رواية عشق الصعيدي الجزء الأول للكاتبة جهاد خليفة الفصل الثالث عشر
في الاسفل فاروق بقلق: بت يا نعمه، بت يا نعمه نعمه بسرعه وهي ترد على سيدها: إيوه يا بيه بتنادى في حاجه فاروق بقلق: إيوه ايه الزعيج اللى فوج ده نعمه بقلق: والله ما خابره يا بيه انا كنت في المطبخ بجهز الوكل بس ممكن اطلع اشوف في حاجه لو فيه انزل اجولك فاروق بقلق: طيب بسرعه خمس دجايج عايزك جدامى اهنه نعمه: حاضر يا بيه صعدت نعمه الى اعلى في الوقت ذاته كان نضال يهدا من روع تاليا.
نضال بقلق: اهدى بقه وسبينى اهديكى ok عندما وجدت تاليا ان نضال يقترب منها فظنت انه سوف يضربها او يسكر فوقها باقى الاشياء وهذا ان بقى شئ فصرخت تاليا باعلى صوتها لكى بنجدها احد، فزعت نعمه من صراخ تاليا ونزلت الى اسفل لتخبر الحج فاروق بما سمعت ولكن يبدو انها لم تكن لوحدها من سمعت صراخ تاليا فاروق بقلق وهو يقابل نعمه على الدرج: في ايه يا بت مش جولتلك تيجى بسرعه.
نعمه بقلق: الحج يا بيه الست تاليا بتصوت والظاهر ان البيه نضال بيضربها فاروق بقلق وهو يصعد السلم: وه وه يخرب بطنك(بكسر النون ) ونزلتى ليه روحى حوشى البيه نضال عنها احسن يجتلها في ايدو هوه لما بيزهج مبيشوفش جدامو نعمه وهي تصعد السلم بسرعه البرق: حاضر حاضر يا بيه بس تعالا بسرعه علشان انا بخافى من البيه انا كمان ليجتلنى في ايدو صعدت نعمه بسرعه الى شقه نضال وتاليا ومن ثم اقتحمت الشقه ومنها الى الغرفه.
نعمه بقلق وهي تبحث عن تاليا فوجدتها في اخر الغرفه فذهبت اليها واحتضنتها: ونبى يا بيه سبها هي غلبانه مهياشى خابره حاجه نضال بغضب: إنتي ايه دخاك اكده يا نعمه مش فيه باب تخبطى عليه ولا انا جايبو زينه تتفرجوا عليه وفي تلك اللحظه دخل فاروق وهو في قمه غضبه من ولده: نضال انتا ازاى تعمل اكده في اخر الزمن اخلف ولد عرض الباب يضربلى النسوان بتستجوى على النسوان لاء وكمانى على مرتك، مرتك ياولدى.
نضال بستفهام: انتا بتجول ايه يابا استجوى ايه ونسوان انا مش فاهم حاجه فاروق بتردد: ا، انتا مش مديت ايدك على البنيه نضال بغضب: بنيه ايه لو على تاليا ادامك اسالها مين اللى نرفزنى علشان اعمل اكده نظر فاروق الى تاليا بتردد ثم ذهب اليها فابتعدت نعمه عنها ليتسنى لفاروق ان يكلمها فاروق بقلق: إنتي كويسه يا بنتى تاليا ببكاء وبدات شهقاتها تعلو: ا، ايوه انا ك، كويسه فاروق بقلق: ايه اللى حصل يا تاليا.
تاليا ببكاء شديد: ه، هوه نضال ك، كان شكلو وحش اوى و، وكسر كل ح. حاجه و، كان عاوز، مش عارفه كان عاوز ايه بس ه، هوه كان جاى ع، عليا فاروق مقاطعا: يا بنتى اهدى مش اكده انا مش فاهم حديتك زين نعمه مقاطعه: بتجول يا بيه ان نضال بيه كان زهقان جوى علشان اكده كسر كل حاجه وبعد اكده انا مفهمتش حاجه نظر فاروق الى تاليا ثو قال: نضال ضربك يا تاليا.
