رواية لم تكن خادمتي الجزء الثالث بقلم أميمة خالد الفصل الثالث
وصلت نورا البيت و غيرت لولادها و نيمتهم و دخلت اوضتها وكان حازم صاحي طبعا نورا: ايه المصحيك لحد دلوقتي يا حبيبي حازم ابتسم: هنام ازاي قبل ما اطمن انكوا وصلتوا بخير... القاعدة كانت حلوة؟ نورا: ايوه ... انت يومك كان حلو النهارده؟
حازم: يعني ماشي حاله يلا ننام عشان نخرج انا وانتي بكره زي ما اتفقنا نورا: انصرفت في موضوع العيال؟ حازم: ايوه دادة نادية هتيجي بكره ليهم طفوا النور و كل واحد خد جنب بيفكر في الرسالة لحد ما غلبهم النوم لحد تاني يوم الصبح صحيت نورا و ملقتش حازم جنبها قامت صلت الصبح وخرجت كان حمزة قاعد مع حازم ابوه بيلعبوا..
حمزه جري علي نورا لما شافها: صباح الخير يا ماما نورا باسته: صباح النور يا حبيبي... ايه يا حازم فين حورية وحازم حازم: نايمين حمزة بس الصحي... اجهزي دادة نادية علي وصول خلاص
اسر وصل شقته القديمة وفي ايديه شنطة هدومه قفل الباب وافتكر كل ذكرياته وايامه الحلوة و الوحشه و هزاره مع ابوه وجوازه و ابنه و...تمارا نزلت منه دموع وقعد سند علي اقرب حيطة وافتكر
دخل اسر مكتبه: تماااراا تمارا بهدوء: افندم اسر: عايز قهوة دماغي هتنفجر تمارا: حاضر غابت خمس دقايق ورجعت بالقهوة علي وشها ابتسامه خبيثة وأسر ما صدق مسك القهوة وشربها وهي واقفة قدامه بنفس الابتسامه تمارا: الف هنا اسر: انتي بتحطي ايه في القهوة دي تمارا: هحط ايه يعني ده نفسي حلو بس..
قام اسر في اللحظه دي مسكها من دراعها بغل... بت هتستعبطي هو انا اهبل بتحطي ايه في القهوة تمارا بمنتهي الثبات: حشيش بحس انك جاي مش مبسوط ف بحاول ابسطك ... عجبتك الدماغ مش كده ؟ اسر... تمارا انا فيه يوم كامل من حياتي مش فاكره دورت في الفون في الكاميرات مفيش اي حاجه انتي بس العارفه انا واثق..
رجع اسر من تفكيره و ذكرياته وقام دخل اوضته وفتح شنطة هدومه وطلع منها حشيش ولفه و ولعها لكن الحقيقة عمر الحشيش مع عمل معاه مفعول القهوه ف اكيد هي مكنتش بتحط حشيش زي ما قالت اسر عمره ما ندم علي انه قتلها و مش دايما المخدرات بتريح بتفتح باب تفكير مش بيتقفل هو فعلا نورا كرهته؟ هي حبيته اصلا؟ ولا حبيت صاحبه وفلوسه؟ هي ما صدقت واتجوزت حازم مبعدتش حتي و ربت ابنها فضل التفكير شغال هو كان بطل إدمان في المصحه بس رجع تاني اهو للإدمان رجع لنقطة الوجع..
حازم ونورا في العربية في صمت تام و جو مشحون من غير سبب واضح قطع حازم الصمت ده حازم: ساكتة يعني وكأنك خارجه مغصوبة او مع حد غريب نورا:ليه يا حبيبي بتقول كده؟ ...انا بس بقول نخلي الكلام لما نوصل حازم:مممممم افضل فعلا بس ده ميمنعش ابدا اني اشوف ضحكتك ابتسمت نورا: واضح ان فيه حاجات هتختفي حازم: او هتوضح
وليد كان بيحاول بكل جهده يوصل لملك كان زي المجنون فجأة من غير اي مقدمات هي اختفت حرفيا ولا بتروح الشغل ولا بترد علي مكالمات او رسايل حتي لما راح ليها البيت قالوا لي ان هي مشيت..
