من تحت لتحت وتخطف بعض النظرات اليه ثم انتهت الرقصه وصفق الجميع لهم ثم طلب احمد من طارق ان يذهب للدي جي ويطلب منهم يضع اغنية ليرقص معها وبالفعل ذهب طارق للدي جي وطلب منه ان يشغل اجمل موسيقى رومانسية ثم ذهب احمد وطلب من امال ان ترقص معه ثم وافقت امال على الرقص معه وكان قلبها يرقص من الفرحة لأنها اخيرا حلمها بدأ يتحقق وتناست الخوف اللي بداخلها وقررت تعيش اللحظه، ورقصوا معا رقصتهم وعاشوا مع انغام الموسيقى ونسوا كل ماحولهم وعاشوا اللحظه.
أه ما اجمل هذه اللحظات المسروقه من حياتهم انها بتكون اجمل الذكريات التي نعيش معها وانتهى الحفل والكل ذهب وكانت امال تائهة في عالم تاني وهي مش عارفه تنام وضلت سهرانه طول الليل وجاء اليوم التالي ولم تقدر انها تفيق من نومها ولم تذهب الى الجامعه، وكان احمد مستني حضورها للجامعة بفارغ الصبر ولكن للأسف ماحضرت.
طارق: احمد يابني مالك مش على بعضك ليه من ساعة ماقابلت امال وانت اتغيرت حتى البنات كل ما يجوا ويكلموك تهرب منهم ليه ده كله احمد: هي ليه ماجاتش اليوم رغم نوال هنا تفتكر تكون زعلت مني خصوصا انها ماقبلت هديتي لها طارق: هسألك سؤال وتجاوبني بصراحة اوك احمد: اسأل يافصيح عصرك وزمانك طارق: انت عايز ايه من امال هل تعلقك بيها حب ولا تسليه جاوب بصراحه.
احمد: بصراحة مش عارف كل اللي أقدر اقوله لك ان المشاعر والإحساس اللي بحس بيه وانا معها بيكون مختلف عن اي بنت اخرى اول مرة احس بيه بس ليه بتسأل السؤال ده عمرك مسألتني قبل كده طارق: بصراحة عايز اقولك حاجه وهي انك لازم تسيب امال في حالها لأنها غير كل البنات اللي تعرفهم حضرتك احمد: تقصد ايه بكلامك ده ممكن تةضح كلامك.
طارق: اقصد ان امال مختلفة مش من البنات اللي ممكن تقضي معها وقت حلو وخلاص هي اه من اسرة عاديه ومش غنيه بس كرامتها وعزة نفسها عندها اهم شئ في الدنيا احمد: وانت عرفت منين ده كلة طارق: نوال زميلتها هي اللي قايلالي وبصراحة الكل يشهد بكده والدليل انها رفضت تقبل هديتك امبارح صح ولا انا غلطان رغم هديتك ماتترفضش اي بنت غيرها كانت قبلتها من غير كلام.
احمد: صح وهو ده اللي مخليني متحمس اعرفها اكثر ليه مش عارف صورتها مش بتفارق عيني طارق: يبقى حبيتها يابرنس رغم انك لسة عارفها من من يومين احمد: مش عارف بس اللي اعرفه اني مش عارف اني مافكرش فيها حاسس ان هي دي البنت اللي طول عمري بدور عليها واتمنى تكون هي وكانت امال قاصدة انها ماتروح الجامعة خايفه انها تضعف امامه وجلست شاردة الزهن امام شرفة غرفتها حتى دخلت عليها والدتها وقالت لها.
الوالدة: حبيبة ماما سرحانه في ايه كده على الصبح وكان قلبها يحدثها انه في امر تخفيه امال عنها ولكنها تشعر انه له صله بزميلها الذي يدعى احمد امال: صباح الخير ياست الحبايب ابدا مش سرحانه ولا حاجه الوالده: طيب ليه ماروحتيش الجامعة اليوم في حاجة مخلياكي مش عايزة تروحي الجامعة امال: حاجه زي اية ياماما مافيش كل مافيها ان راحت عليه نومه بعد سهر ليلة امبارح.
الوالدة: على ماما بردة كش عارفه ليه حاسه انك مخبية عني حاجه امال: هخبي ليه عنك ياست الكل ابدا مافيش حاجه الوالده: طيب احمد ايه حكايته معاكي وليه ماحاكتيلي عنه قبل كده امال: احمد ماله ياماما ماهو انا قولتلك انه زميل لي في الجامعة الوالده: يعني هو بالنسبة ليكي زميل وبس مش حاجه ثانية امال: قصدك ايه ياماما مش فاهمة بصراحة انت بتتكلمي عن ايه.
