوق في العربية التانية و تعالي ورايا.. حازم: طيب.. خالد و حازم ركبوا جاسر العربية و هو مغمي عليه و ديما جمبه... و الكل راح ناحية اقرب مستشفي... دنيا: بليز عايزين نقالة بسرعة.. و نقلوا جاسر اوضة الطوارئ و الدكتور دخل يفحصه... ديما(بعياط): هو هيحصله حاجة؟ خالد: لا متخافيش.. الدكتور: هو تمام، بس لازم نعمل اشاعة نطمن اكتر..
دنيا: مش انا قولت بلاش نمشي بليل شوف افكارك بقي... محسن(بحدة): دنيا عيب.. جملات: خلاص حصل خير ده مكتوب... حازم: طب هندخل نطمن عليه امتي؟ ديما: انا داخلة مليش فيه.. ديما دخلت اوضة جاسر و قعدت جمبه و مسكت ايديه و قعدت تعيط.. ديما(بعياط): بليز متقلقنيش عليك، انا خايفة اوي.. و بعد فترة جاسر فاق و شدد على ايد ديما.. ديما(بفرحة و دموع): انت كويس؟ها رد عليا كويس.. جاسر(بخفوت): اه كويس، انتوا كويسين؟ ديما: اه...
ديما(بعياط): قلقتني عليك.. جاسر(بخفوت): آسف.. و الكل دخل و اطمنوا على جاسر.. الدكتور: الاشاعة سليمة الحمد لله.. الكل: الحمد لله.. الدكتور: تقدروا تخرجوا النهاردة لو عايزين.. خالد: اه، يلا يا جاسر.. جاسر: طيب.. جاسر سند على خالد و حازم و مشيوا... دنيا(بهمس): من امتي الحب يا حزينة؟ ديما(بهمس): اخرسي يا بت شوية.. دنيا(بصدمة): ايه ده كله؟ جملات: دول رجالة علشان ميحصلش زي اللي حصل من شوية.. ديما(بذهول): بالعدد ده؟
جملات: اه الخبر وصل الصعيد يعني كل اهل البلد مستنين رجعة جاسر.. محسن: يلا يا بنات اركبوا.. ديما قعدت جمب جاسر و حازم بيسوق، و الباقي ركب العربية التانية... جاسر(بهمس): كنتي خايفة عليا بجد؟يعني انسي موضوع العروسة.. ديما(بغيظ مكتوم): لا مكنتش خايفة عليك تمام، و كمان براحتك عايز تنسي موضوع العروسة انسي مش عايز عنك ما عوزت، رزل... جاسر: طب بطلي غيرة طب... ديما: انا مش غيرانة تمام..
جاسر: اه عندك حق طب و النار اللي في رأسك دي ايه.. ديما: جاسر متستفزنيش.. جاسر: طيب.. جاسر حط رأسه على كتف ديما و غمض عيونه... و بعد فترة وصلوا الصعيد و لقوا الناس كلها حوالين بيت عائلة القاضي... ديما(بخفوت): جاسر يلا وصلنا.. جاسر: طيب ظبطي طرحتك.. ديما ظبطت شكلها و نزلوا كلهم.. جملات(بهمس): تعالوا يا بنات معايا.. جملات خدت ديما و دنيا و دخلوا على البيت علطول.. شخص: حمد لله بالسلامة يا جاسر بيه..
جاسر: الله يسلمكوا كلكوا.. حسن: الف حمد لله بالسلامة.. جاسر(و هو بيحضن والده): الله يسلمك يا حاج.. خالد: طب يلا ندخل و لا ايه؟ ايمن: يلا يلا تعالي يا خوي.. و الكل دخل البيت.. دعاء(بفرحة): ديما دنيا.. دعاء جريت عليهم حضنتهم جامد.. فيروز: اخيرا شوفناكوا.. فيروز حضنتهم هي كمان... فتحية: ازيك يا حبيبتي.. ديما: شكرا يا طنط.. و الكل سلم على بعضه و الرجالة دخلت.. فتحية: حمد لله بالسلامة يا ولدي..
جاسر(و هو بيبوس ايديها): الله يسلمك يا حاجة... اسماء: الحمد لله رجعتوا بالف سلامة.. دعاء(بهمس): الحجاب حلو اوي.. فيروز(بهمس): شكلكوا جميل بيه.. ديما و دنيا(بهمس): شكرا.. اسماء: طب تأكلوا لقمة و تطلعوا تريحوا.. جاسر: لا انا مش قادر، انا و ديما هنطلع نريح فوق عن اذنكوا.. جاسر مسك ايد ديما و طلع على اوضته... دنيا: انا هطلع ارتاح... حازم: و انا نتقابل بكرة... خالد: الوقت اتأخر عن اذنكوا...