طارق: صباح الخير يا حبيبتي صحي طارق وكان قاعد مكانه علي السرير مش مصدق ابدا ان حلمه اتحقق ابقي قدامه خديجه بنوم: صباح النور ...الساعة كام؟ طارق: 8 بالظبط خديجة: يا نهار ابيض الباص اياد المدرسة ضحك طارق عليها جدا: اهدي النهارده السبت اجازة قعدت خديجة وخدت نفس طويل ... اخص عليك يا طارق بتضحك علي ايه انا اتخضيت..
طارق مسك ايديها وباسها سلامتك من الخضة قومي نفطر يلا "انت مجبر علي العيش مع مجموعة من المنافقين والموهومين و الكذابين مع عدم وجود طاقة لاحتمال كل هذه التفاهات" فرانز كافكا..
المنقوله الأقرب لقلب حازم دايما في اي موقف بيخرجه عن شعوره بيفتكرها عشان بتحكم في انفعاله وصل حازم و نورا شفتهم القديمه اول ما عرفوا بعض كانت متزينه بجو رومانسي ورد و شموع دخلت نورا الأول و انبهرت بالمكان طبعا نورا وهي بتتمشي في الشقه و حازم وراها ... الله بجد حلوة اوي انا بحب الشقة دي جدا يا حازم ولفت وحضنتوا وبحبك انت كمان جدا حضنها حازم بعدين بعد عنها خطوتين ... انا شايف في ان في حاجات كتير محتاجين نتكلم فيها نورا ... فعلا زي ايه ؟
فتح حازم تليفونه و قالها زي الصورة دي مثلا كانت صورتها وهي واقفه مع أسر اخر مرة رجعت نورا خطوتين لورا و قالتله او كده يا حازم في اللحظة دي طلعت الفون بتاعها وفيه صورته مع خديجة في النادي..
حازم سكت ثواني يفكر وحط ايديه الاتنين علي راسه و رفع وشه وبص لنورا البتبصله بإستغراب نورا: في ايه؟ حازم: تفتكري متفقين؟ نورا: هما مين اسر وخديجة بصلها حازم وسكت حازم: قومي تعالي معايا نورا: علي فين وبعدين انت مقولتش بردو الحصل حازم شدها من ايديها وخرجوا و ركبوا العربية نورا بعصبيه: يا حازم فهمني في ايه مش فهمه حازم: احكيلي الحصل بس واحنا في الطريق نورا: طريق لفين حازم: لأسر نورا بصدمه: ايه اسر!
حازم: انجزي يا نورا قولي حكيت نورا الحصل وكلام اسر ليها كله عند أسر كان بيشرب سيجارة و بيفكر هيعمل ايه بس رن الجرس قام يفتح وافتكر انه البواب اسر: حاضر يا عم مح... حازم حازم كان واقف و وراه نورا
خديجه لابسة بيجامه بيتي و رافعه شعرها و فاتحه اللاب بتشتغل عليه دخل عليها اياد اياد: مامي خديجة بصتله بسرعه ايه يا روحي اياد: عايز اروح النادي خديجه بصتله بإهتمام: ليه يا روحي مفيش النهارده تمرينات ليك اياد: عشان انا متضايق و زهقان لوحدي كده خديجه: بس النهارده اجازة ليا وليك و لبابا كمان نقعد سوا اياد: بس احنا مش سوا انتي شغالة وبابا بس من اللاب والفون..
