امل حضنت ابنها و قالت حمد الله على سلامتك يا حبيبي، ابتسم أدهم و بعد عنها و قال الله يسلمك يا ماما... ابتسمت امل و قالت طب اطلع ارتاح، عقبال ما ابوك يجي، أدهم سأل عن كارمن اخته و أمل قالت أنها لسه مجتش من شغلها، أدهم استغرب و قال هي كدا اتاخرت؟ -اهااا عشان شاغله على مشروع جديد، ، تنهد أدهم و قال طب و بابا... -معرفش، وقت ما يجي أدهم لوي فمه و قال: امممم طيب انا طالع امل: ماشي يا حبيبي.
صعد أدهم إلى غرفته، و قام بالاتصال بها أدهم: الو ليليان: وصلت أدهم: اهااا لسه داخل البيت من شويه ليليان: حمد الله على سلامتك يا حبيبي أدهم: الله يسلمك يا روحي ليليان: هتعمل اي دلوقتي أدهم: ولا حاجه هقعد في اوضتي ليليان بتعجب: هو انت مضايق انك سافرت ولا اي؟ أدهم: لا بس محدش هنا فاضي لحد ليليان: امممممممم و اومال انت بتسافر ليه؟ أدهم: عشان بابا بيكون عايز كدا ليليان: شكلك بتحب عيلتك اوووي.
أدهم: ههههههه أهاااا جدا ليليان: انا هبقي انزل الجامعه كمان اسبوعين عشان الجامعه وكدا أدهم: ماشي بس خلي بالك من نفسك وملكيش دعوه بحد لو فحاجه كلميني ليليان: حاضر بس انت في الامارات هتعمل اي لو كلمتك أدهم: هاجيلك عادي ليليان: مجنون وتعملها عارفه ضحك أدهم و قال هتعملي ايه في الاجازة... -و لا حاجه هفكر فيك... ابتسم و قال نفسي اسيبهم و اجي، ابتسمت ليليان بسعادة و قالت انت لسه واصل... في منزل منصور...
كان يجلس جميع أفراد العائلة معا منه: هي ليليان هتيجي امتى؟ منصور: كمان اسبوعين منه: امممم ماشي سهير: واخت محسن عامله اي؟ منصور: ربنا يقويها ويعينها سهير: فين ولادها منصور: معندهاش سهير: هي مش متجوزه منصور: اهااا سهير: ربنا يشفيها محمود: انا هدخل أنام سهير: ليه ما تخليك قاعد محمود: عندي شغل اصلا و احتمال تجيلي سفريه تبع الشغل شهقت سهير و قالت: سفر اي دا محمود: شغل وبعدين انا قعدتي هنا ملهاش لازمه.
منصور: براحتك يا ابني بس خد بالك السفر هيضيع عمرك محمود: هما تلات أو أربع سنين و هرجع منه: يااللهووووي اي كل دا؟ محمود: عادي سهير: وهتسيبنا يا ابني محمود: هبقي اكلمكم من هناك منصور: محمود مش صغير و عارف هو بيعمل اي يا سهير؟ سهير بحزن: طيب رجعت كارمن إلى المنزل و بعد ذلك صعدت إلى غرفه أدهم طرقت الباب ودخلت أدهم: تعالى يا كارمن قامت كارمن باحتضانه وقالت وحشتني اوووي والله أدهم: وانتي؟ كارمن: مالك يا فقر انت.
أدهم: ههههه مفيش والله كارمن: اي اخبارك بقا! أدهم: انتي هتصاحبيني ولا اي؟ كارمن: ههههه انت تتطول يا ابني دا البشمهدنه كارمن... أدهم: هههههه ماشي يا ستي كارمن: اي اخبار الجامعه بقا و كدا أدهم: مفيش حاجه اهمدي كارمن: ههههه بتعاملني وحشه اوووي أدهم: مقدرش كارمن: امك بقا عامله عليك حفله أدهم: حفله ازاي كارمن: بنت صاحبتها بقا و كدا وعايز تجوزهلك أدهم بصدمه: نعم؟!