و الكل راح على اوضته و نام...
-في الصباح الباكر... اسماء: صباح الخير.. حازم: صباح النور يا طنط.. حازم(بهمس): اومال فين دعاء؟ اسماء: لم نفسك يا حازم... على: الواد ده مضايقك.. اسماء: لا... حازم: انا ماشي و سايبهالكوا مخضرة... حازم سابهم و طلع للجنينة لقي دعاء قاعدة بتذاكر في اهتمام، حازم قرب منها بهدوء و وقف وراها.. حازم: بخ.. دعاء(بخضة): عاااااااا، انت غبي.. حازم: اتخضيتي يا بطة.. دعاء: امشي من هنا... حازم: لا..
دعاء: هنادي بابا و جاسر.. حازم: نادي.. دعاء: انا ماشية.. حازم: خلاص خلاص كلها شهر يا جميل... حازم سابها و مشي، و دعاء كملت مذاكرتها... خالد كان نازل على السلالم بس لقي دنيا قاعدة على السلالم راح قعد جمبها.. خالد: مالك؟ دنيا: اسفة لاني زعقتلك امبارح.. خالد: تمام، في ايه ايه اللي مزعلك؟ دنيا: مفيش.. خالد: واضح ما تتكلمي يا بنتي.. دنيا: مفيش الله.. خالد: طيب براحتك... دنيا: طب ما تقوم.. خالد: لا مرتاح هنا..
دنيا: براحتك... جملات: قاعدين كدة ليه؟ دنيا: مفيش حاجة، اجي اساعدك في حاجة؟ جملات: لا يا حبيبتي خليكي.. فيروز: دنيا تعالي معايا.. دنيا: طيب.. دنيا طلعت مع فيروز و راحوا اوضة فيروز... دنيا: ايه يا بنتي؟ فيروز: انا بحب... دنيا: طيب و فيها ايه؟ فيروز: ده حاجة عيب هنا يا دنيا.. دنيا: بتحبي مين؟ فيروز: ولد عمي.. دنيا(بصدمة): خالد! فيروز: لا.. دنيا(بصدمة): جاسر! فيروز: لا علاء ولد عمي ايمن...
دنيا: ملقتيش غير البايظ ده و تحبيه.. فيروز: معرفش.. دنيا: طب اصبري طيب الامور تتعدل و نتكلم.. فيروز: طيب... عند ديما و جاسر.. ديما كانت نايمة على ¾ السرير و جاسر كان هيقع و مش عارف ينام.. جاسر(بعصبية): ديما اتأخري شوية.. جاسر(بعصبية): يا ديما.. ديما(بنوم و خضة): ايه؟ جاسر: اتأخري شوية.. ديما(بنوم): طيب.. ديما اتأخرت شوية و كملت نوم و جاسر عدل نفسه.. جاسر: متجوز عربية نقل انا.. جاسر: ديما ديما...
ديما(بنوم): ايه بقي يا جاسر؟ جاسر: ما تلمي نفسك شوية بدل ما انتي واخدة السرير كله، او قومي الوقت اتأخر... ديما: سيبني اكمل نوم يا رزل و ابعد عني.. جاسر: انا عايز اكمل نوم انتي سيبيلي السرير و انزلي.. ديما(بنوم): لا... جاسر: ايه؟ ديما(بنوم و زهق): لا يا جاسر... جاسر: ما انا مش عارف انام منك انتي مكنتيش كدة.. ديما قربت من جاسر و هي مغمضة عنيها و حضنته و نامت و جاسر حضنها و نام هو كمان...
بعد فترة جاسر صحي خلاص و بدأ يصحي ديما.. جاسر: ديما حبيبتي يلا قومي.. جاسر: ديما ديما، يا بت انتي.. ديما: صاحية.. جاسر: و مقومتيش ليه؟ ديما: عايزة انام في حضنك.. جاسر: طب قومي يلا.. ديما: لا.. جاسر: يا رزلة.. ديما قربت من جاسر اكتر و مسكت فيه جامد و نامت على صدره.. جاسر: طب اسميه ايه؟ ديما(بنوم): انت فعلا هتتجوز عليا؟ جاسر: لو فضلتي مسكاني كدة اه هتجوز عليكي.. ديما بعدت عن جاسر و لفت وشها الناحية التانية..