طارق جيه من وراه بيضحك وشاله: ايه يا عم هو عشان مكالمه تعمل كل ده قولتلك هنلعب سوا دلوقتي بلاي استيشن خديجة: وانا خلصت وهدخل اعمل كيكه طارق: ايه ده لا لا انا هطلب من بره خديجه: يا روحي خايف علي تعبي اياد بضحك: لا يا مامي انتي بتعمليها وحشه اوي خطبه طارق بهزار وضحك خديجه: بقي كده طيب والله لادخل اعمل كيكه وهتاكلوها
وليد في كافيه مع معتز صاحبه و بيحكي لي عن اختفاء ملك معتز: وليد بس بالشكل ده هي مختفيه عن قصد لكن هي كويسة عشان بعد الشر لو هي كان فيها حاجه كنت هتعرف وليد بحزن و استغراب: وهي تعمل كده ليه انا عملت ايه عشان توجع قلبي عليها كده؟ معتز بأسف: مش عارف يا صاحبي بجد معرفش قطع كلامهم صوت رسالة علي فون وليد بص ليها بإندهاش وبص لمعتز معتز: ايه يا وليد ملك فيها حاجه؟
اسر: اتفضلوا ادخلوا حازم اتنهد ودخل و ماسك نورا في ايديه و دخلوا سوا اسر بص عليهم و أبتسم بسخرية اسر: خير حازم: انا دورت عليك كتير و ملقتكش ومعرفش انت خرجت ازاي من المصحه و... قاطعه اسر: ميخصكش كل ده انجز حازم رفع حاجبه لفوق: عندك حق فعلا ... جيت لنورا ليه ؟
اسر: وهي لسانها اتقطع مش عارفه تسأل ولا هاكلها حازم: وتتكلم ليه وهي اخيرا بقي ليها راجل اسر: ايوه صح راجل حرامي ... بس من الاخر انا بس عرفتها اني موجود عشان هاخد ابني واربيه حازم: تشوف ابنك تمام ممكن نظبطها لكن تاخده ده علي جثتي ضحك اسر بصوت عالي: أما نشوف و دلوقتي اطلعوا بره حازم بتحذير: متقربش من ولادي ولا من حازم..
اسر بغل: حازم ده ابني وانت نفسك فصلته عن ولادك وميشرفش ابني ان انت التربيه حازم ابتسم بسخرية: بجد امال يتشرف بأب قاتل و خارج من مصحه اسر بعصبية ووشه احمر: اطلعو بره برره حازم مسك نورا قدامه وخرج وأسر قفل الباب وراهم وخد نفس طويل و اتصل بالفون اسر: ايوه انا قولت كل الكلام سلام
د/أسعد: انتي عارفه انك بتضعفي و بتتعبي لما تخرجي صح ملك بإبتسامه باهته: صح بس عايزة اخرج مبحبش القعدة دي د/اسعد: حاضر الأنتي عيزاه بس ارجوكي متعمليش مجهود ملك: وعد يا دكتور حاضر
فايزة سندت ملك و روحوا و طلعتها اوضتها ملك: ماما اسر مرجعش فايزة: شكله لاء انا كنت معاكي ف المستشفي هعرف منين المهم ارتاحي انتي وعلي فكرة وليد كلمك كتير ابقي كلميه يا ملك ملك: حاضر يا ماما الصبح تصبحي على خير
حازم في العربية هو و نورا راجعين البيت و الاتنين بيفكروا في كلام اسر و نورا ساندة راسها علي الازاز و بتعيط حازم: انتي بتعيطي ليه حنيتي ؟ نورا: ايه البتقوله ده يعني مينفعش اني زعلانه علي حال ابني ولا هو فعلا مش ابنك هتهتم ليه حازم: انزلي وصلنا ومش هرد علي كلامك فتح حازم باب و وراه نورا شهقت و بصت لحازم الوقع المفتاح من ايديه و بصلها بخوف..
رواية لم تكن خادمتي الجزء الثالث بقلم أميمة خالد الفصل الرابع
الشقة مقلوبة وضلمه ومفيش اي صوت حازم قلبه دق جامد وخاف علي العيال و نورا رجعت لورا وبتبصله بخوف .. حازم: نورا خليكي انتي هنا وانا هدخل اشوف في ايه نورا بتحرك راسها بنفي: لاء طبعا انا هدخل اشوف ولادي حازم: طيب تعالي معايا دخل حازم بخوف وبينده... حازم ...حمزه ...حوور... يا حاز..
