<article> ١- الملابس ألموجوده بدولاب ملابسج اتكون مو مناسبه ألج يعني ممكن أتكون مو على ذوقج أو موديلها قديم أو ممكن ايكون قياسج اتغير سمنتي ضعفتي أو يمكن ذوقج وطريقتج باللبس اتغيرت وهذا شي طبيعي ف بنات لازم كل فتره تفتحين دولاب ملابسج وتشوفين شنو الموجود عندج طبعا راح تلكين قطع إنتي نهائيا محابتها وماخذه مكان فالأفضل تستغنين عنها .<a name=\'more\'></a> ٢- الملابس أتكون مو مناسبه لأسلوب حياتج , يعني مثلا أتكونين طالبه كليه واغلب الملابس الي عندج كعب وتنّورات طبعا هيج شي مو مناسب ألج لان بالدوام المفروض اتفكرين اتلبسين ملابس مريحه وعمليه أو ممكن تشتغلين بوظيفه لازم يوميه تلبسين لَبْس رسمي ف ميصير دولابج اغلبه جينزات وتيشيرتات ملونه واحذيه رياضيه ف المفروض كل وحده تختار ملابس تناسب ظروف حياتها .٣- أتكون اغلب ملابسج على الموديل ومن ايروح موديلها مراح تلكين شي تلبسي خصوصا اذا جان الموديل ميشبه ذوقج يعني مثلا السنه موديل اللون الأصفر وانتي متحبين اللون الأصفر بس عاجبج اتجربين الموديل ف أحسن حل تشترين قطعه وحده حتى من ايروح موديلها تكدرين تستغنين عندها بدون متخسرين هوايه فلوس على الفاضي .٤- يمكن اكو خلل بالطريقه الي تشترين بيها الملابس يعني مثلا ممكن تشترين قطعه على أساس تلبيسها من تضعفين وبالأخير لا راح تضعفين ولا راح تلبيسها أو يمكن تشترين قطعه بس إنتي ما عندج قطعه مناسبه إلها بدولابج يعني مثلا تشترين قميص راقي لازم ينلبس على بنطرون رسمي او تنوره وانتي دولابج كله بناطير جينز ف من اتصير مناسبه وتريدين اتلبسين القميص راح تتفاجأين ما عندج بنطرون أو تنوره مناسبه اله وراح يبقه موجود بدون فائده .٥- مشكله الاستعجال بنات اذا عندج دوام المفروض من يوم الجمعة اتحضرين لَبْس أسبوع كامل وتكوي هذا راح ايوفو عليج هوايه وقت ,وإذا عندج مناسبه لازم على الأقل قبل أسبوع تبدين ادورين على لبس مناسب يعني حاولي لتبقين لاخر لحظه لان احتمال متلكين شي ايناسبج او تضطرين تلبسين شي مو كولش مقتنعه بي . </article> https://archive.janatna.com/