جاسر قرب منها و حضنها.. جاسر: خلاص متزعليش.. جاسر: كنت بهزر معاكي و الله.. ديما: طيب... جاسر: طب ايه رأيك نقوم نصلي الصبح ركعتين؟ ديما(بابتسامة): طيب.. جاسر و ديما قاموا و اتوضوا و صلوا و ديما غيرت هدومها و نزلوا هما الاتنين... بعد مرور شهر..
خلال الشهر ده، كانت الدنيا ماشية حلو دعاء كانت بتمتحن و هي متوترة و دنيا و ديما بدأوا يتعودوا على الحياة في الصعيد و ديما و جاسر كل شوية يضايقوا في بعض، و خالد و دنيا زي القط و الفأر... -على السفرة.. خالد: ها يا فاشلة النتيجة ظهرت؟ دعاء(بتوتر): لا اخرس بقي، انا كل ما حد يجيب سيرتها بتوتر... دنيا: يا قلبي ان شاء الله خير.. جاسر: ما تسيبي الزفت اللي في ايدك شوية و ركزي في الاكل...
ديما: طب ما تسبني اركز في اللي في ايدي و ركز انت في الاكل.. جاسر: و الله هكسره ليكي.. ديما: تقدر؟ محسن: خلاااااااص ما بتصدقوا تتخانقوا... حسن: مزهقتوش.. ديما: رقم جلوسك كام يا دعاء؟ دعاء(بتوتر): هي النتيجة ظهرت؟ حازم: في ايه يا بنتي ايه كمية التوتر ده؟ فيروز: هي كدة... دعاء: رقم جلوسي().. ديما: لحظة.. ديما بعد دقايق... ديما: مستعدة؟ جاسر: ما تنجزي.. ديما(بفرحة): مبروك 98,8%... دعاء(بصدمة): بجد؟
دعاء قامت تطنطط من مكانها و هي فرحانة اوي... دنيا: خلاص البيت هيتهد.. حسن: مبروك.. فتحية: مبروك يا حبيبتي.. اسماء: عقبال الشهادة الكبيرة... على: في بيت جوزها ان شاء الله.. حازم: من عنيا.. حسن: تمام كل الرجالة ورايا.. جملات(بهمس): خير يا رب... و كل الرجالة خرجوا و بعد فترة.. خالد: تعالوا.. ديما: في ايه؟ خالد: تعالوا.. كل الستات دخلت و الكل بقي قاعد.. حسن: في كذا قرار خدناه لازم تعرفوه..
حسن: مبدأيا ايمن هيرجع عبير يا ديما موافقة؟ ديما: براحته يا عمو.. جاسر: هي غلطت فيكي انتي موافقة انها ترجع؟ ديما: معرفش براحتكوا عادي مش فارقة.. حسن: طيب... حسن: و علاء هيرجع.. حسن: و فرح دنيا و دعاء و فيروز الاسبوع الجاي.. اسماء(بصدمة): فيروز! فيروز(بدهشه): انا يا عمي؟! حسن: اه، العريس علاء ابن عمك... ايمن: صدقيني اتغير يا بنتي... فيروز(بخجل): اللي تشوفه يا عمي.. حسن: تمام جهزوا نفسكوا...
و الكل خرج و راح نام و صحي تاني يوم...
-في الصباح الباكر.. ديما: جاسر جاسر.. جاسر(بنوم): ايه؟ ديما: يلا قوم علشان شغلك.. جاسر: تمام سيبيني انام نص ساعة.. ديما: يلا يا كسول يلا.. جاسر شد ديما لحضنه و نيمها جمبه و نام.. جاسر: سيبيني هموت و انام.. ديما: محدش قالك تسهر بليل.. جاسر: طيب بلاش اتكلم علشان خدودك متبقاش طماطم.. ديما: ظريف، يلا قوم بقي.. جاسر: طيب.. جاسر: ها يا فاشلة جاهزة للتسميع.. ديما: متقولش فاشلة، و اه جاهزة..
جاسر: اسكتي ده انتي لسة في الجزء التالت.. ديما: ما اعملك ايه انت اللي كل يوم تقول صفحة واحدة بس صفحة واحدة بس مبترضاش تخليني اخد كذا صفحة.. جاسر: لا يا حبيبتي انا فاهمك انتي مش من النوع اللي بيحفظ كتير.. ديما: طب وسع... جاسر: بس شعرك طول و بقي شكله حلو.. ديما: طيب وسع.. جاسر: في ايه يا بت؟ما تحترمي نفسك.. ديما: كدة هتتأخر الساعة بقت 7 براحتك.. جاسر: ماشي لسة اليوم طويل..
