رواية لم تكن خادمتي الجزء الثالث بقلم أميمة خالد الفصل التاسع
طارق: تؤ تؤ عيب كنتي اطلبي مني يا حبيبتي خديجه بصتله و تنحت وجسمها تلج و اترعش من الخوف ... طارق مشي ناحيتها وحط ايديه علي كتفها وهي اتنفضت طارق ضحك: لاء متخافيش انتي شجاعه بقالك فترة اصل انا عارف كل حاجه استني كده اسر كلمك عشان يتفق معاكي انه يقابلك وانتي قولتي لاء..
Flash back في مكتب خديجه الفون رن وكان رقم غريب خديجه: ولو مين اسر: انا اسر يا خديجه خديجه: ايه ده اسر انت خرجت امتي وعامل ايه اسر: انا كويس بس بقولك اوعي تعرفي طارق اني بكلمك..
خديجه: ليه في ايه؟ اسر: عايز اشوفك وافهمك خديجه: مش عارفه ههرب ازاي من طارق بس هحاول بعدين قامت خديجه مكتب طارق عشان تكمل شغل لحد وصول سماح و خروج خديجه من مكتب طارق متعصبه جدا واول ما خرجت كلمت اسر خديجه بعياط: ايوه يا اسر اسر: مالك في ايه ؟!
خديجه: لما اشوفك بقي انا هبعتلك اللوكشن دلوقتي تجيلي تمام ؟ اسر: تمام مسافة السكة بس راحت خديجه استنته وكان وراها راجل طارق البيبعته يراقبها اسر: خديجه مالك في ايه بتعيطي ليه؟ خديجه: بعدين مش مهم قولي بس في ايه..
اسر: فيه ان طارق خرجني عشان ينتقم من حازم تاني عايز يقتله بعد ما يخرب بيته تاني خديجه مسحت دموعها: حازم ليه اسر: انتي عارفه انه بيكهروا وانا مش عايز أذيه مهما كان الحصل خديجه: طارق رجع تاني لشغله الغلط وانا خايفه منه فعلا اسر: لازم نتفق مع حازم..
خديجه: مش هيرضي بعد المشاكل دي والعقربه المعاه اسر: لاء مش مهم هنقوله ونتفق اكيد مش هنسيبه لطارق ولا ايه خديجه: اكيد رن فون خديجه... يالهوي ده طارق اسر: انا هخرج دلوقتي خلاص سلام و هكلمك We are back.
طارق: شوفتي بقي انا عارف كل حاجه ازاي وانتي مفكراني اهبل خديجه وشها ازرق من كتر الخوف وطارق حط ايديه علي وشها، انتي استغليتي حبي ليكي وانا سيبتك، مكفكيش واحد بيحبك وخلاكي ام وانتي معيوبه و عيشه أميرات بس حبك للخاين خسرك وهيخسرك..
خديجه: انت مبتحبنيش انت بتحب نفسك وكل حاجه تبقي بتاعتك وانا مش من الشارع انا كنت عايشه عيشة الاميرات دي عند بابا وفي الحلال مش شغل كله حرام زيك وشغل عصابات وقتل حتي تمارا صاحبتك سيبتها الموت..
طارق ضحك: تمارا دي شيطانه هي البتنقي شغلها اقولك علي سر انا اصلا عندي كوم بنات زيها بس لشغل صغير تلف علي راجل شايب تاخد منه فلوسه وتجيبهالي شوفتي بقي بس تمارا كانت ايه ( وغمز بعينه) بطل مشوفتش في جمالها ف كانت بتختار شغل وعمليات الشباب و ضحك طارق يعني انا كسبت ثواب في صاحبك اسر ده..
خديجه عيطت: للدرجه دي انا عايشه مع واحد حقير طارق ابتسم: اه ورصيدك خلص ومحدش في البيت هنا غيرنا دلوقتي عشان انتي لازم تتحاسبي خديجه انكمشت في نفسها انت هتعملي ايه انا ممكن اوديك في...
