رواية طغيان عاشق للكاتبة أسماء صلاح الفصل الأربعون
قامت نسمه تفتح و قال بدهشه طنط حكمت، اتفضلي... دخلت حكمت و تابعتها سمر و مايا و سلمت عليهم نسمه و قالت طب مش كنتي قولتوا انكم جايين مايا بعتاب يا اختي انتم الاتنين اختفيتوا و محدش شافكم و لما سألت سمر قالتلي و قولت اجي عشان اطمن على ليل... -استني بس يا نسمه السواق هيجيب الحاجه من العربية نسمه باستغراب هيجيب ايه يا طنط -شوية حاجات بسيطة كدا ليكي و ليل...
ابتسمت نسمه و قالت طب أدخلوا و انا هصحي ليل... طرقت نسمه الغرفة و بعدين دخلت و قالت ليل اصحى، أمك برا، يا ليل... ليل استيقظت و قالت بصوت ناعس عايزة ايه يا نسمه... -يا بت قومي بطلي كسل بقا... قامت ليل و قالت في ايه؟ -امك و سمر و مايا برا... -ماشي هقوم اغسل وشي و اغير و هطلع -اشطا بس بسرعه بقا، خرجت نسمه و ذهبت إلى المرحاض و غيرت ملابسها و خرجت ليهم، عناقتها والدتها و قالت بحنان عامله ايه يا حبيبتي؟
ابتسمت ليل و قالت الحمد الله كويسه -طب يا بنتي كنتي خليكي في المستشفي... -انا كويسه والله و منتظمة على العلاج، تنهدت حكمت و قالت طب خلي بالك من نفسك و لو في حاجه كلميني... ليل استغربت و قالت بس مايا... ضحكت مايا و قالت مراد حكيلي كل حاجه و جبت رقم سمر و كلمتها و ما صدقت عرفت انهم جايين... ابتسمت ليل و قالت والله الأرقام كلها ضاعت مني... -المهم انك كويسه يا حبيبتي... -الحمد الله...
قضوا يومهم معا و حكمت كانت سعيدة لأنها قدرت تقرب من بنتها، و كلهم كانوا بيتكلموا مع بعض و عديت ساعات و مازال الحديث مستمر حكمت نظرت إلى الساعة و قالت الوقت اتأخر اوي يلا عشان نروح يا بنات نسمه بحزن دا لسه المغرب... -مره تاني بقا... ليل بحزن طب خليكم هنا... طرق جاسر الباب و قامت نسمه و فتحت لهم و كان معاه مراد... نسمه بابتسامة اكيد جي عشان مايا... -اهاا بدل ما تروح لوحدها...
دخل جاسر و مراد، حكمت لما شافتهم قامت قائلة احنا هنستاذن بقا، يلا يا سمر... سمر سلمت على جاسر و مراد و قالت ماشي... -ليه يا مدام حكمت، ابتسمت حكمت و قالت انا هنا من بدري يا مراد، وقفت نسمه بجانب جاسر و وكزته... اتنهد جاسر و قال لسه بدري يا مدام حكمت... حكمت بابتسامة لا خلاص بقا، بس عايزة اتكلم معاك شويه و يكون برا... جاسر بتردد تمام اتفضلي نظرت حكمت إلى سمر و قالت خلصي يا حبيبتي و ابقى اطلعي...
خرجت حكمت مع جاسر و قالت أظن أن كدا كل حاجه انتهت جاسر باستغراب قصدك ايه؟ -يعني ان انا مش هسمح بحاجه تأذي بنتي و انا كل اللي عايزها انها تبقى كويسه حتى معرفش حياتها كانت ازاي معاك بس كل اللي انا طالبها انك تخلي بالك منها، و تحافظ عليها -انا بحبها...
-الحب مش كل حاجه يا جاسر في حاجات أهم يا ابني، الحب ممكن يكون دافع زيه زي حاجه في الدنيا بس في حاجات تانيه أهم، انكم تقدروا تتخلوا عن الحواجز و انكم تقدوا تصنعوا حاجه خاصه بينكم، يوم ما خلفت ليلياس كنت فرحانه أوي هي و اسيل كانوا أغلى حاجه عندي بس للأسف اتحرمت منهم و برضو لما الدكتور قرر يعملها إجهاض فهو عشان حالتها الصحية و على ما اظن انك كنت خريج طب و تقدر تقيم الحالة كويس و مش عايزة في يوم ترجعلي البيت و هي زعلانه منك خليك عارف انها اختارتك مع انها كانت ممكن تسيبك زي ما انت سيبتها، و اتنهدت قائلة و ياريت تفكر في موضوع نسمه و يوسف تاني عارفة انك و لا بتحبه و لا هو بيحبك بس هو اخو مراتك و هيبقي خال عيالك، و نسمه بتحبه...
-أن شاء الله... ابتسمت حكمت و قالت عليك برود يا جاسر مش على حد، ابتسم جاسر -يلا ندخل... دخلوا، و اخدت حكمت سمر و اصر مراد أن يوصلهم بسيارته ليل بسعادة كان يوم حلو اوي... رددت نسمه جدا الصراحه... جاسر بص ليهم و قال حلو من غيري هزت نسمه رأسها و قالت اهاا عادي -يارب امك تكلمك عشان تمشي... ضحكت نسمه و قالت لا هما ما بيصدقوا اني امشي اصلا و بعدين انا و هادي عاملين زي القط و الفار.
