رواية عشق الصعيدي الجزء الأول للكاتبة جهاد خليفة الفصل التاسع
في غرفه المعيشه جمال بتنهيده: ماشى يا رجاله توكلنا على الله وهناسب عائله الدمنهورى الجده بتنهيده: بس انا اخاف على البنيه يا جمال يا خوي انا اللى مربياها وعرفاها والله اغلب منيها متلاجى جمال بتنهيده: يا حجه إنتي جولتى الكلام ده ولا يجى ميت مره لحد دلوجت الجده بتنهيده: خايفه يا جمال خايفه جمال بصرامه: لاء متخافيشى، توكلنا على الله هروح اتصل بيه واجولو.
عند تاليا ياسين بمرح: الحق دى نامت سالم بغرابة: هيا ازاى تنام في اوضه ولاد ياسين بمرح: تيجى نعمل فيها مقلب سالم بغضب: لاء يا ياسين واياك تعمل كده ابوك هيجى ينفخك وانا اللى هقوله ياسين بيأس: اخرج من هنا يا خارب اللذات ومفرق الجماعات من هنه سالم ببرود: ماشى يا ابو دم خفيف بس اياك تيجى نمتها ياسين ببراءه: انا ده انا ملاااااااااااك سالم بضحك: انا قولت يا ملااااك اما نشوف اخرتها.
جاء سالم ان يغادر ولكن امسكه ياسين بمرح ياسين بمرح: بقولك ايه يا سالم متيجى نلعب ضغط واللى يعمل اكتر يسكع التانى على قفاه سالم بضحك: أنا عارف انك عايز تقعد معاها ومش عايز تقعد لوحدك معاها علشان ميصحش صح ياسين بخبث: مانت فاهم عامل نفسك عبيط ليه بقى وحيات ابوك تخليك قاعد معايا سالم بغضب: ابوك جمال هيزعق وهيشتم ونروح احنا في داهيه.
ياسين بخبث: لاء لاء متقلقش، اقولك استنى وذهب إلى تاليا وعدل من وضعيه نومها وذهب الى غرفته و أحضر غطاء ثم القاه عليها ليغطيها بالكامل ياسين بخبث: ايه رايك اتصرفت ولا لاء سالم ببتسامه على توامه العزيز: ماشى يا ياسين بس لو ابوك اتكام هقوله ان انتا اللى خلنتى اقعد معاه بالعفيه ياسين بمرح: يا عم اقعد ماهى خربانه خربانه ظل الفتيان يلعبون العابا الكترونيه وبعد مرور الوقت كان ياسين يغفى على قدم اخاه.
سالم بحنيه ابويه: ياسين قوم ننام انا وانتا جوه كده هتاخد برد وانتا عياك وحش جاء ياسين ان يتكلم لكن قاطعه دخول ابوه نظروا له في صمت جمال بقلق: امال فين تاليا مش كانت معاكوا ودتوها فين اشار سالم على الفراش نظر جمال مكان اشاره سالم وجد تاليا نائمه بعمق ذهب إلى هناك جمال بقلق: مالها ياسالم سالم بجديه: مالها في ايه مهى نايمه اهى ياسين: سبها نايمه معانا يا ابويا.
جمال و هو يبعد الغطاء عنها: انتا اتهبلت يا ياسين مين ينام مع مين روح يا سالم نيم اخوك علشان هوه اتجنن خلاص سالم بجديه: ماشى يا حج روح انت وانا ههتم بالطور اللى نايم على حجرى حمل جمال تاليا بين زراعيه واتجه بها إلى غرفتها دخل جمال الغرفه واقفل الباب ورائه ثم وضعها على الفراش برفق شديد جمال بنبره حزينه: نامى يا بنتى بكره وراكى يوم من أوله للاخر.
تركها جمال لتنام وذهب هو الى الجد سامر وظلوا يتكلمون طوال الليل.
في بيت عائله الدمنهورى فردوس بغضب: ازاى عيلة الحلوانى هينسبونا انتوا وعيين انتوا بتعملوا ايه فاروق بغضب مماثل: يعنى كل الرجاله هبل وجات عليكى يا فردوس وعجلت فردوس بغضب: ده تاركم متورطوش ابنى في مواضيعكم فاروق بغضب؛: بجولك ايه با فردوس هتتمسى ولا امسيكى.
فردوس بعند: البنيه لو جات اهنه يا فاروق هوريها النجوم في عز الضهر ولو معملتش أكده مكونيش فردوس يا فاروق وادينى جولت وذهبت ولم تسمع من فاروق اى كلمه او بالاصح لم تعطيه فرصه لكى يرد فاروق بغضب: ماشى يا فردوس اعملى اللى إنتي عايزاه وانا هوجفك عند حدك لحد اكده وخلص اتخنجنا.