طارق: شششش اسكتي انا مش عايز ازعق... شدها طارق من دراعها وضغط عليه جامد ومشي بيها لحد المطبخ وجر الحيطه التركيب خديجه شهقت من الخضه طارق بصلها وضحك: شوفتي مكنتيش ست بيت شاطرة ازاي معرفتيش كل ده ايه دي فتحها و دخلها اوضه ضلمه وبصلها وشق فستانها وشاله من عليها خديجه بعياط: طارق هتعمل ايه يا طارق أرجوك..
طارق: انشفي بقي الفستان ده بلاش منه وشدها علي مربع حديد وفيه سلوك كتير و سلاسل شدها ليهم ... خديجه قعدت علي الارض ورافضه تقوم ومنهاره... لاء يا طارق بالله عليك وحياة اياد متعملش فيا كده ابوس ايديك طارق بزعيق وصوت جهوري: قوووومي بقي انا تعملي فيا كده قووومي وجرها من شعرها وثبت ايدها ورجلها في السلاسل وهي بتعيط و بعد عنها ومسك ريموت وابتسم واول ضغطه خديجه صوتت بأعلي صوت طارق: ايه يا بيبي الكهرباء وحشه ولا ايه انا حتي مستخسرتس فيكي فولتات..
وابتسم وداس تاني و خديجه صوت صويتها علي اكتر طارق: لاء قلبي هيتقطع لف وراه وجاب جردل مياه مش نضيفه و دلقها عليها خديجه من الصويت والانهيار فقدت الوعي وهو بصلها و ابتسم وصورها وخرج وسابها مع اتنين رجالة طارق: فوقوها و ربوها بنفس الطريقه من غير ما تموت..
وحازم قاعد في البيت مع نورا و ولادهم سوا الباب خبط جامد اتخصوا كلهم حازم: مين؟ اسر بخوف: انا يا حازم افتح بسرعه فتحله حازم مخضوض: في ايه اسر: خديجه مبتردش يا حازم اكيد عمل فيها حاجه حازم بخوف: لاء لاء اكيد..
و سمع اسر صوت رساله علي فونه فتحها بسرعه هو وحازم كانت خديجه وهي متعلقه وفاقده الوعي اسر اول ما شافها كده دموعه نزلت عليها حازم بذهول: لاء مش ممكن ابدا وسمعوا صوت رساله تاني ( لما انتو رجالة كده كنتوا تعالوا بنفسكوا مش باعتين واحده ست )..
اسر بعصبية وعياط علي خديجه: وحياة امه لابلغ عنه وهروحلها حازم: لاء يا اسر معكش دليل وهو اكيد عمل كده عشان نروح لا هنفيدها ولا هنخرج كلنا اسر بزعيق: يعني ايه ما الصور اهي حازم: يا اسر ده بكل بساطه مش رقمه و منعرفش المكان احنا منعرفش حاجه خالص اسر بص بعينه لقي حازم ابنه خايف من شكله و العيال خايفه وماسكين في امهم..
اسر: انا نازل لو هتيجي نفكر تعالي مش هتيجي عرفني و اروح ليها انا حازم: اكيد مش هسيبها دقيقتين و هاجي اسر: هستناك تحت بسرعه غير حازم هدومه و خد معاه غيار من عند نورا عشان شاف شكلها في الصورة و خد ورق وهو نازل وقفته نورا نورا بخوف: رايح فين وهتعمل ايه..
حازم بعصبيه: نورا مش وقته خديجه طارق ييعذبها وهيموتها وهي حطت نفسها في الخطر ده عشاني وعشان ولادك مش هسيبها حتي لو هموت جري حازم نزل تحت و نورا فوق ميته من القلق اسر: هتعمل ايه حازم: الحاجات القديمه الجمعناها دي هسلمها للبوليس دلوقتي و بعت رسالة الرجالة يجول معانا علي بيته اسر: انت عرفت منين انه في بيته ؟
حازم: انا كنت بمشي وراها مجدي و هو قالي علي السلم وانا بكلمه ان محدش منهم خرج اسر تمام و بيسوق بسرعه ... حازم: اقف هنا اسر: ليه ؟ حازم: اقف يا اسر وهفهمك ... وقف اسر علي جنب وجيه وليد اسر بإستغراب: ايه ده وليد وليد بص لأسر بقرف وكره... نزل اسر و حازم حازم: جبتهم يا وليد؟
وليد: ايوه ملك ساعدتني طبعا وجبنا كل حاجه من لاب فايزة كانت داخله معاه اخر صفقه دي جبتها وجبت اتفاقات بنهم تخصك انت واستاذ اسر وابنه كله هنا في اللاب اسر: نعم عمتي وطارق مش فاهم..