هزت تاليا راسها نافيه، ارتاح فاروق بعدما نفت تاليا ضرب نضال لها ولكن لماذا كانت تصرخ فاروق بتنهيده: امال كنتى بتصوتى ليه اشارت تاليا الى نضال الذي كان واقف ويعطى لهم ظهره ويحاول كبت غصبه للا ينفعل على احد وللا يكسر الاشياء ويخيف تاليا كما فعل منذ قليل تاليا ببكاء: هوه كان جاى عليا وانا خوفت اوى فاروق بتنهيده: بس اكده كان جاى عليكى طب وهوه جاى عليكى ليه.
تاليا: علشان هوه، اصل هوه، بس، اووف مش عارفه بس انا خوفت منو اوى وهوه جاى عليا بعد ما كسر الاوضه وخلاها فوقانى لتحتانى فاروق بندم لما قاله لنضال: بس اكده يا بنتى انا جولت كلام زى السم لنضال كنت ظنيت انو ضربك تقومى تجولى اكده الله يسمحك يا بنيه تاليا بقلق: انا مشوفتش وشو كان عامل ازاى ده كان ولا اكنو، ولا اكنو، مس عارفه بس هوه كان مخيف اوى اوى اوى.
نضال بغضب وهو يكلم اباه: اجولك يا حج ليه كسرت الاوضه اجولك 1 تاليا دماغها ناشفه ومبتسمعش الكلام 2 بترد عليا الكلمه بكلمتها وانتا عارف ان ده بيعفرتنى وبيجننى 3 وده الاهم ان انا كسرت الاوضه كلها بالمنظر ده علشان احوش زهقى عنها واطلعو في الاوضه ولما هديت وشوفتها خايفه وبترتعش حاولت اهديها واجول لها انى مش هاجى نمتها هلمها بس لجتها بتصوت ولجيت نعمه داخله من غير لا احم او دستور وتجولى كلام ماسخ مالهوش طعم وبعدين لجيتك انتا داخل وجاى ساخن عليا وبجيت تجولى كلام مفيش اى راجل يرضاها لنفسه بس يا بوى هوه ده كل اللى حصل.
فاروق بخجل: خلاص يا ولدى حجك فوق راسى وانا المرادى اللى غلطان بس يا ولدى حاول تهدى من زهجك هباب، يا الله يا بت يا نعمه جدامى نعمه بسرعه: ونسيب الهانم تاليا يا بيه فاروق بغضب: نعمممممه جدامى احسنلك نعمه بسرعه وخوف: ح، ح، حاضر يا ب، بيه خرجت نعمه مع فاروق وتركوا نضال وتاليا ليتفاهموا فيما بينهم، كانت تاليا خائفه، مدهوشه، تريد الكلام، ولكن لا تريد الكلام تاليا بخوف: ا، انتا م، مش هتعمل ح، حاجه صح.
نضال بغضب: تاليا إنتي مستفزه على فكره بعد اللى إنتي عملتيه بتقولى انا اللى مش هعمل حاجه ده إنتي مختله عقلينا تاليا بغضب وقد تلاشى خوفها: انتا يا بنى ادم انتا احترم نفسك والا... نضال بسخريه: والا ايه يا انسه سكتى ليه تاليا بغضب: والا، والا هنادى لعمو فاروق يجى يزعقلك نضال بسخريه: لاء صدقى خوفتينى.
تاليا بخجل من سخريه نضال لها: بص انا عارفه انى انا غلط ورديت عليك بس ده ميدكش الحق انك تزهق بالطريقه دى وتكسر كل حاجه بالمنظر ده ده انا كل ما ابوص للاوضه اتحسر عليها.
نضال بغضب: اولا انا حر في الشقه اصلا الشقه دى بتاعتى انا يعنى اكسر برحتى ملكيش دعوه بيا ثانيا إنتي اكيد غلطانه انك تردى عليا باطريقه دى ولوكنتى اتماديتى مكنش هتكون الاوضه بس لا كانت الشقه كلها بس معتقدش ان الجده فايزه والحج سامر ربوكى على انك تردى على اللى اكبر منك اشحال انا بقى جوزك يا، يا انسه تاليا تاليا بخجل: اسفه، ومعنديش حاجه تانيه اعتزلك بيها انا اصلا محتاجه ههههههههههههه نضال: ...