الوالده: لاء انت فاهمة وبلاش لف ودوران عليه هتخبي على ماما برده اصل بصراحه اللي شوفته ليلة حفلة ميلادك يقول غير كده خالص يقول ان في شئ بينكم.
امال: بصراحة ياماما انا بحبه وحلم حياتي أني أرتبط بيه بس حب من طرف واحد ماعرفش ان كان هو بيحبني ولا لاء هو من عائلة غنيه جدا ويعرف بنات كتير اشكال والوان مش معقوله هيسيب كل البنات اللي في مستواه ويبص لوحده زيي وغير كده خايفه منه انه يفكرني مثل اي بنت هو عرفها عشان فلوسه والدليل على كده الهدية زي ماشوفتيها طقم الماس. نوفيلا حكاية عشق للكاتبة داليا صحصاح الفصل السابع
رغم اني لأول مرة اتعامل معاه ياماما عشان كده مارضيت اروح اليوم خفت اضعف امامه ويفكرني سهلة مش عارفه اعمل ايه ياماما الوالده: اقولك وهتسمعي كلامي ولا لاء امال: قولي ياماما اكيد هسمع كلامك انت ادرى مني بمصلحتي.
الوالده: انا كل اللي انا عرفته وفهمته من كلامك انه من عئلة غنية وبيعرف بنات كثير واللي زي احمد ده عايش حياته بالطول والعرض صح احب اقولك بلاش تعلقي نفسك بيه يابنتي عشان اللي زي احمد ده يوم ما يفكر يتجوز هيتجوز من نفس الطبقة بتاعته وانت ساعتها اللي هاتخسري وتتأذي فياريت تحطي حدود في علاقتك معاه وانت لسة على البر افضل مايجي ويقولك بحبك وتتعلقي بيه والاخر يسيبك ويروح لغيرك اسمعي مني يابنتي ومش هتندمي وهو إذا كان بيحبك بجد هيسعى انه يثبتلك حبه ليكي وساعتها يبقى يجي ويتقدملك ساعتها اهلا وسهلا بيه مع ان مستحيل اهله هيوافقوا على ان ابنهم يناسب ويتجوز من عائلة عادية مثلنا انا مش بقولك كده عشان اقلل من قيمتك بالعكس انت قيمتك اغلى من كنوز العالم كله بس حبه اعرفك الواقع اللي احنا عايشين فيه لأني عارفه مراية الحب عاميه وإذا هو اتمسك بيكي واهله رفضوا ممكن يخسر اهله بسبب الحب ده مثل ماحصل مع ابوكي الله يرحمه لما حبني وفكر يتجوزني اخواته عارضوا جوازنا فكروا اني طمعانه في ثروته ولكن ةقف قصادهم وتحداهم وصمم انه بتجوزني رغم ان ثروته كان عباره عن جز من ميراث والده وقالوا له لو مصمم على الجوازه دي بقى تختار بين ميراثك وبين جوازك.
ساعتها والدك ضحى بميراثه مقابل انه يتجوزني وساعتها قالي الفلوس تتعوض واحنا اللي بنعملها بمجهودنا وربنا بيكرمنا بيها لكن مستحيل اعوض حبي لكي تاني وانت نعمة ربنا بعتها لي من السما والحمدلله كان السند والحب لي في الدنيا بحالها.
لكن وضع احمد يختلف كثير عن ظروف والدك هنا الاختيار بيكون والدته ووالده وبين حبكم وساعتها يابنتي الاختيار بيكون صعب لأن الام والأب صعب يتعوضوا فهمتي قصدي يابنتي هو لو من نصيبك هتأخذيه ولومش من نصيبك خلاص ده قدر من ربنا لنا ولازم نرضى بيه عشان كده حبيت افتح عنيكي قبل فوات الأوان ولو كلامي غلط قوليلي غلط ياماما.
امال: لاء ياماما كلامك كله صح وانا اوافقك عليه لأني عمري ماهقبل اكون سبب خسارته لأهله ولا هحط نفسي في وضع مقارنه لكن ياماما عايزه اسألك سؤال هما اهل بابا فين الحين.