كارمن: اهااا والله وعشان كدا ابوك صمم انك تيجي و قالك انك هتقعد كتير دا حتى كلم الدكاترة و استاذنهم و قال انك هتمتحن اونلاين و تحت إشرافه و طبعا الدكاترة وافقوا عشانه أدهم مصدوم: بتهزري صح؟ كارمن: والله لا أدهم: ومين اللي قال اني هوافق كارمن: البت حلوه والله و كمان لطيفة و انت عارفها أدهم بضيق: حلوه حلوه برضو متلزمنيش كارمن: استنى لما امك تفتحك في الموضوع بقا أدهم: طبعا الحوار دا مبنى على مصلحه صح.
كارمن: ههههههه طبعا يا باشا أدهم: اممممم تمام... كارمن: هتعمل اي؟ أدهم: ولا حاجه كارمن: طب اكيد بابا جي يلا عشان تنزل تسلم عليه أدهم بحنق: طيب هنزل كارمن: يلا نزل أدهم و كارمن إلى الأسفل، ، أدهم مكنش طايق نفسه طبعا و عارف انه ميقدرش يرفض سامي: وصلت امتى؟ أدهم: من شويه سامي: ماشي، عايزك تنزل معايا المستشفى من بكرا... أدهم: اممممم حاضر سامي: عشان تتدرب و تاخد خبره كويسه في مجال جراحه التجميل.
أدهم: انا مش هبقي جراحه تجميل اصلا سامي: نعم؟! أدهم: زي ما حضرتك سمعت سامي: يعني تبقى ابن صاحب أكبر مستشفى تجميل فط دبي...
أدهم: التجميل بتاع الناس الفاضية و في ناس بتبقى تعبانه و عاوزه حد يعالجها بجد و طلالما دخلت الكليه دي يبقى اتخصص في حاجه اقدر اساعد بيها الناس و اخفف عنهم و على الأقل بدل ما أكبر دكتور جراحة تجميل ابقى دكتور أورام أو أمراض القلب اللي الناس بتموت منةا و مش بتلاقي علاج ليها و عملياتهم صعبه سامي بضيق: هايل يا ابن النشار و عايز اي كمان أدهم اتنهد و قال بهدوء: لا انا بقول لحضرتك بس عشان متتفاجش.
كانت كارمن تراقب أدهم بإعجاب و طبعا كانت فرحانه أن الكلام دا اللي بيقوله أدهم اخوها اللي معروف عنه أنه مستهتر و عايش الحياة و خلاص حتى لما دخل طب كان عشان طلب ابوه مش اكتر، و في نفس الوقت متفاجأة من طريقه كلامه سامي: طيب يا أدهم امل: خلاص يا سامي خلي على راحته سامي: لما نشوف أدهم: هتشوف امل: طب بكرا يا حبيبي هنتعشي برا أدهم: روحوا انتم انا مش هتعشي مع حد سامي بغضب: انت زودتها اووووي.
أدهم: انا حر و محدش لي كلمه عليا، انا طالع انام، تركهم أدهم و صعد إلى غرفته سامي: هو اتجنن ولا ايه، و لا انا اللي غلطان عشان سيبته يعيش على راحته امل: معرفش، ، دا انا كنت عايزها يجي معانا عشان يشوف البنت كارمن: هو لازم يعني؟ امل: اهااا لازم وبعدين انتي مش شايفه اخوكي بيتكلم ازاي؟ كارمن: بيتكلم ازاي؟ امل: يعني طريقته عاجبكي؟
كارمن: اول مره طريقته تعجيبني والله، كفايه انه قرر يعمل حاجه هو اللي يختارها يا ماما و فعلا كلامه صح امل: افوووو بجد سامي: مفيش كلام في البيت دا هيتنفذ غير بكلمتي، و الأستاذ دا انا هربي بمعرفتي واتفضلي على اوضتك يا هانم كارمن بأسف: حاضر يا بابا سامي: الحمد الله انك لسه فاكره اني بابا استيقظت سالي من نومها و خرجت من الغرفه... سالي: سهر، سهر... سهر: اي؟ سالي: انتي لسه ممشتيش سهر: لا لسه.