وقاطعه فتح الأنوار و صوت فراقيع و تورته وطلع يوسف اخوه من وراه وهو ميت من الضحك كل سنه وانت طيب يا زومي وعقبال مقلب السنين الجاية حازم بصله شوية مش مستوعب و بعد لحظات ضحك و جري وراه لوي دراعه... اعمل فيك ايه كنت هتوقف قلبي يارا: سلامة قلبك يا حازم كل سنه وانت طيب يا حبيبي ابتسم حازم: وانتي طيبه يا يارا..
يوسف قاطعهم بضحك بس ايه يا نورا روح الممثلة الجواكي دي انا صدقتك يا شيخه حازم بصلها مبتسم ورفع حواجبه .. لا يا شيخه كل ده بتمثلي نورا قربت منه وابتسمت ... مممم اكيد امال ولادي يبقي فيهم حاجه وهقف ساكته كده جري عليه حمزه و حورية وفي ايديهم هدية ... بابا كل سنه وحضرتك طيب..
قعد حازم علي ركبه حضنهم ... وانتو طيبين يا حبايبي ورفع عينه شاف حازم الصغير واقف بعيد و معاه هدية و متردد يجري عليه زي اخواته حازم ساب ولاده وقام هو راح لحازم ابن اسر و قعد جنبه ...ممم اعتقد الهدية الفي ايديك دي ليا مش كده حازم الصغير هز راسه بمعني ايوه: لحضرتك حازم: امال مجتش ليه تديهالي عمتا انا جيت اخدها مد حازم الصغير ايديه بالهداية... اتفضل..
خد حازم منه الهدية و حضنه وقاله في ودنه جملة خلت حازم الصغير وقف يبصله مبرء لثواني وبعدين نط حضن حازم وضحكوا اوي نورا وولادها كانوا متنحين للمنظر لان كلهم عارفين قد ايه حازم الصغير مبيحبش حازم الكبير و نورا بصت لحازم جوزها بقلق وهو شاورلها بحركه تطمنها وسهروا واتعشوا كلهم سوا و يارا ويوسف مشيوا عشان الطيارة هما كانوا جاين لاخوهم علي طول بس ومشيوا تاني يوم ال صبح بدري..
خديجة في الشركة مع طارق وبيشوفوا ورق وشغل باب المكتب خبط السكرتيرة: مستر طارق في واحدة بره عايزة حضرتك خديجه بإستغراب: واحدة مين اسمها ايه ؟! السكرتيرة: اسمها سماح..
طارق قام وقف بخضة: ايه سماح ! طيب روحي ودخليها كمان عشر دقايق كده خرجت السكرتيرة وقامت خديجه وقفت قدامه وبصتله بشك... مين سماح دي يا طارق طارق قرب منها بلطف وحط ايديه علي وشها... بتغيري عليا؟! خديجه: طاااارق طارق نفخ وسكت لحظات: دي ام اياد يا خديجة..
خديجه: برأت ايه امه ازاي انت مش جايبه من ملجأ وقولت ملوش أهل طارق رفع حاجبه وغير نبره صوته الهادية بنبرة شديدة: ليه شيفاني مختوم علي قفايا عشان اربي عيل مش من صلبي خديجه دمعت: يعني انت ابوه كمان ... كنت بتخوني..
في اللحظه دي دخلت سماح بعبايه سودا و طرحه سودا كبيرة و بشرتها خمري و عيونها واسعين فعلا نفس ملامح اياد خديجه بصتلها من فوق لتحت: انتي يا بت انتي كنتي خدامة عنده مش كده سماح بخوف: ايوه يا ستي..