الوالدة: ماعرفش عنهم حاجه ولاعايزة اعرف عنهم حاجه ودي وصية والدك لي اني مافكرش لحظه واحدة اني ادور عليهم ولاأعرف عنهم حاجه وانا من ساعة ماوالدك توفي وانا عزمت اربيكي احسن تربيه وأدخلك اعلى الكليات ومانحتاجش لحد نهائي والحمدلله ربنا كرمني وحققلي حلمي وشوفتك احلى عروسه وكمان شهر والثاني وتخلصي جامعتك وتبقى اكبر دكتوره في العالم.
امال: معلش كمان سؤال هو ليه بابا وصاكي انك ماتعرفيش عنهم حاجه ولاهما يعرفوا احنا فين هما مش خلاص خدوا الميراث كله يبقى ليه بعدنا عنهم مش كان زمانا لنا اهل يسألوا عنا ويكون لي بنات وولاد عم او عمة وهنا سكتت والدتها قليلا ولا تعلم تخبرها ولا لاء وقررت تخبرها لأنها مابقاتش صغيره وقالت لها.
الوالدة: بصراحه انت كبرتي واكيد هتفهمي اللي هقوله والدك بعد ما تجوزنا بشهر حاول يصلح الامور مع اخواته بس مافيش فايده القسوة كانت عامية قلوبهم وحاولوا اكثر من مرة يطلقوني منه لكن فشلوا وخصوصا لما عرفوا اني حامل فيكي وحاولوا يسقطوني ومن ساعتها والدك قرر انه ياخدنا ونبعد عنهم خالص سيبنا لهم البلد كلها وجينا هنا على القاهرة واسعه والكل تايه في بعضه واشتغل وربنا كرمه وعوضه كل خير وقدر انها يشتري لنا البيت اللي احنا فيه دلوقتي واهو من معاشه والايجار اللي بنأخذه من الشقتين المتأجرين والحمدلله ربنا سترها معانا وهوعمل كده عشان خاف علينا منهم وهو وصاني بكده قبل مايموت اكثر عشان خافوا انهم ممكن يأذوكي وانا لو حصلك حاجه اموت ياقلبي.
امال: الف بعدالشر عنك ياقلبي ومايحرمنيش منك ياست الحبايب واقدر ارد لك جزء من تعبك وسهرك عليا ربي يقدرني واكون سبب فرحتك وسعادتك ياست الكل يارب الوالده: انا مش عايزه غير اني اشوفك سعيده وتكوني اكبر دكتورة امال: بعون الله ربنا يقويني واقدر احققلك حلمك ياحبيبتي، وبعدها قررت ان تواجه خوفها ولازم تكون قدها وتعمل بنصيحة والدتها لها.
وجاءاليوم التالي وذهبت امال الجامعة وقضت يومها مثل كل يوم في الجامعه وذهبت وجلست مع زملائها نوال وخالد في الكافيه مثل العادة ومجرد ماشافها احمد راح لعندها وكلمها. نوفيلا حكاية عشق للكاتبة داليا صحصاح الفصل الثامن
احمد: امال ممكن بعد إذنك أتكلم مع كلمتين على انفراد، وهنا خالد لم يتكلم ولكن نظر له نظرات تعجب لم يفهما احمد وكانت نوال سعيده ان في تقدم وانها قدرت تخليهم يقربوا من بعض وذهبت امال مع احمد لكي تعرف ماذا يريد منها امال: خير ياأحمد تحت امرك احمد: امال انت كنت فين امبارح ليه ماجتيش الجامعة يارب المانع يكون خير امال: ابدا بس كنت مرهقة من السهر بعد الحفلة وكده.
احمد: طيب عايز اسألك سؤال محيرني وعايزك تجاوبي عليه بكل صراحة امال: اتفضل اسأل وانا اجاوبك... احمد: أولا انت ليه بتعامليني رسمي كده هو حصل مني حاجه زعلتك مني؟ امال: ابدا مافيش حاجه وانا بتعامل معاك عادي اهو مافيش اي حاجه خالص احمد: طيب ممكن اعرف انت ليه ماقبلتي هديتي لك امبارح ممكن اعرف السبب؟ امال: عشان انا مش من نوع البنات اللي ممكن تقبل هدايا من النوع ده وخصوصا اني مش هقدر اردها.
احمد: بس انا ماطلبتش اي مقابل ومين قالك اني عايزك ترديها امال: لاء يا استاذ احمد مش انا اللي ممكن تشتريها بالفلوس وهداياك الغاليه ولا ولايغويني بيها عشان نكون اصدقاء يبقى انت غلط في العنوان احمد: انت ليه أخذتيها بالمعنى ده انا والله ماقصدت حاجه من دي خالص امال: طيب تقدر تفهمني ليه احنا لسه متعرفين على بعض خلال يومين اوثلاثه واول تعارف بينا كان ليلة عيد الميلاد تفسرلي معنى هديتك دي ايه من اول مره.