تاليا بخجل: خلاص بقه انا غلط انا عارفه بس برضو انتا خوفتنى بس على العموم انا اسفه مش هتتكرر تانى نضال بتنهيده: ده ياريت وعلى العموم بكره ان شاء الله هنخرج بدرى من هنه ولما نوصل اسكندريه هوديكى المول تشترى اللى إنتي عاوزاه وملكيش دعوه ok تاليا بخجل: بس نضال: مبسش إنتي مكفتكيش الخناقه دى كلها قولى حاضر وبس تاليا بخجل: ح، حاضر.
نضال بتعب فكان اليوم مرهق: ok اتفقنا روحى بقى رتبى حجاتك علشان الصبح هنخرج بدرى زى ما قولت من شويه تاليا بتعجب: بس انتا ازاى عرفت ان انا عاوزه اروح اسكندريه نضال وهو يحرر ازرار القميص الذي يرتديه: ابوى قال ليا انك عاوزه تروحى علشان الجامعه.
تاليا بتفاجا مما يفعل نضال وكانت على وشك ان تصرخ به ان يدخل الحمام ولكنها فوجأت بعضلات نضال الذي يوضح انها صلبه للغايه وصدره العريض وكم كانت تود تاليا ان يحتضنها نضال لتنام على ذلك الصدر العريض، انتبه نضال الى تاليا فابتسم لنظراتها التي تكاد ان تخرقه من شده تركيزها به نضال ببتسامه: في حاجه يا تاليا بتبصى على ايه تاليا بتوتر: ههه لاء م، مفيش حاجه انا بس بقول.. نضال مقاطعا: ايوه بتقولى ايه بقى.
تاليا بغضب مصتنع: بقول عيب كده يا استاذ انك تغير هدومك ادام بنت ولا ده عندكوا في الصعيد ينفع نضال بلا مبالاه وهو يحضر ملابس له: لاء عندنا في الصعيد مينفعش بس بس مع مراته ينفع وينفع اوى كمان تاليا بخجل: مهو معى مراته عادى بي احنا جوزنا على ورق مش اكتر فتره وهنطلق وانا اشوف حياتى وانتا تشوف حياتك.
عندما قالت تاليا الجمله الاخيره جن جنون نضال فكان يشعر ان الدماء تغلى في عروقه ولذلك حاول تهدات نفسه للا يرتكب اى اخطاء يندم عليها فيما بعد ولذلك اقفل نضال باب الدولاب بشده مما جعل الكلام يقف في حلق تاليا نضال بغضب: تاليا نامى إنتي تعبانه ومسمعش صوتك تاليا بتردد ولكن وجهه لايوحى بالخير ابدا: انتا ايه اللى زهقك انا بقول الحقيقه احنا هننفصل فيوم من الايام.
اسرع نضال بالدخول الى الحمام للا يتهور على تلك التاليا التي في يوما ما سوف تفقده عقله، ظات تاليا تقفز من هول ما رات تاليا ببتسامه: يا لهوى يا لهوى امووووووووور، لاء لاء اركزى كده مينفعش، بس هوه امور اوى اوى.
ذهبت تاليا الى دولابها لتخرج منه ما ترتديه ولكنها تذكرت ان ملابسها في الحقيبه ولذلك ذهبت الى الحقيبه واخرجت منها ما يناسبها وارتدته بسرعه قبل خروج نضال ثم انتظرت نضال لان ينتهى من الشور ثم تتحدث معه لينظموا بعض الامور للا تحدث تلك المشاجره ثانيا وهي في غنى عنها.
خرج نضال من الحمام وكان يرتدى بنطال من القطن المريح ويضع منشفه على رقبته ويجفف بها شعره ولم يكن يرتدى شيئا على صدره، نظرت له تاليا والى صدره العريض وكم كانت تود ان ترتمى الى صدره ليضمها اليه ولكن هيهات نضال ببتسامه وهو يعلم ان تاليا تنطر اليه: ايه مالك يا تاليا في حاجه عليا تاليا بتوتر وخجل: هه لاء مفيش انا بس كنت عاوزه نتكلم شويه نضال وهو يقترب لها: وانا تحت امرك تاليا بسرعه: لاء لاء خليك عندك.