خديجه ضحكت ضحكه عالية بقهر و استهزاء: ياربي معمول عمل مع الخدامين وشدت شنطتها وخرجت من المكتب وطارق واقف ثابت متحركش واول ما خديجه خرجت مسك الفون بتاعه: سمير مدام خديجه نازلة دلوقتي خليك وراها من غير ما تحس بيك... رفع عينه علي سماح اقعدي سماح: انا اسفه لو...
طارق بزهق: انجزي عايزة ايه فلوس ؟ سماح: لاء عايزة ارجع خدامه تاني طارق وهو بيقلب في الورق قدامه: تمام هشوفلك حد من اصحابي لو محتاج خدامة سماح: لاء لاء انا عايزة اشتغل عند ابني..
طارق رمي القلم وبصلها: عند مين يا حلوة ابنك... سماح متنسيش نفسك قضنا وقت لطيف متحلميش بيه في حياتك واخده فلوس قولنا ننسي بقي سماح بدموع: ده ابني مقدرتش انساه وبعدين انا هشتغل خدامه بس مش اكتر والله وصل مكالمة لطارق من سمير... طارق: والله تمام ماشي خليك وراها طارق بص لسماح بمكر وقرف:...
خرجت سماح بعدها بدقائق كان طارق جهز ونزل بهيبته و شياكته وراه رجالته طارق بزعيق: غوروا مش عايز حد همشي انا
عند حازم ونورا كان حازم جوه بيلبس و نورا مشت ولادها علي المدرسة بسرعه جدا ودخلت بعنف ورزعت الباب وكان حازم بيغني و ببرش برفيوم و لابس بنطلون چينز و تيشيرت و بليزر نورا: يا روحي واضح انك مش رايح الشغل..
حازم ضحك ولعب في شعرها: انتي قطة بتعرفي كل حاجه لوحدك نورا قلبت وشها جد: حازم مبهزرش هتعمل ايه انت و حازم الصغير حازم وهو بيلبس الساعة: نورا انتي خايفة علي ابنك مني نورا: انا خايفة عليك انت و حازم ... انا خايفة توديه لأسر ياخده مني..
حازم ابتسم بجانب: نورا فوقي الست البتروح لابنك المدرسة دي اصلا عمة اسر و كمان بتكرهوا فيا و في اخواته نورا تنحت: انت عرفت ازاي حازم: حبيبتي الحياه مش هبل كده لو محطتش عيني علي ولادي يبقي لازمتي ايه نورا: وانت عملت ايه حازم: انا جبت بنتها و زميلها يشتغلوا عندي ولسه معملتش حاجه نورا: هتأذيهم؟
قرب حازم عليها وحضنها: انا مبأذيش حد هحمي ولادي بس ...باس حازم راسها وخرج بسرعه جدا نورا اطمنت شوية ان جوزها مهتم بحازم ابنها و قعدت فتحت اللاب تكمل الشغل بتاعها البتعمله ومحدش في البيت خصوصا ان صممت يبقي كل وقتها لجوزها و ولادها ملك صحيت الصبح لقيت مامتها محضرة ليها الفطار و العلاج جنبه ابتسمت و قامت خدت دش و فطرت و مسكت الفون واستغربت جدا ان وليد مبعتش ليها مسدج ولا رن..