احمد: ابدا والله العظيم حبيت اعطيكي قيمتك مش اكثر وما قصدتش انك تفهمي غلط امال: حتى لو اديك عرفت عشان مايخطرش في بالك اني اكون مثل البنات اللي تعرفهم احمد: اكيد انت غير البنات انت مميزة جدا وده هو اللي شددني ليكي احترامك لذاتك وعزة نفسك وحابب اعرفك اكتر، وهنا فرحت امال من كل قلبها انه ده كان رأيه فيها ولكن اخفت هذة الفرحه وقالت.
امال: اشكرك على الكلام ده بجد بحترم كلامك جدا وأستأذنت منه ورحلت وتركته في حيره من امره لايعلم هل فعلا لسه موجود في الدنيا بنت مثلها لاتفكر في المظاهر الكذابه ولا المال وأيقن انها فعلا ملاك كنز مستحيل ان يفرط فيه مهما حصل.
وكان يوجد مايراقب من بعيد ويسمع الحوار الذي دار بينهم ومجرد ماسمع الحوار اطمئن قلبه وعلم انها مستحيل ينضحك عليها وبعدها رحل اكيد عايزين تعرفوا من هو اي نعم خالد انه خايف عليها وكان لازم يحميها ولكن ادرك انها لست محتاجه للحمايه ولكن قلبه ضل مشغول عليها وقرر انه مستحيل يتركها ويضل في ظهرها مهمها حصل.
ودارت الايام والليالي وكل ماده كان احمد يفكر فيها اكثر لدرجة انها استحوزت على كل تفكيره وإكتشف انه فعلا يحبها وكانت اول حب في حياته واخر حب في حياته اخيرا وجد الحب اللي طول عمره بيدور عليه وقرر انه يعترف لها بحبه ثم امسك التليفون واتصل بيها وطلب منها مقابلتها.
وكانت امال جاسه مع والدتها امام التلفزيون يشاهدون فيلم سوا ثم اتاها اتصال من احمد نظرت لوالدتها وارتبكت من اتصاله لها فهمت والدتها انه هواللي بيتصل وقالت لها كلميه ياحبيبتي بس خلي بالك واتمنى يكون من نصيبك ثم ردت امال على اتصاله امال: الواحمد خير في ايه احمد: بصراحه عايز اتكلم معاكي شويه ومش هينفع اتكلم في التليفون وعايز اتقابل معك ضروري.
امال: اسفة يا احمد مش هقدر لأن خلاص العشاء اذنت وانا مش هقدر انزل بعد كده اروح اي مكان بكره في الجامعه نبقى نتكلم مافرقتش غير سواد الليل احمد: خلاص بس لازم تيجي بكره اوعي تتأخري لو ماجتيش هجيلك البيت بنفسي اتفقنا امال: لاء مش هتأخر بعون الله وقفلت معاه وكان قلبها سعيد جدا من مكالمته لها وهنا نظرت لها والدتها وشافتها سعيده فرحت لفرح ابنتها وتمنت يكون هو نصيبها وسبب سعادتها.
وجاء اليوم التالي وذهبت امال الجامعة في حيرة من امرها لما يريدها احمد وايه الموضوع اللي عايزها فيه وصلت امال الجامعه وحضرت المحاضرة الاولى هي ونوال وخالد واحمد ولكن كان احمد ينظر لها ولم يزيح عيونه عنها طول المحاضرة ثم انتهت المحاضرة والجميع خرج من المدرج وذهب احمد واخذها من يدها وخرج بها من المدرج وكان خالد متعجب من تصرفه بعكس نوال كانت سعيده امال: في ايه يااحمد وخدني على فين استنى بس.
احمد: انا ماصدقت المحاضره خلصت ومش قادر استنى اكتر من كده امال: مش قادر ايه وتسنى ايه مش فاهمه حاجه احمد: امال انا بصراحه كل الفتره اللي فاتت دي كلها مش عارف انام ليل ولا نهار صورتك مابتروحش من خيالي انا فكرت كثير قبل ما اعترفلك بس ارجوكي بلاش تتسرعي في حكمك عليه امال انا، انا، انا بحبك وانت اول حب في حياتي وهتكوني اخر حب في حياتي والله العظيم بحبك.. امال: بتحبني انت متأكد من كلامك ومن مشاعرك الأول.