نضال وهو يتصنع الجديه: في ايه يا تاليا إنتي عاوزه الناس تسمع ولا ايه وكمان انا اترشيط الايام دى فهتتطرى تعلى صوتك تاليا بخجل وهي تدير ظهرها له: خلاص روح البس حاجه الاول نضال وهو يتصنع الغباء: البس مانا لابس اهو تاليا وخجلاها يذداد: ورح البس حاجه على جسمك من فوق لوسمحت نضال بعبوس متصنع: ليه هوه انا شكلى وحش اوى كده مش عاوزه تبصيلى.
تاليا بخجل وبعفويه: لاء شكلك حلو اوى علشان كده لو سمحت روح البس حاجه على جسمك نضال ببتسامه نصر: منا عارف ان انا شكلى حلو مش محتاج رايك تاليا بتوتر: الله يخليك انا بتكسف مش هقدر اكلمك كده ذهب نضال الى الحقيبه واخرج منها فنله بحملات رجالى مما ذاده وسامه تاليا بعفويه: انتا كده بقيت احلى ظل نضال يقهقه الى ان ادمعت عينا على تلك الصغيره البريئه التي لا تعمل للكلمه اى حساب.
نضال بضحك: يعنى اعمل ايه يعنى يا تاليا تاليا بتوتر: معرفش اعمل اى حاجه ولا اقولك، اسرعه تاليا الى الفراش دثرت نفسها جيدا وضعت الوساده فوق راسها ظل نضال يقهقه على افعال صغيرته المحبوبه ثم ذهب الى تاليا وهو ما زال يضحك ثم نام بجانبها، شعرت تاليا بنضال بجانبها فاسرعه بالنهوض تاليا بتوتر: لاء انا سايباك هناك تقوم تيجى هنا نضال وهو مازال يقهقه: نامى يا تاليا.
تاليا بتوتر اكبر: لاء لاء لاء لو سمحت امشى هناك انا امبارح نمت على الكنبه لحد ما جسمى اتعجن في بعضو نضال ببتسامه: انا قولتلك تيجى تنامى هنا بس إنتي عملتى فيها المكسوفه وانا قولتلك ان انا مش هاجى نحيتك تاليا بتوتر: انا مكنتش عامله نفسى مكسوفه علشان انا كنت مكسوفه نضال ببتسامه وهم يتثائب: طيب نامى دلوقتى يا تاليا انا تعباااان من الشغل طول النهار تاليا باهتمام: شغل ايه.
نضال بنعاس: نامى يا تاليا والصباح رباح تاليا بتوسل: ارجوك ارجوك خلاص قول انتا بتشتغل ايه والمصنع بتاع ايه وتغير هدومك واسيبك تنام غير كده ادينى قاعده نضال بيأس: معايا 3شركات في مصر و2 واحده في إيطاليا والتانيه في فرنسا، والمصنع اللى هنه لتصليح العربيات اللى بتجى معيوبه وبناخد اجرنا، وبمناسبه الاخير لتغيير الهدوم فانا، لم يكمل نضال حديثه حتى وجد تاليا تصرخ بصوت على.
تاليا بتفاجا: ايييييه انتا عندك شركات زى الناس اللى بنشوفهم في التلفزيون والعربيه الطويله والكلام ده نضال ببتسامه: على فكره صوتك عالى اوى وايوه يا ستى انا عندى شريكات كتير بس مش عندى العربيه الطويله ونامى بقه تاليا بفضول: مجلات الشركه ايه نضال بتنهيده: تاليا انا عايز انام تاليا ببتسامه: اخر سؤال ارجوك.
نضال بنعاس: تصدير واستوراد العربيات مع قطع الغيرات بتعتها وحجات كتير واسمها (الدمنهورى للسيارات ) عرفتى نامى بقه تاليا بتفاجا اكبر فهناك اكبر معرض للسيارات وورشات تصليح باحدث مستوى وكانت تاليا تتمنى ان تدخل المعرض لا الشراء منه والان اصبح صاحب تلك الاشياء زوجها اذن تستطيع الدخول والتفرج على السيارات كيفما شائت تاليا ببتسامه: انتا بجد صا...
نضال مقاطع: تاليا نامى الصباح رباح احسن والله اخليكى تنامى على الارض تاليا بمرح فهى لاتصدق: ok I m so sorry نضال: ...