ابتسمت ليل و قالت بالعكس استاذ هادي محترم اوي جاسر بضيق و ايه كمان يا اختي -دي كلمة حق بس يا جاسر انا مقصدش حاجه... -ماشي المهم بقا حاولي متتحركيش كتير... ليل بيأس يا جاسر انا بطلع من الاوضه بقعد على الكنبة... -معلش عشان الخمس شهور دول يعدوا على خير و متتعبيش تاني... -حاضر يا حبيبي...
بعد مرور خمس شهور، استعدت ليل ليوم ولادتها و كانت تخشى بأن يحدث لها شي... نسمه بخوف متقلقيش يا ليل خير ان شاء الله و بعدين انتي بقالك اسبوع في المستشفي... اتنهدت ليل و قالت خايفه اوي بجد حاسه اني هموت... نسمه بعتاب ونبي متخوفنيش بقا... رتبت عليها سمر و قالت يا ستي تفائلوا بالخير تجدو و بعدين الدكتور قال تمام الحمد الله الضغط مظبوط -هي ماما فين؟
نظرت سمر إلى نسمه و قالت برا بس هي قلقانه شوية فمش عايزة تتدخل عشان متخافيش... -لا خليها تتدخل ونبي... تنهدت نسمه و خرجت و قالت طنط حكمت ليل عايزكي... مسحت حكمت دموعها و دخلت معاها و قالت مالك يا حبيبتي... -مفيش بس انتي قاعده برا ليه؟ -عادي يا بنتي... طرق جاسر الباب و قال العمليات جهزت يا ليل ليل بخوف جاسر انا خايفه اتنهد جاسر و قال متخافيش يا حبيبتي خير ان شاء الله...
انتقلت ليل إلى غرفة العمليات و كان بالخارج الجميع ينتظرها... و بعد مرور ساعتين، خرجت لهم الدكتورة و قالت الحمد الله البيبي بخير، ولد و بنت و هي انقل ليها دم و هتتنقل العناية... حكمت بلهفه يعني هي كويسه ولا؟ -أن شاء الله هتبقى كويسه ادعولها تفوق على خير... نسمه بقلق ربنا يستر... سامي اتنهد و قال خير يا حكمت أن شاء الله -ربنا يستر...
جاسر راح ليها و دخل، و جلس بجانبها و قال ونبي يا ليل بلاش تفضلي كدا و قومي، انا مش هقدر اعيش من غيرك...
مرت ساعات و فاقت ليل و انتقلت الى غرفة أخرى... جاسر كان قاعد جانبها، ابتسمت ليل و قالت بوهن انا بقيت كويسه... -بلاش تتكلمي غلط... و ردت عليه حكمت و قالت ونبي اسمعي كلامه لحد ما تبقى كويسه... -طب هو انا جيبت ايه؟ قبل جاسر يدها و قال آدم و سيلين زي ما قولتي... -شوفتهم؟! -هما برا مع نسمه و سمر... -انا عايزة اشوفهم... برا نسمه كانت شايله سيلين و قالت قموره اوي و عينها ملونه زي ليل..
يوسف كان واقف جانبها و قال عقبال ما تشيلي عيالنا... نسمه احمر وجهها بخجل بس بقا لحد يسمعك -ما انتي اللي مش موافقه و بعدين هنستني ايه تاني هو اخوك دا اللي خانقنا في حياتنا ضحكت نسمه و قالت نفسي اعرف بتكرهوا بعض ليه؟ -طب ما تجيبي بوسه عشان بنت اختي القمر اللي انتي شايلها دي... ضربه هادي خلف رأسه و قال بتقول ايه؟ تحمم يوسف قائلا احم احم منور يا هادي انت هنا من امتى...؟ -مش عيب تعاكس اختي.
-فين دا انا بعاكس سيلين... نظر له هادي بعدم اقتناع و قال طيب، هي جابت سيلين هزت نسمه رأسها و قالت و أدم بس هو مع سمر، وهي واقفه مع مايا و مراد... هادي بص عليهم و قال امممم مايا، ما تشوف اختك يا جميل... يوسف بخبث ما تروح انت تشوف اختي بما انك ابن خالها و انا هشوف اختك بما انها بنت عمتي... اقتربت منهم مايا و قالت ازيك يا هادي... -تمام و انتي -الحمد الله، نسمه ليل عايزة سيلين...
-حاضر انا هدخلها، نظرت مايا على سيلين و قالت بسم الله ما شاء الله جميلة اوي... رد يوسف بثقة هتجيب الحلاوة من برا طالعه لخالها ضحكت مايا و قالت لا الصراحة هي فيها شبه من ليل... -طب يلا ادخلي يا نسمه و خدوني معاكم و أنت خليك برا يا يوسف بدل ما انت و جاسر تتضربوا بعض جوه... دخلوا إلى ليل و أعطيت لها نسمه سيلين و قالت حلوه اوي.
ابتسمت ليل و حملتها و قبلت جبنها و بعدين بصيت لجاسر و مددت يدها و قالت حلوة زيي... جاسر ابتسم و خدها منها و قبل جبنها... حكمت كانت شالت آدم و قالت واضح انكم نسيتوا آدم... طرق باب الغرفة و دخل ممدوح و مني... و طبعا كلهم ملامحهم اتغيرت بما فيهم حكمت و سامي لأنهم مكنوش عايزين مشاكل... مني بابتسامه مبروك يا ليلياس ابتسمت ليل و قالت الله يبارك فيكي، نظرت مني إلى جاسر وقالت مبروك يا جاسر...
رد جاسر باقتضاب الله يبارك فيكي، و همس لي ليل قائلا انا هخرج... اخذ جاسر مراد و لسه هيخرجوا من الاوضه اوقفهم ممدوح قائلا استنى يا جاسر... زفر جاسر بضيق و فتح الباب ليخرج...
رواية طغيان عاشق