احمد: مليون في المية متأكد منه انا عمري ماقولت لأي بنت اني بحبها وتقدري تسألي الكل لأني كنت واضح معاهم لكن انت الوحيده اللي استحوزتي عليه وعلى قلبي وعقلي وحياتي كلها امال: وانا ايه اللي يضمنلي انك مش بتضحك عليه واكون نزوه في حياتك زي اي نزوه مريت بيها. نوفيلا حكاية عشق للكاتبة داليا صحصاح الفصل التاسع
احمد: أقسم لك اني عمري ماقولت لأي بنت اني بحبها وكنت بدور في كل وحده فيهم على الحب اللي بتمناه ماكنتش بلاقيه لحد ماقابلتك انت لاقيتك انت الحب اللي بدور عليه والفتاه اللي طول عمري بحلم تكون معي وتشاركني حياتي وهي انت امال.
امال: احمد انت عارف انا بكون مين كويس وحالتي الإجتماعية عاملة ازاي يعني مستوانا مختلف انت شاب غني من عائلة غنية وانا من اسرة متواضعه كل اللي تملكه كرامتها وعزة نفسها هل اهلك هيوافقوا ان ابنهم الوحيد يتجوز واحده من طبقة غير طبقتهم فوق يااحمد ارجوك انا مش عايزة اتعلق في احبال الهواء الذائبه وارجع اقع واتكسر ارجوك سيبني في حالي عايشه في عالمي وراضيه بيه وانت روح عيش في عالمك واختار عروسه من وسطك تناسبك اكثر مني.
احمد: امال ده كله مايفرقش معايا كل اللي يفرق معايا هو انت وبس ارجوكي بلاش تعاندي معايا انا حاسس بحبك بلاش تكابري ومستعد اتقدملك ونتجوز اول مانخلص الجامعه وخلاص كلها شهر ونخلص ونتخرج ارجوكي بلاش تبعدي عني امال: ارجوك تبعد عني وتسيبني في حالي ارجوك يااحمد مش انا الانسانه اللي هتقدر تسعدك.
احمد: مستحيل ابعد عنك ولاهاقدر انساكي غير في حالة واحده انك تكوني بتحبي حد تاني غيري ياامال في حد تاني في حياتك غيري ها ردي سكتت امال وتذكرت كلام والدتها لها واللي حصل معها هي ووالدتها ولم ترد عليه بكلمه واحده ثم كرر احمد سؤاله في حد تاني في حياتك ردي عليه مين هو خالد صح، نظرت بدموع متحجرة ولم ترد عليه.
احمد: كنت حاسس وشاكك من الأول من يوم حفل الميلاد ان في علاقة بتربطكم ببعض وعارف انه بيحبك بس ما كنتش متأكد انك انت كمان بتحبيه وبلع ريقه واخذ نفسه بصعبوبه وكانت الدموع هتنزل من عيونه ولكن امسك نفسه وقال لها ربنا يسعدكم خالد انسان كويس وبيحبك وهيخاف عليكي واحب اقولك لو احتاجتي اي حاجه مني اوعي تترددي للحظه انك تكلميني انا خسرتك كحبيبه ارجوكي بلاش تحرميني من صداقتك وتركها ومشي وكان قلبه يعصره الألم والوجع وهي ايضا كانت تتعذب ومجرد ما رحل عنها انهارت في البكاء وفجأة سمعت صوت يكلمها ويسألها يقول لها، طالما بتحبيه ليه رفضتي حبه وخلتيه يعتقد ان فيه علاقة بيني وبينك وانت بتحبيه اكيد عرفتم مين هو اي نعم خالد اصر الذهاب خلفهم بغرض الحمايه ليس التجسس لأنه خاف لما اخذها احمد من يدها ولايعلم اين اخذها ولكنه سمع كل الحوار اللي داربينهم وعرف انه يحبها بجد واحترمه كثيرا وحزن لأنه ظلمه وظن فيه ظن السوء.
وهنا التفتت له امال انت هنا من امتى، رد عليها خالد: من ساعة ماأخدك من يدك واتكلم معك وسمعت كل اللي دار بينكم ليه رفضتي حبه لك انا كنت خايف عليكي منه في الأول انه يلعب بيكي لكن هو اثبت العكس انه بيحبك ليه عملتي كده وخلتيه يعتقد اعتقاد خاطئ انك على علاقة بيا ليه امال: عشان بحبه ماعنديش استعداد يخسر اهله بسببي ساعتها بكون انسانه انانية.