بعد قليل تاليا بتوتر: بس لوسمحت تقوم تغير نضال بغضب: اوووووووووووف صبرنى يا اللى بتصبر تاليا بخوف؛خلاص خلاص هنام.
بعد مده ليست بطويله استطاع نضال ان يسمع صوت انتظام تنفس تاليا وهذا يعنى انها استغرقت في النوم ولذلك اقترب نضال منها واخذها بين احضانه وظل يشتم رحيق شعرها الاخذ واه من ذلك الشعر ذو الخصل الحريريه ذات اللون الذهبى الاخذ قربها نضال من احضانه اكثر فتململت تاليا بين زراعيه حتى وجدت موضع اكثر راحه ثم نامت مره اخرى ابستم نضال من فعلتها واحتضنها اكثر ثم غرق في النوم هو الاخر.
في نفس التوقيت ولكن في مكان اخر فردوس بغضب: انتا ازاى تجول كلام اكده لولدك لاع وعشان بت ملهاشى لازمه زي دى فاروق بغضب اكبر: إنتي يا وليه اياكى تجولى كلامك ده مره تانيه وإلا هتلاجى الجلم على صدغك والبنيه اللى بتجولى عليها ملهاشى لازمه دى هيه الجسر اللى عدى عليه عائله الدمنهورى كلياتها من الموت.
فردوس بغضب: موت ايه ياحج انتوا نسيتوا نفسيكوا ولا ايه انتوا الدمنهوريه اللى الصعيد كلياتها تركع ليكوا علشان ترضوا عنيها تجوم تنزلنا لمجام الخدامه دى اللى جدها كان بيشيل من تحت البهايم وتكلم ابنك جدمها اكده فاروق بغضب: اكتمى يا وليه احسنلك شكلك إنتي اللى نسيتى نفسك تكونى مين اتلمى مش وليه اللى تجيب مجامها لمجامى او تكلمنى اكده شوفى نفسك يا وليه وبعد اكده تعالى كلمينى.
فردوس بغضب: شايفه نفسى زين يا فاروق الدور عليك وعلى اخوك تعرف يا فاروق الله يرحمو رأفت هو اللى كان الزين اللى فيكوا كان عارف مجام نفسو ومجام العيله و... لم تكمل فردوس كلامها حتى وجدت صفعه مداويه على ووجهها وقعت فردوس ارضا من شده الصفعه.
فاروق بغضب: الظاهر إنتي فعلا اللى متعرفيش مجامك إنتي مكانك اهنه تحت رجلى ولو على اخوى المرحوم هوه اه كان كبيرنا لكن مكانش اعجلنا كان شايف نفسيه على الكل من كبير او صغير وده مكانشى زين، سبحان الله يا فردوس تعرفى مكنتش مصدج المثل اللى بيجول (الطيور على اشكالها تقع )بس إنتي اثبتيلى اكده، بفكرك تانى يا فردوس اوعاكى صوتك ده يعلى عليا تانى ولو على المجام فانا مش فضلى كتير واتحطونى في الجبر جنب جوزك رافت فهتعالى على مين وليه اصلا اتعالى على الناس هما مخلوجين من الطين واحنا من العسل ايك شوفى نفسك يا فردوس احنا سايبنها لا مال ولا مجام هينفعنى وبجولك تانى يا فردوس انا اتجوزتك بعد المرحوم رافت اخوى علشان حديت الناس ومجصرتش معالكى في حاجه ولا ابنى نضال جصر معاكى في حاجه هوه مش ولدك صوح ولا إنتي امو بس هوه حبك زى امو واكتر وخابر زين انك بتحبيه اكتر من ابنك اللى إنتي مخلفتهوشى فابعدى عنى وسبينى اعمل اللى انا شايفو زين، جومى يا فردوس اغسلى وشك ونامى ورجعى نفسك.
نهضت فردوس من على الارض وهي تتوعد الى تلك التاليا انها سوف تريها ايام اسود من قرن الخروب.
تم تحرير المشاركة بواسطة :زهرة الصبار
بتاريخ:10-12-2021 10:06 مساءً
رواية عشق الصعيدي