حازم: عمتك طول عمرها بره وطبعا طارق بيشتغل جوه وبره وعلي مستوي عالمي و عرف ان هي عمتك و خلاها تسم في ودن ابنك... كمان هي استلمتك من المستشفي بما ان هي عمتك اسر: مش ممكن حاسس اني في حلم حازم: معلش مش وقته يلا رجع وليد وهو في قمة حزنه ملك: ادتهم الحاجه وليد بجدية: ايوه..
ملك: وليد انت قولت ماما مش هيحصل ليها حاجه وليد: ايوه يا ملك مستر حازم قالي كده ملك: مالك يا وليد؟ وليد: مالي؟ ملك: طريقتك و ... وليد: اسكتي مش غير جملة وبعدها ياريت منعرفش بعض تاني ( انا سمعت كل كلامك مع اسر يا ملك كله ) لف وليد ومشي وملك واقفه مصدومه وحاطه ايديها علي وشها بس حست ان في حمل كبير اوي علي قلبها اتشال..
فايزة في بيتها رايحه جايه لحد ما الفون بتاعها رن جريت فايزة وردت ... ايوه يا طارق طارق بزهق: في ايه انا مش فاضي فايزة: ملك يا طارق ملك خدت اللاب العليه شغل طارق بصدمه: ااا ايه..
طارق دخل في قمه غضبه عند خديجه الفايقة وميته من التعب من التعذيب ... طارق بصوت عالي وكله غضب: اطلعوا كلكو الجنينه بره خديجه بتعيط بشحتفه وخوف طارق انا تعبت بجد قولي عايز ايه وهعمله بس ارجوك ارجوك بلاش كهربا ( وعلي صوت عياطها ) كهرباء لاء وحياة اياد طارق بغل: انتي دمرتيني انا هوريكي و فتح الكهرباء وعلاها..
اسر وقف بالعربية قدام فيلا طارق و وراهم عربية الرجالة نزلوا جري كلهم وشافوا كل رجالة طارق بره وهو مش معاهم اسر: يلا يا حازم بالله عليك بسرعه دخلوا بهدوء و رشوا رش يسيب الاعصاب و ينيم لحد رجالة طارق ما حسوا كانوا بدأوا يقعوا نايمين ورجالة حازم كتفوهم و كتمو بقهم حازم دخل واسر وكان طارق بيطفي فيها سجاير و خديجه بصوت وهما ماشين ورا الصوت لحد ما وقفوا عن الحيطه في المطبخ اسر: دي حيطه..
حازم: لاء الصوت جاي من وراها... فضلوا يبصوا لحد ما الحيطه اتفتحت فعلا و قدامهم خديجه جسمها عريان تقريبا وكله ازرق ودم و قدامها طارق واسر فضل يبص عليها مش مصدق ومع صوت طارق..
طارق بصلهم بإستغراب انتو ازاي دخلتوا هنا ... فاق اسر علي صوته وجري علي طارق خنقه حازم: لاء يا اسر ابعد متقتلش تاني روح فك خديجه قام اسر من فوق طارق و خد كيس الهدوم من حازم وراح لخديجه و حازم فضل يضرب في طارق و طلع فيه كل غله... اسر فك خديجه بصعوبه جدا و خديجه وقعت اول ما اتفكت فاقدة الوعي..
وصلت الشرطه وقبضوا علي طارق و خديجه اتنقلت المستشفي و اسر وحازم في مستشفي مستنينها تخرج وخرجت فعلا جسمها مش باين من الزرقان والضرب اسر: يا خبر نجيب ليها باباها حازم وعينه كلها عياط عليها: لاء بلاش ده راجل كبير اسر: خلاص ندفع لممرضه هنا تبقي معاها دايما جت من وراهم نورا وفي ايديها شنطه هدوم .. روحوا انتو وانا هفضل معاها..