خالد: وانت ايه اللي خلاكي تحكمي ان اهله هيرفضوكي من غير مايعرفوكي ولا تعرفيهم.
امال: لأن هوده الواقع مش مستعدة اكرر اللي حصل مع ماما وبابا اللي انت ماتعرفهوش اهلي الله يسامحهم حرموا بابا من ورثه مقابل زواجه بماما وهما كانوا اخواته ليه وليه اختار يتزوج من ماما وهي كانت من اسرة طيبة ميسورة الحال وهما كانوا اغنياء رفضوا جوازهم وكان شرطهم انه يتنازل عن حقه في الميراث مقابل حبه لكن بابا ضحى بكل شئ مقابل مايخسرش ماما ومن ساعتها واحنا مانعرفش حاجه عنهم وانا ماعنديش اي استعداد انه يخسر اهله بسببي خصوصا دول والده ووالدته ومستحيل هيقدر يعوضهم لو خسرهم ازاي هقدر اعيش معاه قولي.
خالد: غلطانه كنت اعطيه فرصه ويروح يعرف اهله وساعتها لو اهله رفضم كان ساعتها انا اللي كنت قولتلك تبعدي عنه انت بسبب اللي حصل مع والدتك ووالدك فكرتي ان الناس كلها زي بعض خلاص الدنيا اتغيرت وزي مافي ناس قلوبها عمتها القسوة والمال في برضه قلوب رحيمه بتحب الخير وبتدور على الاصل الطيب قبل المال انت هنا ضيعتي حبك بإديكي بسبب اوهام حرام عليكي ده الواحد مابيصدق يلاقي قلب صادق بيحبه بجد ظلمتيه وظلمتي نفسك معاه.
وهنا شعرت امال انها جرحت مشاعرة دون قصد وقالت امال: بعتذر منك جرحتك من غير ماقصد انا ماقصدش اني اجرح مشاعرك انا عارفه انك بتحبني وبتخاف عليه وكان نفسي اقدر اقدملك جزء من حبك ليه بس غصب عني مش بإيدي بس انت تستاهل واحده احسن مني وتستهلك اكثر مني والصداقة اللي بينا اعظم ماكبر بكثير ربنا مايحرمنيش منك ياأغلى اخ وصديق ليا.
خالد: ليه الإعتذارانا عارف الشئ الوحيد اللي يملكه الإنسان ومايقدرش يتحكم فيه هو القلب وانا بحبك ومش معنى اني بحبك يبقى اكون اناني بالعكس حبي ليكيهو اللي بيدفعني اقولك لازم تحاربي الكون كله في سبيل تفوزي بحبك بلاش تخسري حبك خصوصا انه هو كمان بيحبك وانا هكون اسعد مخلوق في العالم لما تحققي حلمك وتفوزي بحبك ساعتها شعرت امال بالضعف وارتمت في حضنه وقالت له.
امال: بجد مش عارفه اقولك ايه لولا وجودك في حياتي ماكنتش هكون حاسه بلأمان ربنا مايحرمنيش منك ولا من وجودك في حياتي.
خالد: ولايحرمني منك ياأعظم وأغلى أخت وصديقة لي قي العالم ثم اخذها وصلها لمنزلها وعزم انه يذهب لأحمد ويخبره بكل شئ وينقذ حبهما من الضياع بسبب اوهام وعندما وصلت امال الى منزلها كانت نوال جالسه مع والدتها تنتظرها لتعلم ماحدث بينها وبين احمد ودخلت امال المنزل وكانت منهاره من البكاء وحكت لهم على كل حاجه حصلت معها ردت.
نوال: ليه ياأمال حرام عليكي عملتي كده ليه تكسري قلبك وقلبه مش هوده كان حلمك ليه تضيعيه خالد معاه حق في كل كلمه قالها لك ولولا حب خالد لكي مكانش قالك كده اتكلمي قولي حاجه ياطنط عرفيها. نوفيلا حكاية عشق للكاتبة داليا صحصاح الفصل العاشر والأخير
انها غلط لازم تحارب عشان حبها خصوصا انه بيحبها هو كمان الوالده: بصراحة هي غلطت في حاجه واحده انها خلاته يفكر انها بتحب واحد تاني لكن انها تبعد عنه ده افضل لها انا ام وقلبي مش هيستحمل اشوفها تتعذب لكن افضل عذابها في الاول اهون من شعورها بالذنب بعد كده وتكون اتعلقت بيه اكتر ساعتها بيكون عذابها اكبر من كده.