ملك لنفسها بلوم: اكيد زعل مني بس كده احسن انا اخرة مرضي الموت... رمت سارة الفون علي السرير ونزلت تقعد في الجنينه ولسه بتفتح باب البيت شهقت من الخضه ورجعت لورا ... وليد وليد كان قاعد مربع قدام الباب بتاعها وماسك ليها وردة في ايده وليد: اه وليد الأنتي مبترديش عليه ومطنشاه قولت اجي ابات هنا بقي ملك ضحكت: قوم بس قوم ... ماما شافتك؟
وليد بصلها وابتسم: هو انا غبي استنيت لما تمشي عشان ادخل... قولي بقي كنتي فين و مبترديش ليه وشكلك تعبان ملك وهي بتتوه بضحك: ابدا كنت بتقل عليك وليد بخبث: هو فيه اصحاب يتقلوا علي بعض كده ملك: ها الموضوع بس اني مكنتش في المود وانت عارف اني مبحبش اتعامل وانا مخنوقة وليد بصلها بصة هي مفهمتهاش بس اتاكدت انه مش مصدقها وليد: اطلعي البسي بقي هنخرج ملك: مش هنروح التدريب ؟
وليد بص في الساعة: لاء لو خفيتي نفسك نلحق نروح وربنا يستر ومنطردش بعد غيابك ده فايزة راحت لحازم المدرسة زي كل مره و قعدت سخنته و خرجت عشان تركب عربيتها كان حازم الكبير واقف ساند علي عربيتها اتخضت و رجعت خطوتين لورا ... انت عايز ايه..
حازم قرب منها: انا مش عايز حاجه انتي العايزة وعمالة تلعبي زي الحربايه في دماغ طفل صغير و تبوظي نفسته وحياته... ايه القرف الأنتي فيه ده فايزة رفعت حاجبها و اتكلمت بغل: انا القرف وحربايه وانت لما رميت ابن اخويا في مصحة وسرقت مراته وابنه ولبسته تهمه ده كان ايه حازم ضحك بسخرية: انا عملت كده فعلا ومين بقي حكالك الفيلم الهندي ده اسر؟! وكمان بتزرعيه في عقل طفل دمرتي نفسيته وحياته..
فايزة: حلو اننا كده واضحين وهتشوف ايه الهعمله فيك ... وجت تتحرك عشان تركب العربية مسكها حازم من دراعها كنتي فين كل السنين الفاتت وسيبتي اخوكي يموت لوحده شدت فايزة دراعها منه ومشيت حازم مسح علي شعره ب ايديه و كان داخل لحازم الصغير بس افتكر المشوار العنده و مشي جري يلحقه اسر نزل من بيته و هو لابس و نزل مستعجل جدا و متحمس اوي..
طارق فضل في عربيته مراقب خديجه والمعاها ولما بقيت لوحدها راح ليها كأنه لسه واصل خديجه بعياط: انت ايه الجابك هنا طارق بتمثيل الخوف واللهفة: بدور عليكي بقالي ساعتين يا خديجه خوفتيني عليكي خديجه: اوعي ملكش دعوة بيا طارق بجدية: كنتي قاعدة مع مين هنا خديجه بإرتباك: مع مين ايه كنت لوحدي..
طارق وكانه مصدقها ضحك ضحكه كدب ... يلا يا روحي متقعديش لوحدك تاني ومشاكلنا نحلها سوا كمان اياد زمانه رجع من المدرسة يلا وقفت خديجه تعانده بصوت عالي ... لاء مش هى.. طارق بعنف وصوت عالي: خديجه صوتك ميعلاش ويلا ... متنسيش انا مين انا مش زي الاهبل الكنتي متجوزاه والا كان زماني معدوم يا حبيبتي خديجه بصتله بخوف واستغراب ومشيت معاه و فضلوا طول الطريق ساكتين... خديجه لنفسها هقول ايه ما انا مبخلفش هاخدها من الناحية الإيجابية انه حب يجيب لينا طفل وخلاص بعدت عنه لازم احافظ علي بيتي وعلي طارق هو بيحبني..
نزلوا من العربية وجري عليهم اياد اياد: باابي طارق وطي عليه وحضنه وشاله: روحي جيت من بدري ولا ايه ؟ اياد: لاء انا جيت من شوية ... مالك يا ماما ساكته وبعيد ليه ؟ قربت منهم خديجة وهي بتحاول تبتسم طبيعي وعين طارق عليها بشكل مخوفها...