رواية لم تكن خادمتي الجزء الثالث بقلم أميمة خالد الفصل العاشر
حازم بإستغراب: نورا! نورا قربت منه ... لما كلمتني وقولتلي الحصل وانا عارفه ان هي لوحدها اكيد عمري ما هسيبها كده جبت غيارات و حاجات روحوا انتو تعبتوا اسر بصلهم و بص لحازم.. هستناك تحت حازم هز راسه: تمام... قرب منها حازم وحضنها جامد اوي من تعب اليوم والأعصاب... انتي مش متخيلة المجهود العملته عشان اخلص كل ده بالظبط و من غير اي غلطه حقيقي مش مصدق نفسي..
نورا ابتسمت: عشان انت تعبت كتير انت واسر و خديجه كمان شكلها تعبانه حازم: نورا ممكن اطلب منك طلب نورا: انت تؤمر يا حبيبي حازم: لما خديجه تخرج ناخدها معانا البيت لحد بس ما تتحسن والدهاكبير وتعبان و مامتها متوفيه و... نورا قاطعته: ششش انا مش هرفض اكيد حالتها متسمحش لأي حد انه يرفض حازم بإبتسامة: ربنا يخليكي لينا، فين الولاد..
نورا: سيبتهم عند مدام اسماء متشغلش بالك انت خد اسر و روحوا ارتاحوا شوية ولو في حاجه هكلمك حازم: تمام انا هسيبلك مجدي تحت لو في حاجه بعربيه اتحرك حازم ونزل لأسر وراحوا البيت عند حازم سماح في شقتها و معاها اياد زي ما طارق قالها و قاعدة الفضول هيموتها ليه حازم طلب منها كده و خديجه ازاي سمحت وفاقت من تفكيرها علي صوت اياد... انا عايز ماما وبابا..
سماح بحب: يا حبيبي هما في مشوار اياد بعياط: خلاص خليني اكلم ماما هي بتكلمني حتي لو بره مشغولة سماح لنفسها: للدرجه دي حبيت ابن مش ابنها وقلبها شاله كده اياد بعياط وخوف: عايز ماما سماح: حاضر يا حبيبي هكلمهم رنت سماح كتير و التليفونات مقفولة قلبها اتقبض وقررت تنزل تشوف بنفسها في ايه..
دخلت نورا أوضة خديجة وكانت نايمه ووشها مفيش فيه ملامح من الضرب والتعب وجسمها مليان زرقان... نورا صعب عليها شكل خديجه اوي و مقدرتش تمسك دموعها وقعدت علي كنبه قصادها تفكر قد ايه الحياه قاسية وقدام الفلوس والراحه المادية في تعب كبير اوي خديجه كانت غنيه بس ملهاش ام اخت صديقه بنت متوفقتش في جوازها ومن بره بنت جميلة متعلمه غنية عندها كل حاجه وبعد ساعات و نورا قاعده بتفكر لسه..
خديجه بتعب: اااه ااه قامت نورا جري عليها ولقيتها مغمضه عينها و بتصوت نورا خافت جدا معرفتش تعمل ايه خرجت ندهت علي ممرضة ودخلت ممرضتين ودكتور وخرجوها بره و صوت الصويت فضل يزيد لحد ما اختفي ... خرج الدكتور وبص لنورا: انتي معاها ؟ نورا: ايوه انا الدكتور: هي عندها صدمه بسبب العنف و انا اديتها مهدئ حاليا واول ما تقدر وتقوم البوليس هياخد أقوالها نورا: اه شكرا يا دكتور... ودخلت ليها تاني..
حازم و اسر في بيت حازم جابوا عشا وقعدوا سوا ياكلوا في هدوء بعدين اسر ضحك كتير اوي بشكل هستيري وحازم بصله وضحك حازم: بتضحك علي ايه؟ اسر: بقالنا كتير مقعدناش كده يا حازم حازم ابتسم: فعلا زمن طويل اسر: بس انت شكلك كبرت وعجزت حازم بضحك: فشر يا حبيبي انا لسه مز والبنات بتحبني اسر: الله الله بتلعب بديلك من ورا المدام..