نوال: ياطنط حرام عليكي قلبين يتعذبوا عشان تقاليد وعادات غلط انا متأكده ان احمد مش هيتخلى عنك وهتلاقيه جايلك وبيتقدملك وتقولي نوال قالت وكانت تعلم ان خالد هيذهب لأحمد ويخبره الحقيقه انها اخلاقه اللي عرفها الجميع عنه يكره الظلم حتى لو على حساب نفسه وبالفعل ذهب خالد لأحمد ليخبره الحقيقه وعندما وصل الى منزل احمد تمنى من ربنا انه يقدر يجمعهم مع بعض من غير مشاكل ودق جرس الباب ليفتح له الخادم.
الخادم: افندم مين حضرتك؟ خالد: ممكن اقابل استاذ احمد لو سمحت الخادم: اتفضل حضرتك لحظه واحده هبلغة بوجود حضرتك، وذهب الخادم ليخبر احمد بوجود زميله الخادم: استاذ احمد في واحد زميل حضرتك منتظرك تحت ويريد مقابلتك احمد: مقالش مين هو، رد عليه الخادم، لاء يافندم احمد: طيب انزل انت وانا هاقبله حالا ونزل احمد ليقابل زميله ويعرف من هو وتفاجئ لما وجده خالد.
احمد: خالد اهلا ياخالد اخبارك اتفضل اقعد وامر له بإحضار مشروب ولكن.. خالد: لاء مافيش داعي انا جاي اقول كلمتين وماشي على طول احمد: لوكان الموضوع بخصوص امال وحاكيتلك على كل اللي حصل مني لها فبعتذرماكنتش اعرف ان في علاقه تربطكم ببعض خالد: وهو ده اللي خلاني اجيلك بالتحديد وده اللي كانت امال حبه انك تفهمه ان فيه علاقه تربطني بيها لكن أؤكد لك انك الوحيد اللي ساكن قلبها وخبره بكل حاجه وعرفه كل الحقيقة.
احمد: انت عارف معنى كلامك ده ايه انك بترد ليه روحي من جديد هي ليه تصورت انه ممكن اهلي يرفضوها وتكون سبب مقارنه بينها وبينهم مش معنى ان حصل كده مع والدتها يبقى كل الناس زي بعضها هي لوكانت قابلت والدي ووالدتي مكانتش حكمت عليهم كده وانا كنت ناوي اعرفها عليهم لكن هي رفضت حبي لها وعشان اثبتلك بكلم اهلي امامك وتسمع بنفسك ولحسن الحظ والده ووالدته سمعوا الحوار الذي دار بينهم ودخلوا عليهم.
الوالد: بنعتذر منكم اننا سمعنا حواركم لكن بالغلط كنا معدين بالصدفه سمعناكم والفضول هو اللي خلانا نحب نسمع الحوارواحب اطمنك ياخالد يابني ان عمر الإنسان ماتتقاس قيمته بالمال ولا الجاه أهم حاجه هي الأصل وراحة البال وتكون من اصل طيب واهم من ده كله هي سعادة ابننا عندنا بالدنيا وبعد اللي سمعناه من كلامك عليها فأحب اقولك انها كنز لأي أسرة وفخرلنا انها تكون عروسة ابننا بجد كنز لايعوض وهنا سعد خالد مماسمعه وشكرهم.
خالد: بجد مش عارف اقول ايه غير اني سعيد جدا ان لسه في الدنيا ناس بتفكر مثلكم فعلا لسه في خير في الدنيا واستأذن خالد منهم بالذهاب ويروح يفرح قلب امال بهذا الخبر وقبل مايمشي اوقفه والد احمد وقال بلغهم اننا بنروح لهم اليوم لنطلبها من والدتها وبجد يابني انا فخور ان ابني عنده صديق مخلص مثلك.
خالد: بالعكس ده شرف ليا ان احمد يكون صديق واخ غالي عليه ثم رحل لكي يسعد قلب حبيبته بهذا الخبر وكانت نوال جالسه بجوار امال تواسيها في حزنهاوتتمنى يكون كابوس وتفوق منه وبعد لحظات قليلة دق جرس الباب فتحت والدة امال وجدت خالد واقف امامها ومبتسما وسعيد جدا واخبر والدة امال بكل شئ حصل بينه وبين احمد واهله وأخبرها بمعاد قدومهم اليوم لخطبتها وهنا لم تتمالك الام نفسها من الفرحة وعبرت عن فرحتها بالزغاريط لتخرج امال ونوال مذهولين من والدتها ويسألوا ايه اللي بيحصل وهنا لم تقدر الام على الكلام من فرحتها فأخبرها.