تاليا بغضب وبكاء: لااااااااء مش هتجوز ارجوك يا عمى مش عاوزه هوه بالعافيه جمال بقلق عليها: اهدى اكده يا تاليا مش احنا جولنا ان إنتي هتسمعى الحديت صوح وكمان هما كام شهر وخلاص الموضوع هيتجفل وتروحى الاسكندريه تانى وتعيشى حياتك محدش هيجولك تلت التلاته كام ماشى يا تاليا تاليا ببكاء: لاء لاء ان مش موافقه وكمان متتكامش صعيدى علشان مش فاهمه.
جمال بتنهيده: دماغك دى لمين ابوكى مكانش اكده ولا امك ده امك كانت تخاف تبص في وش الكتكوت تاليا بغضب: امى مش انا جمال بتنهيده: متخلنيش اجول كلام هيزعلك يا تاليا انا بحاول اكلمك علشان تحسى انو برضاكى بس احنا مبنطلبش احنا بنامرك فاهمه با تاليا وهتتجوزيه ورجليكى فوق رجبتك تاليا بعناد: لاء لاء لاء خلاص لو هتجوزونى ليه يبقى هقتل نفسى وشوفوا مين اللى هيتجوز.
جمال بغضب: يا حجه فايزه شوفى بنتك علشان انا خلاص صبرى نفذ وروحى بقت في منخيرى فايزه باستعطاف: اسمعى الكلام يا تاليا والله احنا عاوزين مصلحتك تاليا بغضب: وايش عارفكم ان الجواز ده في مصلحه ده يعينى البنت بتكون خارجه ملكه تروح هناك يطلع عين اللى خلفوا ابوها تيجى متفشكله ومتبعطره ومنكوشه ومش عارفه حتى تسرح شعرها او تخش الحمام اسكت يا عم بلا قرف.
جمال: خلاص متقلقيش هخليهم يسبوكى تسرحى شعرك وتلبسى وميبعتروكيش ويخلوكى متفشكله خلاص كده تمام تاليا بغضب: يا ربى انا زهقت انتو مفيش فايده فيكوا جمال بتنهيده: يا تاليا متخرجنيش عن شعورى انا بحاول اكلمك براحه علشان متزعليش او تخدى على خاطرك تاليا بغضب وبكاء: يا عمو ارجوك افهمنى بقى... جمال بتنهيده: قدامك 3 أيام وتردى عليا يا تاليا تاليا بحزن شديد: بس يا عمو...
جمال بتنهيده: تاليا انا بقولك ان فيها ارواح حرام عليكى يكون في ايدك تنقذهم وتقولى لتء يبقى إنتي كده بتقولى اقتلهم بس بطريقه غير مباشره وكمان انا احترمت رايك وقولت اديكى 3ايام تفكرى يبقى انا كده عدانى العيب وازح كمان انصدمت تاليا عندما قال لها عمها ان هناك ارواح تتعلق على جبينها يا الهى ساعدنى كيف امر من هذه الازمه.
وبعد حديث طويل دار بين تاليا والجد سامر والجده فايزه ذهبت تاليا الى غرفتها وهي تجر أذيال الخيبه فقد أوهم لها ياسين ان اصرت على والده قد يوافق الا يزوجها من هذا النضال ولكن هيهات دخلت تاليا الى الغرفه وهي منهكه تماما وكان كل تفكيرها هو هذا الزواج الذي تسميه تاليا انه مصيبه من مصائب الحياة دخلت تاليا الغرفه وبدلت ملابسها باخرى مريحه وظلت تفكر حتى غلبها النعاس.
وبعد اسبوع وهي المهله المحدده لزواج تاليا و نضال.
وفي هذا الأسبوع لم تتكلم تاليا مع احد سوى ياسين الذي كان بواسيها ويخفف عنها ويظل يضحكها لان هذه هي طبيعه ياسين لا يحب ان يرى احد عبوس اوحتى محرد شرود وان كان هناك مشكلة يطل يضحك الجميع ليخرجهم من الهم الذي فيه، وكانت تاليا بدأت ان تتقبل الوضع وبدات باختبار الملابس وعندما قالت الجده انها عندها ملابس جديده لم تلبس صرخت تاليا وصاحت وقالت انها اجبرت على الزواج وايضا تريدون ان لا تشترو لى الملابس هذا ظلم وبدات تبكى واغلقت باب غرفتها وظلت تبكى بصوت عالى وكأن من مات له قريب وكانت تلك النصيحه من ياسين ونجحت الخطه وذهبت تاليا وسمر واخذت معها ياسين الى الاسكندريه لتجلب تاليا الملابس التي تريدها وظلت هكذا طوال الاربعه ايام كانت تاليا تبيت مع سمر لان سمر ليس لديها اخوه اولاد وياسين كان يبيت في سقه تاليا.
