استعد الحج عبد الحميد لسفر... وركب سيارته... وصل عبد الحميد الي شركه النوري... ودخل اليه سليمان:اتفضل يا حج نورت القاهرة كلها عبد الحميد:منوره بأهلها... سليمان:خير يا حج عبد الحميد:عاوزك تجيبلي عنوان حد... سليمان:مين... ومن بكرا هيبقى عندك... عبد الحميد:المهم ولا عاصم ولا عبد الرحمن يعرفوا حاجه... سليمان:مين هو ... عبد الحميد: ملك محمد عبد الحميد العطار... سليمان:طب انا عاوز معلومات عنها... عبد الحميد:معرفش عنها غير عنوان الشقة القديمة اللي كانت عايشه فيها... سليمان:طب جامعتها مثلا اي حاجه... عبد الحميد:انا قولت اقولك عشان انت ليك معارف كتير وهتعرف توصلها... سليمان:اول ما اوصلها هقولك... غادر عبد الحميد... واتصل سليمان باادهم ونادر واخبرهم ان يأتوا ف الحال...
أتصل أدهم بنادر... أدهم:انت فين... بابا كلمك نادر:ايوه انا لسه نازل من الشركة... أدهم:وانا نزلك كان نادر ينتظره أمام السيارة... نادر:هو ف اي، انا سيبت الشغل ونزلت... ركب أدهم السيارة وقال:يلا اركب يا نادر... ركب نادر السيارة وقال :متعرفش ابوك عاوزنا ف اي... أدهم:مش عارف... نادر: انا كان لسه عندي شغل مع عمرو... أدهم:ساعه زمن وهنرجع لشركه تأني... وصل أدهم ونادر الشركة وصعدوا الي المكتب سليمان:تعالوا...
أدهم:ف اي يا بابا قلقتنا... سليمان:انا لقيت كارت مهم اوووي لو احتاجنها عشان نكسب المناقصة لو كسبنا هيبقى اسمه خدمه ومصلحه...ناقص اسبوعين على المناقصة... نادر:اي هو سليمان:ملك محمد عبد الحميد العطار عاوزكم تشقوا الأرض وتجيبوها وتفضل منوره عندنا لحد يوم المناقصة... أدهم:اسمها ملك محمد عبد الحميد العطار... نظر أدهم ونادر لبعض كل منها يفكر اهي ملك ولا تشابه أسماء... سليمان:رحتوا فين... أدهم:ولا حاجه هنشوف الموضوع دا و هنجيبها ف اسرع وقت...
خرج نادر وادهم من المكتب واثناء طريق خروجهم من الشركة دار بينهم تلك الحديث... نادر:تفتكر ممكن تكون هي... أدهم:بصراحه دي اخر حاجه اتمنى انها تحصل... انا مش عاوز اشوف البت دي تأني... نادر:انا كان نفسي اشوفها بس مش بطريقه دي طلعت تبع عيله العطار... أدهم:مش عارف بقا... اركب العربية انت عقبال ما انا اروح الحمام... نادر:ماشي، هات المفتاح طيب...
خرج نادر... اخرج أدهم هاتفه واتصل بي زينه السكرتيرة بتاعته... زينه:اي يا باشا أدهم:ف بنت كانت متقدمة عشان تبقى المترجمة عندنا ف الشركة واستاذ نادر هو اللي عمل الانترفيو والملف بتاعتها مع غاده... تروحي تخدي منها بايه طريقه... زينه:تمام... أدهم:ساعه بظبط وعاوز الملف دا على مكتبي...
قام معتز بالاتصال بصديقه... معتز:اي يا ابني مش هاين عليك تسأل عليا... مراد:قولت اسيبك تشوف شغلك معتز:بجد والله مش عارف اشكرك ازاي... مراد:منه اختارتها ديما صح معتز:منه أي ياعم... انا قصدي على ملك بصراحه مريحني اوووي ف الشغل ومحترمه ومنظمه اوووي... مراد:ملك... اسمها حلو اوووي... معتز:وهي زي القمر برضو... مراد:ايوه بقا الصنارة غمزت ولا اي... تصدق عاوز اشوفها... معتز:ههههههههه خلاص تعالي وشوفها... بس هي صغيره عننا... مراد:هكلمك بعد ما اخلص... معتز:اشطا وعاوزين نتقابل...