حازم رجع علي مدرسة حازم واستأذن وخده و ركبوا العربية حازم الكبير: انا شوفت فريدة النهارده حازم الصغير خاف وبرأ ... حازم الكبير: متخافش يا حازم انا هفهمك كل حاجه بس بعدين عشان وصلنا وقفت العربية قدام كافيه كله بلالين و شكله تحفه خد حازم الكبير حازم الصغير و دخلوا الكافيه حازم الصغير بص قدامه و رجع خطوتين لورا وهو حاطط ايده علي وشه...
رواية لم تكن خادمتي الجزء الثالث بقلم أميمة خالد الفصل الخامس
حازم الصغير بص قدامه وشاف الشخص البيشوفه في الصور بقاله سنين رجع خطوتين ورا وضغط ب ايديه علي ايد حازم الكبير اسر قرب منه شوية بس مش اوي لانه شايف خوفه وقعد اسر علي ركبه وسكت لحظات ... ازيك يا حازم ؟ حازم الصغير بلع ريقه وبص لحازم الكبير الكان متأثر جدا و حاول يبتسم يطمن حازم الصغير حازم الصغير: انت ..انت يا.. بابا..
اسر ابتسم وقام يقرب عليه: اه يا حبيبي تعالي اسلم عليك حازم الصغير مسك اكتر في حازم الكبير وكان خايف حازم الكبير: تعالي يا حازم نقعد ونتغدي راحوا قعدوا وحازم شاور لأسر انه يقوم واسر قام بحجه بيجيب ليهم الغدا..
حازم الكبير: ايه يا وزمي مالك مش ده باباك النفسك تشوفه من زمان ايه الحصل حازم الصغير: اه هو بس انا بشوفه في الصورة بس وعمري ما صدقت اني هشوفه بجد حازم الكبير: ايوه بس هو موجود فعلا وانت كان نفسك تقعد معاه وهو كمان بيحبك ونفسه تقعد معاه حازم الصغير: حاضر..
خديجه في البيت كانت قاعدة في اوضتها سرحانه طارق دخل عليها مبتسم: ايه يا حبيبتي قاعدة كده ليه خديجه قالت من السرحان: ها ولا حاجه عادي طارق: طيب النهارده كان فيه شغل انتي مخلصتيهوش في الشركة ياريت تعمليه بدل ما انتي قاعدة كده فاضية خديجه: طارق انت مبقتش تحبني مش كده؟
طارق لنفسه ...بدأنا شغل الستات البيجيب صداع ده طارق بحنية: ازاي يا حبيبتي تقولي كده انا محبتش غيرك من زمان وانتي عارفه انا حاربت الموت والحبس والإعدام عشان مخسركيش ازاي تقولي كده بس.. كل الحكاية حبيت يكون عندنا ابن ويبقي من دمي فعلا و بأسمك انا واثق انك بتحبيه يا خديجه مش كده خديجه بدموع: طبعا بحبه وبحبك..
طبطب طارق عليها و حضنها وهو بيبتسم بخبث في الشركة ملك ووليد دخلوا خايفين ليطردوا بس طلع في أمر انهم يكملوا عادي ويدخلوا و ملك ووليد ماشين في الشركة لحد مكتبهم وليد: احمدي ربنا ان دخلنا و المدير طلع متسامح ملك: يا ابني هما هيلاقوا زينا فين يتدرب عندهم وليد بضحك: يا سلام علي الثقة اما... وقطع كلامه وجود " اسراء " قدامه خطيبته سابقا السابها عشان بيحب " ملك " وليد: اسراء بتعملي ايه هنا..
اسراء ربعت ايديها وبجدية: أستاذة اسراء انا مديرة هنا للقسم الحضرتك و حضرتها هتدربوا فيه و التأخير والغياب عليهم حساب طبعا اتفضلوا المهندس الهناك ده عشان تعرفوا شغلكوا وبصت ليهم بقرف ومشيت وليد حط ايديه في شعره: يالهوي انا ازاي نسيت ان هي شغالة هنا ملك: ناصح دي هتطلع علينا القديم والجديد هنا انا خايفه..