وفي اليوم المنشود ذهبت تاليا الى معارض الفساتين الافاحيه لتنتقى فستان يليق بها انتقت تاليا الفستان من بعد صعوبه نها يس من السهل ان يرضى ذوقها فهى حاده في كل شيء وفي طريق العوده الى الصعيد ياسين باستعطاف: وحيات ابوكى الغالى الله يرحمو عايز اشوف الفستان تاليا بتذمر: لاء لاء لاء انتا زيك زى اى واحد من المعازيم تفاجا بيا بقه ياسين وهو متصنع الحزن: كده يا توك توك تزعلى ياسو حبيبك.
تاليا بعند: ايوه يرضينى وسوق وانتا ساكت علشان انا دماغى وجعانى ok ياسين ببتسامه: ok.
( اكيد انتو مستغربين ان تاليا أزاى اتقبلت الموضوع عادى جدا صح تاليا ليست من النوع الذي يخاف من الأشياء الجديده هذا بنظر تاليا فالرواج عند تالبا هو شىء جديد وما المانع ان اجرب لن اخسر شيئا فهو في الاول والاخر سوف ينتهى لاننى لا اقبل بفتى صعيدى لا يفهمنى ولا افهمه ونبقى هكذا الى ان أحن نعم هذا ما تريده يا عمى ولكن قد خاب ظنك انا من سوف أجننه).
وصلت تاليا الى قصر الحلوانى وبدات بترتيب نفسها مع صديقتها سمر.
اما عند عائله الدمنهورى كان البيت في فوضى عارمه من الطباخين والخدم ولقد احض فاروق من يومين 10 خادمات اخريات ليساعن الخادمات الاخريات في العمل.
وبعد بضع ساعات وحل الليل (نسيت ان اقول لكم ان نضال تفوق على الجميع في الصفقه التي كادت تدمر شركته نهائيا ولكنه لم ينم منذ 3 متاصله ولذالك يريد ان ينهى هذا الحفل بسرعه ليذهب ليرتاح، حل المساء واجتمع كبار الصفقات والشريكات العالميه في تصنيع السيرات وهكذا فكان الحفل مملوئ باصحاب الشريكات والمموله والمصدره وغيرها من الشريكات الاخرى وكان نضال حقا وسيما لدرجه تجذب العقول والابصار وكان يحيي الناس.
عند تاليا فكانت حقا جميله بذلك الفستان وكانت ترفع شعرها على شكل دائره جميله مبعثره نزلت تاليا على السلم وكانت تتابط زراع عمها ثم ركبت السياره التي جلبها لها جمال مخصوص لكى تزف بها تاليا.
في السياره تاليا بارتعاش: عمو انا خايفه اوى اوى يالا نروح جمال بسرعه: لاء متقلقيش يا تاليا صدقينى انا قابلت نضال واتكلمت معاه والله أنسان محترم وهيحترمك تاليا بخوف: متاكد جمال ببتسامه: مليون في الميه وكمان إنتي مس اى دديا تاليا إنتي تاليا الحلوانى خليه يقولك ارحمينى تاليا ببتسامه ثقه: اكييييييد انا لو معملتش كده مكونش تاليا.
وبعد فتره ليست بقليله وصلت تاليا الى قصر فاروق فكان مزين بطريقه جميله جدا وكلاسيكيه وكانت هنالك الكثير من الناس اللذين اذا نظرت لهم تعرف انهم ليسوا أناس عاديين دخلت تاليا تتابط زراع عمها وكانت تمشى بثقه ولكنها خجله حد الموت فكان الجميع بنظر لها وفجاه توقف عمها لذلك اترط ان تقف لانها خجله ان ترفع وجهها وسط هذا الحشد جمال ببتسامه: مبروك يا نضال تعيشوا انتو الاثنين سعداء يا رب.
تاليا في نفسها: نضال اين ذلك الاخرق الذي ساتزوجه رفعت تاليا بصرها له ولكنها حقا تاهت في عسليتيه.
تاهت تاليا في عينيه رغم شده الارهاق الذي بهما الا انها ذادته وسامه و لقد كان في قمه اناقته فهو حقا وسيم مد جمال يد تاليا لياخذها منه ولكن نضال فكان في عالم اخر في جمالها الاخذ هل يوجد حقا فتيات بهذا الجمال ام هم ملائكه متخذه اشكال الفتيات وذلك الفستان الذي ذادها جمالا فوق جمال لم يفيق احد من نضال او تاليا الا على صوت فاروق فاروق ببتسامه: خد يد مرتك من عمك يا ولدى.