جاسر قام و دخل خد دوش خرج لبس العباية اللي ديما مختارها ليه.. جاسر: يلا جاهزة؟ ديما: اه، يلا بينا.. ديما و جاسر نزلوا لقوا الكل تحت و عبير و علاء.. عبير(و هي موطية رأسها): آسفة يا ديما اسفة يا جاسر.. علاء: اسف ليكوا انتوا الاتنين.. جاسر: تمام.. و بدأوا يفطروا.. خالد: خلصت؟ جاسر: اه يلا.. حازم: انا هروح اشتغل على اللاب بتاعي تمام.. جاسر قام و باس رأس ديما و خرج هو و خالد..
علاء: عن اذنك يا عمي تسمحلي اروح المصنع.. حسن: تمام... علاء قام و راح على شغله... محسن: يا رب اهديلهم الحال.. حسن: ايه الاخبار؟ فتحية: بخير بحسك يا حاج.. دنيا: يا سلام يا عمو بتثبتك... اسماء: بنت عيب.. ديما(بهمس): هو ابوكي و امك في بيسألوا ليه ما صدقوا يسافزةروا.. دنيا(بهمس): انا شكلي مش بنتهم لا.. دعاء: انا تعبانة... جملات: مالك؟ دعاء: لا مفيش، هو انا كدة هسافر و مش هشوفكوا تاني.. فيروز: احسن هنرتاح منك..
دعاء(بدموع): يا واطيين.. فتحية: يلا شيلوا الاكل يلا... حسن: تعالوا نقعد مع الحاج مرزوق... محسن: يلا... على و ايمن: تمام.. و الرجالة خرجت من البيت... و البنات شالوا اطباق الاكل و حطوهم في المطبخ.. ديما: هنقعد بره.. اسماء: متخرجيش يا ديما زي المرة اللي فاتت جاسر قلب الدنيا.. ديما: احم احم ايه ده؟ دعاء: فاكرة ساعة ما توهتي و جاسر قلب الدنيا عليكي و لما جيتي قعد يزعق.. دنيا: ليه بيفكروني ليه؟
فيروز: انتي فايقة يا بت.. ديما: يلا نخرج نقعد بره.. و الستات كانوا في المطبخ بيحضروا الغداء و الكل لاحظ تغير من عبير... و البنات بيقعدوا و يضحكوا... و بعد فترة... فيروز: مين اللي جاية علينا دي؟ دعاء(بصدمة): لتكون سارة.. دنيا: دي هي سارة مالها اتغيرت كدة ليه؟ سارة(بحزن): السلام عليكو، ازيكوا... الكل: الحمد لله... دعاء: ايه اللي عمل فيكي كدة؟
سارة كانت خست اوي و وشها اصفر و متعب و عبايتها متبهدلة و تحت عنيها اسود و باين اثار ضرب على وشها سارة(بدموع): ضربوني و شتموني و عذبوني.. فيروز: الصراحة يا سارة انتي تستاهلي.. دنيا: من اعمالكم سُلط عليكم... سارة(بدموع): عندك حق... سارة(بدموع): سامحيني يا ديما ارجوكي.. ديما: اللي عملتيه فيا مش غلطة صغيرة..
سارة(بدموع): ارجوكي لو مسامحتنيش عمي حسن مش هيرضي يخليني اطلق من مازن و ابني هيتعذب و احتمال اسقطه... دعاء: انتي حامل؟ سارة(بدموع): اه، و مع ذلك بيخلوني اشتغل و بعمل كل شغل البيت لوحدي و كل يوم... ديما لقت جاسر دخل هو و خالد، قامت و زي ما بتعمل كل يوم راحت حضنته و هو باس رأسها... جاسر: حبيبتي عملت ايه في غيابي؟ ديما: مفيش قعدنا زي كل يوم.. جاسر: طيب خدي..
ديما(بفرحة): الله مارشيملو انا افتكرتك نسيت لانك بقالك يومين مجبتش.. جاسر: مقدرش انسي حبيبتي بس كنت مضغوط شوية.. ديما: بحبك.. جاسر: فين المقابل؟ ديما باست جاسر على خده اليمين و خده الشمال.. خالد(بخفوت): هو مين الست دي يا ديما؟ ديما(بضيق): دي سارة.. ديما بصت علشان تشوف تعابير وش جاسر لقتها اتغيرت... ديما(بحزن): عن اذنكوا.. ديما سابتهم و جريت، و جاسر لاحظ ده.. جاسر: يا بت مكنش قصدي، استني..