سالي: طب استنى هلبس واجي معاكي اصلي اتخنقت من القعده لوحدي سهر: ههههههه دا من امتى سالي: بقالي اسبوع قاعده زي الكلبه ولا حد بيخرج ولا بكلم حد فزهقت سهر: طيب يلا البسي بس بسرعه كان يوسف يجلس في مكتبه في الشركه، وأمسك هاتفه واتصل برضوي يوسف: عامله اي؟ رضوي: الحمد الله وانت؟ يوسف: تمام، ، اي اختفتي فين؟ رضوي: مفيش بس عشان بابا موجود وكدا فمش بنزل ولا بفتح نت و حاجه خنيقة يوسف: اممممم، متعرفيش حاجه عن ليليان.
رضوي: اممممم متصل عشان تسأل علي ليليان بقا يوسف: هههههه والله لا كنت بسأل عليكي رضوي: اممممم طيب يوسف: طب متديني رقمها رضوي: لا يوسف: بطلي رخامه رضوي: ليه؟ يوسف: بسأل عن صحابي رضوي: صحابي! يوسف: أنجزي يا تنحه... رضوي: ههههه حاضر هبعته على الواتس... قفلت رضوي معه و قامت بإرسال الرقم له... ذهبت ليليان إلى نجلاء في المنزل زي ما ابوها غصبها لأن ليليان مكنتش تحب عمتها و معاملتها ليها... نجلاء: تعالى يا ليليان.
كانت نجلاء يبدو عليها التعب و وجهها مشحوب و اصفر اللون و اصحبت نحيله... ليليان: ازيك يا عمتو؟ نجلاء: الحمد الله، وأكملت طبعا ابوكي خليكي تيجي غصبن عنك صح ليليان بتوتر: لا والله نجلاء بهزار: يا بت ليليان: عايزة حاجه اعملهلك نجلاء: لا يا حبيبتي متعمليش حاجه استغربت ليليان من طريقتها، وقالت ماشي! نجلاء: هو ابوكي في الشغل ولا اي؟ ليليان: اهااا نجلاء: اجازتك خلصت ولا لسه؟ ليليان: كلها يومين وهنزل.
نجلاء: ربنا معاكي ليليان: يارب نجلاء: انا هقوم اعمل حاجه نشربها ليليان: خليكي طيب انا هقوم نجلاء: ههههههه انا كويسه يا بت ليليان بتعجب: بس انتي... ابتسمت نجلاء وقالت: عندي فشل في القلب و حالتي الصحية مدمرة بس محدش بيموت ناقص عمر يا حبيبتي... ليليان بحزن و لمعت عينها بالدموع: لا اكيد هتخفي و هتبقى كويسه نجلاء: كله بإذن ربنا، هتشربي اي بقا؟ ليليان: اي حاجه نجلاء: ماشي...
قضيت ليليان اليوم كله مع نجلاء، والذي يتحدثان طول اليوم، و كانت حابه القعدة، تقريبا نجلاء كانت معاملتها متخلفة خالص معها نجلاء: مش هتمشي عشان متتاخريش ليليان: لا هابت هنا نجلاء: عشان امك متزعلش ليليان: اصلي مكسله انزل، ولا انتي بتوزعني يا نونو... نجلاء: هههههه لا يا ستي بأتي براحتك، انا هدخل انام ليليان: ماشي وانا كمان.