ف منزل الحج عبد الحميد عاصم:عوجت يا ابوي... قلقنا عليك... عبد الحميد:كنت بخلص شغل يا ولدي... عاصم: حمد الله على سلامتك... يا بوي... سعاد:احضرلك الاكل يا ابوي... عبد الحميد:فين يوسف وعمر... سعاد:تلاقيهم ف الشغل يا حج ومني نايمه فوق... عبد الحميد:بخصوص مني انا عاوز اجوزها... سعاد:هاااا مين...
ف مكتب سعيد المحامي... يوسف بصوت عالي:وسعي كدا انا هدخل يعني هدخل... زق يوسف السكرتيرة وفتح الباب... السكرتيرة:لوسمحت يا افندم ... سعيد:اي دا... يوسف:اقعد كدا بس بدل ما اخلص عليك... اشار سعيد لي السكرتيرة ان تخرج يوسف:ايوه كدا نتكلم بقا... سعيد:عاوز اي يا يوسف... يوسف:عاوز جدي ميعرفش طريق لملك ودا لمصلحتك... سعيد:الموضوع ميخصكش...
يوسف وهو يضع رجل على رجل وقال:عندك حق، بس تخيل بقا لو البوليس عرف انك بتهرب آثار... سعيد:الكلام دا مش صح... يوسف:ههههههههه ما انا عندي الدليل... سعيد بتلعثم وتوتر:اي فبن هو... اخرج يوسف الهاتف من جيبه وفتح له الفيديو ... سعيد:انت بتصورني ... يوسف:بظبط كدا سعيد:انت عارف انت بتلعب مع مين وبعدين التسجيل دا يوديني انا وعمك ف داهيه هو اللي كان معايا واحنا بنتفق على التهريب...
يوسف:ما دا المطلوب اني اخلص من عمي وابنه... سعيد:عاوز اي يا يوسف... يوسف:كل حاجه جدي هيقوليها ليك انا اعرفها... وطريق ملك مش عاوز حد يعرفه فاهم... سعيد:تمام... يوسف:اقوم امشي بقا... خرج يوسف من المكتب... سعيد:وبعدين بقا ف الواقعة دي...
دخلت زينه المكتب عند غاده... زينه:قولت اجي اقعد معاكي شويه... غاده:انا معنديش شغل بشمهندس نادر نزل من شويه و كنت لسه هجيلك والله قولت نشرب قهوه مع بعض... زينه بابتسامه:قولت اسبقك... قومي هاتي القهوة... غاده:ماشي... قامت زينه لتبحث ف إدراج المكتب على الملف الخاص بملك... ولاقيته وذهبت لتضعه ف مكتب أدهم... وبعدين راحت عند غاده تأني... غاده:انتي روحتي فين زينه:كنت ف الحمام... غاده:اشربي القهوة قبل ما تبرد...
زينه:هخدها معايا واطلع على مكتبي بقا لحسن أدهم باشا يجي... غاده بتعجب:طيب... وصل أدهم الي المكتب... قامت زينه وتابعته... جلس أدهم على المكتب وفتح الملف... أدهم اتصدم... لأنه اتأكد ان هي ملك العطار... زينه:تؤمرني بحاجه تأني... أدهم بضيق :لا اتفضل انتي... استغربت زينه... من طريقته... وتمتمت لنفسها بعد أن خرجت من المكتب :وانا مالي مش هو اللي طلب...
طلب نادر من غاده ان تدخل له... طرقت غاده الباب ودخلت... غاده:نعم يا افندم... نادر:عاوز ملف ملك اللي كانت متقدمة لشغل... غاده:حاضر هشوفه لحضرتك... خرجت غاده ودورت على الملف ولكنها لم تجده... دخلت مره اخرى له... غاده بتوتر:مش موجود... نادر بانفعال:يعني اي مش موجود هو احنا ف الشارع... اتفضلي غوري من وشي...
كان حازم يجلس على الأريكة ويشاهد التلفاز... ناديه:اي يا حبيبي مش نازل... حازم:لا قولت اقعد معاكي... ناديه بابتسامه:ياواد... حازم:اكيد طبعا يا ماما... ناديه:انت قافل المكتب بتاعك... انهارده... حازم: بصراحه اهااا، أديت للموظفين اجازه يومين وقولت ارتاح انا كمان انهارده بس هروح الشركة بكرا... ناديه:ماشي يا حبيبي، جلست ناديه بجانبه... وقالت:عملت اي مع ملك... حازم:روحتلها وقولتلها لو عاوزه حاجه تكلمني...