جاسر راح ورا ديما و ديما جريت على جوا.. خالد: احم مساء الخير.. الكل: مساء النور.. جاسر: مسكتك.. جاسر مسك ديما من ايديها و زقها على الحيطة.. جاسر: شايف انك زعلانة... ديما: ابدا، و اه سارة هتطلق من مازن قريب لو عايز تتجوزها يعني.. جاسر: يا ربي على الغيرة اوف، يا بت انا بحبك انتي فاهمة؟مفيش غيرك في قلبي و عارف اني ملامحي اتغيرت بس لو كنتي ركزتي شوية كنتي هتلاقي غضب مش اني لسة بحن ليها، اكبري شوية بقي...
جملات(بشهقة): بتعملوا ايه؟ليكوا اوضة منك ليها.. جاسر: هو انتي و هي، ده ايه العائلة دي؟ جاسر سابهم و طلع على اوضته، و الكل رجع من شغله.. حسن: البت دي بتعمل ايه هنا؟ الكل سكت و باصص لسارة... سارة(بدموع): ارجوك يا عمي انقذي منهم.. ايمن: راجعة دلوقتي مش ده اللي انتي بتموتي فيه و هينقذنك مننا، اشربي بقي.. سارة(بدموع): ارجوكوا انا حامل و هو بيعذبني و بيموتني بالبطئ.. حسن: ملناش فيه..
ديما(بتوتر): احم عمي انا شايفة انها مهما كانت من دمكوا مش هينفع ترموها في الشارع.. على: هي اللي راحت و عجبها الشارع... دنيا: بس برضو دي مهما كانت واحدة ست.. دعاء: و كمان في الاول و الاخر شايلة حفيد عائلة القاضي.. فيروز: يعني لو تتدخلوا في الموضوع يبقي انتوا بتنقذوا اسم عائلة القاضي... ديما: اه.. كل الرجالة بصت لبعضها و حسن بص لسارة كتير.. حسن: ماشي بس غلطة كمان و هتندمي..
-حسن عمل قعدة عرب و بالعافية خلوا مازن يطلقها و من غير ما يدفع اي فلوس، و عدي اسبوع قبل الفرح ده بسرعة من غير ما حد يحس بيه... -بعد اسبوع... ديما: و هيصة عند العريس هيصة... دعاء: قولي لينا اي حاجة يا ديما هنموت من التوتر و الخوف.. ديما: الجواز ده اكبر مقلب بتأخديه في حياتك يا حبيبتي.. دنيا: الله يطمنك و يأخدك.. فيروز: بصوا هو ايه هتيجي زي ما تيجي.. ديما: متفائلة انتي يا اخواتي.. الباب خبط.. ديما: ادخل..
اسماء: يلا يا بنات انزلوا... اولفت(بدموع): حبيبتي اخيرا هتتجوزي.. دنيا: ماما الاو؟ر.. اولفت: طب يلا علشان تنزلوا.. دنيا: بصالي بشماتة يا ديما و ربي لابيكي.. و التلت بنات نزلوا و ديما وراهم.. فتحية: تعالوا يا حبيايبي هنا.. و بدأت الاغاني تشتغل و ديما ترقص و تهيص.. جاسر: خلي ديما تتهد.. جملات: البت مبسوطة.. جاسر: برضو خليها تتهد لاما و الله اخليها تطلع فوق متنزلش.. اسماء: خلاص هروح اقولها..
اسماء(بهمس): ديما جاسر بيقولك اتهدي شوية.. ديما: لا انا مبسوطة.. ديما بصت لجاسر لقته بيبصلها بتحذير راحت ناحيته... ديما: انا عملت ايه بقي دلوقتي؟ جاسر(بهمس): بتعرفي ترقصي و لما اجي اقولك بتعرفي تقوليلي لا ماشي يا ديما.. ديما: و الله لسة متعلمة من طنط فتحية و من طنط جملات و طنط اسماء.. جاسر: و الله، انجزي يا حاجة طلعوا الشربات، انا ماشي علشان مأخدش قرار اندم عليه... جاسر سابهم و مشي..
سارة(بتعب): و النبي يا ديما ناوليني الصينية اللي في الارض دي.. ديما ناولت الصينية لسارة و سابتها و مشيت... و بعد فترة دخل جاسر و معاه دفتر المأذون.. جاسر: خليهم يمضوا يا ديما.. ديما: تمام.. ديما: يلا يا حلوين.. دنيا: بسم الله الرحمن الرحيم.. دنيا بدأت توقع و هي مترددة.. دعاء: انا لسة صغيرة.. ديما: بطلي لعب عيال.. دعاء: طيب.. دعاء وقعت هي كمان... فيروز: انا خايفة.. ديما: انجزي يا عروسة، هتحايل عليكوا..