حازم ضحك: العيال قطعوا ديلي بس المهم خلصنا من طارق اسر: اوف يا اخي ده كابوس حازم: لازم برضو ناخد بالنا لحد ما نتأكد انه اتعدم عشان ميخرجش ويهرب تاني اسر: لاء متقلقش انا متابع بس المهم هنام فين حازم: في اوضه ابنك هتلاقي فيها حمام و هجيبلك هدوم عشان بدوب نريح و ننزل ال صبح اسر: حازم اياد ابن خديجه لازم نجيبه..
حازم: خديجه مبتخلفش ده ابن طارق اسر رفع حاجبه: ابن الجن الأزرق طفل و خديجه المربياه هنسيبه! حازم اتنهد: لاء يا اسر هدور عليه واجيبه دخل اسر اوضه ابنه وشاف صوره فيها وفضل يبص و يبتسم ليهم و شاف كل حاجه تخصه لحد ما نام من التعب
سماح نزلت بليل وراحت الفيلا و شافت هناك عساكر قربت سماح علي حد منهم سماح: سلام عليكم العسكري: وعليكم السلام نعم سماح: انا كنت شغاله هنا وبتصل بأهل البيت عشان الاجازة وكده محدش بيرد العسكري: اسكتي ده ربنا رحمك ده الراجل صاحب البيت طلع بيتاجر في المخدرات والسلاح وضارب مراته ومكهربها مفتري منه لله واتقبض عليه سماح برأت: يالهوي كل ده..
العسكري: امال ايه ربنا نجدك مشيت سماح ومش مصدقة وبتفكر كده ابنها معاها بس هتقوله ايه وهتصرف عليه ازاي زي ما كان وتروح لطارق ولا لاء ! في صبح يوم جديد... خديجه بتفوق تصوت وتاخد مهدأ وتنام و عند حازم كان صحي و كلم نورا اطمن منها لحد ما يروح ليهم وسمع جرس الباب وراح يفتح شاف ولاده جاين مع اسماء اسماء: انا اسفه بس بجد مسكتوش وعايزين يجوا...
حازم: احنا الاسفين تعبنا حضرتك اتفضلي اسماء: لالا شكرا هستأذن انا دخل التلاته ولسه هيسألوا شافو اسر خارج من اوضه حازم ابنه حازم بإستغراب: بابا اسر: ايه ده جيتو امتي حازم الكبير ضحك: انا هنزل اتابع الامور وانت خليك معاهم بقي سلام سماح اول ما النهار طلع راحت لبست وطلعت علي القسم تشوف طارق وقابلها وهو مولع وشكله كله غضب سماح خافت ومعرفتش تنطق: أ أ...
طارق: ما تنجزي يا بت سماح: اعمل ايه مع اياد طارق ضحك بخبث هقولك تعملي ايه...
رواية لم تكن خادمتي الجزء الثالث بقلم أميمة خالد الفصل الحادي عشر والأخير
طارق: انا الرماني كده خديجه ... روحي ليها المستشفى كأنك بتساعديها واقتليها واخلصي منها سماح اتخضت من كلامه وخافت... ها هحاول ماشي وقامت مشيت علي طول مدتش لي فرصة تاني يتكلم..
طول الطريق فكرت مع نفسها... عمري اكيد ما اعمل كده وبعدين دي مربية ابني ومعلماه انا هعرف طريقها واديها اياد و اتحايل عليها أفضل معاهم زي ما انا راحت سماح البيت عند طارق واتحايلت علي العسكري يدخلها ويدخل معاها تجيب حاجات لأياد ودخلت و جابت فون خديجه كان طارق حاطه في اوضته و شافت اخر رقم كان اسر..
نزلت سماح واول ما خرجت كلمت اسر اسر:الو مين سماح: انا سماح شغاله عند مدام خديجه و معايا اياد اسر بلهفه: قوليلي طيب اجيلك فين سماح: هقولك العنوان... قالتله العنوان و هي بتعدي الشارع عربية خبطتها و ماتت...