اسراء من بعيد بزعيق: الاساتذة البتدلع وسايبه الشغل جريوا من مكانهم وراحوا للمهندس القالت عليه وفعلا خدوا كمية شغل فوق طاقتهم اسر مع ابنه في حديقة قاعدين علي دسك و حازم في ايده ايس كريم وبيبص لأسر كل شوية واسر عينه منزلتش من عليه اسر بحنيه: انت عارف ان نفسي اشوفك من زمان حازم: ماما قالت انك مسافر بس... اسر: بس ايه؟
تيتا فايزة: قالت إن اونكل حازم دخلك مستشفي وقال عليك مجنون و كان عايز يموتك اسر: لا لا كل كلامها ده غلط بدليل هو جابني ليك و قاعدين سوا اهو حازم سكت شوية: طيب و ماما اتنهد اسر لانه هيدخل في نقاش مش عايزه ... مالها ماما حازم: هتسيب اونكل حازم و اخواتي وترجع تعيش معايا انا وانت اسر: مممم لاء طبعا حازم: ليه؟
اسر: عشان انا شغلي بره وبسافر كتير اوي حازم بحزن: يعني هتسافر تاني ومش هشوفك؟ اسر: لاء مش هيبقي كتير زي زمان طبعا وهفضل انا وانت سوا ... يلا تقوم نكمل اليوم كفاية رغي نورا قاعدة مع ولادها ومستنيه حازم جوزها و حازم ابنها وهتتجنن وسرحانه فاقت علي صوت تكة الباب و حازم جوزها داخل لوحده بيضحك في الفون مع ليلي ممته ورفع عينه لقي المتوقعه نورا بصاله وعينها بتطلع شرار ابنها مش راجع معاه!... قفل حازم مع ممته..
حازم: مساء الخير نورا بعصبيه: فين ابني قرب حازم منها وبهدوء: تعالي ندخل نتكلم جوه نورا بعصبية وصوت عالي: انا مش هتحرك من هنا بقولك فين ابني حازم بص لأولاده وقتلهم يدخلوا وبعدين بصلها احط ايده في جيبه وببرود: حازم مع ابوه نورا فضلت واقفه مش مستوعبة وعينها مدمعه وبعد دقيقتين ... انا امنتك علي ابني وانت محفظتش الامانه حازم: افهمي..
نورا بزعيق: وانت مالك ده ابني وابن اسر يعني الموضوع بره عنك ولا انت لازم تاخد دور البطل الشجاع البيحل المواقف و مرجعتش حتي لصاحبة الشأن ولا صحيح انا الخدامه احمد ربنا انك رضيت بيا و... حازم بصدمه و زعيق قاطعها: شششش اسكتي اسكتي خالص مسمعش حرف تاني دخل حازم اوضته خد دش و برشامه منوم و نام يوم جديد الساعه ٨ الصبح..
صحيت خديجه من النوم علي صوت اياد ابنها ومكنش طارق جنبها ولا في الأوضة اياد: ماما اصحي شوفي بابا جاب واحده هتعمل الاكل مع عمو ابراهيم خديجه وهي مش فايقة: ازاي يا حبيبي وانت عارف ان مش يشغل بنات هنا اياد ببرأة: والله يا ماما هي تحت حتي بابا قاعد معاك..
اتنفضت خديجة من مكانها: نهار باباك مش طالع يا حبيبي خليك هنا متنزلش...قامت جري لبست الروب ونزلت والتوقعته لقيته ...ومقالتش غير جملة واحدة ليه كده يا طارق ؟! في شقة حازم ونورا و حازم نايم مهدود...حورية بخضه: بابا بابا بابا حازم مخضوض: في ايه انتي كويسة حورية بدموع: ماما مش هنا مش موجودة في البيت حازم خبط بايده علي دماغه من تصرفاتها وقام جري يلبس... حورية انا هنزل اشوفها اوعي تتحركي من هنا انتي واخوكي...
رواية لم تكن خادمتي