فيروز وقعت، و ديما ودت الدفتر لجاسر و اول ما جاسر خرج حصل ضرب نار كتير.. و خالد و حازم و علاء دخلوا و كل واحد باس رأس مراته و خرجوا تاني، و الكل كان مبسوط و فرحان و بعد فترة انتهي الفرح.. علاء خد فيروز و طلع اوضته، حازم خد دعاء و طلع اوضته، خالد خد دنيا و طلع اوضته.. محسن: انا تعبان يلا تصبحوا على خير.. الكل: و انت من اهله...
محسن و جملات طلعوا اوضتهم يناموا، و عبير و ايمن، و على و اسماء، و حسن و فتحية.. ديما: ايه النوم لسة مجاش عندك و لا ايه؟ جاسر: لا هنام بس بقي امتي.. ديما(باستغراب): امتي؟ جاسر: هقولك مخافيش.. سارة(بوجع): آآآآه.. ديما: مالك؟ سارة: حاسة بنغزة... ديما: الف سلامة اطلعي ارتاحي.. جاسر: يلا يا ديما.. جاسر وطي و شال ديما و طلع على اوضته.. ديما(بهمس): ميصحش كدة.. جاسر: ملكيش فيه... في اوضة دعاء و حازم..
حازم(بفرحة): متعرفيش كنت بتمني اللحظة دي قد ايه.. حازم(بفرحة): و اخيرا ربنا حققلي امنيتي.. حازم(بمرح): لا عايزك تبقي فرفوشة كدة عايزك قرد في المكان.. دعاء: عيل رخم.. حازم: ايوه كدة افتكرتك بقيتي خارسة.. دعاء: ما تبطل بقي.. حازم: بس نسيت اقولك حاجة علفكرة.. دعاء: ايه؟ حازم: انتي حلوة اوي.. حازم بدأ يفك طرحة دعاء و شعرها نزل على ضهرها زي الحرير..
حازم: فاكرة اول مرة شوفت فيها شعرك، كان غصب عني بس دلوقتي بقي حلال عادي... حازم: مش عايزك تخافي، احنا بعد كام يوم هنسافر سويسرا و هخليكي تكملي تعليمك ده وعد مني، و وقت ما تكوني عايزة تنزلي مصر هنزلك.. دعاء: شكرا.. حازم: طيب يلا قومي غيري هدومك و اطلعي نأكل.. دعاء: حاضر.. دعاء دخلت غيرت هدومها و خرجت و بدأت تأكل هي و حازم العشاء و يتكلموا و يضحكوا...
في اوضة فيروز و علاء.. علاء: عارف انك ممكن تكوني معترضة عليا بسبب تصرفاتي زمان او كدة حقك، بس انا فعلا اتغيرت.. فيروز: و لا يهمك.. علاء: طب اقلعي طرحتك يعني علشان متتخنقيش.. فيروز: حاضر.. فيروز بدأت تقلع طرحتها و شعرها باين لعلاء.. علاء: تعرفي كان نفسي دايما اشوف شعرك، و ادي ربنا كتبها ليا.. علاء: يلا نأكل.. فيروز: طب هخش اغير.. علاء: تمام..
فيروز دخلت غيرت هدومها و خرجت و بدأوا يأكلوا و يتكلموا و يتعودا على بعض... في اوضة خالد و دنيا.. دنيا: هخش اغير.. خالد: تمام.. دنيا دخلت غيرت هدومها و خرجت لقت خالد مستنيها.. خالد: ايه رأيك نتكلم شوية؟ دنيا: تمام.. خالد: بصي يا ستي متفتكريش اني بكرهك بالعكس جدا، انا بحبك و بحبك جدا يا دنيا بس كنت بحاول على قد ما اقدر اخبي مشاعري لغاية تبقي حلالي و كل حاجة تبقي رسمي مش عايزك تزعلي مني لو سمحت..
دنيا: اممممم لا مش زعلانة بص انا و كمان معجبة بشخصيتك بس كنت فكراك بتكرهني.. خالد: ابدا، مجوعتيش.. دنيا: لا الصراحة عصافير بطني بتنونو.. خالد: يعني مش بتصوصو... دنيا: لا... و بدأ يتكلموا كتير و دنيا تفضل تضحك و خالد اعترف ليها بحبه...