اسر راح بسرعه علي العنوان كان اياد هناك لوحده اسر: ازيك يا اياد اياد معيط: حضرتك تعرفني اسر: طبعا يا حبيبي واعرف خديجه اياد: هتوديني لماما اسر: ايوه تعالي واسر شايله و نازل جاله مكالمه من سماح اسر: ايوه يا سماح ان...
راجل: حضرتك صاحبه الرقم عملت حادثة وتوفت وده اخر رقم كلمته لو تعرف حد من أهلها اسر بحزن: لا اله الا الله قولي اسم المستشفي خبط اسر علي شقه وفيها صاحبه سماح وبلغها العنوان والحصل ومشي بأياد عند حازم، وفضل اياد مع حازم لحد خروج خديجه من المستشفي
( بعد مرور اسبوعين) حازم صحي بدري و قام اتكلم في الفون وقلقت نورا علي صوته نورا: بتعمل ايه و ايه مصحيك بدري حازم: مفيش النهارده الحكم علي طارق في لازم اعرف نورا: مممم وهتعرف منين حازم:المحامي هناك هيبلغني نورا: طيب انا هخرج اشوف خديجه والعيال..
حازم ابتسم وقرب منها باس راسها: ربنا يخليكي ليا تعبتك جامد اوي في موضوع خديجه نورا ابتسمت: مفيش تعب ولا اي حاجه دي مريضه و تعبانه وكمان انا بثق فيك جدا حازم: ربنا يخليكي ليا خرجت نورا تشوف خديجه ولقيت باب اوضتها مفتوح شوية خبطت براحه خديجه بهدوء: اتفضل نورا دخلت مبتسمه: صباح الخير..
خديجه بإبتسامه هادية: صباح النور تعالي نورا شافتها بتحط هدومها في شنطه و اياد ابنها معاها ... انتي بتعملي ايه خديجه: انا همشي نورا: ليه حد ضايقك خديجه مبتسمة: لاء خالص بس انا بقيت كويسه و لازم امشي وشكرا ليكي بجد عمري ما هقدر اشكرك علي العملتيه معايا وقربت خديجه منها وحضنتها..
نورا: طيب اياد خد علي اللعب مع العيال هنا خديجه: هجيبه طبعا كل فترة ليهم نورا: مين طيب هيوصلك وسمعوا صوت الجرس و حازم الصغير بيقول بابا جيه خديجه ضحكت: اسر طبعا..
أسر وصل خديجه و اياد بيت باباها وبقيت تدير هي الشركة مكان والدها الكبر وتعب اسر بعد ما وصلها راح لملك زي ما بيروح يقعد معاها كل يوم وهما قاعدين بيهزورا اسر: تتجوزبني ملك تنحت: قولت ايه ؟ اسر ضحك: تتجوزيني ملك ضحكت وفرحت اوي وحركت راسها بمعني اه وفون اسر رن ... اكيد ده حازم الفصيل اسر: الويا حازم في ايه..
حازم بفرحه: طارق خد حكم نهائي بالاعدام اسر ضحك: الحمد لله دي الاخبار الحلوة فعلا بعد 7 شهور حازم: يلا يا نورا هنتأخر علي الفرح نورا: خلاص اهو بسرح حورية بس حازم: طيب هنزل انا وحازم و حمزه نستناكو تحت وكانوا التلاته لابسين نفس البدلة ونزل وراهم نورا و حورية لابسين نفس الفستان برضوا..
خديجه: يا اياد اقف كويس اظبطلك القميص عشان نلحق الفرح اياد: هشوف حازم و حمزه و حورية خديجه: لو اتعدلت هنخلص و تشوفهم اتجمعوا كلهم علي ترابيزة واحده في فرح اسر وملك وكانوا فرحانين جدا من فترة كبيرة محدش فيهم فرح كده وبعد 9 شهور في مستشفي خاصه ملك ونورا بيصوتوا داخلين العمليات للولاده وبعد فترة..
الممرضة لحازم: مبروك بنت زي القمر ... هتسميها ايه حازم: نور وبعد دقايق الممرضه لاسر: مبروك ولد زي القمر ... اسمه ايه اسر وبص لحازم وضحك: نور. تمت نهاية الرواية أرجوا أن تكون نالت إعجابكم
رواية لم تكن خادمتي