ناديه:ربنا يكرمك يا حبيبي...،هي قد اي حازم:تقريبا عندها عشرين سنه مش فاكر والله... ناديه:امممم، وانت مش ناوي تتجوز... حازم:انتي بتلميحي على اي يا نونو... ناديه:ههههههههه طب ماانت فاهم اهو بت وحيده ومحترمه واخلاقها كويسه... وانت ما شاء الله عليك محامي كبير... حازم:بس انا بحسها زي اختي الصغيرة... ناديه: عادي غير احساسك ولما تتجوزها مش هتبقى اختك وبعدين الفرق بينكم 10 ولا 11 سنه بس... انا الفرق بيني وبين ابوك كان 20 سنه وكنا مرتاحين مع بعض... حازم:هفكر كدا... ناديه:اها ونبي وفرح قلبي...
ف بيت عبد الحميد... دخل عمر غرفه المكتب لجده وقال عمر:خير يا جدي عاوزني ف اي... عبدالحميد:انت هتنزل القاهرة تأني... عمر:ايوه بس انا قولت اقعد هنا اسبوع ولا حاجه عشان ماما تسكت ... كل شويه تقولي تعالي اقعد معانا وكدا... عبد الحميد:وطبعا شركه العطار داخله المناقصة بتاعت المشروع... عمر:اكيد طبعا لو احنا اللي عملنا المشروع دا هنكسب كتير اوووي واسهم شركتنا هتعلي ف السوق... عبد الحميد:بس انا عاوزك تخسرها... عمر بصدمه:نعم؟ عبد الحميد:ايوه يا ولدي انا عاوزك تخسر المناقصة دي...
عمر:مستحيل لو خسرنا الخسارة هتبقى كبيره عبد الحميد:الخسارة تتعوض... عمر:انا مش موافق... اسف... وخرج عمر من المكتب... وقابل يوسف ف وشه... يوسف:مالك بوزك شبرين ليه... عمر: جدك عاوزنا نخسر المناقصة ... يوسف:هاااااا ليه...
عمر:معرفش بقا... بس كدا الشركة هتقع مش كفاية أن شركه أدهم النوري قصدي لا كمان عاوزني انسحب... يوسف:لا انت خليك مكمل عادي وانا هحاول اعرف اي ورا الموضوع دا... اصل جدك مش هعمل كدا من فراغ... عمر:تمام... انا طالع عشان اكمل شغلي... يوسف:ربنا معاك يا اخويا... يوسف:وبعدين بقا ف جدي دا كل شويه يعمل فيلم دا انا زهقت... خلطته مني علي كتفه من الخلف... يوسف:حرام عليكي خضيتني... مني:اصلي لاقيتك بتكلم نفسك... يوسف ببرود :هههه اتجننت. مني:اي الرخامة دي... يوسف:ونبي سيبني بالهم اللي انا ف...
ذهب نادر الي سمر... سمر:يعني تقعد اسبوع ولا تيجي ولا تسال... نادر:كنت مشغول والله... سمر:مش مهم بقا... ولا يهمك... نادر:هي بوسي جاتلك تأني... سمر:لا ليه؟ نادر:بسألك عادي سمر: اقوم اجبلك كأس تأني... نادر:قومي... . قامت سمر واحضرت له الكأس وجلست... نادر:كلمتي ملك تأني... سمر:لا... نادر:امممم طيب... سمر: هو ف حاجه يا نادر... نادر:لا يروحي بسأل...
كانت بوسي جالسه تنتظر مجي أدهم... دق جرس باب الشقة... قامت بوسي وفتحت الباب... دلف أدهم الي الداخل ... قامت بوسي بمعناقته وقالت:وحشتني... وضع أدهم قبله على شفتها وقال:وانت كمان... بوسي:هتاكل... أدهم:لا تعالي عاوز اقولك على حاجه... جلس أدهم وبوسي... بوسي:خير يا حبيبي... أدهم:فاكره حوار ملك... بوسي:ماله... أدهم:بابا انهارده طلب مني ومن نادر اننا ندور عليها ...
بوسي:وانت مضايق ليه يا حبيبي... أدهم:مش عاوز نادر يوصلها... انا قطعت كل الطرق عليه مفضلش غير سمر... بوسي بضيق:مش ملاحظ انك خايف عليها ولا اي... أدهم:اهدي بلاش عبط انتي عارفه ان نادر متهور مش اكتر وانا مش عاوز تحصل مشاكل و بعدين دي بنت عيله العطار ... بوسي:طب هو باباك عاوز اي منها... أدهم:عاوز اننا نبعدها او بمعنى تأني نخطفها لمده اسبوعين... بوسي:انا من رأيي تسيب الموضوع على نادر... وهو هيتصرف وتخلي باباك يفهمه كل حاجه... أدهم: انتي رايك كدا...