دخلت نجلاء إلى غرفتها، و دخلت ليليان إلى الغرفه الأخرى لكي تنام و لكن أمسكت هاتفها وجدت مكالمه فائته من أدهم... اتصلت بي أدهم: كنتي فين؟ ليليان: مكنتش سامعه الفون والله أدهم بغضب: ماشي، انتي فين من الصبح؟ ليليان: عند عمتو أدهم: ماشي... ليليان: اسفه أدهم: ولا يهمك ليليان حسيت انه صوته متغير أو في حاجه مضايقها: في حاجه مضايقك ولا؟ أدهم: لا مفيش، بس انتي عند عمتك ليه؟
ليليان: بابا زعقلي والصبح وقالي لازم اروح عشان هي تعبانه وكدا و يمكن تكون عايزة حاجه فجيت بقا، و قولت اقعد معها بدل ما اسيبها لوحدها أدهم: هي عامله اي؟ ليليان: مش عارفه شكلها تعبانه اووووي بس بتقاوم، تعرف انها اتغيرت اوووي الاول كانت بتعاملني وحش بس دلوقتي لا، معرفش دا ليه...؟ أدهم: طب هي بدأت علاج ولا لسه؟
ليليان: بدأت اهي و بيقولوا انها هتتدخل عمليات يمكن حالتها تتحسن بدل زراعة القلب لأنه صعب اوي توفير العضو، ، بس تفتكر في امل انها تخف؟ أدهم: اكيد في امل ليليان: يارب أدهم: معلش اتشغلت عنك الفتره دي بسبب الشغل ليليان: عارفه يا حبيبي انك مشغول... أدهم: بحبك ليليان: وانا كمان بحبك اوووووي... أدهم: هتنامي؟ ليليان: اهااا وانت أدهم: لا لسه شويه ليليان: هتعمل اي أدهم: ولا حاجه، بعمل أبحاث و كدا...
ظلت ليليان تحدث مع أدهم وقت طويل حتى أنهت المكالمه و بعد ذلك ذهبت إلى النوم... طرقت امل غرفه أدهم أدهم: ادخل دخلت امل إلى الغرفه امل: سهران ليه؟ أدهم: عادي امل: كنت عايزة اتكلم معاك أدهم اتفضلي امل: كنت عايزة اقولك علي حاجه أدهم: اممم اي امل: اكيد كارمن قاالتلك أدهم: قالت اي امل: انت عارف أدهم: مش موافق امل: ليه، انت حتى مجربتش أدهم: يا ماما انتي بتكلمي في اي بقولك مش موافق امل: طب مش لما تشوفيها تبقى تحكم.
أدهم: مش عايز هو الجواز بالعافية امل: والله البت حلوه، و كويسه وأهلها ناس محترمه أدهم: امممممممم امل: وانا عايزة أفرح بيك و بعدين انت كبرت خلاص يا أدهم أدهم: امممممممم امل: هما هيجوا بكرا أدهم: ربنا يسهل امل: يارب يا حبيبي انا هروح انام... أدهم: ماشي يا ماما استيقظت ليليان ف الصباح على صوت هاتفها يرن ليليان: الووو يوسف: انتي نايمه ليليان بصوت نعاس: مين؟ يوسف: كمان مش عارفيني يا خساره العشره.
فاقت ليليان من نومها وقالت يوسف صح والله مخدتش بالي من الاسم؟ -شفاف انا و بعدين لما انتي لسه مسجلة الرقم متصلتيش ليه؟ ليليان بحرج و انت عامل اي؟ يوسف: كويس يا ستي، مهنش عليكي تسالي عليا ليليان: حقك عليا يوسف: هههههههههه هتنزلي امتى؟ ليليان: كمان يومين بقا يوسف: امممممممم ماشي ليليان: هتنزل يوسف: أن شاء الله قفلت ليليان مع يوسف وخرجت من الغرفه كانت نجلاء قد أحضرت الفطار ووضعته على السفره نجلاء: صباح الخير.
ليليان: صباح النور نجلاء: كنتي سهرانه ولا اي؟ ليليان: اهاااا نجلاء: وكنتي بتتكلمي مع حد ولا اي؟ ليليان بتوتر: ايه نجلاء: اصلي صحيت بليل وسمعتك وانتي بتتكلمي في الفون ليليان بتوتر و قلبها وقع في رجلها لتكون نجلاء سمعتها و هي بتتكلم مع أدهم و هتقول لأبوها: ...
رواية لعنة حب