-في الصباح الباكر.. حسن: هما هينزلوا تحت و لا هطلعوا ليهم الفطار فوق.. جملات: فوق يا حاج، حتى جاسر طلب كدة.. محسن: ده مش بيتهد.. عبير: ربنا يسعدهم كلهم.. فتحية: يلا يا تهاني يلا الكل يطلع الاكل فوق للكل.. عند خالد و دنيا.. الباب خبط.. خالد: ثانية.. خالد فتح الباب.. خالد: خشي حطي الاكل يا تهاني.. تهاني: حاضر يا بيه.. تهاني حطت صينية الاكل و نزلت.. دنيا: احنا هنفطر هنا ليه مش تحت..
خالد: كدة، هنبقي ننزل على اخر النهار... دنيا: طيب يا رزل.. خالد: مسمعتش قولتي ايه؟ دنيا: يا رزل.. خالد: و الله يعني انا رزل.. دنيا: هتتحول و لا ايه يا عم خليك مكانك.. خالد: بس انتي مديونة ليا بشكر.. دنيا: مش فاهمة.. خالد: مش فستان الفرح بتاع بنت دادة ناصرة عجبك.. دنيا(باستغراب): اه، بس ايه علاقته؟ خالد: انا اللي مختاره ليكي و هو عجبك صح، يبقي تشكريني.. دنيا: لا و النبي و المفروض اصدق.. خالد: هكدب ليه مثلا؟
دنيا: طيب، شكرا.. خالد: مش مقبول.. دنيا: براحتك بقي، انا عايزة اكل.. دنيا بدأت تشيل الغطاء اللي على الصينية و قعدت تأكل و خالد راح و قعد جمبها و بدأ يأكل معاها...
عند دعاء و حازم.. الباب خبط... حازم قام و فتح الباب.. تهاني: الحاجة فتحية بعتتني بالفطار.. حازم: طب خشي.. دعاء: ازيك يا تهاني.. تهاني: كويسة يا مدام دعاء.. حازم قعد يضحك على منظر دعاء.. حازم(بضحك): امشي دلوقتي يا تهاني امشي.. دعاء: يا رخم بتضحك على ايه؟ حازم: مفيش مفيش، حماتي بتحبني اوي علشان كدة باعتة الاكل فوق ياااااه.. دعاء: انا جعانة اوي.. حازم: و انا الصراحة..
دعاء و حازم بدأوا يقعدوا و يأكلوا و طبعا دعاء مخلصتش من مرح حازم.. عند فيروز و علاء.. الباب خبط... علاء فتح الباب.. علاء: ايه يا تهاني؟ تهاني: الفطار.. علاء: هاتي.. علاء خد من تهاني صينية الاكل و قفل الباب.. علاء: فيروز.. فيروز: نعم.. علاء: تحبي تفطري هنا و لا تحت؟ فيروز: براحتك.. علاء: خلينا هنا... علاء: يلا تعالي كلي.. فيروز: حاضر... فيروز قعدت قدام علاء و بدأت تأكل و لقته باصص ليها.. فيروز: في ايه؟
علاء: بقول قد ايه انا كنت غبي.. فيروز: ليه؟ علاء: كنتي انتي قدامي من بدري بس كنت غبي... فيروز: كل واحد بيأخد نصيبه... علاء: عندك حق.. و كملوا اكل... عند جاسر و ديما.. الباب خبط.. ديما(بهمس): وسع يا جاسر.. جاسر: لا خليكي جمبي هنا.. ديما: يا ابني وسع الباب بيخبط.. جاسر: مين؟ تهاني: انا يا بيه.. جاسر: عايزة ايه؟ تهاني: الفطار.. ديما: اه انا جعانة اوي يا جاسر بليز... جاسر: ثانية يا تهاني..
جاسر قام و فتح الباب و خد صينية الاكل من تهاني و حطها على الترابيزة.. جاسر لقي ديما بتقوم بسرعة و بتجري على الاكل، بس هو مسكها... ديما: وسع يا جاسر عايزة اكل.. جاسر قعد و بدأ يأكل.. جاسر: الرجالة الاول و بعدين الستات.. ديما: ايه العنصرية دي؟الستات اولا و بعدين الرجالة.. جاسر: و هو كدة مش عنصرية.. ديما: بس.. ديما(بصوت عالي نسبيا): انت بتضحك عليا علشان تأكل انت.. جاسر: الصراحة اه.. ديما: عيل سئييييل..