نضال بعد ان استفاق: مد نضال يده لتاليا (ترددت تاليا في البدايه وتوترت ولكن كان نضال اسرع منها وامسك بيدها فهو حقا لا يريد أن يفقد هذا الجمال ) نزلت تاليا هي و نضال الى جنينه القصر فكان الاحتفال الاصلى بها هي وكان الجميع ينظر لهما هناك نظرات محبه واخرى غيره وكره وبعد قليل اجلس نضال تاليا على احد الكراسى المخصصه للعرائس وذهب لعقد قرانه على تاليا وبعد قليل.
( بارك الله لكما وبارك عليكما وجمع بينكما في خير) ابتسمت تاليا بعد ان سمعت هذه الجمله ولكن لاتعلم لماذا اهو لانه يوم عمرها التي تنتظره كل فتاة ام لان تم عقد قرانها على نضال ام لانها اعجبت بنضال لشده وسامته لااااااا اعرف حسنا ساتوقف عن التفكير الان كانت تاليا تجلس على الكنبه المصممه مخصوص للعرائس ومزينه بزينه جميله جدا ومبهره جدا وكانت تجلس بجانب تاليا السارحه بخيالها بعيدا.
سمر ببتسامه: اه على الناس السرحااااانه اه تاليا بغضب: ايه إنتي قولتى حاجه اكيد شتيمه صح سمر ببتسامه: اهدى يا جميل متتعصبيش احسن الكحل يسيح ويكون شكلنا over ماشى يا بنت الناس... قاطع نضال كلام سمر: احم احم سمر قفزت عندما سمعته: اه اسفه انا كنت... نضال ببتسامه: محصلش حاجه خلاص عمار مقاطعا لنضال: اعوزو بالله منك يا اخى قطعت خلف الوليه نضال تفاجأ: خلف خلف ايه ده حاسب على الفاظك يا اخى مش كده.
عمار بعدم اهتمام: طيب طيب وسع كده اما اسلم و، صلات النبى احسن إنتي تاليا تاليا ببرائه: ا، ا، ايوه عمار ببتسامه: يالهوووووى على الرقه نضال بغضب: عمار امشى من هنه احسنلك عمار بخوف من غضب صاحبه: خلاص يا صحبى مش كده انا ماشى اهو وذهب عمار ليحيى الاناس الذين في الحفل نضال ببتسامه: مبروك يا، يا تاليا تاليا ببتسامه خجله: شكرا، و، ومبروك ليك انتا كمان جاء لنضال ان يتكلم ولكن قاطعه ياسين.
ياسين ببتسامه: حبيبى يا نضوووووووله وقعت يا حبيبى ومحدش سمى عليك نضال بغضب: ياسييييييين هطلعهم عليك ياسين بمرح: وليه ادينى سكت اهه وبعد ثانيتان سكت كتير خلاص بقه يا لهووووى يا تاليا إنتي جامده تاليا بمرح لتتجاذب مع ياسين في الحديث: هه طول عمرى يا حبيبى روح شوف نفسك.
ياسين بعبوس: اسكتى بقه بسببك اتطريت استحما والواد سالم مسك فيا بايدو واسنانه ولا اكنى ضرتو مثلا بس المشكله انى استحميت ومش هستحمى يوم الوقفه وهكون معفن يوم العيد يرضيكى تاليا بضحك: والله سالم ده بيعجبنى لما يعمل فيك كده بحسو بينتقم للغلابه اللى هما زيى... نضال بغضب مقاطعا: خلصتوا ولا لسه في تانى انتا وهيا جاء لياسين ان يتكلم ولكن قاطعه فاروق فاروق ببتسامه: ليه اكده خناقه في الفرح الناس هتاكل وشينا.
ياسين ببتسامه: عمووووو فاروق حبيبى وحشتنى يرضيك ابنك عايز يضربنى فاروق بتفاجا: ايه ياسين ببتسامه ماكره: ايوه هوه قالى انا هضربك وهموتك وهشوهك يرضيك يا عم فاروق انا راضى ذمتك فاروق ببتسامه عليه فهو يعلم انه يمزح: بصراحه اكده يرضينى علشان يديك قلمين يظبطوك ياسين بسرعه: اييييييييه استنوا يا جماعه امى بتنادينى وطبعا بقى رضى الوالدين سلاااام ظل يضحك الجميع عليه فهم يعلمون انه يفعل ذلك لكى يتهرب.
فاروق ببتسامه: ايوه اكده يا تاليا اضحكى مانتى ضحكتك زينه ليش مكنتيشى تضحكى تاليا: ... فاروق ببتسامه: طيب تعالا يا ولدى علشان تلبسها الدبله وقف نضال في وسط البساتين بالحديقه وسط الاضواء والتصفيرات العاليه والتصفيق..
رواية عشق الصعيدي