بوسي:ايووه، أو ممكن تقول لحازم بما انه يعرفها... وحتى بدل ما حد يخدها غصبن عنها... يفهمها هو ويخدها تقعد عنده ف البيت... أدهم:عنده ف البيت تعمل اي... بوسي:مالك يا أدهم هو انا قولت حاجه غلطت... سواء انت ولا نادر ولا حازم كلكم اغراب عنها بس حازم على معرفه بها ف دا قصدي... احس أدهم انه انفعل عليها بدون سبب... خلاص يا حبيبتي مكنتش اقصد حاجه... بوسي:لا عادي...
ف منزل النوري... ايمان:اصحى يا حبيبي... سليمان:طيب هصحي اهو... ايمان:انا هنزل احضرلك الفطار... سليمان:انتي بتتعبي نفسك ليه... اومال الخدامين شغالين ليه... ايمان:انا اتعودت اني انا اللي بحضر الفطار... سليمان:تسلمي يا حبيبتي... ايمان:قوم اجهز عشان متتاخرش علي الشغل...
ف الشركة... كان أدهم ينتظر قدوم حازم... طرق حازم الباب ودخل... حازم:حد يصحى حد من النوم ويجيبه على مله وشه كدا... أدهم:اقعد بس... حازم:خير... أدهم:انت ف حاجه بينك وبين ملك حازم باستغراب:لا مفيش... أدهم:انت تعرف ايه عنها... حازم:لا بجد مش فاهمك... في ايه...
أدهم:من الاخر كدا بابا عاوزنا نخطفها لحد ما نكسب المناقصة لأنها بنت عيله العطار... حازم بضيق:نعم؟ أدهم:اهدي بس انا لو كنت عاوز اعمل حاجه كنت عملتها بس انا قولتك وخدت الملف من عند نادر عشان ميوصلش لها... حازم:وانت هتعمل اي... أدهم:معرفش... بس المهم ان نادر ميوصلش ليها ولا ابويا ... حازم: متنساش ان نادر بيحفر وراها من غير حاجه اصلا... أدهم:طب هنعمل اي... حازم:انا ممكن اسمع كلام ماما... أدهم:مش فاهم...
حازم: ماما عرضت عليا فكره اني اتجوز ملك... واظن ان لو دا حصل هيبعد عنها حاجات كتيره... أدهم:خلي الموضوع دا بعدين، اكيد مش هتروح تقولها اتجوزني... حازم:طب هنعمل اي... أدهم:انا هتصرف... حازم:عرفني... أدهم:ولا حاجه هخدها وقعدها ف شقه مدينه نصر وخلاص كدا... حازم:ازاي ومين قالك ان ملك هتوافق... أدهم:سيب الموضوع دا عليا... بس انت حاول تقفل على نادر... حازم:هو انت عارف عنوانها... أدهم:ايوه كان مكتوب ف الملف...
كانت ملك بتفتح باب شقتها لكي تخرج لقيت حاتم أمامها... ملك:خير يا استاذ حاتم ف اي حاتم:وحشتني... ملك:استاذ حاتم بعد اذنك اتفضل من قدامي... حاتم:انتي قاسيه كدا ليه... ملك:بعد اذنك غور من وشي يا استاذ حاتم... حاتم:طب تعالي نتكلم جواه... وحاول دفعها للخلف... ولكن تماسكت ملك وقامت بدفعه... حاتم:انت بتزقني... ملك:بظبط كدا... ابعد بقى عاوزه اقفل الباب و امشي... حاتم بتوعد:ماشي يا ملك...
ذهبت ملك الي العيادة وقامت بتنظيف وترتيب بعض الأغراض... وصل معتز الي العيادة وكان بها بعض المرضى ودخلت ملك خلفه... جلس معتز على المكتب... ملك:ادخل اول كشف يا دكتور... معتز:ايوه يا ملك اتفضلي... نادت ملك على أول كشف وبعدين جلست على المكتب تباشر باقي عملها. اتت مريضه...وقالت:لوسمحتي عاوز احجز... ملك بدون أن ترفع نظرها لها وقالت: مينفعش الحجز ف نفس اليوم يا مدام... ردت عليها وقالت:ادخلي قولي لدكتور معتز وخلاص... رفعت ملك راسها لكي تراها ولكنها اتصدمت عند رأيتها ...
رواية حب بلا قيود