جاسر: شكرا، لاحظي انك بقيتي بتغلطي تمام.. ديما: طيب.. ديما قعدت على رجل جاسر و بدأت تأكل.. جاسر: مش عارف اكل.. ديما: عنك ما كلت.. جاسر: يا رخمة انتي.. ديما: شكرا، لاحظ انك بقيت بتغلط كتير تمام.. جاسر: بتقلديني كمان.. جاسر قعد يزغزغ ديما و ديما تضحك بصوت عالي.. ديما(بضحك): بغير حرام عليك وسع.. جاسر: حرمتي يا شاطرة؟ ديما(بضحك): اه.. جاسر: طيب.. ديما: هروح البس علشان ننزل.. جاسر: هتروحي ايه؟ ديما: في ايه؟
جاسر: مفيش نزول من هنا الا بليل و احتمال بكرة الصبح و الاحتمال الاكبر بقي بعد سنة.. ديما: ظريف.. جاسر(بغمزة): و اعجبك علفكرة... ديما: طب هنعمل ايه؟ جاسر: تعالي اقولك.. ديما: لا.. جاسر: متخافيش هنتفرج على فيلم و نلعب رياضة شوية نتكلم كدة هنعمل كذا حاجة.. ديما: طيب... -بعد فترة طويلة على بليل كدة.. خالد و دنيا بدأوا يخرجوا من اوضتهم، و وراهم حازم و دعاء و بعدين علاء و فيروز...
جملات: كدة الكل خرج فاضل جاسر و ديما.. خالد: مفكر نفسه عريس... جاسر: و مفكرش ليه؟ حازم: براحتك يا كبير.. و قعدوا يتكلموا و يهزروا و اقترحوا يتفرجوا على فيلم كلهم... ديما: خدوا اهو فشار اينعم نصه محروق بس مش مشكلة.. جاسر: وسعي يا بت من قدام التلفزيون... ديما: اسكت يا رخم انت... خالد: دنيا عرفت انك حافظة الفيلم سيبيني اتفرج.. دنيا: انا غلطانة اني بحكيلك الفيلم.. خالد: طيب.. حازم: عجبك؟ دعاء: نوعا ما..
فتحية: ده رعب ده؟ جملات: لا شكله دراما.. فيروز: لا فيلم كوميدي يا مرات عمي.. سارة: معلش يا جاسر ناولني ازازة الماية اللي جمبك.. ديما(بغيظ): خليك يا حبيبي، خدي يا سارة.. سارة: تسلميلي.. ديما(بهمس): جتك مصيبة في شكلك.. جاسر قرب منها و حط ايده على كتفها... جاسر(بهمس): و لا تشغلي بالك خالص فاهمة.. ايمن: انا تعبان هطلع انام.. عبير: جاية معاك يا حاج... على: اتفرجوا انتوا بقي، تصبحوا على خير...
اسماء: لو حد جاع الاكل في المطبخ.. دعاء: تسلمي.. فتحية: مليش في الجو ده انا هروح ورا الحاج، يلا.. و كل الكبار بدأوا يقوموا واحد ورا التاني.. و عدي فترة طويلة على الشباب و هما بيتفرجوا و يضحكوا... دنيا: اهو ديما نامت تاني.. حازم: دي تلاقيها منامتش من امبارح.. جاسر: اخرس.. جاسر قام و شال ديما و طلع على اوضته و نيمها على السرير و نام جمبها... و كل ثنائي بدأ يقوم لاوضته.. سارة(لنفسها): هو انا هفضل كدة..
سارة(لنفسها): بسببك يا ديما حصل فيا كدة.. سارة(لنفسها): يا تري اعمل ايه؟
في الصباح الباكر... الحياة رجعت لطبيعتها الرجالة راحت لشغلها، و الستات بتتكلم و تحضر الغداء.. ديما كانت طالعة على السلم لقت سارة نازلة.. ديما: هو انتي في الشهر كام يا سارة؟ سارة: التاني.. ديما: اه ربنا معاكي.. ديما كانت لابسة فستان طويل عليها و ديله طويل اوي و كانت طالعة و سارة بصت لديما بخبث و مكر..
سارة حطت رجليها على فستان ديما من ورا بحيث انها توقع ديما، بس سارة اختل توازنها و وقعت على السلالم... سارة(بصريخ): الحقوووووووووووووني.. سارة نزلت تتدحرج على السلالم و ديما لفت رأسها بذهول و هي مصدومة.. و لقت سارة مغمي عليها و حواليها دم...
رواية إمرأة في عصمة صعيدي