خالد: مبروك ياأجمل عروسه احمد واهله جايين اليوم ليخطبوا احلى اميره على وجه الأرض عرفتي ليه بقى ماما فرحانه فرحت نوال بهذا الخبر وقالت لها عرفتي بقى احساسي عمره مايخيب وهنا نظرت لخالد وعرفت انه هو الذي اخبر احمد بكل الحقيقه وهنا زاد اعجابها بيه اكثر من الأول بل شغفها وحبها له نعم انها تحبه وطول عمرها بتتمنى ان تخبره ولكن علمها بحبه لأمال كان يمنعها تحلم بهذا الحب ولكن هنا بقة في امل لها انها تحقق حلمها هي الأخرى وهنا ظهر معالم حب اخر كان مخفي خلف هذه الأحداث وكانت امال سعيده ومن سعادتها ارتمت في حضن خالد نعم انه حضن الاخ الحنون على اخته الغالية ثم قال لها.
خالد: ممكن اميرتنا الحلوة تدخل تجهز نفسها عشان اميرها جاي يأخذها على حصانه ومر الوقت وحان موعد قدوم احمد واهله وكان خالد ووالدتها في انتظارهم وكانت نوال مع امال في غرفتها تجهزها لإستقبال حبيبها، ووصل احمد واهله ورحبوا بهم والدتها وخالد، اعرفكم على اهل احمد والد احمد، يدعى محمد احمد الشريف والدة احمد، تدعى إكرام محمود السويفي وهنا تم التعارف بين الأسرتين.
الوالد: يشرفنا ويسعدنا ان نتقدم ونطلب ايد سموالأميره ابنتكم امال لإبننا احمد واتمنى يتم القبول والدة امال: ده شرف لينا بس في حاجه مهمة لازم تعرفوها قبللا كل شئ وهو ان امال لها عائلة لكن وصية المرحوم كانت اننا مالناش علاقه بيهم بسبب رفضهم لزواجي وحكت كل حاجه لهم ثم اكملت قائله فحب يبعدنا عنهم خوفا على ابنته منهم.
والد احمد: وده كله مايفرقش معانا اهم شئ انها بنتك ولنا شرف انها تكون زوجة ابننا وتكون بنتنا وهنا تم الإتفاق بينهم على كل حاجه وتحديد موعد الفرح بعد تخرجهم من الجامعه بإسبوع والدة احمد: طيب هي فين عروستنا الحلوه عشان نفرحها.
وهنا قامت والدتها بإحضارها وجلست ومن فرحتها وكسوفها كانت تنظر في الرض ولكن مع خطف النظرات له انها كانت مشتاقه لرؤيته وجليت بجانبه وقام احمد بتقديم هديته لها وهي نفس هديته لها من قبل قال لها اظن دلوقتي مالكيش اي حجة عشان ترفضي الهديه ولا ايه ثم ضحكوا سويا.
وخلال فترة خطوبتها ذهبت لشراء كل مايلزمها من جهاز وادوات لها واهم شئ هو فستان العرس ومر الشهر وتخرج احمد وامال ونوال وخالد بتفوق بتقدير امتياز مع مرتبة الشرف مثل كل عام ومر الإسبوع بفارغ الصبر واتى موعد الفرح وكان العريس متلهف ليرى عروسته مرتديه الفستان وتطل عليه كالملكه في ليلة عرسها وتم الزفاف وكانت ليلة من ليالي الف ليله وليله وذهب كل من اهل العروس وهم والدتها وخالد ونوال واهل العريس والده ووالدته واحمد العريس وامال العروسه...
وعاشوا سعداء معا بكل حب وسعاده ونتمنى لهم حياه سعيده في حياتهم معا وهنا احب اقولكم كلمه حبيت اوصلها خلال قصتنا الجميله وهو تعريف الحب الصادق وتعرفنا من خلال احداث قصتنا ماهو معنى الحب الحقيقي مش شرط عشان تحب شخص لازم يحبك هو الأخر المهم انت هتقدم لهذا الحب ايه سواء كان من طرف واحد او من كلتا الطرفين.
ماأجمل الحب الصادق لما يكون صادق في المشاعر والاحساس وهنا كان عندنا مثالين مميزين عن الحب الصادق وهما حب خالد لأمال وحب نوال لخالد. تمت نهاية الرواية أرجوا أن تكون نالت إعجابكم
رواية حكاية عشق
